الموضوع: ترتيب سفرتي الي المانيا

الوصول لميونيخ والراحه لمدة ليله واحده

ثم التوجه الى سالزبورغ والسكن فيها 3 ليالي

ثم الانطلاق الى زيلامسي والمبيت فيها 6 ليالي

والرجوع اخيرا الى ميونيخ والسكن فيها 3 ليالي

يزالك الله خير اخوي ابونزيه
بس احسه بكون في دولتين فقط المانيا والنمسا
شو عن سويسرا وفينا
ليش ماكان من ضمن مقترحك

انت تبغى مسافات قريبه عشان كذا خليك على المانيا والنمسا

اذا تبغى فيينا نضيفها بس تبعد 300 كلم عن سالزبورغ والانتقال بالقطار متعب عشان كذا خليك على ميونخ اقرب لك واحلى

كنت محطي في بالي
المانيا - النمسا- سويسرا - فينا

وفي نقطة مهمة محطي السنة الجاية ان شاء الله
امر لندن + وفرنسا + اذا في مجال دولة قريبة
غلشان كذا هذه مخططي لهذا السنة

فاذا ممكن تحطون لي جدول لسفرتين
مقترح مترابط

سويسرا وفرنسا مع بعض ممتازه

المانيا والنمسا مع بعض ممتازه

لندن ممكن تضيفيها على اي مخطط بس تحتاج طيران منها الى المنطقه اللي بتروح لها وكمان تحتاج فيزه لبريطانيا لوحدها وفيزه شنغن يعني فيزتين

يزالك الله خير يا بنت حواء
فبغيت استشريك بما اتك امارة فشوا تنصحيني من دولة علشان الحرمة تستانس
من تسوق وطبيعة
افشوا نصيحتك من خط سير
مريح ونفس الوقت ازور مناطق دول اكثر
مع مراعة ما يكون الجو بارد و متعب

خلاص ممكن اعتمد الخط سير
بس ممكن توضحيلي الجدول
ليله ميونخ - 3ليالي سالزبورغ - 6ليالي زيلامسي - 4ليالي ميونخ
احس واجد 6 ليليي في زلامسي وليش كذا

يعني شو ممكن اسيوي في كل منطقة
ميونخ :
سالزبورغ-
زيلامسي -
ميونخ -

اول ليله في ميونخ حطيتها عشان ترتاحون خصوصا اذا كان الترانزيت طويل جدا واما اذا الترانزيت قصير ووصولكم قبل الساعه 2 الظهر ممكن مباشره الى سالزبورغ

بالنسبه للبرامج بعطيك جزء منها وانت لازم تقرا تقارير عشان تقدر تقرر

زيلامسي 6ليالي وفيه ناس تقعد 10 ليالي وناس اسبوعين الاماكن كثيره جدا في زيلامسي وكابرون او قريبه منها

سالزبورغ فيه اماكن داخل سالزبورغ زي حديقه الميرابيل ونهر السالزاك والمدينه القديمه والسنتر وفيه مول مشهور داخلها وقريب منها بحيرات كثيره منها موندسي - فوشل ام سي - سانت جلجن - وولف قانق - هالشتات


زيلامسي اوكابرون البحيره - السنتر التلفريك عندك اكثر من قمه- الشلالات - الزحليقه الصيفيه - الخوانق المائيه - بادقاستين - شلال كريملر
يكفيك الجو الرائع فيها واللي ماتلقى زيه في اي مدينه وانت رايح ريلاكس

ميونخ اغلبها تسوق وتقدر تزور قارمش وتروح للحديقه الانجليزيه والاولمبيه



اتمنى تقرا تقارير عشان تعرف وش تختار والامر يعود لك

يزالك الله خير
ممكن طلب
مساعدة على مقترح للفندق
بغيت شي مناسب كعرسان جدد معاهم بنت صغير
يعني بغيت فندق راقي بس مقول
او فندق مكانه روعة

ليله ميونخ - 3ليالي سالزبورغ - 6 ليالي زيلامسي - شورايك اضيف قارمش كمبيت يومين واخلي يونخ 3ليالي ميونخ

قصدك قارمش ليلتين وميوخ ليلتين ؟؟

بس كذا ماتكفيك الليلتين كتسوق الا اذا تبغى شي معين او شي بسيط

الامر يعود لك

الفنادق

اول ليله في ميونخ راح اعطيك خيار لفندق قريب من مول ريم اركادن بعيد عن السنتر تقضي فيه هالليله بس لازم ننتبه انه اول يوم لك احد ولالا؟؟

سالزبورغ عندك شيراتون - رمادا - كراون بلازا
زيلامسي عندك هالفندق

http://www.booking.com/hotel/at/der-...ml?aid=1329869=


ميونخ : ميرديديان - سوفوتيل او اي فندق قريب من السنتر


قارمش: انا افضل هالفندق اللي في شوانغو قريب من قارمش

http://www.booking.com/hotel/de/haus...ml?aid=1329869

هلا اختي
قصدي اضيف قارمش 2 وميونخ 4
ما فهمت شو قصدك
بس لازم ننتبه انه اول يوم لك احد ولالا؟؟
وشو الفرق

وعندي طلب بعد
انتي الاحين شفتي الجدول
هل في تعديلات او ملاحظات بالنسبة للايام او المدن ازلزيارت تقترحيت تعديلها
او ضافة او تغير

انت اول يوم لك اللي هو 8-5 راح يكون يوم احد يعني السوق مقفل وانا كنت بخليك تسكن اول يوم وصول لك جنب مول عشان تقضي فيه وقتك

ولكن دام طلع انه اول يوم لك احد انا افضل من يوم ما توصل المطار مباشره الى سالزبورغ احسن لك لان اليوم هذا ضايع ضايع حرام تضيع اليوم اللي بعده كمان

اتمنى تكون فهمت قصدي ويصير مخططك

ميونخ وصول فقط - 3ليالي سالزبورغ - 6ليالي زيلامسي او كابرون - ليلتين قارمش - 3ليالي ميونخ

اذا كان وصولك بدري وما عندك مشكله تكمل الى سالزبورغ مباشره او ممكن نخلي اول يوم عند سنتر ميونخ اذا وصولكم بدري وكنت ملزم على انك تقعد ليله من بعد الوصول رغم انه السوق مقفل

اختي شو الراي اني انزل مطار ثاني
بمعناي اني علشان ما انزل في ميوتخ مرتين
مثلا انزل بمطار ثاني وانتهي بمطار ميونخ

شو الراي

مثلا انزل سوسرا - النمسا - المانيا
واكمل نفس الجدول المقترح

انت عندك مشكله كمان انه المده قصيره جدا

اذا بتخليها 20 يوم ممكن نخلي الذهاب جنيف او زيورخ والعوده ميونخ ويصير المخطط


جنيف او زيورخ - انترلاكن - كونستانس - زيلامسي - سالزبورغ - ميونخ


دخلت كونستانس عشان تقلل المسافه الى زيلامسي وهي فقط 380 كلم

وكونستانس رائعه جدا تستحق

هلا اختي
خلاص اتاك باذن الله حتى الان موعد السفرة
13 - 5- الى 31-5
فشوا الراي
بوجهة نظرك
هل اثبت على المقترح القديم والا الجديد
ويزالك الله خير اختي

عندك 18 ليله يفضل يكون المخطط


ليلتين جنيف - 4ليالي انترلاكن - 3ليالي كونستانس - 6ليالي زيلامسي - 3ليالي ميونخ


سالزبورغ تزورها من زيلامسي ولو كان المخطط 20 ليله نقدر نضيف ليلتين في سالزبورغ لوحدها

يزالك الله خير
اختي واحس انه الجدول بداء يتكمل بفضلك بعد توفيق رب العالمين
شو رايك
- 6ليالي زيلامسي - 3ليالي ميونخ
اخلي 5 زلامسي
ويوم انام في سابورغ قبل لاتوجه الى ميونخ
منه تقصير وقت الذهاب الى ميونخ
ومنه المبيت في سالبورغ

شكرا

المخطط القديم
ميونخ وصول فقط - 3ليالي سالزبورغ - 6ليالي زيلامسي او كابرون - ليلتين قارمش - 3ليالي ميونخ
المخطط الجديد
ليلتين جنيف - 4ليالي انترلاكن - 3ليالي كونستانس -5 ليالي زيلامسي -ليله سالزبورغ - 3ليالي ميونخ

هلا اختي توه انتبهت انه قارمش ااختفت وجت بدالها كونستانس
ايش السبب

حطيت لك كونستانس عشان تقرب المسافه بين انترلاكن وزيلامسي لانها بعيده جدا

وقارمش تقدر تزورها يوم لو حبيت من ميونخ

والمخطط الاول كان يحوي النمسا والمانيا فقط وعشان كذا افضت لها قارمش اما المخطط الثاني اضفنا فيه انترلاكن وجنيف

خلاص توكلنا
الاحين ومن بعد اذنك
ممكن مقترح الفنادق فقط للمدن الجديدة التي تمت اضافنها

وبع طلب
بغيت المسافات الساعة بينهم
جنيف - انترلاكن - كونستانس -زيلامسي - سالزبورغ - ميونخ

8-5 الى 26-5 صح ولالا التاريخ ؟؟

جنيف - انترلاكن 227 كلم يعني ساعتين ونص

انترلاكن- كونستانس 195 كلم يعني ساعتين وربع

كونستانس -زيلامسي 374 كلم يعني 5 ساعات تقريبا

زيلامسي - سالزبورغ 108 كلم يعني ساعه وربع

سالزبورغ - ميونخ 146 كلم يعني ساعه ونص


هل زوجتك منقبه ولالا عشان على اساسه نحدد السكن في جنيف

كيف يعني
بخصوص السكن في جنيف
شو دخل النقاب في السكن - مجرد استغراب - ومنكم نستفيد اذا ممكن

الحين جنيف اغلب المدن او القرى القريبه منها تعتبر مدن فرنسيه زي انسي وايفيان وديفون وشامونيه وغيرها

اذا زوجتك منقبه راح نحجز بالجزء السويسري لوزان او مونترو او غيره او داخل جنيف

لان صدر قرار منع النقاب على الاراضي الفرنسيه وراح يكون فيها غرامه كبيره وسجن يعني حوسه

اذا كانت زوجتك غير منقبه راح اعطيك خيارات للسكن في القسم الفرنسي والعكس صحيح اتمنى فهمت قصدي



شوف الخريطه هنا


http://maps.google.com/maps?f=q&sour...9,2.458191&z=9



راح تشوف انه جنيف جايه على طرف البحيره من تحت وحوالينها منحنى لونه رمادي هذي حدود فرنسا يعني جنيف مدينه سويسريه كانها داخل فرنسا

هلا اختي
زوجتي مش منقبة
بس شو الافضل و الاحلى
وطبعا على دوقك وشي جميل

13 - 5- الى 31-5


ليلتين جنيف - 4ليالي انترلاكن - 3ليالي كونستانس -5 ليالي زيلامسي -ليله سالزبورغ - 3ليالي ميونخ


13-5 الى 15-5 جنيف


http://www.booking.com/hotel/fr/busi...-5&aid=1329869



15-5 الى 19-5 انترلاكن


http://www.booking.com/hotel/ch/glor...&tab=2&lang=en





19-5 الى 22-5 كونستانس

http://www.booking.com/hotel/de/riva.html?aid=1329869



http://www.booking.com/hotel/de/stei...ml?aid=1329869




http://www.booking.com/hotel/de/apar...ml?aid=1329869





22-5 الى 27-5 زيلامسي


http://www.booking.com/hotel/at/der-...ml?aid=1329869




في كابرون


http://www.booking.com/hotel/at/apar...ml?aid=1329869




http://www.booking.com/hotel/at/exkl...ml?aid=1329869





27-5 الى 28-5 سالزبورغ


http://www.booking.com/hotel/at/rena...ml?aid=1329869





http://www.booking.com/hotel/at/rama...ml?aid=1329869


هنا بس انتبه الحجز غير مسترد وانا ما افضل تحجز الغير مسترد




28-5 الى 31-5 ميونخ


http://www.booking.com/hotel/de/rocc...ml?aid=1329869




http://www.booking.com/hotel/de/baye...ml?aid=1329869



http://www.booking.com/hotel/de/le-m...ml?aid=1329869

يزالك الله خير
الصراحة ما اقدر اقول
الله يزالك الله الخير في الدنيا و الاخرة ويوفقك انتي وعائلتك

بس اذا ممكن مساعدة بخصوص تاجير السيارة
كيف ترتيبها
وين احجزها ووين ارجها ووين الارخص

وزوجتي تسال
كيف ترتيب الملابس حقها وحق البنوته الصغير
يعني لو عطين المختصر المفيد
لكل مكان بنسيره

وتسلم عليك وتششكرك

انت مضطر تحجزها من جنيف ولكن احجز من القسم الفرنسي بمطار جنيف عشان يطلع عليك ارخص لكن المشكله اذا جيت تسلم السياره في ميونخ راح تدفع ضريبه طبعا لانك راح تسلمها في دوله اخرى

ما اعرف الجو كيف بشهر يونيو بالضبط

نصيحتي لكم خذوا لبس اكمام طويله قطنيه وخذوا جاكيت للطفله ولكم واحد يكفي عشان لو صحيتوا يوم وكان برد مره تلبسون الجاكيت

لكن غالبا ماراح يكون في ذاك البرد خصوصا علينا احنا الكبار

اما الطفله خلوا الجاكيت دايم معاكم ولو حسيتوا الجو برد تلبسونه اياها

احنا بيوليو قابلنا كم يوم بارد بس حلو كم يوم ولكن اغلب الايام مو برد مره

وترى غالبا جوهم متقلب يوم يجيك غيم ومطر ويوم مشمس

عشان كذا افضل شي اللبس القطني اكمام طويله خصوصا للطفله والجاكيتات خلوها بالسياره دايما عشان ماتنسونها واذا حسيتوا بالرد تاخذونها من السياره

بالنسبة للسيارة هل الفرق كبير بين القسم الفرسي - كم يعني
وكم نسبة الضريبة تسليم السيارة تقريبا
وشو من المكاتب تنصحيني

اللي اعرفه انه السعر بين القسم السويسري والفرنسي بمطار جنيف كبير جدا وممكن تجرب باي موقع تختار سويسرا وبعدين جنيف وبعدها مطار جنيف وتشوف كم سعرها

وبعدين تختار فرنسا بعدين مطار جنيف وتشوف كم سعرها راح تلاحظ الفرق كبير

وقتها شوف وش اللي تبغاها وجرب تحط التسليم في ميونخ وشوف السعر كم راح يزيد عن لو كان التسليم في جنيف القسم الفرنسي اوفي اي مدينه فرنسيه

انت مضطر تسوي هالشي لانك تبغى السياره انا دايم اجرب سكست اسعارها حلوه واختار سياره ديزل ونصيحتي لكم لاتكثرون شنط اغلب وقتكم بتكونون برى قللوا الشنط لان التعب بيكون عليكم اغلب الفنادق ما فيها حمال شنط
وكل سياره لها عدد معين من الشنط
وكمان الطفله اتوقع يبغى لها كرسي للسياره اطلبوه مع السياره لاتنسى ضروري جدا ولا بيعطونك مخالفه

كنت افكر اني اسلم السيارة قيل ميونخ
علشان نشتخدم الاندرقرواند هناك
شو الراي
كنوع من التغير
فهل تصنصحين بهذه الفكرة
وما في تعب او بهدله

انا افضل تخلي السياره معاك وتحاول تختار فندق يكون سعر المواقف بسيط او تسال اذا كان في جنبه مواقف مجانيه ولالا

لان انت ممكن تروح الى قارمش وبعدها تمر على فوشن يوم من الصباح الى المساء

وممكن يوم تروح الى الحديقه الانجليزيه والاولمبيه هذي كلها تحتاج السياره

اما الذهاب للسنتر كارلز بلاتز ومارين بلاتز وماكسيميليان تروح بالمترو او الترام لانك ما تلقى مواقف عند السنتر

على العشاء زوجتي تقولي
احس انه المدة طويلة فطرحت - 3 ليالي
وطلع بعد اجتهاد مني - لكن اكيد ما استغى عنك اختي
ليلتين جنيف - 4 ليالي انترلاكن - 3ليالي كونستانس -5 ليالي زيلامسي - ليله سالزبورغ - 3ليالي ميونخ
-2 ااااااااا--- -3 اااااااااااااااااااا- 2 اااااا ااااااااااااااا- 4ااااااااااااااااااا - 1 اااااااااااااااا- -3


فشو الراي

لاايم قليله ما انصحك بهالشي اذا بتقلل الايام اختار سويسر او النمسا اما انترلاكن و زيلامسي تقعد فيهم بس مده قليله حرام والله

مشكوره بنت حواء أستفدت من المعلومات اللي قدمتيها للأخ عبدالله..

بس عندي سؤال بسيط ،، شو أفضل بحيرة للسكن عندها في الجنوب الالماني من حيث الجمال والطبيعة حواليها,, ومن حيث قربها للأماكن السياحية

كونستانس Constance حسيت كونستانس كبيرة يعني يمكن ما ينحس بجمالها مقارنةً بالبحيرات الصغيرة شو رايج يا مشرفتنا..؟؟
أو تيتسي..Titisee
أو Bodensee

ونحن بنكون حابين نروح يورب بارك ،،وليجو لاند من المنطقة اللي بنسكنها يعني بغينا المنطقة الوسط..

والسموحة منج ومن الأخ عبدالله ،بس حسيت نفس سفرتي وحبيت أشارك..

اول شي فيه غلط عندك بالمعلومه

مدينه كونستانس مطله على بحيره Bodensee

ولا يوجد بحيره اسمها Constance وبحيره اسمها Bodensee


لان كلها واحد واحد من الاسماء انجليزي والثاني الماني


ولايمكن ان نقارن بحيره Bodensee ببحيره Titisee لان بحيره بودن

شي ثالث او ثاني اكبر بحيره في اوروبا ويطل عليها مدن سويسريه

والمانيه ونمساويه منها لندوا وبريغنز ومايميزها قربها من ميونخ كذلك وقربها من الغابات السوداء

طبعا مدينه كونستانس هي اكبر واجمل مدينه مطله على هالبحيره والحلو فيها انه تقع عند نقطه التقاء نهر الراين ببحيره بودن سي


انا راح اعطيك المسافات رغم اني افضل لك كونستانس لانها اكبر وفيها نشاطات اكثر وانت اكيد راح تكون باقي الرحله في ريف عند بحيره اما كونستانس جوها غير





كونستانس الى رست 161 كلم


كونستانس الى ليغولاند تقع في منطقه اسمها Gunzburg
184 كلم




Titisee الى رست 71 كلم

Titisee الى ليغولاند 252 كلم

تعرفين اخاف انه الجو يكون بارد
وزمسي حلاتها في الربيع
ومااردي اخاف يكون براد اخاف نبقى واجد بها لكن الجو مايسيعفنا


* ياخ عاوزين نسافر - بالعكس حياك واذا في مقترحات او ملاحظات لاتقصر معاي
وترى بنت حواء ممقصر معاي بل مرة وانا الصراحة مستحي منها ومتعبنها معاي

ما راح يكون ذاك البرد لانه البرد يزيد من سبتمبر اما قبل كذا بيكون الجو ربيعي وليس بارد

والبرد اصلا يبدء يخف من ابريل

يعني الجو بيكون حلو جدا

بس حس انه مش هذاك الفرق
نفصت يوم من هذه الخطة
4 ليالي انترلاكن - 3ليالي كونستانس -5 ليالي زيلامسي
3 الــــــــــــــــــــــ 2 ــــــــــــــــــــــــــــ 4 ـــــــــــــــــــــى

وخفت اشعر بالملل خصوصا انترلاكن و زيلامسي من طول المدة

انترلاكن 4 ليالي قليله عليها وتقوم تقللها اكثر

وزيلامسي كمان قليل عليها 5 ليالي وحتى كونستانس

لكن اذا انت تبغى هالشي الامر لك بس صدقني راح تعرف كلامي اذا وصلت انترلاكن وزيلامسي

ما ادر ي بس يقولون اته زلامسي ما فيها شي وحده 3 ايام الى 4

\

انت شوف تقارير عن زيلامسي واحكم بنفسك لانه انت اللي بتسافر

انا اعطيتك رايي ونادرا ما تلقى احد يروح 3 او4 ليالي في زيلامسي ينعدون على الاصابع

هلا اختي
سبقت انا بالفكرة وقاعد الاحين اشوف التقارير
لانه هذه الكلام انه زلامسي تكقيها 4 الى 3 من طرف اخت الحرمة كانت مسافر بالشتاء

زعندي بعض الاستفسارات
- كم معدل المصروف اليومي نقريبا انا محطي 150 يورو شو الراي
-بالنسبة للفنادق الي تفضلتي مشكورة باقتراحها هل هي فنادق والا شقق
هي قصدي نفس الهيتون والا كيف

لاني بالانكليزي ****

-كيف بالنسبة لغسيل الملابس
-وبالنسبة لكفرات السرير هل هم نظاف والا كيف وهل يحتاج اشل معاي
-وبالنسبة للطبخ في اوربا
-شو احسن دولة للتسوق من الثلاث اللي راح ازورها يعني رخيصة

بالشتاء ممكن 3 ايام لان زيلامسي تكون ميته وكلها ثلوج والفعاليات مغلقه اما بالصيف غير

في فنادق وفي شقق انت اللي تحدد وش تبغى

غسيل الملابس اما انكم انتوا تغسلون بنفسكم بالفندق او ممكن تلقون بنفس الفندق فيه غساله ونشافه تحت تدفعون مبلغ عليها وتغسلون ملابسكم


وفي ناس يعطون الفندق يغسلهم وانا ما احب هالشي لانك ماتدري يحطون ملابسك مع مين واسعارها غاليه


التسوق بميونخ بس مافي شي رخيص اكثر من عندنا انت باوروبا

مفارش السرير غالبا نظيفه وممتازه الا اذا انت اخت فندق سيء ممكن تواجه مشكله

انا ما قد واجهت مشكله

الطبخ باوروبا اذا تبغى لازم تسكن بشقق يكون فيها مطبخ وتاخذمعاك اغلب الاشياء الي تبغاها من هنا من مواد غذائيه والدجاج واللحم متوفر بالمراكز الاسلاميه اوعند الاتراك ولكن موموجودين بكل مدينه

انا واهلي نطبخ بالمدن اللي نطول فيها اما اللي ليله او ليلتين نعتمد على ماكدونالدز ونحرص اننا ناخذ الفندق او الشقه مع الفطور

الصارحة الواحد بدونك يضيع
كلامك صحيح وخلاص راح اثبت على القديم وجازالك الله خير

وعندي بعض اللمسات حق السفرة

براجع الفنادق معاك والتركيز بالنسبة للفنادق بغيت شي نظيف جدا وحتى لو شو غالي وبغيت مكان روعة وطبيعة
وبالنسبة للمصروف اليومي كم تقريبا تقديرك من ---- الى
والحجز تنصيحين من بوكينغ ومضمون
والنسبة للوكيند
متى هم اجازة الاسبوع عندهم
والساعة كم تفتح المحلات و الحدائق و الى الساعة كم
بالنسبة للوكيند هل كل شي مغلق والا زحمة زكيف

دموع الوجد،، مشكورة الصراحة ما قصرتي معانا ،،

أنا شفت في جوجل ايرث أنها بحيرتين وحدة كبيرة والثانية صغيرة ف ع بالي وحده كونستانس ووحده بودنسي..

بس بالنسبة لبودنسي أو تيتسي منو جماللها مثل بحيرة زلامسي..؟؟
وشو الأماكن السياحية والنشاطات اللي حوالي مدينة كونستانس..

المشاركة الأصلية كتبت بواسطة abdlla
http://www.arabtravelersforum.com/tr...0/#post5081570

الصارحة الواحد بدونك يضيع









المشاركة الأصلية كتبت بواسطة abdlla
http://www.arabtravelersforum.com/tr...0/#post5081570

كلامك صحيح وخلاص راح اثبت على القديم وجازالك الله خير

وعندي بعض اللمسات حق السفرة

براجع الفنادق معاك والتركيز بالنسبة للفنادق بغيت شي نظيف جدا وحتى لو شو غالي وبغيت مكان روعة وطبيعة
وبالنسبة للمصروف اليومي كم تقريبا تقديرك من ---- الى
والحجز تنصيحين من بوكينغ ومضمون
والنسبة للوكيند
متى هم اجازة الاسبوع عندهم
والساعة كم تفتح المحلات و الحدائق و الى الساعة كم
بالنسبة للوكيند هل كل شي مغلق والا زحمة زكيف

هذي الفنادق اعطيتك المتوفر بوقتك والافضل

ليلتين جنيف - 4ليالي انترلاكن - 3ليالي كونستانس -5 ليالي زيلامسي -ليله سالزبورغ - 3ليالي ميونخ

13-5 الى 15-5 جنيف

http://www.booking.com/hotel/fr/busi...-5&aid=1329869

----------------

http://www.booking.com/hotel/fr/jiva...ar&aid=1329869

هذا فندق فخم ودايم اذا لقيت خيار غرفه مع الفطور اختارها لان الفطور له طعم مميز لما تفطر كل يوم تحت بالبوفيه

هذا تقرير من ابوعزيز عنها

http://www.aboaziz.net/blog/?p=864

--------------------------

15-5 الى 19-5 انترلاكن

http://www.booking.com/hotel/ch/glor...&tab=2&lang=en

تقرير عنه

http://www.arabtravelersforum.com/travel426756/

---------------

http://www.booking.com/hotel/ch/goldey.html?aid=1329869

اختار المطله على الجنوب لانه كما ذكرت احد الاخوات اللي سكنت فيه انها هي المطله على النهر

وهذا تقرير عنه

http://www.arabtravelersforum.com/travel462614-19/

http://www.arabtravelersforum.com/travel492064/

--------------------------------

19-5 الى 22-5 كونستانس

http://www.booking.com/hotel/de/riva.html?aid=1329869

http://www.booking.com/hotel/de/stei...ml?aid=1329869

http://www.booking.com/hotel/de/apar...ml?aid=1329869

هذي الخيارات اخر وحده شقه احنا جربناها مرتين نظيفه ولكنها ليست فخمه بس اذا تبغى فندق وفخم ومميز شوف اول واحد هو احلى شي

--------------------------------------

22-5 الى 27-5 زيلامسي

http://www.booking.com/hotel/at/der-...ml?aid=1329869

في كابرون

http://www.booking.com/hotel/at/apar...ml?aid=1329869

http://www.booking.com/hotel/at/exkl...ml?aid=1329869

طبعا كابرون ابرد من زيلامسي

هذي كلها حلوه بس اول فندق روعه واطلالته مميزه

هذا تقرير عنها

http://www.arabtravelersforum.com/travel283349/

----------------------

27-5 الى 28-5 سالزبورغ

http://www.booking.com/hotel/at/rena...ml?aid=1329869

http://www.booking.com/hotel/at/rama...ml?aid=1329869

هنا بس انتبه الحجز غير مسترد وانا ما افضل تحجز الغير مسترد

رمادا افضل من راديسون وكلهم قريبين من بعض بس مشكله رمادا انه حجزه غير مسترد اذا متاكد من السفر احجز عليه

هذا تقرير عنه

http://www.arabtravelersforum.com/travel430288/

-----------------------------

28-5 الى 31-5 ميونخ

http://www.booking.com/hotel/de/rocc...ml?aid=1329869

http://www.booking.com/hotel/de/baye...ml?aid=1329869

http://www.booking.com/hotel/de/le-m...ml?aid=1329869

اختار اللي يكون مع فطور وكلهم مميزين



الويكند عندهم سبت واحد والمحلات كلها تقفل الاحد اليوم كله والسبت بعضها تفتح كم ساعه اصلباح وبعدين تقفل

انا اعرف هالشي بصفه عامه نصيحتي لك يوم السبت روح السوبرماركت واشتري اللي تبغاه لان يوم الاحد تكون مقفله

اما الاماكن السياحيه تكون مفتوحه ماتقفل

في الموسم ماراح يفرق معاك ويكند ولالا لان طول الوقت بيكون زحمه طبعا اخف من شهر يونيو ويوليو

المشاركة الأصلية كتبت بواسطة عاوزين نسافر
http://www.arabtravelersforum.com/tr...4/#post5081594

دموع الوجد،، مشكورة الصراحة ما قصرتي معانا ،،

أنا شفت في جوجل ايرث أنها بحيرتين وحدة كبيرة والثانية صغيرة ف ع بالي وحده كونستانس ووحده بودنسي..

بس بالنسبة لبودنسي أو تيتسي منو جماللها مثل بحيرة زلامسي..؟؟
وشو الأماكن السياحية والنشاطات اللي حوالي مدينة كونستانس..

انا تيستي ما رحت لها ولكن اتوقع انها مشابهه للبحيرات القريبه من سالزبروغ يعني يكفيها زياره يوم



بس كونستانس مدينه وليست قريه مثل زيلامسي


ولكن الاماكن السياحيه فيها مختلفه عن الاشياء المعروفه زحليقه وتلفريك وشلال

فيها جزيره الزهور وحطيت لها صور

http://www.arabtravelersforum.com/travel510998-2/



فيها سي لايف اكواريوم رائع ويستحق الزياره


وكذلك مول لاغو سنتر


وممكن تزور شلالات الراين في زيورخ قريبه جدا وممكن كمان زياره زيورخ في نفس اليوم يعني تخلي يوم كامل لزياره شلالات الراين وبعدها زيورخ


وممكن تروح لالعاب اليورب بارك المسافه 160 كلم


كونستانس مدينه تقع على نهر الراين وبحيره بودن سي ويوجد فيها مسجد ومركز اسلامي اشوفه من اكبر المراكز اللي شاهدتها برى


السنتر رائع والتجول في المدينه القديمه متعه


يمكنك زياره جزيره الخضروات كلها مزارع تروح لها وتشتري من عندهم اللي تبغاه وممكن ياذنون لك الدخول للمزرعه


يمكنك زياره بريغنز النمساويه لوحبيت



يمكنك زياره Triberg im Schwarzwald اللي فيها اطول شلال في المانيا تبعد 100 كلم ذهاب فقط


يمكنك زياره فرايبورغ تبعد 125 كلم ذهاب فقط


يمكنك زياره لندوا الالمانيه سواء المدينه او الجزيره


يمكنك زياره بحيره تيستي المسافه فقط 90 كلم ذهاب


يمكنك زياره Todtnau اللي فيها اطول زحليقه صيفيه في المانيا المسافه 119 كلم ذهاب


اخيرا كونستانس مدينه هادئه جدا ويقل تواجد الخليجين فيها وهذا ما افضله انا وعائلتي

شكرا اختي وما قصرتي خليني ارتي الامور واذا عندي شي باخبرك
لكن عندك شي تنصحيني اياه
- خصوصا للزوجتي
او بنتي
مثلا اغراض - ملاابس - ادوات
وبالنسبة للمصروف اليومي كم تقريبا تقديرك من ---- الى
- بالنسبة لحجز الفنادق احجز من بوكنق كفاية يعني مضمون والا فيه احتمال يخون

- هذه المتجع- في قرية باد راغاز – بعيد عن مطار جنيف اللي بنزل فيه وكم المسافة

المشاركة الأصلية كتبت بواسطة دمـوع الوجـد
http://www.arabtravelersforum.com/tr...6/#post5081986

انا تيستي ما رحت لها ولكن اتوقع انها مشابهه للبحيرات القريبه من سالزبروغ يعني يكفيها زياره يوم



بس كونستانس مدينه وليست قريه مثل زيلامسي


ولكن الاماكن السياحيه فيها مختلفه عن الاشياء المعروفه زحليقه وتلفريك وشلال

فيها جزيره الزهور وحطيت لها صور

http://www.arabtravelersforum.com/travel510998-2/



فيها سي لايف اكواريوم رائع ويستحق الزياره


وكذلك مول لاغو سنتر


وممكن تزور شلالات الراين في زيورخ قريبه جدا وممكن كمان زياره زيورخ في نفس اليوم يعني تخلي يوم كامل لزياره شلالات الراين وبعدها زيورخ


وممكن تروح لالعاب اليورب بارك المسافه 160 كلم


كونستانس مدينه تقع على نهر الراين وبحيره بودن سي ويوجد فيها مسجد ومركز اسلامي اشوفه من اكبر المراكز اللي شاهدتها برى


السنتر رائع والتجول في المدينه القديمه متعه


يمكنك زياره جزيره الخضروات كلها مزارع تروح لها وتشتري من عندهم اللي تبغاه وممكن ياذنون لك الدخول للمزرعه


يمكنك زياره بريغنز النمساويه لوحبيت



يمكنك زياره triberg im schwarzwald اللي فيها اطول شلال في المانيا تبعد 100 كلم ذهاب فقط


يمكنك زياره فرايبورغ تبعد 125 كلم ذهاب فقط


يمكنك زياره لندوا الالمانيه سواء المدينه او الجزيره


يمكنك زياره بحيره تيستي المسافه فقط 90 كلم ذهاب


يمكنك زياره todtnau اللي فيها اطول زحليقه صيفيه في المانيا المسافه 119 كلم ذهاب


اخيرا كونستانس مدينه هادئه جدا ويقل تواجد الخليجين فيها وهذا ما افضله انا وعائلتي

كفيتي ووفيتي يا دموع الوجد،، ومشكوووره وااايد على المساعدة .. خلاص حطيتها من ضمن جدولي خصوصاً إنا رايحين نهاية الأسبوع يعني ما يفرق معانا كثرة الخليجين لأن ما توقع إنشوف في هالفترة إلا القلة القليل. ((يعني عرسان))..

بس كم يوم يكفيهاــ والسموحة أختي ثقلنا عليكي بالأسئلة..

المشاركة الأصلية كتبت بواسطة abdlla
http://www.arabtravelersforum.com/tr...4/#post5082134

شكرا اختي وما قصرتي خليني ارتي الامور واذا عندي شي باخبرك
لكن عندك شي تنصحيني اياه
- خصوصا للزوجتي
او بنتي
مثلا اغراض - ملاابس - ادوات
وبالنسبة للمصروف اليومي كم تقريبا تقديرك من ---- الى
- بالنسبة لحجز الفنادق احجز من بوكنق كفاية يعني مضمون والا فيه احتمال يخون

- هذه المتجع- في قرية باد راغاز – بعيد عن مطار جنيف اللي بنزل فيه وكم المسافة




يبعد 378 كلم

هو اقرب لكونستانس 100 كلم او انترلاكن 189 كلم

بوكنج مضمون 100 % بس انتبه لاتحجز الا اللي يكون الالغاء مجاني وليش الحجز غير مسترد الواحد ما يدري عن ظروفه

المصروف اليومي ما اعرف ويختلف من شخص الى شخص

المشاركة الأصلية كتبت بواسطة عاوزين نسافر
http://www.arabtravelersforum.com/tr...4/#post5083444

كفيتي ووفيتي يا دموع الوجد،، ومشكوووره وااايد على المساعدة .. خلاص حطيتها من ضمن جدولي خصوصاً إنا رايحين نهاية الأسبوع يعني ما يفرق معانا كثرة الخليجين لأن ما توقع إنشوف في هالفترة إلا القلة القليل. ((يعني عرسان))..

بس كم يوم يكفيهاــ والسموحة أختي ثقلنا عليكي بالأسئلة..




متاكده راح تنبسطي فيها باذن الله

اصلا احسن اذا كان ما في خليجيين

على حسب اعطيني مخططك وانا اقولك كم يكفيها

شو رايك بميزانيتي
التقريبية
10 الاف درهم مصروف يومي
10 تذاكر
15 فنادق
طبعا الشوبنق حساب غير

اختي العزيزة استاذنك
بوضع المدن الجدول اللي اقترحتي
لمساعدتى كل على حسب تخصص الدول في المنتدى للاستفادة من اكبر عدد من الاراء بخصوص السكن
وطبعا تبقين انتي مرجعي الاخير

اخوي ما فهمت وش قصدك ياليت توضح لي اكثر

لان الخيارات للسكن حطيتها لك برد قبل