الموضوع: سوريا في شهر ديسمبر

السلام عليكم

انا انشاء الله ناوي اطلع الى سوريا مع المدام لفترة 8 ايام و3 ايام في البنان عن طريق مكتب سياحي وعندي بعض الاستفسارات اتمنى من الرواد الاجابة عليها

هل توجد برامج سياحية الى البنان في هذه الفترة الى البنان؟

كم تكفي مزانية ل 8 ايام؟

ماهي افضل الاماكن في هذا الشهر في سوريا هل : بلودان , الزبداني , حلب , حمص , كسب مناسبين في هذه الفترة مثلا: يومين في الزبداني / يومين في حلب / يومين في كسب/ يومين في دمشق او الشام؟

هل توجد برامج مقترحة؟

كم تبلغ درجة الحرارة في المدن اعلاها في شهر ديسمبر؟

كم يتراوح سعر السكن بريال السعودي او ليرة؟

تحياتي للجميع

مواضيع عشوائيه ممكن تكون تعجبك اخترناها لك:

• سؤال
• سوريا
• ما أنساب أهل سوريا ؟
• عدنا والعود احمد
• الرؤؤس الكبيرة في بوابة سوريا كفى مجاملة
• كسبأم الطيوررأس البسيط سد بلوران تقرير مصور
• للمسوقين لسوريا عيب عليكم
• الشحن
• عندي استفسار بخصوص سوريا انتظركم
• سؤال للخبراء
• شام القابضة توقع اتفاقية مع شركة فرنسية لإدارة فندقين في حلب
• السكن في بلودان
• استفسار عن اسعار الشقق
• هل السفر برا بالسيارة من دمشق الى بيروت والعكس آمن ومافيه مشاكل
• الرجاء المساعدة
• مجموعة من مواقع المطاعم
• قيمة ملايين دولار سلسلة مطاعم عالمية بدمشق خلال شهرين
• استفسار عن صيد نايا ، وأجرة السائق اليومية
• أهــم أســـواق دمــشــق
• سوريه أول مره

اخي "الملاح التائه"
مية اهلا وسهلا فيك بسوريا
عندي ملاحظة صغيرة اذا سمحتلي
يعني عندك مجموعة كبيرة من الاسئلة وبدك مين يجاوبك
المنتدى تبعنا كثير حلو وغني بالمواضيع المخلفة
يعني كم ساعة وانت عم تبحر بالمنتدى بصير عندك فكرة واضحة لاجازتك

بكل الاحوال اكيد رح جاوبك قدر المستطاع
وما تنساني من الدعاء
*يوجد الكثير من البرامج السياحية من سوريا الى لبنان
ببساطة اول ما توصل لسوريا جيب جريدة الدليل الاعلانية
وتصفحها وحتلاقي الكثير من العروض السياحية للبنان الشقيق
واذا مستعجل ممكن من النت تنزل اخر عدد وتشوف كل الاعلانات

*الميزانية حسب انت وصرفيتك
في ناس بكفيهم 500 ريال باليوم وفي ناس تصرف 5000 وتقول بعد
بكل الاحوال السياحة مكلفة وسوريا فيها شوية غلا بس الامور بخير
يعني بدون كرت اطيارة واذا مو كثير حساس للسكن بالفنادق الفخمة
بكفيك من 5 الى 8 الاف ريال

*جميع ما ذكرت من الاماكن جميل واضف عليها دمشق العاصمة وكذلك الساحل السوري
حلب ما بظن تحتاج يومين ما بعرف اذا فيها اماكن سياحية كثير
يفضل يجاوبك اهل الاختصاص بحلب
بس مدينة دمشق فيها كثير اماكن حلوة وخصوصا طريق المطار ودمشق القديمة
بس انتبه للبرد في المدن غير الساحلية وبلودان

*برامج مقترحة هي شغلة طويلة بدك تعذرني صعب نكتبها
بس راجع بعض المواضيع حتلاقي كثير شغلات حلوة

*درجة الحرارة بشكل عام برد عدا الساحل بكون الطف شوي بس كمان بارد وخصوصا عالاطفال
يعني بالليل تحت 15 وبالنهار بين 15 و الـ 20 درجة
بدك كنزة كم طويل وممكن جاكيت ربيعي للفترة المسائية

*السكن يترواح حسب الموقع والنوع من شقق وفندق
بس رأيي اي شي بحدود 2000 الى 3000 ريال بشرط يكون نظيف
ولا تتجاوز هالمبلغ بالعكس وفر بالسكن واستمتع واصرف بباقي الاماكن
يعني السكن على الاغلب اذا كنت نشيط بس للنوم والفطور الصباحي
وباقي وقتك براة البيت

ان شاء الله اكون افدتك
تحياتي

اخي الكريم

لم تحدد عدد افراد الاسرة ولكن الميزة بسوريا هي كثرة البدائل وفكرة حلب جيدة حيث تمتاز بالاسواق القديمة والطويلة المتداخلة وقلعتها مشهورة وطعامها مميز واسواقها ممتازة وارخص من غيرها ولا تنسى الزعتر الحلبي وصابون الغار.


...................تحياتي