لأه .. بئى !! معلهش !!
لأه بئى .. ما ينفعش !!
أنا حينما أتحدث عن الكباب والكفتة واللزي منو ؟؟ يبقى حد خبير وعليم بذات القدور بيتكلم مش أي حد لا مؤاخزة
أنا أكلت كباب وكفتة في كل حتة في البلد دي لحد عند الكببجي بتاع سوفوتيل الجزيرة اللي كل الناس الرايقة الراقية بتاكل عنده من سفراء ووزراء وانا شفت بعيني محدش قاللي
ولما يتكلم الحد ده اللي عليم بذات القدور؟؟ يبقى لازم تقعد وتسكت وتسمع وقول اوكي يا باشا اوكي يا باشا اللي بتقولوه حضرتك اللي بتشوفوه حضرتك
آآه عشان النهرضة أنا هقول لكم كلام عايز له شوية تركيز وانتباه مع شوية اصغاء برضك
آآه هو ابو رامي كببجي جميل وزي اللوز وما فيش احسن من كده يا معلم آآه زي ما بقول لك كده
آآه هو الكببجي بتاع سوفوتيل حاجة عظمة على عظمة يا مولانا وتاكل احسن كباب وكفتة وتتكيف وتبقى تمشي من عنده وانت مش قادر تمشي زي العالم والناس قد ما انت مستكيف
آآه المنوفي فرحات ابو شقرة ... الخ الخ كلهم كببجية زي الفل ومية وردة
آآه ولكن ....
احنا بنتكلم النهرضة عن "ملك الكباب والكفتة" !! نعم ملك الكباب والكفتة في كوكب الارض وما جاورها بلا منازع
اسمع انت وهو وهي .. اللي ما كلش عند الرفاعي يبقى يسمع الكلام وهو ساكت وما يفتحش بقه خالص مالص ولا بكلمة وحدة ومش عايز اسمع اي كلمة
آآه زي ما بقول لكوا اسمع وانت ساكت ولما تاكل عند الرفاعي بئى يبئى تعال قول لي انت كداب !! و فوشي
لو كان كلامي مش صحيح ولو كان كلامي اهوه كلام زي أي كلام بيطير في الهوا
لكن انا عارف انك لو اكلت عنده وقابلتني او قريت كلامي هتعيط لانك حقيقي هتفتكر طعم الكباب والكفتة والنيفة اللي اكلتها عند الرفاعي الله يمسيه بالخير
آآه زي ما بقول لك أصلي انا كلما رحت الرفاعي وجه الكباب واللزي منهو أقعد أعيط !! آآه آكل وأنا أعيط من شدة لذة طعم الاكل ده حتى صرت اتهمه انه يحط في الكباب شوية عسل او سحر او مش عارف
يا جماعة
انا بقول لكوا وانا بكامل قواي العقلية اللي مكلش كباب وكفتة عن الرفاعي يبقى مع احترامي مكلش كباب فحياتو
المرادي زرتو مرتين
مرة لوحدي واكلت وعيطت بس المكان كان فاضي خالص مالص لأني زرته متأخر قوي ولقيتها فرصة وقعدت اصور الحيطان المليانة صور مشاهير من زباين الرفاعي وانا قريب قوي هعلق صورتي معاه وهتشوفوها قولوا يا مسهل بس
والمرا التانية معي صديق مصري كان بياكل وهو زي المسطول مش مصدق كلامي قبل ما يدوق الكباب بتاع الرفاعي
أعود واعيد واكرر مش هسمح لأي حد خليجي او حدة (يعني ست) خليجية تزور القاهرة وما تاكلش كباب وكفتة ونيفة عن الرفاعي
او هضرب في الكباب قصدي في المليان
بقى أقول لكوا ان كبابجي محمد رفاعي في مدينة القاهرة حي السيدة زينب مقابل الجامع بمكان يعني مش اد كده شوية وهو رافض فكرة الانتقال الى مكان ارقى واوسع واسهل لوصول الناس اليه ، لأنه يعتقد أنه حظه ونجاحه وشهرته التي طبقت الافاق هو بسبب هذا المكان الذي له به خمسين سنة منذ كان على عربة
ولو عايز معلومات اكتر عن الرفاعي؟؟ خشhttp://www.almasry-alyoum.com/articl...ticleID=112681
ارقام التلفونات
0020223906996
0020223926159
00201023344278
تعالوا بقى وانا حبيبكوا جايب لكوا شوية صور اوريها لكوا
ده بقى صحن الرفاعي
انت بس طنش وما تدقش ومالكش دعوى صحن مكسور شوكة عوجا هو انت هتاخدهم معاك البيت؟
انت هدي نفسك بس وقول يا هادي
ودي سلطة ومقبلات بقى
انا لما شفت صاحبي مد ايده عالسلطة عايز ياكل منها صرخت فيه صرحة اتلم عليه اهل الحتة كلهم واتخض خضة جامدة وقلت له حاسب !! هو حد جاي عند الرفاعي وياكل سلطة؟
دي مش عارف الويتر قال اسمها ايه مش عارف مية سلطة او شوربة سلطة
انا ولا افكر امد ايدي على غير خبز كباب الرفاعي وكباية شاي وبعد الاكل رز باللبن
العيش
نيجي بقى للملك
زوم عالملك
جوانب من المطعم من الداخل وصور زباين الرفاعي
وهتشوفوا صور احمد زويل ونجوم الفن والاعلام والرياضة وقطط السيما وكل حاجة
ولما تاكل عند الرفاعي
أنا عارف ان اول حاجة هتفتكرها انا وهتدعي لي جامد
يا عالم عليه طعم؟؟
ما ينوصف
مواضيع عشوائيه ممكن تكون تعجبك اخترناها لك:
- بعد صراع طويل قررت السفر
- ابي اتعالج
- سوليدير جامعة الدول
- استفسار الحجز عن طريق النت؟؟
- رحلتي إلى العين السخنة فندق ستيلا دي ماري
- ممكن خايف من الوزن الزايد ممكن احد يجاوبني
- الاسكندرية في عيد الحج
- السفر برا إلي مصر من جده ان شاء الله لقضاء اجازه عيد الاضحي المبارك
- كلي آمل من بعد الله بمساعدتكم لي الله يخليكم لعين ترجيكم
- لمن سافر الى شرم الشيخ قريبا؟؟
- هديتي الجديدة إلى زوار مصر هذا العام
- بعض الصور من رحلتي الى مصر دون تعليقالصور تتحدث
- اين يمكن ايجاد شقق فندقية بشرم الشيخ
- اهل الخبرة بشرم الشيخ
- ارخص فندق فى شرم
- يوم الاحد ماعلى احد من احد
- ما افضل حي لشراء شقة الرحاب او اكتوبر
- الله يجعل من يفيدني جنات النعيمبخصوص جامعات مصر
- محتارة ياناس
- رائيكم في مصر للطيران
المفضلات