انا مع انه الجمارك السورية بحاجة الى تطوير ومراقبة بخصوص الرشاوي ونتمنى انها تتقدم للأفضل لأني هذي السنة سافرت بالبر وجربت
بس الصراحة اذا كانت المراكز مزحومة جدا وقدامك طوابير من المسافرين وحتى ولو ماكان فيه رشاوي والموظفين ولا احسن منهم
تتمنى انك تدفع من جيبك اي مبلغ كان عشان تخلص وتمر هذا رأيي الشخصي
مثلا سافرنا مرة للكويت وبالرجعة طبعا وعند المركز السعودي المسافرين والله انهم مفترشين المركز من مبارح وزحمة مو طبيعية ماشفت مثلها ذيك السنة والمركز معفوس فوق تحت
وطبعا خذينا عدة ساعات حتى قدرنا نمر
بمثل هذي الحالة ودك انك تدفع عشان يمشونك وتخلص ليه لأ
اما في مرة اخرى ولا زحمة ولا شي بس الموظف ثقيل دم نزلنا ووقف سيارتنا ونزل العفش وعلى جنب وفككها مسمار مسمار وكفر كفر وباب باب واحنا نتفرج حوالي ساعة والبرد ذبحنا ومعانا الاولاد ولاحول لنا ولاقوة خليناه على راحته ماحد يقدر يقول كلمة لين ارتاحت نفسيته واقتنع ان سيارتنا مافيها مخدرات ولا متفجرات
مؤخرا في مطار الكويت ولا تستغربون خدمة ال vip مخصصة لركاب الطائرة الكويتية وهي ب 10 دنانير يعني حوالي 130 ريال
اذا كنت منتظر هلك بالمطار فيه مكتب متخصص بجانب صالة انتظار الركاب القادمين تدفع لهم هذا المبلغ وهم يخلصون اجراءاته انت عليك تعطيهم اسم الراكب وهم يدخلون ويستقبلونه من باب الطايرة ويمشونه من الجوازات الى التفتيش الى ان يوصلونه عندك بزمن قياسي وقبل غيره
ياريت مثل هذا الامور تتطبق بمنافذ سوريا بالمطار او عن طريق البر وانا من مؤييديها اذا اصبحت بديلة للرشاوي او تغير من مثل هالاشياء مثل مبلغ الف او الفين ليرة مثلا تمشي به امورك وانت مرتاح
الي يحب يدفع ويخلص اموره والي مايحب ينتظر سرا مع هالعالم
والله يعين
المفضلات