المشاركة الأصلية كتبت بواسطة q8_ukhrep
http://www.arabtravelersforum.com/tr...2/#post3101082
السلام عليكم
اخواني واخواتي خبراء ممكلة البحرين
انشاء الله زايرين البحرين مع المدام في الاسبوع الجاي
وبغينه جدول لمدة ثلاث ايام
مع العلم انه احنا حاجزين في فندق البنيان تري (اذا ممكن احد يدلنا عليه وصف او احداثيات الجارمن)
والمدام تبي محلات للعبايات النسائية بس اسعارها مناسبه
وعليكم السلام ورحمة الله وبركاته
حياكم الله اخونا ...
البانيان تري وصفه جدا سهل ... أول ما تطلع من الجسر .. تاخذ ثاني مخرج .. تتبع اللوحات الإرشادية المؤدية إلى حلبة البحرين الدولية ... وجنة دلمون المفقودة .. وإن شاء الله بتوصل ..
لأن الفندق قريب من جنة دلمون المفقودة ... الطريق طويل شوي ..
الجدول ... والله حسب ميولكم أخونا ... الفندق بروحه مكان جدا جميل ويرد الروح .. بركة السباحة جميلة ... وممكن عمل باربيكيو في فيلتكم .. تطلبون من خدمة الغرف ...
ترحون يوم تتسوقون في السيف والستي سنتر .. والعالي ... منها غدا أو عشا ومنها تسوق وقضاء وقت ممتع ..
ممكن تروحون يوم كامل جنة دلمون المفقودة ... حديقة مائية كبيرة ... وقريبة من فندقكم ..
لو حبيتوا تزورون المتحف الوطني .. أو أحد المواقع التراثية ...
واليوم الأخير تخصصونه للتسوق في سوق المحرق ... فيها محلات عبايات كثيييييرة جدا ... وكلها أسعارها مناسبة ... ومنها تاخذون الجلابيات والحلوى والمتاي والبهارات البحرينية ...
شوف برنامج الأخ The watcher ممكن تستفيد منه .... ولا تنسى تمر على الدليل السياحي ... فيه كم كبير من المعلومات ...
وحياكم الله
المفضلات