و عليكم السلام أخوي نيمار
بجاوب على استفساراتك اللى أقدر عليه إن شاء الله
بعدها حجزت طيران على بينانق من 23_26 في فلامنجو(ماعرفت ان الفندق مو زين الا بعد الحجز غير المسترد)
من قال أن الفندق مو زين؟؟
أنا جربته و سكنت فيه قبل شهر و الله أنه ممتاز و فيه شاطئ خاص و فيه كل الفعاليات و الأنشطة البحرية
ممكن ناس تقول أنه مو على شاطئ الباتو فرنجي مباشرة بس و الله أنه قريب
بالتكاسي يمكن اقل من 10 دقائق و الفندق نظيف و حلو و موقعه بصراحة جداً رائع
و اللى قال مو زين ما أدري كيف قييمه !!!
مثلا هل التلفريك والمانجروف ومعلم النسر وجوله على الجزيره ممكنه وكافيه ؟
و فيه القرية الشرقية طبعاً قريبة من التلفريك و فيه حديقة الفواكة (بصراحة ما تستأهل الزيارة) و فيه الشلالات بس يقولون الصعود لها متعب
و أعتقد إن الأماكن كافية و زيادة بالأضافة للأسترخاء في المنتجع اللى انت حاجز فيه
طبعاً فيه أنشطة بحرية مثل البارشوت و الجت سكي على الشاطئ في لنكاوي
بس أعتقد أنها في بينانق بتكون كافية و بدل التكرار
حجزت عل اسيا اير وطبعت التذاكر وحاولت ان اطبع البوردنق كي اذهب للمطار قبل الرحله بساعه فقط ؟ بس ماقدرت ذهبت لمكتب سياحي وقال مااقدر اطبع البوردنق لازم من المطار ؟!!
أعتقد أنك تقدر تطيق البوردنق قبل الأقلاع بــ 14 يوم بس فيه نقطة مهمة حتى لو طبعت البورجنق قبل الرحلة
حاول تروح المطار قبل الرحلة بوقت كافي علشان تسليم الحقائب لأنه فيه يكون عليها زحمة نوعاً ما
أنا صادفتها في مطار كوالالمبور على الماليزية جلست يمكن ساعة بس علشان أسلم الشنط
رغم إني طابع البوردنق قبل الرحلة بيومين ... !!
سوف اقيم في كوالا 3 ايام افكر ان ارتاح اول يوم واروح للبرجين بحكم انها مرره قريبه واليوم الثاني اروح من الصباح الى المساء لمدينة الالعاب في جينتنق والمساء اعود لكوالا واتعشى واليوم الثالت امر على احد المجمعات لشراء الهدايا ثم السفر للوطن ؟هل هذا ممكن وجيد ام مرهق ؟
حلو الجدول و أذا بتروح مجمع علشان تشتري الهدايا عندك مجمع التايم سكوير ممتاز و يبي له يوم كامل لحاله
هل تكفي 500 ريال يوميا كمصروف تشمل الاماكن السياحيه والعشاء؟
تكفي إن شاء الله إذا أنتو شخصين
تم الدفع للفنادق والطيران الداخلي عن طريق المكتب افكر ان اخذ المبلغ حق المصروف اليومي والهدايا كاش من هنا وهو حوالي 9 الاف واخذ معي بطاقه فيزا لو لا قدر الله حصل شي ايش رايكم ؟
حلو توزيعك للمبلغ بس ترا حتى لو تأخذ معاك جزء من المبلغ كاش بالرينقت و الباقي تخليه بالريال و تصرفه من هناك حسب حاجتك بكل حمل مبلغ كاش كبير معاك
و أفضل تخليه في بطاقة الفيزا و تسحبه من هناك أفضل من حمله باليد
بالتوفيق أخوي نيمار و رحلة سعيدة
رد مع اقتباس
المفضلات