الموضوع: لمن سبق له الحجز في موقع booking

اول شي بالنسبه للخصم من موقع بوكينغ
اهو يعتمد على سياسه الفندق لكن تقريبا اغلب الفنادق بالوقت الحالي ما تخصم شي الا عند التشيك ان او التشيك اوت
و بحالتك يبدو ان الفندق راح يخصم جزء من المبلغ قبل وصولك لضمان اول ليله على الاقل و باقي المبلغ راح تكمله بالفندق

و بالنسبه لل72 ساعه المذكوره و القارب
مثل ما انت عارف كل فندق يكون على جزيره معزوله و المطار بجزيره ملاصقه للعاصمه مالي
فوسيله الوصول للفندق من المطار اما عن طريق القارب السريع او الطائره المائيه على حسب بعد الفندق عن المطار طبعا غالبا الفنادق الي تكون جزرها قريبه من المطار يستعملون القارب و الفنادق البعيده تستعمل الطائره المائيه

و ضروري تتصل على الفندق قبل سفرك ب72ساعه عشان تحجزلك مكان على القارب و تبلغهم برقم الرحله و الخطوط الي راح تسافر عليها و موعد الوصول عشان يضبطونلك اقرب قارب يوصلك للفندق

انا اشوف الاتصال اضمن من الايميل من خلال تجربتي اتصلت عليهم تلفونيا و بعدها ارسلولي ايميل للتأكيد و الحمدلله كل شي كان تمام

و اخيرا بالنسبه للسعر يعتمد على الفندق اما يكون اساسا دامج سعر القارب مع سعر الحجز او يضيفه على سعر الحجز

ان شاءالله تكون اجابتي وافيه و واضحه و موفق باذن الله

شكرا لك mzwd اجابتك وافيه

لكن بالنسبه للسكن ما احس اني متاكد من حجزي وهم ما خصمو المبلغ مني اخاف اوصل الفندق ويقولي ما وصلنا شي ولا ما دفعت شي وتكون توهيقه و اول مرة احجز سكن عن طريق النت .. وش الحل عشان اتاكد ؟

وبالنسبة لمدة الطيران من الرياض الى كولومبو كم ساعة ؟ لاني حاجز على الخطوط السيرلانكية واشوف المدة في حدود 7 ساعات ونصف الى كولومبو ثم انتظار ساعة و25 دقيقة ثم ساعة الى مالي ... يعني من الرياض الى مالي عشر ساعات .!.! الي جرب الخطوط يفيدني الله يعافية

اخوي مشعل تطمن و موقع booking افضل موقع حجوزات بالعالم و مضمون 100%
و اكثر من مره احجز عن طريقه حتى بدون ما اتصل على الفندق للتأكيد

و اذا حسيت ان في شك بالنسبه لك اتصل عليهم و قولهم حبيت أأكد الحجز و منها تبلغهم بموعد وصولك عشان يدزونلك القارب

و ماكو الا العافيه

ماقصرو الاخوان كلام ميه ميه الله يوفقك خوش موقع وثقه والدفع لما تطلع من الفندق انا مجرب بوكنج سيف مجرب ورحله سعيده انشالله

الي اعرفه و طبقته انا سبق اني استخدمت موقع البوكينق في الحجز لتايلند و نظامهم في الموقع ان يتم تأكيد الحجز ولا يخصم شيء وعند وصولكم للفندق يطلبوا البطاقة الائتمانية ليتأكدوا من الحجز وعند الشيك اوت يخيرونك بين الحساب بالبطاقة او الدفع بالكااش

وعندما تريد إلغاء الحجز يلغى الحجز من دون رسوم ولكن بعض الاحيان يطلبون شروط معينه عند اتمام خطوات الحجز

بعد يومين من الحجز ارسلو لي الفندق رسالة على ايميلي معها مرفقات بأسم Pre_Arrival_Questionaire_for_Veli
و Credit_Card_Authorization_Form_Anantara

وقالو :

Please find the attached confirmation letter and pro forma invoice along with the Credit Card authorization form. Kindly, return the completed form with back to back copies of your credit card (Front and Back of the credit card) immediately in order to process the payment.

Should you require any further queries or assistance, please do not hesitate to contact us.


وش معنى كلامهم ؟.

الصراحه شي غريب
اول شي 90% من الفنادق في بوكينق يطلبون الكردت كارت عشان تأكيد الحجز او خصم اول ليله بحاله تأخرك بالوصول

لكن الغريب انهم يطلبون صوره من الكريدت مع انك المفروض مدخل بيانات البطاقه وقت الحجز و هالبيانات تكفيهم لخصم اي مبلغ يحتاجونه

حاول تتأكد من شروط الدفع الخاصه بالموقع مره ثانيه او ارسل ايميل لموقع بوكينق تتأكد منهم عن صلاحيه الفندق لطلب مثل هالشي

لأن عمري ما سمعت عن فندق يطلب صوره من الكريدت كارد

كل الفنادق اما انك تدفع كاش بالسفريات او بالكريدت عن طريق المواقع على النت او كاش او بالكردت عند وصولك للفندق اما موضوع صوره الكريدت الصراحه اول مره اسمع فيها

المشاركة الأصلية كتبت بواسطة mzwd
http://www.arabtravelersforum.com/tr...8/#post4657012

الصراحه شي غريب
اول شي 90% من الفنادق في بوكينق يطلبون الكردت كارت عشان تأكيد الحجز او خصم اول ليله بحاله تأخرك بالوصول

لكن الغريب انهم يطلبون صوره من الكريدت مع انك المفروض مدخل بيانات البطاقه وقت الحجز و هالبيانات تكفيهم لخصم اي مبلغ يحتاجونه

حاول تتأكد من شروط الدفع الخاصه بالموقع مره ثانيه او ارسل ايميل لموقع بوكينق تتأكد منهم عن صلاحيه الفندق لطلب مثل هالشي

لأن عمري ما سمعت عن فندق يطلب صوره من الكريدت كارد

كل الفنادق اما انك تدفع كاش بالسفريات او بالكريدت عن طريق المواقع على النت او كاش او بالكردت عند وصولك للفندق اما موضوع صوره الكريدت الصراحه اول مره اسمع فيها




صراحه انا مستغرب بعد .. اذا فية احد جرب يحجز على الفندق من بوكينق ممكن يفيدنا !!