الموضوع: ميزانية ريال للقاهرة مجموعة اسئلة

السلام عليكم

كيف حالكم عساكم طيبين ؟


عندي بعض الأستفسارات اتمنى انكم تجاوبوني عليها

انا بخامس يوم عيد مسافر لمصر ان شاء الله مع واحد من الشباب ( يعني عددنا 2 بس ) ,,, السفر راح يكون عن طريق العبارة بضبا ,, الأنني من أهل الشمال ,, هاذي اسئلتي ( السؤال اللي تقدر عليه تراه ينفعني ) :

1- كم أسعار العبارات من ضبا للغردقة ؟؟ على ما سمعت 300 ريال للفرد

2- الذهاب من الغردقة للقاهرة كم يكلف ؟؟

3- الخطة اننا نسكن يوم بفندق 5 نجوم ,, وبعدها نسكن بفندق مناسب او ناخذ شقة , اريد اسماء لفنادق مناسبة للميزانية مع العلم اننا شباب بس يعني ما يهم اجواء العوائل علشان ما تقل علينا الخيارات

4- أيهم أفضل استئجار يومي للتكسي ( على ما سمعت 120 جنية ) او نوقف تكاسي ؟

[font="arial black"][size="4"][b]5- الميزانية كم تقعدنا يوم هناك ؟ يعني اربع خمس اسبوع أكثر ؟ مع معدل صرف يكون ( وجبة أكل 200 جنية الى 50 جنية مثلاً)

مواضيع عشوائيه ممكن تكون تعجبك اخترناها لك:

• صور رحلتي إلى مصر بلد جميل جدا ً
• من مطار القاهرة إلى شرم الشيخ
• معرض القاهرة الدولي للكتاب
• اذا كنت قادم الي مصر و محتاج سياره
• أخي الشايب العاشق وش رايك بهالكلام
• احدث سينما
• خدمة البلاك بيري
• سؤال
• طلب مساعده من اهالي الهرم
• عاجل الوضع الأمني بالقاهرة
• رايكم في فندق تروبيتيل نعمة باي في شرم الشيخ
• شواطئ نسائيه بشرم الشيخ
• الى كل من يستخدم الانترنت من الموبايل
• السياح السعوديون والأردنيون ينعشون شرم الشيخ
• انا وصلت القاهره با السلامه
• امس رجعت من القاهره
• اخوكم شمس بينكم في احلى منتدى وان شاء الله تشوفون تقريره عن قريب
• للأ هميه التأمين الطبي
• إستفسار بخصوص شرم الشيخ شهر العسل
• بخصوص الدراسه بمصر ۔ ۔ ۔

كل عام وانت طيب يابعدي ..

عموما شفت موضوعك واستحيت اطلع بدون ما ارد ..لاني مستعجل شوي


عموما ابو سعود .. انا صراحه ماعمري جربت العبارات والله .. وراح يفيدونك الشباب اكيييد ..


بخصوص السكن في القاهره .. اذا تبي قريب من الهيصه والمطاعم والكافيهات .. انصحك بفنادق تكون في جامعة الدول لانها قريبه وفيه ثلاث نجوم وموقعها كويس مثل( النبيلة و أمون ..)

التكاسي حسب مشاويركم .. اذا طلعاتكم ماتخلص خذ تاكسي باليوم .. واذا طلعاتكم نص ونص .. خذ تكاسي بالعداد وسو نفسك ذكي قل فكنا من العداد السياحي والحركات نصب كم ...

بخصوص المصروف الاوقات عييد الحين وبتلاقي الفنادق نار شوي .. بس عادي ترى كنت بالصيف قبل رمضان باسبوع هناك وكنت احسب الاسعااار نار وماخذ حسابي .. لكن تفاجأت بأن الصيف السنة هذي في مصر .. مو مثل كل صيييف .. ما ادري عشان الوقت ضيق او ان الناس تخطط للعيـــد ... او غيروا الناس وجهاتهم .. الله اعلم


الشرائح انصحك بـ فودافون لان اذا بتتصل للسعودية رخيصه وشبكتهم قوية ومنتشره بالقاهره .. وبتلاقي السعر من 15 ألى 25 جنيه ( انت وشطارتك )

الفلوس تكفي ان شاء الله بس خلكم ذيابه .. ونص حكيهم واسلوب الاقناع عندهم اجدعه فـ النيل ( يعني خذ وخل )

النصائح ( مصر حلوووه صراحه بس مشكلتهم في اكلهم ... انتبه من المطاعم مو اي مطعم تاكل منه .. وانا انصحكم تاخذون عزبتكم معكم وتشوفون لكم شقيقه نظيييفه وكويسه وخذلكم تويس لبني من ميدان لبنان .. صدقني راح تستانس

موووفقين ان شاء الله

لي بااك وراجع اخوي

عشان اقولك قصتي ومعاناتي مع السواقين الله يقطعهم

يابن الحلال انا خلااااص شطبت على صداقة حقين التكاسي .. كلما صادقت احد لابد يستغلني بشيء

تخيييل واحد من حقين التكاسي اول مانزلت لمصر من 6 سنوات تقريبا وانا ارسل له ناس من اخوياي واجيب له هدايا معي .. هذا غييير البخاشيش اللي اعطيه وغييره وغيره .. وان شاء الله انها لوجه الله مابي منه شي..


لكن تسممت مررره بمطعم السرايا الله لايوفقهم قسم بالله ماكل كباب وماصحيت الا انا استفرغ وانت بكرامه وانواع .... ههه اللي مانيب قايل

المهم تخيييل اللئيم وين ودانا وهو يشوفني اصارع الموت .. طبعا كنت هذيك الايام جاهل في المستشفيات والعيادات .. وداني عند خويه مدري جاره مدري وشو المهم انه فاتح عياده صغييره ومخيسه وبحي شعبي .. وكنت احسبه خايف علي وموديني عند واحد خبببره ويبيه يتوصى فيني .. لكن طلع ماعند هالدكتور ماعند ابو شغالتنا

وندق على الدكتور قال خليه بس يكثر من السفن اب

قاله خويي يابن الحلال الرجال يرجع شرابك وحبوبك وانت تقول سفن اب .. عرفنا ان ماعنده سالفه ورحنا لمستشفى كبييير بعد بكرشنا خوينا وطردنا ( السواق طبعا ) ورحنا لمستشفى عن طريق الحارس قال تراه غالي قلنا يابن الحلال مايهم بس عطنا اسسسسمه

والحمد لله بعد المغذيات والابر تحسنت شوي شوي ..

فعشان كذا .. صرت اتشائم من السواقين ولا احب احتك مع احد ولا ابي اعرف .. العداد وخلصنااا والمشاوير عارف اسعارها

سوري ع الاطاله بس عشان تعرف ليش انا ماصرت اتحمس اتعرف على احد ..

تحياتي لك

اخوي اجل ما انصحك تاخذ تاكسي باليومي .. مثل ماقلت لك بالعداد وسوي نفسك ابو العرررريف قل مانبي عداد سياحي ولاتسئلون السواقين عن شي ابببببد .. صدقني بتفتحون على انفسكم ابواب انتم في غنى عنها .. قسم بالله ان يسدرك بكثثثثثثثثثر البربرة .. لاتعطونهم فرصه بس ...

بخصوص النصب مايحتاج زرت لبنان وسوريا والاردن .وو..و.. الخ ( طبعا كلها عربية )

وللاسف كل واحد يقول الزود عندي

موووفقين يالغلا

المشاركة الأصلية كتبت بواسطة %خالد الرياض%
http://www.arabtravelersforum.com/tr...0/#post4210380

اخوي اجل ما انصحك تاخذ تاكسي باليومي .. مثل ماقلت لك بالعداد وسوي نفسك ابو العرررريف قل مانبي عداد سياحي ولاتسئلون السواقين عن شي ابببببد .. صدقني بتفتحون على انفسكم ابواب انتم في غنى عنها




والله ما شاء الله مبين عليك خبرة بالموضوع ,,,

عموماً يعطيك العافية على النصايح خالد ما قصرت

اخوي هالموقع راح يفيدك بخصوص الفنادق و ثقه

http://www.booking.com?aid=1329869

مشكور خالد على الموقع ممتاز جداً

===================================


يا ريت احد يفيدنا بالعبارات ,, ارقامها موعد ذهابها وعودتها

موضوع او موقع اي شيء !!

المشاركة الأصلية كتبت بواسطة abu saud 04
http://www.arabtravelersforum.com/tr...7/#post4211847

مشكور خالد على الموقع ممتاز جداً

===================================
يا ريت احد يفيدنا بالعبارات ,, ارقامها موعد ذهابها وعودتها

موضوع او موقع اي شيء !!




اخوي العزيز اذا كنت من مكه عندك في الغزاوي جميع المكاتب او اتصل على النقل الجماعي
او علي محطه البلاغه في ضباء

المشاركة الأصلية كتبت بواسطة سندي محضار
http://www.arabtravelersforum.com/tr...7/#post4211857

اخوي العزيز اذا كنت من مكه عندك في الغزاوي جميع المكاتب او اتصل على النقل الجماعي
او علي محطه البلاغه في ضباء



لا والله انا من الشمال

يا ريت لو عندك ارقام (حافل ) او ( البلاغة) ابي اتصل عليهم

طالما قررت تركب الباخرة فأنت بطل ، وإذا وصلت سالم ونشيط فأنت عملاق ما عليك خوف ..

بالنسبة للأكل لا تهتم بمسألة التسمم ، لأنك ممكن تتسمم من مطعم في فندق خمس نجوم ، ولا تتسمم من أكل في مطعم الجحش في السيدة زينب.

أما نصيحتي لك :

لا تركب الباخرة ، راح تتبهذل يا صديقي.

المشاركة الأصلية كتبت بواسطة نجع الغرقان
http://www.arabtravelersforum.com/tr...0/#post4212000

طالما قررت تركب الباخرة فأنت بطل ، وإذا وصلت سالم ونشيط فأنت عملاق ما عليك خوف ..

بالنسبة للأكل لا تهتم بمسألة التسمم ، لأنك ممكن تتسمم من مطعم في فندق خمس نجوم ، ولا تتسمم من أكل في مطعم الجحش في السيدة زينب.

أما نصيحتي لك :

لا تركب الباخرة ، راح تتبهذل يا صديقي.




معقولة ؟؟ انا قريت كثير من المواضيع تتكلم عن تعب العبارة ,, لكن هي تجربة نبي نجربها الطيران طرنا لما دخنا

اما التسمم الله يعيننا عليه ,,,

المشاركة الأصلية كتبت بواسطة Abu Saud 04
http://www.arabtravelersforum.com/tr...7/#post4211847


يا ريت احد يفيدنا بالعبارات ,, ارقامها موعد ذهابها وعودتها

موضوع او موقع اي شيء !!




السلام عليكم ..

تفضل :

1- http://www.arabtravelersforum.com/travel258160/

2- http://www.arabtravelersforum.com/travel293162/



تحياتي

السلام عليكم ورحمة الله وبركاته

على مايقولون اخوي بمصر تعيش عندك والا ماعندك ..
اهم شئ تحرص ع الأكل فيه مطاعم مناسبه بحدود المعقول ..
وفيه مطاعم مبالغه بالسعر ..
واحرص كل الحرص على الماء ..
اهم شئ انك ماتشرب الا مياه صحيه ..
وبخصوص السفر بالعباره كان اختصرت هالسالفه بالحجز على الشركه المصريه ..
تقام رحلاتها يوميا من مطار القصيم وينبع وسعر التذكره 1150 ريالاً ذهابا وعوده ..
بالنسبه لرحلات ينبع فل الى يوم 20 سبتمبر ..
لاني حاجزه على 14 سبتمبر اي خامس يوم العيد ..
لو لقيت خجز على الرحلات من القصيم احجز ووفر على نفسك التعب والجهد والبهذله ..
رحله موفقه وسعيدة ان شاء الله ..
دمت بخير