الموضوع: نطلب الفزعه من اهلها

السلام عليكم في البدايه
اقدم تحياتي لهذا المنتدى النادر والجوهر بمافيه جميع اعضائه الكرام اصحاب البصمات الواضحه والراسخه لكل مسافر
يا اخوان انا مسافر شهر عسل دبي وحجزة في فندق اسمه Le Méridien Fairway
وياليت احد يقدر يساعدني ويعطيني معلومات عنه وعن مستواه انا حجزته عن طريق النت وفيها شبه مغامره
واللي يحب يخدمنا في برنامج لمدة اسبوع في دبي يصلح حق عريس طازه
نكون له من الشاكرين
والله يعطيكم العافيه

مواضيع عشوائيه ممكن تكون تعجبك اخترناها لك:

• خبرااااااء السفر إلى الإمارات كم تكلف الرحلة عااااااااااااااااااجل
• اللي يعرف اي شي عن دبي واماكنها السياحيه يساعدني
• لخبراء السينمات بدبي الرجاء المساعده
• استفسار عن طيران سما من الرياض للشارقه
• من الافضل؟ ماالاقرب
• تجربتي في مطعم ألماظ من مومو
• برنامج السفر الي الامارات لمدة ايام
• ابغى اماكن بدبي غير الاسواق
• يا أهل أبو ظبي ممكن مشورتكم
• معلومات سريعة
• دبي استفسارات
• استفسار عن مطاعم برج العرب
• ان شالله طالعين انا والعيال في اجازة الحج دبي
• اول مرة بنسافر دبي ومحتاسين حييل مو عارفين وين نروح
• الخطوط القطرية ترفع معدل رحلاتها الدوحة دبي
• صور دبي
• وين احصل الناطق
• مكتب تاجير السيارات بدبى لم يرجع لى التامين
• مقيم فرنسا
• ذا دستركت التسوق الفاخر بأبوظبي بالصور

الفندق صغير و مجدد و موقعه مو مميز لشهر عسل. لكن لو حسبوه عليك برخيص تصير مبلوعة شوي.
البستان روتانا مايبعد عنه شي و لقيته على النت ب 500 درهم
و الإخوان يمدحون بالكراون بلازا فيستفال سيتي و موقعه أهدى و جديد طازة على رأيك و سعره 650 درهم
ومبروك الزواج
.

مرحبا اخوي المسافر الاخير
اولا اشكرك على تفاعلك وردك السريع
والله يبارك فيك وفال لك انشاءالله
الفندق عطونياه 360 درهم لليل الواحده نوع الغرفه دويلكس
ياليت لو تذكرلي موقعه يعني مطل على بحر شسم المنطقه اللي اهو فيها وشنو قريب منه من مجمعات
لاني احتمال اغيره اذا مش ولا بد
بصراحه كنت ادور فندق ستي سنتر اللي في المجمع
بس مالقيت سايت الفندق
ومشكور على تعاونك معاي
ولاهنت

360 سعر ممتاز لمريديان
فندقك ما يطل على البحر. هو موجود في منطقة القرهود و يطل على الطريق اللي يربط دبي بالشارقة.
السيتي سنتر بينك و بينه أقل من كيلو.
و بينك وبين الخور يمكن 2 - 3 كيلو
الفندق اللي بالسيتي سنتر اسمه سوفيتل سيتي سنتر و هذا موقعه:
http://www.sofitel.com/sofitel/fiche...he_hotel.shtml

السلام عليكم


بالبركة عليكم الله يسعدكم إن شاء الله




غرف فندق Le Méridien Fairway












سعر السوفتيل مش أقل من 900درهم


إذا ناسبك سعر لكراون بلازا أحجزه من النت ب500درهم ، فندق ممتاز وجديد ، وملاصق للفستفال سنتر

http://www.arabtravelersforum.com/travel202780/





الأماكن السياحية:

اليوم الأول:

-تقدر اتروح الإمارات مول تتغدى فيه -على شارع زايد - مول كبير وحلو ، فيه سكي دبي (الحديقة الثلجية) يستحق الدخول. وإذا تحبون السينما.

مساءً الذهاب لسوق مدينة جميرا :24: يستاهل الزياره مكان رائع ورومانسي ، عندهم عدة مطاعم اطل عالنهر الصناعي.
(مسافة 10-15 دقيقة عن الأمارات مول)وقريب جداّ لبرج العرب






اليوم الثاني :

-ابن بطوطة مول ديكوراته حلوه ، تتغدى فيه

- مساءً الذهاب لمطاعم المرسى(المارينا) عدة مطاعم وكوفيات أطل على بحيرة بها مرسى لليخوت عندهم جلسات داخلية وخارجية. وحلو أيضاً للتمشية.

(مسافة 10-15 دقيقة عن ابن بطوطة )






اليوم الثالث:

-الفسفال ووتر فرونت سنتر ، تتمشون فيه وعندهم عدة مطاعم وكوفيات اطل على القناه المائية.

وأيضاً مطاعم آخرى فالطابق الثاني اظن.


-مساءً جولة بحرية مع عشاء في مطعم البوم الشخص =120درهم

(يبعد مسافة 15دقيقة عن الفستفال)






اليوم الرابع:

إذا تحبون اتزورون إمارة الشارقة

-مركز صحارى قريب جداً من دبي

-وبعدها مربى للشارقة للأحياء المائية

-مساءً قناة القصباء.





اليوم الخامس:

-اختارو إلي يناسبكم الأماكن عديدة.

- سوق البحار جديد قريب من برج دبي، على شهر 8 بيفتحون فيه كوفي شوكلة بار ، كله ايسكريم وكيك بالشوكلة. عندهم فرع فالكويت.


-الباص البرمائي جولة في دبي ثم ينزل للبحر .


-الكافية الثلجي قريب من الإمارات مول يستحق التجربة.



-جميرا بيتش ريزيدانس (The walk) مطاعم وكوفيات



-إذا تحبون ادشون عروض عرض الدلافين في نظري ممتع للكبار والصغار في حديقة الخور ، وأيضاً فالحديقة تقدرون تركبون التلفريك.




الرابط فيه معلومات أكثر بالصور:
http://www.arabtravelersforum.com/travel191790/



رحلة سعيدة بإذن الله



.

أنا سكنت في هالفندق
فندق صغير ونظيف .. بس مافيه اي درجو من الفخامة

شوف Four Points by Sheraton Downtown Dubai
أنا خذته بسعر 390 درهم

انتظر تقريري عنه

مرحبا اخوي Smart
الله يبارك فيك والفال لك انشاءالله وتسلم على المرور

يامرحبتين اخوي خبير الامارات
في انتظار تقريرك ماننحرمش من جهودك ياخبير

اختي بنوتة الامارات
بالنسبه حق فندق كراون بلازا
السعر 500 درهم في اي سايت موجود هالسعر
وهالسعر على غرف الستاندر او دولكس شامل الضرايب
نرجو الافاده وجزاج الله عنا ألف خير

وقبل ما انسى في في فندق اسمه Le Meridien Deira
مطرشين لي ايميل بس ماعرف عنه شي اذا عندج خبر عنه
وسلامتج يالغاليه

بنوتة الإمارات مو من شوي صارت مشرفة الإمارات. أنا إذا شفتها في موضوع أرفع يدي عنه لأنها بتجيب لللمستفسر زبدة الزبدة.
و أخونا watcher ما شاء الله عليه موسوعة.
يعني يا عريس اطمن أنت في أيد أمينة. و بالنسبة لل Le Meridien Deira فخذها قاعدة في دبي.. اذا سمعت ديرة فتوقع ازدحاااام.

أخوي انا سكنت بالفندق قبل و ما انصحك فيه لأنه ابدا مو حلو أنا ما عجبني بس انصحك بالفنادق الجديدة مثل كراون بلازا فاستيفال سيتي او حبتور قراند او القصر جميرا هاذي الفنادق الراقية بس الفندق افضل ما فيه ان السرير جدا مريح بس الفندق صغير مرة بس اذا تبي فندق يناسبك لشهر العسل ما انصحك فيه انصحك بفندق القصر جميرا او جروفنر هاوس او حبتور جراند لأنهم جدا راقين و خدمتهم كويسه و غرفهم وسيعة و حلوة بس بالنسبة لي انا هالسنة مسافر لدبي و رايح لفندق كراون بلازا فاستيفال سيتي

مرحبا اخوي المسافر الاخير
بصراحه مادام الواحد بينكم ماعليه خلاف وماتقصر لا انت ولا كل الاعضاء بيض الله وجيهكم


اخوي عزف الدموع اشكرك على نصيحتك وراح آخذها بعين الاعتبار
وبصراحه كل الاخوان انصحوني بفندق كراون بلازا
يقولون سعره بالنت 500 درهم بس للأسف لاالحين ماحصلة هالسيات اللي فيه هالسعر
لان حصلة بموقعهم اقل غرفه بدون اطلاله 700 درهم من غير الضرايب
ياليت احصل السايت اللي تقول عنه بنوتة الامارات
وشكرا على الفزعه

ولووووووووو المسافرجي احنا اخوان و ما يحتاج تشكر و احنا بالخدمة متى ما تبي

مرحبابك اخوي

السموحة عالتأخير


من هالموقع :booking.com موقع معروف وثقة ، ولو إني أشوف زادوها 50


http://www.booking.com/airport/ae/DXB.html?aid=1329869


______________________________


اخوي الكريم المسافر الأخير

تسلم على كلامك الطيب

يزاك الله خير



.

مراحب اخوي دموع الحزن يسعدني كلامك ويشرفني هالمنتدى باعضائه العسل اللي مثلك وماقصرة حبيب قلبي

اختي بنوتة الامارة
يامرحبتين وسهلين تسلمين اختي وماقصرتي ومسموحه ولامن تأخير طال عمرج
ونتي ماشاءالله عليج وين تلحقين كل موضوع او استفسار لج بصمه فيه الله يقويج ويخليج لنا يارب
ولاهنتي على السايت مشكوره

مراحب اخوي دموع الحزن) يعني عزف الدموع خطأ مطبعي سوري
يسعدني كلامك ويشرفني هالمنتدى باعضائه العسل اللي مثلك وماقصرة حبيب قلبي
وسامحني على الخطأ المطبعي ولاتسألني شلون كتبت دموع الحزن)