و عليكم السلام و رحمة الله و بركاتة أخوي مغرد في تويتر
بجانبك على الأسئلة اللى اقدر عليها و بحكم ان جدولي لزيارة ماليزيا بالضبط مثلك من حين عدد الأيام و التنقلات و بالنسبة للسكن في كوالالمبور ليلة و الله اقترح عليك انك تسكن في سيلانقور ليلتين افضل علشان ترتاح من عناء الرحلة المتعبة و تتمشى في سيلانقور و بعدين تبدأ التنقل. و ترا سيلانقور ما تبعد عن كوالالمبور الا 45 دقيقة تقريباً
1- بالنسبة للاتصال و الشريحة اغلب الأعضاء يقولون شريحة اتصال من شركة سيلكوم اشتريها من المطار بس انا بحثت عنها اول ما وصلت إلى مطار كوالالمبور و لا لقيتها
و أخذت شريحة من شركة MAXIS عندى شرائح اسمها Hotlink لونها احمر مجربها و الله ممتازة للاتصال و تقدر تشحنها بمبلغ و تشترك في باقة النت اللى تبي
2- المواصلات اول ما توصل مطار كوالالمبور و تطلع من الجوازات و العفش توجه إلى المكتب الخاص بتكاسي المطار و اطلب تاكسي إلى الفندق حقك و يعطيك إيصال و يوصلونا إلى الفندق و احذر من السواقين اللى يستقبلونك عند الباب و انت طالع و حتى لو عرض عليك سعر رخيص ما عليك منهم اتركهم و خذ تاكسي رسمي
3- بالنسبة إلى بينانق و لنكاوي اعتقد ان الأيام توزيعها حلو و لو زدت لنكاوي يوم ما يمنع لانها بصراحة تستحق الزيارة و لا يفوتك رحلة المانقروف فيها
4- طبعاً تقدر تروح لها من اول النهار لانها تفتح الساعة 10 الصبح إلى الساعة 6 المساء و لكن أخوي تجنب تروح لها في عطلة نهاية الأسبوع السبت او الأحد لانها بتكون زحاااام كثير
5- نفس الشئ تقدر تزور جينتق نفس اليوم من كوالالمبور و ما تحتاج إلى المبيت فيها و لكن أيضاً تجنب عطلة نهاية الأسبوع بسبب الزحام الشديد فيها
6 بالنسبة للفنادق اللى في لنكاوي و بينانق عاد و الله ما سكنت فيها و لكن الإخوان ممكن يفيدونك عنها و بالأخ وافي ما راح يقصر معاك الله يجزاه خير على جهوده معانا
تمنياتي لك برحلة سعيدة أخوي و بالتوفيق
رد مع اقتباس
المشاركة الأصلية كتبت بواسطة الراهــــــــي
المفضلات