الموضوع: نهايه اسبوع حلوه في منتجع دانه البحرين

[align=center]السلام عليكم ورحمه الله وبركاته

الحلو في البحرين انها قريبه من المنطقه الشرقيه و نقدر نقول الرياض وحلو الواحد يغير جو فيها لمده يومين نهايه الاسبوع

وانا اخترت لكم اليوم منتج حلو يعتبر من اجدد المنتجعات في البحرين



الي يميز المنتجع هذا موقع القريب من وسط المدينه



والاحلى ان طريقه تصميمه و شكله الخارجي و تصميم الغرف محافظة على تراث المنطقه الي نعيش فيها








و يتكون من غرف وسويتات والي يحب يحجز غرفه يفضل يحجز من بدري لانه يكون مليان خصوصا بالويك اند

وعلى فكره مو كل الغرف تطلع على البحر في بعضها يطل على حمام السباحه وتقدر لمن تتصل علشان تحجز تطلب الموقع الي تفضله



بالنسبة للاطفال والاولاد وحتى الشباب راح ينبسطون بالحمام السباحه لان شكله حلو خصوصا اذا كان الجو مناسب



وفي مكان خاص لالعاب الاطفال بس ما لقيت صوره له

و بالنسبة للشباب الي يحبون يسون رياضه في جيم صغيره.

وهذا المطعم يطلع على البحر



راح اعرض كم صوره له واتمنى يعجبكم






المنتج يزورونه اجانب من جنسيات مختلفه و شيء عادي لو شفت مايوهات وناس شبه مفاصيخ.

والي حاب ملعومات اضافيه و ارقام الحجز و تفاصيل اكثر عن طريق موقعهم :

http://www.novotel-bahrain.com/index.htm[/align]

مواضيع عشوائيه ممكن تكون تعجبك اخترناها لك:

• من عنده فكره عن اسعار تذاكر الخطوط لدبي من البحرين
• شالية بالعيد
• موقع سوق
• فندق مير كيور
• استفسار عن شاليهات درة البحرين
• عدسة شوقي في مملكة البحرين
• الجواز السعودي
• العاصمة المنامة كما لم تروها من قبل صور جوية أغسطس
• وين افضل الشقق العائلية في شارع المعارض
• حبايبي هل البحرين ممكن تساعدوني
• استفسار لله يرضالي عليكم
• سؤال وين احصل البدل الرسمية في البحرين
• السلام عليكم ،،،
• فندق ارماني قريبا في البحرين
• أبحث عن شقة عوائل في المنامة
• الدانه والا بنيان تري والا شنو تنصحوني فيه
• مع الشكر سؤال عن شاليهات البندر
• مسافرة للبحرين وابيكم بخدة لاهنتوا
• يوم مميز وراقي في البحرين
• استفسار لاهل البحرين

شكرا Fms على هالموضوع ، وجميل ان تتعدد خيارات الاقامة في البحرين لكن ماهو الأفضل بنظرك منتجعات البندرhttp://www.travel4arab.com/vb/showth...444#post262444 ام هذا ؟
تحياتي .

fms
تقرير رائع وجميل

وسبق ونزلت في هذا المنتجع
منتجع راقي ومرتب
وتعامل طاقم وموظفي الفندق أكثر من رائع

لكن العيب الوحيد في هذا المنتجع
عدم وجود شاطىء طويل

الميزه في هذا المنتجع ان بالقرب من وسط المدينه

fsm

يعطيك العافيه

المشاركة الأصلية كتبت بواسطة آخر الفرسان


شكرا Fms على هالموضوع ، وجميل ان تتعدد خيارات الاقامة في البحرين لكن ماهو الأفضل بنظرك منتجعات البندرhttp://www.travel4arab.com/vb/showth...444#post262444 ام هذا ؟
تحياتي .



انا سبق و جربت شاليهات البندر بصراحه كلهم حلوين بس هذا الحلو فيه انه جديد + قريب من وسط المدينه

البندر حلو البحر فيه و فيه العاب مائية ولا ادري ان كان في العاب مائية بالدانه

ان شاء الله تزوره المره الجايه لمن تروح البحرين و تقولنا رايك

لان رايك يهمنا.

المشاركة الأصلية كتبت بواسطة مهاجر


fms
تقرير رائع وجميل

وسبق ونزلت في هذا المنتجع
منتجع راقي ومرتب
وتعامل طاقم وموظفي الفندق أكثر من رائع

لكن العيب الوحيد في هذا المنتجع
عدم وجود شاطىء طويل

الميزه في هذا المنتجع ان بالقرب من وسط المدينه



صادق الشاطيء صغير جدا جدا جدا بس الي يشوف حمام السباحه يكره البحر

و يعطيك العافيه لانك شاركتنا تجربتك

المشاركة الأصلية كتبت بواسطة Red


fsm

يعطيك العافيه



الله يعافيك اخوي و شكرا على ردك وتشجيعك

مشكور أخوي ... وباين من المكان انه حلو ومرتب

الف شكرعلى التقرير الحلو بس الأسعار هل معقولة يعني كم تقريبا

ي افضل هو او الريتز كارلتون
بليز بسرعه
وخصوصا بالنسبه للاطفال

منتجع روووعه....شكراً لك على المشاركة عزيزي الكريم.


تحياتي.

fms
سؤال

كم الأسعار خلال زيارتك
لمنتجع الدانه؟ لهذا الشهر

السؤال عن الأسعار لازال قائما ... وملحا !

السلام عليكم شباب

انا توني حاجز فيه رحلة عمل و عطوني خصم خاص للشركه غرفه دبل 47 دينار بس

عرض الصيف 52 دينار للغرفه الدبل مع الفطور لشخصين..

منتجع راااااااااائع ، والله يعطيك العافية على التقرير الرائع .

أهم شيء الأسعار في كل المنتجعين كم تصير + هل يسمح بدخول العزاب ولا لازم عوائل

النابغة3

انا دقيت عليهم ..
وحصلتهم مسوين تخفيض في المده هاذي ..
سعر الغرفه دبل بــ520 ريال سعودي ..

وهاذاالرقم 0097317298008


لكم مني كل الموده ,,

السلام عليكم ورحمة الله وبركاته
اخوي fms الف شكرعلى هذا الموضوع وبارك الله فيك

يعطيك العافيه اخوي

السلام عليكم ورحمة الله وبركاته
اخوي fms اهنيك على اختيار هذا المنتجع وبصراحه انا من قريت الموضوع قعدت افكر:114: ليه ما تطمر تشوف ذا المنتجع وبصراحه من تدخله ينشرح صدرك :101: ولمدة يومين ما تعديته اطلع لسينما وارجع اجلس فيه، صح ان الجو كان حر:36_1_47: لكن الواحد يضع الوقت في :surf انا بصراحه انبسطت فيه على فكره رحت له بوحدي ولكن لفت انتباهي ان الجو العام فيه ناس كثير وفرفشه يعني ما تحس ان الجو شوي رسمي زي فندق الريتس كاريلتون عموماً الفندق ما ينتفوت ...
ارجع واقول الف شكر اخوي fms على اختيارك هذا الفندق واذا فيه شي من هذا النوع لا تبخل علينا لأني احب جو البحر والشواطئ...

تقرير رائع تشكر عليه

الاسعار لو سمحت بحدود كم

هل لازالت الاسعار 520 ريال

مشكور ما قصرت يعطيك العافيه

لا يا إخوان هذا غير صحيح البحرين ليست مجمعات فقط
هناك اثار تاريخية لمن يحب أن يرى ما تبقى من التراث وهناك الاسواق القديمة جدا جميلة وهناك المنتجعات مثل الدانة جيدا للعائلات
لا اعلم لم يكون الناس ذو نظرة سوداوية - البحرين ما تصلح والبحرين ما تصلح أسمحولي هذا الكلام خاطئ
يكفي عندما تقابل كبار السن البحرينيين خاصة بالقرى (مثل ما صادفت) تجد الطيبة والشفافية والصدق كله امامك ممزوجة بتلك اللهجة الجميلة - جد حفص والسنابس وغيرها .
في النهاية انا سنويا اذا ما اسافر للبحرين احس ان الصيف عندي مو طبيعي لازم سنويا ولأكثر من مرة الخبر - الدمام - البحرين-ثم العودة لبلدي الجميل الكويت.

يكفي عندما تقابل كبار السن البحرينيين خاصة بالقرى (مثل ما صادفت) تجد الطيبة والشفافية والصدق كله امامك ممزوجة بتلك اللهجة الجميلة



صحيح كلامك اخي العزيز الي يفكر البحرين المنامه و اسواقها فاقول له غلطان ماتشوفه في المنامه صورة سيئه وانطباع مانقدر نععمه علي البحرين ككل وللعلم الشعب البحريني رافض كل مظاهر الفساد الواضحه للعيان في امكان كثيره لكن العين بصيره واليد قصيره الي يبي يعرف ويشوف البحرين يطلع برا المنامه ويروح للمناطق الاخرى