الموضوع: من روائع ضاحية العدليةمقاهي ومطاعم شـارع الـشيراوي تقرير مُصور وحصري موضوع رائع

يـــــــا هــــــلا وسـهـــــلا فـيـكـ ـمـــ ..

راح أخذكم اليوم في جولة قمت بها يوم الأحد 7 يونيو 2009 لمنطقة من أحلى مناطق العدلية واللي تم تعديلها وتطويرها مؤخراً لتصبح واحدة من أجمل مناطق البحرين في المشي وتناول ألذ المأكولات وأطيبها في هـــــــدوء شـ ـبـ ـه تام ..

هذي المنطقة هي شارع يوسف الشـيـراوي في ضاحية العدلية - مدينة المنامة ..

في الحقيقة هذي المنطقة إدارياً حسب تقسيم إدارة نظم المعلومات الجغرافية بالجهاز المركزي للمعلومات تتبع منطقة القضيبية ، إلا إنها معروفة عند القاصي والداني في البحرين وكل من يزور البحرين بأنها العدلية .. ومشت هذي التسمية بكل تأكيد .. لكي تسهل الصورة هذي المنطقة الواقعة بالضبط في الجهة الخلفية من فندق الخليج ..

الحين راح أحاول أدلكم بصورة أوضح .. للي قادمين من المطار عليهم أخذ شارع المطار في المحرق مباشرة الى الأمام حتى الوصول إلى جسر الشيخ عيسى بن سلمان الي يربط المحرق بالمنامة عبر البحر ، بعد الانتهاء من الجسر الانعطاف على طــــــــــــول يسار ومن ثم المسير الى الامام .. أول إشارة اتركها وواصل أمام .. ثاني إشارة اتركها وواصل أمام .. ثالث إشارة راح تكون إشارة جامع الفاتح الي لو انعطفنا يسار راح ندخل منطقة الجفير ،،، لذلك لازم ناخذ هذي الإشارة يـمــيـــــــــــــــن .. بعدين نواصل المسير مسافة 200 متر الى الامام راح تصادفنا إشارة ضوئية نعديها الى الامام وبعدها بحوالي 100 متر إشارة ثانية .. هذي الإشارة ناخذها دوان عكسي ( يو ترن ) وبعدين ندخل أول انعطاف على اليمين راح نكون في ( شارع يــــــــوســـــف الـــشــــيـــــراوي ) الي راح نستعرضه الحين بالتفاصيل والصور :wink: ..
..
طبعاً ما راح نطول في الكلام وايد .. هالمنطقة كانت قبل 40 سنة مجموعة كبيرة من المزارع وبساتين النخيل المجاورة لساحل البحر اللي كان فندق الخليج يطل عليها مباشرة .. أما اليوم وبسبب استراتيجية موقعها وأهميته الـقـصـوى تم استغلالها في العديد من المشاريع الي سببت في امتداد عمراني رهيب إليها .. وطبعاً تعتبر هذي المنطقة من المناطق البحرينية السياحية الواقعة في محافظة العاصمة - المنامة ..

تحتوي على كم كبير من الفنادق والشقق والمطاعم والمقاهي .. ولكن احنا الحين في صدد الحديث عن مجموعة من المقاهي والمطاعم الفخمة الي يضمها هالشارع .. طبعاً هذي المطاعم والمقاهي أغلبها كان موجود قبل عملية التطور الأخيرة لهذي المنطقة .. إلا أن عملية التطوير جعلت من المنطقة منطقة سياحية درجة أولى سواء من حيث ما تحتويه أو من حيث الترتيب والتنظيم وتنسيق الطرق والمباني المحيطة .. واحنا بدورنا نقول لوزارة البلديات ووزارة الأشغال كفو عليكم شـغـل حــلــو ومرتــب محتاجين مثل هالمنطقة تماماً في ضاحية السيف ..

كنت حريص أعرض خريطة من موقع google earth لكن مع الأسف التحديث الي عندي لتاريخ 31 مارس 2007 يعني أكثر من سنتين وهالمنطقة مثل ما قلت تطورت وايد عما كانت عليه قبل سنتين لذلك أتمنى أن موقعها صار معروف .. وللي الأخوة القادمين من جسر الملك فهد عليهم أخذ الشارع على طــول إلى الأمام لا يمين ولا يسار .. حتى الوصول إلى أعمال إنشائية أعمال إنشاء جسور .. المواصلة الى الامام بعدها أعمال إنشائية أنفاق وجسور .. المواصلة الى الامام حتى الوصول إلى إشارة ضوئية عند ميناء سلمان تاخذونها يسار وبعدين تواصلون إلى الأمام وتعدون أول إشارة وثاني إشارة تاخذونها يسار .. تواصلون إلى الأمام وتعدون أول إشارة .. ثاني إشارة أخذوها دوان عكسي ( يو ترن ) بعدين أول انعطاف يمين راح تكون المنطقة المذكورة ..
..

على بركة الله ..

طبعاً أول شي نلاحظ وجود لافتة بها رسم تخيلي لمشروع تطوير المنطقة على غرار الداون تاون .. وفي الواقع حسب رايي الشخصي التصميم أحلى مما هو في الرسم وهو من النادر أن نشوفه عادة الرسوم تكون أشياء خيالية والواقع غير .. لكن أن يكون الواقع أحلى من الرسم هالشي أكيد مثالي ..

اللوحة التالية راح تلاحظونها في بداية الشارع ويتضح في الخلفية شيء من فندق الخليج ..

مواقف سيارات رحبة وفي أكثر من موقع .. بس العديد من الناس يفضلون يوقفون على جنب الشارع على أساس القرب من المقهى أو المطعم .. هالشي تمام .. لكنه مشكلة عظمى يوم تكون الدوريات نشيطة في هالمنطقة











سيارات الإجرة تتواجد في المنطقة ولكن ليست بكثرة .. المنطقة ليست مزدحمة لأن ليس بها سوق للتبضع يعني منطقة مقاهي ومطاهم .. لذلك راح نلاحظ هدوءها في الصور التالية .. إلا أن شارع أسامة بن زيد يرتبط بالمنطقة من ناحيتها الشرقية ويعج بالازدحام ..










المنطقة ترتيب عل آخـر ..





مقاعد للاستراحة في كل مكان وبين كل خطوات نجدها على أكتاف الشارع ..

متابعين ..

..

مواضيع عشوائيه ممكن تكون تعجبك اخترناها لك:

• مجبوس سمك بحرينى
• البحرين الان
• نداء عااااجل لاهل البحرين للشاليهات
• سؤال مهم ارجو الرد
• الفزعه
• حلويات شرقيه
• انا في البحرين اريد شقق اسعارها مناسبة جدا مو اكثر من دينار انصحوني بسرعه
• قصر عيسى في المحرق عبق التاريخ الحاضر
• استفسار عن محلات الجلابيات
• تحت ظل شجرة الحياة
• فندق إيليت جراند
• محتاج فندق قريب من فندق الخليج عندي دوره وفندق الخليج غالي
• دخول الخادمة إلى البحرين
• يا اهل النخوه فزعتكم تكفو،،
• عــــــاجل للأخوان البحرينيين
• زيارتي للبحرين ولأول مرة
• بحرين المستقبل
• السلام عليكم ،،،
• كل عام والمملكة بالف خير
• مسسـآعدهـ وإستسفآرآت عـآئليهـ

حلو تقريرك .. و فكرته ممتازه ..

كل اسبوع اروح البحرين و لا مره رحت هالمنطقه

مواصلين ..

مجموعة من المطاعم والمقاهي والمنطقة نظيفة جداً .. ويلاحظ من الخلف بعيد شوي شارع اسامه بن زيد .. لو المنطقة هذي فيها سوق لشفنا ناس كثير لكن الحمدلله أن كل من يزورها يقصد المطاعم والمقاهي لذلك نلاحظ الهدوء ..

الــــــــــرواق .. وفي الحقيقة مادي شنو المقصود منه مطعم ، مقهى ، محل .. الله أعلم لم يفتح حتى الآن ..

مشهد للمقهى الشعبي من الرواق ..

المطاعم الصينية والتايلندية تتواجد بشكل ملحوظ في المنطقة .. ويتواجد كذلك الأجانب من شرق آسيا ..

المطعم التايلندي على اليمين ..

من التراث التايلندي .. على فكرة تراه منحوت بطريقة روووعة ..

مدخل المطعم التايلندي ..

المنطقة مرتبة لدرجة كبيرة .. يمكن لقلة المارة .. وقلنا قلة المارة يكمن في أن المنطقة ليست منطقة سوق وانما منطقة أكل .. ولاحظوا المصابيح الموجودة في الأرض تتغير كل ثانيتين بشكل جميل ..

متابعين ..

..

مــ ــواصـلـيــــــــ ـــــــــن ..

مطعم ذا ميت كو ..

من الزاوية الخلفية .. شرايكم ؟؟ والله شكله في الصج جدا راقي أرقى من الصور ..

المكان شرح ويرد الروح وفوق كل ذي رومانسي ..

مطعم جيمس ..

مطعم الحرير ..

اطلالة جميلة لمطعم الحرير ..

مطعم با مبو ..

ولاحظوا الكراسي والاستراحات في كل مكان ..

متابعين ..

..

ماشاءالله منطقه حلوة ان شاءالله نزورها بزيارتنا للبحرين

متابعين معاك , ماقصرت اخوي

مواصلين أخواني وخواتي ..

المطعم الصيني ..

إلى مطعم ومقهى مـيـزالـونــا ..

في الحقيقة المنطقة مليانه مطاعم ومقاهي الواحد يحتار من قلب في الاختيار .. وانا بيني وبينكم خبرتي متواضعة بهالأمور امام الاخوان والاخوات اتمنى يعطونا تفاصيل اكثر للي مجربهم أنا مجرب بعضهم مثل ليلو وزوي وشهادتي مجروحة بما لذ وطاب ..

معطم هـاش هـــــــاوس ..

متابعين ..

..

نواصل ..

مطعم ليلو .. القعدة فيه عجيبة بس المشكلة الناس قاعدين بالخارج وانحرجت أواجههم بالكامرا :redface:

مطعم ليلو ومسجد الشيخ عبالرحمن عبدالوهاب ..

مقهى لافنتانا كافيه ..

مطعم مينوز ..

من الداخل ..

مقاهي قيد الإنشــــــــــــــــاء ..

مطعم باسكال..

مــطــعـــم زوي .. في أحد يعرف ليش السيكيورتي مشددين عند هالمطعم ؟! حتى التصوير ..

..

إلـــــــــــى هنا تنتهي جولتي معاكم في أرجاء شارع يوسف الشيراوي بمنطقة العدلية علماً أن المنطقة خصوصاً أرجائها الشرقية القريبة من شارع أسامه بن زيد ( شارع سوق العدلية ) ماضية في التطوير والتعديل ..

ان شاء الله ما تمللتوا وان شاء الله نعدكم بكل جديد قياساً على تشجعيكم :wink: تحياتي للجميع دون استثناء ..

..

السلام عليكم
أخوي و الله انك بحريني غير
مشكور على هذا الطرح الجميل و الصور الرائعه
و منطقه جدا جميله
..يمنع طرح هذا الاستفسار..
و دمت بود

المشاركة الأصلية كتبت بواسطة mzoon
http://www.arabtravelersforum.com/tr...2/#post2994072

حلو تقريرك .. و فكرته ممتازه ..

كل اسبوع اروح البحرين و لا مره رحت هالمنطقه






يا هلا والله .. سعيد جداً اني التقرير عجبكم :smile: وحياكم الله اختي بانتظاركم تنورونا ..

..

المشاركة الأصلية كتبت بواسطة mist
http://www.arabtravelersforum.com/tr...2/#post2994112

ماشاءالله منطقه حلوة ان شاءالله نزورها بزيارتنا للبحرين

متابعين معاك , ماقصرت اخوي





مشاركتج احلى اختي بالعكس أقل من الواجب بعد كفايه مقصرين الفترة الي مضت .. ان شاء الله تشرفينا بهالزيارة اختي .. مشكورة على المشاركة يسلم لي هالتعبير
..

المشاركة الأصلية كتبت بواسطة HAAAAD
http://www.arabtravelersforum.com/tr...8/#post2994238

السلام عليكم
أخوي و الله انك بحريني غير
مشكور على هذا الطرح الجميل و الصور الرائعه
و منطقه جدا جميله
..يمنع طرح هذا الاستفسار..
و دمت بود





هلا وغلا .. تسلم أخوي رغم ان تصويري مو حلو بس الظاهر المكان محليه ..






حاضرين الغالي ..



..

شكرا على التقرير الجميل
الله يعطيك العافيه

الله يعطيك العافيه
من جد تقرير متعوب عليه
وانا من عشاق هالمنطقه احبها واحب هدوئها بس مااروح لها بالويكند لانها تصير مزحومه
مشكوور وعساك عالقوه

تقرير مميز من عضو مميز

شكرا اخوي بحريني عالاضافهـ الرائعهـ للبوابهـ ..

الله يعطيك العافيهـ وننتظر الجديد القادم

المشاركة الأصلية كتبت بواسطة مبارك ((بوفهد))
http://www.arabtravelersforum.com/tr...1/#post2994311

شكرا على التقرير الجميل
الله يعطيك العافيه





الله يعافيك أخوي .. وايد سعيد بأن التقرير أعجبك مشكور الغالي ..


..

المشاركة الأصلية كتبت بواسطة فاررسه
http://www.arabtravelersforum.com/tr...8/#post2994348

الله يعطيك العافيه
من جد تقرير متعوب عليه
وانا من عشاق هالمنطقه احبها واحب هدوئها بس مااروح لها بالويكند لانها تصير مزحومه
مشكوور وعساك عالقوه






بالعكس اختي شي قليل في حقكم ..

بالنسبة للزحمة صحيح انها أكثر في الويكند بس بعد تعتبر أخف نسبياً من منطقة المطاعم في ضاحية السيف خلف مجمع العالي ..


الله يقويج ويسلمج اختي

..

المشاركة الأصلية كتبت بواسطة مزون البحرين
http://www.arabtravelersforum.com/tr...7/#post2995407

تقرير مميز من عضو مميز

شكرا اخوي بحريني عالاضافهـ الرائعهـ للبوابهـ ..

الله يعطيك العافيهـ وننتظر الجديد القادم





لا شكر على واجب اختي مزون احنا تعلم التميز شوي شوي منكم .. وان شاء الله بشري بعزج :smile:


..

شكرا على التقرير
آخر زيارة لي للبحرين كانت قبل 4 سنين إن شاء الله ازورها هالصيف

يعطيك العافيه اخوي

وعمار يا بحرين

شي روعة وخيالي
اول مرة اشوفه

أنا بإذن الله بعد اسبوعين رايح البحرين

اذا ممكن ياليت تحط الإحداثيات

يعطيك العافية

تقرير رائع وصج انك بحريني غير

المشاركة الأصلية كتبت بواسطة بهااء
http://www.arabtravelersforum.com/tr...1/#post2996251

شكرا على التقرير
آخر زيارة لي للبحرين كانت قبل 4 سنين إن شاء الله ازورها هالصيف





4 سنين وايد وحشتنا بها بانتظارك أكيد أخوي يا هلا بك :smile:



..

المشاركة الأصلية كتبت بواسطة بندر الخالد
http://www.arabtravelersforum.com/tr...3/#post2996323

يعطيك العافيه اخوي

وعمار يا بحرين

الله يعافيك ويخليك وبيت مكة يوديك أخوي ..

..

المشاركة الأصلية كتبت بواسطة The Watcher
http://www.arabtravelersforum.com/tr...4/#post2997024

شي روعة وخيالي
اول مرة اشوفه

أنا بإذن الله بعد اسبوعين رايح البحرين

اذا ممكن ياليت تحط الإحداثيات

يعطيك العافية







يا هلا أخوي الله يعافيك واجبنا .. غالي والطلب رخيص .. تقصد الاحداثيات الفلكية ؟

50.35.30 E

26.12.55 N



وبالنسبة للموقع الجغرافي أنا ذكرته في مقدمة التقرير ووصفته من حيث المطار ومن حيث جسر الملك فهد ..



وإذا تحتاج أي شي أخوي خبرنا وبانتظارك أكيد تشرفنا ..



..

المشاركة الأصلية كتبت بواسطة حبيبة عزوزي
http://www.arabtravelersforum.com/tr...0/#post2997050

تقرير رائع وصج انك بحريني غير





هلا حبيبة عزوز الحمدلله أهم شي ان التقرير عجبكم ان شاء الله أوعدكم بالمزيد :wink:

..

مااااااااااااااااشاااااااااء الله
روووووووووووووعة والله مطاعم اسمع عنها ولاول مرة اشوفها
ولاكانها في البحرين
أو انا اللي كاني ولامرة رحت البحرين لان كل مرة ابغا نروح هالمطاعم اللي في العدلية زوجي يقول ما ادل ولا ابغا اضيع الوقت في الدوارة

بس بصراحة ألف الف الف شكلا لك كفيت ووفيت
صحيح اسم على مسمى بحريني غييييرررر

المشاركة الأصلية كتبت بواسطة ماري ألينا
http://www.arabtravelersforum.com/tr...5/#post2997375

مااااااااااااااااشاااااااااء الله
روووووووووووووعة والله مطاعم اسمع عنها ولاول مرة اشوفها
ولاكانها في البحرين
أو انا اللي كاني ولامرة رحت البحرين لان كل مرة ابغا نروح هالمطاعم اللي في العدلية زوجي يقول ما ادل ولا ابغا اضيع الوقت في الدوارة

بس بصراحة ألف الف الف شكلا لك كفيت ووفيت
صحيح اسم على مسمى بحريني غييييرررر





الله يسلمج اختي حاضرين للطيبين ..

المنطقة وايد حلوة وننصح بها بقوة في وسط أيام الاسبوع على الرغم من انها ما تزدحم بالمارة يمكن تكون الصعوبة شوي في مواقف السيارات على الرغم من اتساعها نسبياً إلا أن الاقبال على المقاهي والمطاعم الي تقدم مالذ وطاب تفوق استيعابها احياناً .. لذلك في كثير من رواد هذي المنطقة في نهاية الأسبوع يقفون عند فندق الخليج لأن المنطقة هناك مفتوحة ونادراً ما تمتلئ بالسيارات بشكل تام ، ويبعد فندق الخليج عن هذي المنطقة حوالي 200 متر ..

أوقات سعيدة اختي وحياكم الله في البحرين ..


..

يعطيك العافيه
اخووووي
الصراحه اول مره اشوف هالمنطقه انشالله
المره الجايه نحطها بالجدول

المشاركة الأصلية كتبت بواسطة المليارديرهـ
http://www.arabtravelersforum.com/tr...0/#post2998040

يعطيك العافيه
اخووووي
الصراحه اول مره اشوف هالمنطقه انشالله
المره الجايه نحطها بالجدول





الله يعافيج اختي تشرفينا بأي وقت طال عمرج ..


..

امبيييييييييه من زمان مارحت معقولة تغير الشارع جذي

بس وين كوكوز

يعطيك الف عافية اخوي بحريني غير الصراحه التصوير روووووووعه

يعطيك العافية وماقصرت

ضاحيه العدليه تحتوي على مطاعم مميزه ورائعه
ولعل افضلها من وجهه نضري
ميت كومباني
ميراي
منسون
وفي تقريري عن مطاعم البحرين وضعت معضم المطاعم الموجوده في هذه المكان
http://www.arabtravelersforum.com/travel237137/

المشاركة الأصلية كتبت بواسطة شهولة
http://www.arabtravelersforum.com/tr...8/#post3000198

امبيييييييييه من زمان مارحت معقولة تغير الشارع جذي

بس وين كوكوز

يعطيك الف عافية اخوي بحريني غير الصراحه التصوير روووووووعه






يا هلا اختي تمت أعمال التطوير مؤخراً .. ويسلم لي هالتعبير شاكر لج اختي


..

المشاركة الأصلية كتبت بواسطة The Watcher
http://www.arabtravelersforum.com/tr...7/#post3000297

يعطيك العافية وماقصرت






الله يعافيك الطيب اذا تحتاج شي خبرني ..

..

المشاركة الأصلية كتبت بواسطة جاني خبر
http://www.arabtravelersforum.com/tr...7/#post3001517

ضاحيه العدليه تحتوي على مطاعم مميزه ورائعه
ولعل افضلها من وجهه نضري
ميت كومباني
ميراي
منسون
وفي تقريري عن مطاعم البحرين وضعت معضم المطاعم الموجوده في هذه المكان
http://www.arabtravelersforum.com/travel237137/





ما قصرت الغالي .. انا استعرضت المطاعم والمقاهي الي تقع على شارع ( يوسف الشيراوي ) وهذي ما تمثل 25% من المقاهي والمطاعم الموجودة في منطقة العدلية بشكل عام خاصة المطاعم الي تفضلت وذكرتها لكنها تقع مجاورة جداً لهالشارع يعني مسافة مشي على الاقدام ..

..

المشاركة الأصلية كتبت بواسطة بحريني غير
http://www.arabtravelersforum.com/tr...0/#post3003530



ما قصرت الغالي .. انا استعرضت المطاعم والمقاهي الي تقع على شارع ( يوسف الشيراوي ) وهذي ما تمثل 25% من المقاهي والمطاعم الموجودة في منطقة العدلية بشكل عام خاصة المطاعم الي تفضلت وذكرتها لكنها تقع مجاورة جداً لهالشارع يعني مسافة مشي على الاقدام ..

..



بارك الله فيك
موضوعك اكثر من رائع:113:

المشاركة الأصلية كتبت بواسطة جاني خبر
http://www.arabtravelersforum.com/tr...8/#post3004398

بارك الله فيك
موضوعك اكثر من رائع:113:





تسلم يا الحبيب وان شاء الله أعدكم بالمزيد الي يطيب خاطركم .. مشكور تسلم لي ..


..

بصراحه كفيت ووفيت

من زمان اسمع عن العدليه ولا مره رحنا لها

وكم مره نحاول نروح بس ماندل


ماتوقعت المكان كذا بصراحه


مشكور وماقصرت اخوي

مطاعم ومقاهي العدلية

حلوووة كـثـيـر

تقرير رائع رائع رائع، الله يعطيك العافية بحريني غير

بالنسبة للرواق فهو معرض فني ويقدم محاضرات ودورات تدريبية ايضا

http://www.alriwaqgallery.org/alriwaq.html

الله يعطيكم العافية وماقصرتو
على هذا التقرير الجميل

بس بغيت خدمة


ابي اعرف افضل مطعم خاص با العوائل

في نفس الشارع

راااااائع أخوي
تبي الصراحة حليت مشكلة قديمة عندي بالنسبة للعدلية أعرفها زين من كثر ما أسمع عنها بس ما أدلها وأنا فيني عيب إني ما أحب أوقف واسأل عن مكان أدوره أحس إن الناس مشغولين
بس وصفك من أروع ما يكون لي زيارة بعد غسبوعين أنا والعائلة بإذن الله راح يكون للعدلية نصيب من القعده
مشكووووور على الخدمة الراااائعة لإخوانك

الله ينووووووووووور عليك

تقرير مميز عن مكااان حلووو ومميز عن جارتنا العزيزة

====== تم اضافته للرحلة القادمة

المشاركة الأصلية كتبت بواسطة *ستار*
http://www.arabtravelersforum.com/tr...7/#post3004997

بصراحه كفيت ووفيت

من زمان اسمع عن العدليه ولا مره رحنا لها

وكم مره نحاول نروح بس ماندل


ماتوقعت المكان كذا بصراحه


مشكور وماقصرت اخوي






لا شكر على واجب أخوي ستار .. وحياكم الله ..

..

المشاركة الأصلية كتبت بواسطة برينجلز
http://www.arabtravelersforum.com/tr...5/#post3005565

مطاعم ومقاهي العدلية

حلوووة كـثـيـر

بالفعـــــــل .. شكراً على الإضافة ..


..

المشاركة الأصلية كتبت بواسطة بلادي البحرين
http://www.arabtravelersforum.com/tr...9/#post3005949

تقرير رائع رائع رائع، الله يعطيك العافية بحريني غير

بالنسبة للرواق فهو معرض فني ويقدم محاضرات ودورات تدريبية ايضا

20Mall.jpg[/IMG]





يعطيك ألف عافية الغالي وشاكر على الاضافة القيمة وعلى هالاساس يمكن أن حصلته مغلق بالليل يمكن يفتح بالنهار لكنها فكرة حلوة وجود مثل هذي المعارض التشكيلية في هذي المناطق ..

تسلم لي اخوي ..


..

المشاركة الأصلية كتبت بواسطة البدر
http://www.arabtravelersforum.com/tr...6/#post3006446

الله يعطيكم العافية وماقصرتو
على هذا التقرير الجميل

بس بغيت خدمة


ابي اعرف افضل مطعم خاص با العوائل

في نفس الشارع

والله ياخوي كل المطاعم تصل للعوائل .. بس يمكن تكون الموسيقى صاخبة في مطعم هاش هاوس بعد التاسعة مساء ..


وحياكم الله أخوي بين أهلك واخوانك ..


..

المشاركة الأصلية كتبت بواسطة كتكات783
http://www.arabtravelersforum.com/tr...6/#post3006846

راااااائع أخوي
تبي الصراحة حليت مشكلة قديمة عندي بالنسبة للعدلية أعرفها زين من كثر ما أسمع عنها بس ما أدلها وأنا فيني عيب إني ما أحب أوقف واسأل عن مكان أدوره أحس إن الناس مشغولين
بس وصفك من أروع ما يكون لي زيارة بعد غسبوعين أنا والعائلة بإذن الله راح يكون للعدلية نصيب من القعده
مشكووووور على الخدمة الراااائعة لإخوانك





انت اروع أخـــــــــــــــــــوي .. والحمدلله أن التقرير عجبكم وقدم لكم الفائدة .. والحمدلله أن الوصف دقيق :wink: ..

ولأي شي آخر احنا حاضرين .. سلام ..



..

المشاركة الأصلية كتبت بواسطة saudicool
http://www.arabtravelersforum.com/tr...9/#post3007119

الله ينووووووووووور عليك

تقرير مميز عن مكااان حلووو ومميز عن جارتنا العزيزة

====== تم اضافته للرحلة القادمة






حياك الله اخوي في عيونا ..


..

شكرا بحريني غير على هذا الموضوع المميز، وأعتقد إنه يستحق التثبيت لفترة بسيطة..
وللأسف فإن عدد كبير من إخواننا الخليجيين لا يزورون العدلية وقد شد هذا التقرير إنتباههم للمنطقة..
بالنسبة لي أحب مطعم Parsian وهو مطعم إيراني يقع بعيداً عن المطاعم قرب نادي الخريجين وهو مطعم هادئ جدا والأكل مميز فيه..
هناك العديد من الشوارع التجارية في البحرين التي تستحق الزيارة - طبعاً لا تقارن بهذه المنطقة -، وإن شاء الله يكون لنا تقرير لبعض هذه الشوارع..

الله يعطييييييك الف عافيه على هيك موضوع

صراحه البحرين كل ماهي في تقدم والى الامام يالبحرين

بس حابه اسأل في مطاعم لبنانيه وش اساميها ..يمنع طرح هذا الاستفسار..

ومشكوووووور

اخوي بحريني غير
يعطيك الف عافيه تقرير رائــــــــــع

وصور حلوة ومميزه

عساك على القوة

بس عندي ملاحظه صغنونه
المطعم الي كتبت فوقه مطعم جولي هذا مطعم باسكال !!

المشاركة الأصلية كتبت بواسطة عيون جدة
http://www.arabtravelersforum.com/tr...6/#post3011106






ويجزيك طال عمرك ، شاكر لك المشاركة ^_^

..

المشاركة الأصلية كتبت بواسطة نشيد السماء
http://www.arabtravelersforum.com/tr...7/#post3011177

شكرا بحريني غير على هذا الموضوع المميز، وأعتقد إنه يستحق التثبيت لفترة بسيطة..
وللأسف فإن عدد كبير من إخواننا الخليجيين لا يزورون العدلية وقد شد هذا التقرير إنتباههم للمنطقة..
بالنسبة لي أحب مطعم Parsian وهو مطعم إيراني يقع بعيداً عن المطاعم قرب نادي الخريجين وهو مطعم هادئ جدا والأكل مميز فيه..
هناك العديد من الشوارع التجارية في البحرين التي تستحق الزيارة - طبعاً لا تقارن بهذه المنطقة -، وإن شاء الله يكون لنا تقرير لبعض هذه الشوارع..





شاكر الغالي على المداخلة الطيبة والقيمة في نفس الوقت .. المنطقة ككل غنية بالمقاهي والمطاعم الجميلة جداً ان شاء الله نقدر نغطيهم مع بعض باقي الأخوة والأخوات في الفترات القادمة

تسلم لي والله هالمشاركة ..


..

المشاركة الأصلية كتبت بواسطة قمـر14
http://www.arabtravelersforum.com/tr...1/#post3012301

الله يعطييييييك الف عافيه على هيك موضوع

صراحه البحرين كل ماهي في تقدم والى الامام يالبحرين

بس حابه اسأل في مطاعم لبنانيه وش اساميها ..يمنع طرح هذا الاستفسار..


ومشكوووووور




مشكور يا الغالي والله في شارع يوسف الشيراوي الي تكلمنا عنه بهالموضوع بالضبط ما في مطاعم لبنانية لكن شارع أسامه بن زيد المجاور تماماً لشارع يوسف الشيراوي توجد مطاعم لبنانية، علماً أن شارع يوسف الشيراوي توجد فيه مطاعم غير لبنانية ..

وحياك الله أخوي ..


..

المشاركة الأصلية كتبت بواسطة الماسة السوداء
http://www.arabtravelersforum.com/tr...4/#post3012804

اخوي بحريني غير
يعطيك الف عافيه تقرير رائــــــــــع

وصور حلوة ومميزه

عساك على القوة

بس عندي ملاحظه صغنونه
المطعم الي كتبت فوقه مطعم جولي هذا مطعم باسكال !!







الله يقويج اختي حاضريــــــــــــن للغاليين ..

وآسف من كل قلب على الخطأ المطبعي الغير مقصود أتمنى من المشرفين يقومون بالتعديل ^_^ ..


وشاكر من القلب على المشاركة الجميلة .. تحياتي اختي ..


..

أخونـا المتميز .. عاشـق البحريـن ... بحريـني غير ...

اول شي التمس منك العذر في التأخر في تثبيت الموضوع والاستمتاع به ..وذلك لظروف تواجدي خارج البحرين في إجـازة قصيرة ...

بالفعل الموضوع من أروع المواضيع .. والصور ماشاء الله جمـيلة وتفتح النفس ... وجهــد جدا جدا جميل ورائــع لإيصال المعلومات عن هذا التطور الجميـل في منطقـة المطاعم في العدليــة ..

كل الشكر لك أخوي ... وهذا شي أكيد مش جديد عليك .. ويعطـيك ألف ألف ألف عافية ..

المشاركة الأصلية كتبت بواسطة الغالـــية
http://www.arabtravelersforum.com/tr...9/#post3017959

أخونـا المتميز .. عاشـق البحريـن ... بحريـني غير ...

اول شي التمس منك العذر في التأخر في تثبيت الموضوع والاستمتاع به ..وذلك لظروف تواجدي خارج البحرين في إجـازة قصيرة ...

بالفعل الموضوع من أروع المواضيع .. والصور ماشاء الله جمـيلة وتفتح النفس ... وجهــد جدا جدا جميل ورائــع لإيصال المعلومات عن هذا التطور الجميـل في منطقـة المطاعم في العدليــة ..

كل الشكر لك أخوي ... وهذا شي أكيد مش جديد عليك .. ويعطـيك ألف ألف ألف عافية ..






شاكر لج من قلبي أختي الغالية على المشاركة الجميلة وتثبيت الموضوع وهالشي قليل في حقكم ان شاء الله نوعدكم بالمزيد ..


..