الموضوع: استفسار بخصوص الفيزا في ماليزيا وحجز الفندق

هلا أخوي
أنت تقصد بأن أخوك بيحجز الفنادق من بطاقتك و بيأخذعا معاه إلى ماليزيا و يدفع فيها للفنادق هناك

الرجاء التوضيح

نعم .. هذا قصدي بدل ما يروح يستخرج بطاقه اخرى

ما فيه مشكلة إن شاء الله المهم يكون في البطاقة رصيد كافي يغطي قيمة الحجوزات

يعطيك العافية اخوووي .. يعني ياخذ البطاقة كمان معاه .. وما يدققوا باسم الجواز واسم البطاقة انها مختلفه

الله يعافيك .... و لازم يأخذها معاه علشان يدفع للفنادق منها بس انت ما حددت هل حجز اخوك للفنادق بيكون مسترد او غير مسترد ؟؟
او انه الدفع بالفندق ؟؟ و على العموم وجود البطاقة اضمن و بالنسبة للتدقيق و التشيك ما احد يقارن بين الاسم في البطاقة و الجواز نادر
لانه نحنا نسافر و نستخدم الفيزا في الفنادق و المحلات ما عمره احد سألني عن ما اذا كانت الفيزا بأسمي و اسم شخص ثاني
و بعدين دام اسم العائلة متطابق ماشي الحال لا تقلق ان شا الله

بالتوفيق

هلا الغالي انا سألت ها السؤال في المنتدى و للاسف محد جاوبني
فـ سألت booking.com
قالولي يفضل و انت تحجز الفندق انك تذكر ها الشيء يعني اكتب ان اخوك هو الي راح يسكن في الفندق في بوكس الـ Special request
بس اهم شيء انه ياخذ صوره من جواز صاحب البطاقة و صورة البطاقة او الاصل كـ اثبات
و يقدر يدفع كاش او من البطاقة