الموضوع: برنامج الى المانيا والنمسا وفرنسا

السلام عليكم

اول شي انا الى اللحين ما حجزت الطيران وبحجزه هاليومين ,,, ( عشان نرتب الجدول مظبوط)

اذا قلنا نبي نروح ميونخ وزلامسي وسويسرا ( مدري وش المدن اللي تستحق الزياره )
باريس او رست ( يورب بارك ) واذا فيه امكانيه نضيف جدنيف وفيينا

وبعد اذا فيه اي مدن تستحق الزيارة ( لاني ماعرف وش المدن الثانيه والقريبة من بعض والحجز متاخررر فما يمديني اشوف تقارير الاخوان )

فياليت ترتبون الجدول اللي تشوفونه مناسب

ومافيه مشكله اذا كان مطار الوصول فرنكفورت او ميونخ او باريس والعوده نفس الشي

والتنقلات بنأجر سياره وبتكون معانا طوووول السفره

وحنا عائلة 7 اشخاص

والمدة من 20 الى 25 يووم زينه ولا نقللها

والله يجزاكم خييير

مواضيع عشوائيه ممكن تكون تعجبك اخترناها لك:

• ابغى اعرف المسافه
• ميونخ الساحرة
• من محطة الاندرقراون الرئيسة الي المطار عندي استفسار شباب
• المانيا
• انا ابغا اسافر المانيا وما اشتغل من وين اجيب خطاب من جهة عمل
• هل ينفع السير في اجراءات السفر بدون دعوة ؟؟؟؟
• استفسار بخصوص موقع إلكتروني
• ورطة مهرجان البيرة في ميونخ
• برنامج الملاحة العملاق لاوروبا مكرك للايفون
• ناوين على ألمانيا وين نسكن
• بادن بادن جنة الترفيه والاستجمام بجنوب ألمانيا
• خبراء الجو في المانيا
• طلب احداثيات بحيرة مملسي Mummelsee
• ارجو المساعدة غلطت في تاريخ الميلاد
• الفيزا
• بوم سياحي لقارمش
• دوسلدروف نريد المساعده والاجوبه الوافيه
• بخصوص المصروف يالاخوان؟؟؟؟؟
• ساعدوني للسفر الى ميونخ
• رحلتي الشتوية الى المانيا ميونخ و فرانكفورت حياكم الله

المخطط 25 يوم يعني 24 ليله

3ليالي باريس - ليلتين رست - 3ليالي جنيف - 6ليالي انترلاكن - 6ليالي زيلامسي - 4ليالي ميونخ


من انترلاكن الى زيلامسي الطريق 7 ساعات ممكن تجلسون ليله في ليختنشتاين ونقسم المسافه 200 كلم و 300 كلم افضل شي
تزورون سالزبورغ من زيلامسي

جزاك الله خير بنت حواء على سرعة الرد
الجدول حلووو طيب اذا نبي شقق لان معنا صغار فما ينفع الفندق وبكم اسعارهم تقريبا

انترلاكن وزيلامسي وممكن جنيف و رست ممكن نلقى شقق تكفيكم كلكم مع بعض

اما ميونخ لازم شقتين

واما باريس اعذرني ما اعرف


اعطيني التواريخ وكم بالغ وكم طفل واعمار الاطفال وابشر وان شاء الله نلقى شي متوفر وحلو لان الكثير من الشقق اللي تكفي العوايل الكبيره قل عددها للاسف لان الطلب عليها كثير

خلاص بكرة ان شاءالله بروح احجز الطيران عشان نحدد التواريخ بالظبط

شكلنا بنحذف فرنسا من القائمة ( بخصووص الحجاب )
وجنيف لان ما فيها اماكن سياحية تسوى العنوه

والحجز شكله بيصير الى ميونخ والعوده من ميونخ

بصراحه المناطق الحلوه هي الفرنسيه واذا كانوا الحريم منقبات الغيها احسن عشان تقلل المسافه شوي

وترى هالكلام يمشي على باريس كمان يعني اذا منقبات وليس محجبات الغوا باريس

وللمعلوميه ترى الانتقال من باريس الى فرايبورغ القريبه من رست بالقطار لسبعه اشخاص راح يطلع مكلف جدا حاول تحسبها وتشوف كم لانه عددكم كبير ماشاء الله وبالسياره مستحيل المسافه طويله
545 كلم اقل شي 5 ساعات

اذا راح نحذف باريس وجنيف يصير المخطط

هذي 24 ليله

ليله فرانكفورت - ليتلين رست - 6ليالي انترلاكن - 6ليالي زيلامسي

3ليالي سالزبورغ- 3ليالي الريف الالماني - 3ليالي ميونخ

كذا افضل واقل مسافات ما عدا من انترلاكن الى زيلامسي كما ذكرنا سابقا

اواذا عادي عندك المسافات وتبغى الذهاب والعوده من ميونخ


ليله ميونخ - ليلتين رست - 5ليالي انترلاكن - 6ليالي زيلامسي

3ليالي سالزبورغ- 3ليالي الريف الالماني - 3ليالي ميونخ

المسافه من رست الى ميونخ 380 كلم واما من فرانكفورت الى رست 240 كلم انت احسبها واحسب الفرق بالسعر بين لو حجزت فرانكفورت - ميونخ او ميونخ - ميونخ وعلى اساسها قرر

ما تقصرين اختي بس فرنسا متشددين بامر النقااب مرره

لاني لقيت ححجز الوصول الى باريس والعودة من فرانكفورت او ميونخ

وانا باجر سيارة من المطار الى المطار

ايوه القرار صدر مو زي العام الماضي وفيه غرامه وسجن والامر يعود لك

راح يبدء تطبيقه من شهر ابريل يعني بعد كم يوم

نصيحتي لك ابعد عنها ولا تقعد على اعصابك طول الوقت او تطيح في موقف محرج ووقتها ما يفكك شي

الحمدلله حصلنا حجز الى ميونخ
حجزت يوم 9 jul والعودة 28 jul

الللحين نبي السكن يكوون شقق

واذا باجر سيارة شلون اعرف الطرق اللي فيها رسوم واللي بدروون

لاني ما اعرف انقلش مييييييح بالانقليزي

عندك 19 ليله يعني 20 يوم والذهاب والعوده من ميونخ

هذا مخطط بدون العاب اليورب بارك

ميونخ وصول فقط - 3ليالي سالزبورغ -
7ليالي زيلامسي - 4ليالي فوشن وقارمش -
5ليالي ميونخ

المسافه من ميونخ الى سالزبورغ 145 كلم

من سالزبورغ الى زيلامسي 107 كلم

من زيلامسي الى فوشن 250 كلم

فوشن الى ميونخ 132 كلم

او

مع العاب اليورب بارك

ميونخ وصول فقط - 3ليالي سالزبورغ - 6ليالي زيلامسي - 4ليالي فوشن - ليلتين رست - 4ليالي ميونخ

المسافه من ميونخ الى سالزبورغ 145 كلم

من سالزبورغ الى زيلامسي 107 كلم

من زيلامسي الى فوشن 250 كلم

المسافه من فوشن الى رست 386 كلم اقل شي ثلاثه ساعات ونص

من رست الى ميونخ 381 كلم اقل شي 3ساعات ونص

المخطط الاول اقل تنقلات ومسافات

بس المخطط الثاني فيه العاب اليورب بارك


اذا اولادك صغار اقل من 10 سنوات ممكن نستغني

عن اليورب بارك وتروح ملاهي قريبه من سالزبورغ او

القريبه من زيلامسي او ميونخ




قرر اي مخطط

وبالنسبه للرسوم حقت الخطوط ترى بس اول ما تطلع من ميونخ وانت متجه الى سالزبورغ عند المحطات تلقى ملصق للسياره حق خطوط النمسا فقط سعرها 7.5 يورو تقريبا 35 ريال فقط تشتريها من المحطه وتركبها على القزازه حقت السياره من قدام وخلاص
ولو فيه رسوم على اي طريق ثاني بتمر عليه تلقى زي الحدود كذا ومكتوب سعر للسياره الصغيره وسعر للسياره الكبيره وتكون فيه رسمه سياره صغيره وجنبها السعر والسياره الكبيره جنبها السعر وراح تلقى رجال تعطيه الفلوس ويعطيك بطاقه او ورقه مكتوب فيها المبلغ وبس

والله لازم اليورب بارك دزني لاند وراحت علينا
ونبي بعد وين التسووق وين الاوتلت ومتى تبدا التخفيظات *

اوت لت فيه واحد قريب من سالزوبرغ وفيه واحد قريب من ميونخ

انا ماعندي معلومات عنهم لاني بصراحه ما اروح لهم تصقع لهم مشوار وفهيا تلقى شي حلو وفيها ماتلقى انا مره تسوقت من جنيف ومره من ميونخ واكثر شي من الساحات كارلز بلاتز ومارين بلاتز وماكسيميليان وكلها جنب بعض تروح لها مشي وفيه مولين في ميونخ ريم اركادن والمول الاولمبي كمان رحنا لهم واشترينا منهم

انا اشتري من برى العطورات والشنط اكثر شي والملابس اذا لقيت شي مميز اشتري لان الماركات اغلبها متشابهه

اذا تبغاني اعطيك خيارات للسكن اعطيني كم بالغ وكم طفل واعمارهم والمخطط اللي قررت عليه

وترى في سالزبورغ وميونخ راح نضطر لحجز شقتين يعني تنقسمون قسمين وتقدر تطلب منهم انها تكون قريبه من بعض

اما زيلامسي و رست والريف الالماني راح نلقى باذن الله شقه للعائله كامله

مشكوورة على الجهد اللي تبذلينه للاعضاء

حنا 4 كبار
و 1 11 سنة
و 2 8 سنوات

وهذا المخطط

ميونخ وصول فقط - 3ليالي سالزبورغ - 6ليالي زيلامسي - 4ليالي فوشن - ليلتين رست - 4ليالي ميونخ

سالزبورغ 9 يوليو الى 12 يوليو



http://www.booking.com/hotel/at/crow...ml?aid=1329869




تاخذون غرفتين عائليه كل وحده تكفي 4اشخاص

مكتوب عندهم انه اللي اقل من 12 سنه مجانا بدون سرير وانا اشوف انه انت عندك 3 اطفال اعمارهم اقل من 12 سنه كيف راح تنومهم لان بالغرفه الرباعيه فيه سرير مزوج والكنبه تتحول الى سرير يكفي شخصين يعني الاربعه بالغين فقط

فيه مكيف ولكن بدون فطور

-------------------------------


http://www.booking.com/hotel/at/gtau...ml?aid=1329869



الفندق هذا بدون مكيف ولكن مع الفطور


تاخذون غرفتين ثلاثيه وتطلبون سرير اضافي لطفل عمره 8 سنوات بدف مبلغ 15 يورو لكل ليله يجيبون له سرير ومحسوب بالفطور كمان

كنت بقولك على الغرفه العائليه بس مكتوب انها تكفي شخصين بالغين وطفل اقل من سته سنوات وواحد من 6- 12 يعني ماتناسبكم

-----------

http://www.booking.com/hotel/at/anne...ml?aid=1329869




هذا الفندق انا جربته الصيف اللي فات نظيف ولكن بدون مكيف ومع فطور


تاخذون غرفه رباعيه وغرفه ثلاثيه


-----------


http://www.booking.com/hotel/at/rena...ml?aid=1329869


عندهم الاشخاص الاقل من 12 سنه كلهم مجانا ويجيبون لك سرير اضافي ولكن كل غرفه يكون فيها اربعه اشخاص كحد اقصي

ارشح لكم تاخذون غرفه ثلاثيه وتطلبون فيها سرير اضافي وغرفه ثانيه ثنائيه وتطلبون فيها سرير اضافي

الفندق فيه مكيف ولكن بدون فطور





اخيرا نصيحتي لك في سالزبورغ ماتضمن الجو احجز في فندق يكون فيه مكيف احسن لك

22 يوليو - 24 يوليو في رست

http://www.booking.com/hotel/de/gast...ml?aid=1329869

عندهم الغرفه الرباعيه اذا تبغاها لثلاثه اشخاص يكون سعرها SAR 1169.61

وعندهم الغرفه العائليه التي تكفي 5اشخاص اذا تبغاها لاربعه اشخاص يطلع لك السعر SAR 1382.27

السعر يشمل الفطور وانا اشوف انه هالخيار افضل شي موقعه حلو وقريب منه نهر

بس اقرا الشروط الخاصه المكتوبه عندهم بالنسبه للالغاء

-------------------

http://www.booking.com/hotel/de/gast...ml?aid=1329869

هذي شقق وتاخذون شقتين كل واحده تكفي اربعه اشخاص لان الشقه اللي تكفي 6 اشخاص لايمكن فهيا ضاافه اي شخص

انا افضل الخيار الاول ونصيحتي لك عجل بالحجز ترى مابقي الاوحده من كل شقه

ميونخ 24 يوليو - 28 يوليو

هذي شقق جديده فيها مكيف راح تفتح بشهر مايوم وتبعد عن السنتر 800 متر وهذي ميزه فيها وفيها مكيف وترى الشقق معروفه وتابعه لسلسه شقق موجوده في اوروبا

http://www.booking.com/hotel/de/adag...ml?aid=1329869

طبعا لازم تاخذون شقتين كل شقه بغرفتين نوم الشقه الوحده تكفي اربعه اشخاص لان ما عندهم اي سرر تضيفها في الشقق

---------------------

http://www.booking.com/hotel/de/einh...ml?aid=1329869

الفندق هذا بدون مكيف ولكن مع الفطور وتاخذون غرفه رباعيه وغرفه ثلاثيه

يبعد عن السنتر 900 متر

فيه شقق سكنت فيها العام الماضي وكنت بخليك تسكن فهيا بس للاسف فل

انا افضل الشقق الاولى اللي فيها مكيف وجديده
وكلها عندها محطات مترو وترام عشان تنتقلون للسنتر

زيلامسي اوكابرون 12 يوليو - 18 يوليو



فيلا كبيره في Zellermoos بالوسط بين زيلامسي وكابرون تكفي من 8-12 شخص رائعه جدا من هالموقع



http://www.alpen-apartments.com/Sear...D=start+search


اول واحده اسمها Villa "Day"


5 غرفه نوم و 3 دورات مياه

3 غرف منها فيها بلكونه يوجد تراس وموقف للسياره وحديقه وغساله ملابس وانترنت مجاني


سعرها بالليله 190 يورو بالاضافه الى


- final cleaning: € 120

- local tax (€ 1,15 per day per person over 15 years of age)

- bed linen and towels to rent: € 10,00 per person/per set

- security deposit: € 300


------------------------------

شقه كبيره في سنتر كابرون


http://www.homeaway.com/vacation-rental/p514671


3غرف نوم ودورتين مياه وبلكونتين كبيره مساحتها 100 متر مربع في الدور الثاني تبعد عن سنتر كابرون 400 متر فقط

سعرها بالليله 110 يورو فقط ممتازه جدا لاتفوتكم يعني سعرها لمده 6ليالي 660 يورو تقريبا 3300 ريال

بالاضافه الى


End cleaning: 100 Euro,

Tourist tax: 1,20 Euro per person per day


Deposit: 250 Euro


Bedlinen, towels, toilet paper: 12 Euro per person per week

---------------


هذا البيت في زيلامسي مره حلو



http://www.homeaway.com/vacation-rental/p492450


سعرها بالاسبوع فقط وليس باليوم 1350 يورو يعني باليوم سعرها 1125 ريال


بالاضافه الى


Deposit of 500 euros


Cleaning charge of 130 euros


tourist tax of 1.05 euros per head (aged over 15 years) per day



مساحتها 125 متر مربع فيها 3غرف نوم

فيها تراس وبلكونه وموقف سياارت وانترنت مجاني


تبعد عن البحيره 350 متر

-------------

شاليه حلو فيه حوش وشوايه


http://www.homeaway.com/vacation-rental/p740899



فيه 3غرف نوم ودورتين مياه مساحته 130 متر مربع


سعرها بالاسبوع لازم 900 يورو يعني 4500 ريال


بالاضافه الى



يورو cleaning 6-8 persons: 150

Tourist tax: 1.15 € per adult per day


---------------------------


هذي الفيلا انا جربتها العام الماضي ممتازه ونظيفه جدا وفي كابرون وقد ما اقولك روعه روعه

فيها غساله ونشافه في البدروم وحوش صغيرون وشوايه وموقعها حلو بعيد عن ازعاج السنتر بس كنا نروح للسنتر مشي انا واخواتي المسافه 700 متر فقط وقريبه مننا سوبرماركت بيللا والمالكه ممتازه وتعاملها حلو رغم انها ما تعرف انجليزي زي بس مشينا معاها

http://www.ownersdirect.co.uk/austria/a150.htm


فيها اربعه غرفه نوم وهي ثلاثه ادوار وبدروم وفيها صالتين وحده بالبدروم وثانيه بالدور الارضي وفيه غرفتين نوم كل واحده لها دوره مياه خاصه اما الغرفتين الباقيه قدامهم دوره مياه لهم

فيها ثلاثه بلكونات بغرف النوم

الدور العلوي فيه بس غرفه النوم الرئيسيه مع دوره مياه لها وبلكونه


مافهيا انترنت بس كنا نجلس بالحوش ونسوي بحث وتطلع لنا كثير من الشبكات وندخل النت

فيه بطاقه تخفيض للاماكن السياحيه 10%


سعرها للاسبوع 1104 يورو يعني باليوم 920 ريال فقط

التامين 200 يورو




هنا من موقع ثاني نفس الشقه


http://www.atraveo.com/objekte/33693.php

فوشن 18 يوليو - 22 يوليو



في شوانغو


هذي شقق تبعد 4كلم عن فوشن روعه روعه


http://www.homeaway.com/vacation-ren...uni_id=1075023


سعرها باليوم 230 يورو لكن تستاهل النهر جنب حديقه الشقه شوف صور له من موضوع العضو


http://www.arabtravelersforum.com/travel442286/


السعر يشمل التنظيف النهائي وبدل استخدام المناشف والمفارش ولكن غير شامله Tourist-tax of 1,45Euros/Person/Day



-------------------


في فوشن


http://www.homeaway.com/vacation-rental/p39692


شقه لسته اشخاص اذا عجبتكم راسلوهم انه عندكم طفل عمر 8 سنوات ممكن يخلونكم عادي


سعرها باليوم 129 يورو


-----------

http://www.homeaway.com/vacation-rental/p39692


هذي كمان نفس الشي لسته اشخاص راسلوهم


سعرها باليوم 78 يورو

--------

في قارمش


http://www.homeaway.com/vacation-ren...?uni_id=153369


بيت يكفي 10 اشخاص ولكن سعرها مناسب اليوم 110 يورو


-----------------


بيت في قارمش


http://www.homeaway.com/vacation-rental/p515679


سعر اليوم 180 يورو




افضل السكن في شوانغوا او فوشن كلها قريبه من بعض حوالي 5 كلم وبعدها قارمش لان المسافه بينهم 60 كلم تقريبا

اشكرك اختي على سرعة الرد

بس اللحين بغير الحجز وبقدمه

وبسال فيه احد جرب يسافر على الخطوط الاردنيه الى ميونخ

الحمدلله حجزنا الذهاب الى فيننا والعودة من ميونخ وعندنا 20 يووم*

السكن اول شي راح يكون بفينا ومنها يوم الى براتسلافا ويوم الى هنقاريا ( بس ماحددنا اي مدينه ) ومادري كم تسوى يوم فيينا واللي حولها ويمكن يوم الى براغ*

بعدين من فينا الى روزنهايم *ويكون السكن فيها *ونطلع كم يووم لسالزبورغ وكم يووم لزيلامسي وميونخ *واللي حولهم وش تقترحوون وكم يوم*

وودي نروح لروست عشان يورب بارك وكم يوم يكفيها واللي حولها وما فيه مشكلة ندخل فرنسا المدن اللي ع الحدود*


طبعا الجدول بيكوون سيااحة واسترخاء *
وتسووق والعااب*

طووووولت عليككم
واالله يعطيكم العافيه*
*

المشاركة الأصلية كتبت بواسطة bo_7moood
http://www.arabtravelersforum.com/tr...6/#post5104956

الحمدلله حجزنا الذهاب الى فيننا والعودة من ميونخ وعندنا 20 يووم*

السكن اول شي راح يكون بفينا ومنها يوم الى براتسلافا ويوم الى هنقاريا ( بس ماحددنا اي مدينه ) ومادري كم تسوى يوم فيينا واللي حولها ويمكن يوم الى براغ*

بعدين من فينا الى روزنهايم *ويكون السكن فيها *ونطلع كم يووم لسالزبورغ وكم يووم لزيلامسي وميونخ *واللي حولهم وش تقترحوون وكم يوم*

وودي نروح لروست عشان يورب بارك وكم يوم يكفيها واللي حولها وما فيه مشكلة ندخل فرنسا المدن اللي ع الحدود*


طبعا الجدول بيكوون سيااحة واسترخاء *
وتسووق والعااب*

طووووولت عليككم
واالله يعطيكم العافيه*
*



مارديتووا علي ياجمااعة تراني متوهق الى اللحين مارتبت اي شي

ايه واذا فيه امكانيه ندخل زيورخ يعني اطلع لها من رست يووم واحد وارجع

يعني المدن اللي بنسكن فيها

1- فيينا

2- روزنهايم
3- رست او ستراسبورغ او فرايبوغ

الذهاب فيينا والعوده ميونخ

مخططكم خلوه كذا عندكم 19 ليله يعني يمديكم

فيينا - سالزبورغ - زيلامسي - كونستانس او قارمش - رست - ميونخ

طبعا لو اخترتو قارمش راح يزيد عليكم المسافه تقريبا 100 كلم


بس انا شفتك حاط قرى غريبه وما اخترت سالزبورغ ولا زيلامسي ما انصحك بهالشي ابد ابدا


لواخترت كونستانس تقدر تروح لزيورخ قريبه جدا وكمان شلالات الراين

اللحين قاعد اسوي الجدول
فيينا كم يبيلها يووم
وزيلامسي وسالزبورغ
وستراسبورغ بسكن فيها واطلع لرست يوم يعني من الصبح الى الليل ونفس الشي الى زيورخ

3ليالي فيينا - 3ليالي سالزبورغ - 7ليالي زيلامسي - ثلاثه ليالي ستراسبورغ - 3ليالي ميونخ

هل تعرف المسافه من زيلامسي الى ستراسبورغ ؟؟ 545 كلم


ستراسبورغ الى زيورخ؟؟ 221 كلم

ممكن تخلي المخطط

3ليالي فيينا - 3ليالي سالزبورغ- 6ليالي زيلامسي - 3ليالي ميونخ - 3ليالي ستراسبورغ- ليله زيورخ


بس هل معاكم سياره ولالا لانها مهمه

اذا رحلتكم من مطار فيينا الى ميونخ معناته الجدول الاول بس لازم تنتبه للمسافه اذا عادي عندك توكل على الله

زيلامسي وكابرون وللي معاه سياره ويحب الطبيعه ماراح يكفيه اسبوع فيها