الموضوع: وصلت والحمدلله بس ابي مساعدة

السلام عليكم ورحمة الله وبركاته...


الحمدلله واخيرا الحلم تحقق .. بعد معاناه في السفر وتيسير الامور الحمدلله ... انا حاليا في كرايستشيرج بس متوهقة شوي يعني في اشياء ابي اسال عنها بس ابي احد اتواصل معاه مو مشكله بعطيه رقمي .. وحتى اليوم بكون بروحي في البيت وضايق صدري اقول اول يوم وكذا .. فياريت اكلم احد على الاقل يعرفني على المنطقة ..


بليز ردو علي بأي وقت انا مستنتره على النت ..والمشكله بعد مافي خاص حقي.


شكرا وانا في الانتظار

مواضيع عشوائيه ممكن تكون تعجبك اخترناها لك:

• استفسار لغه شهور أو سنه أرجو الرد
• دخول نيوزلندا كطالب أو سائح أو الاثنين معا
• تساؤل بسيط لمن لديهم خبرة بنيوزلندا
• الاستثمارت في نيوزيلند
• ماذا أقول ؟ دراسه أو سياحه خبراتكم
• استفسارعن معاهد اللغة في مدينة روتروا
• أول أيام رمضان في نيوزلندا يوم الخميس
• خطوات البداية من السعودية الى نيوزلندا
• الاقامة في نيوزلندا مساعدتكم مطلوبة
• وش اخذ معي ؟؟؟؟؟؟؟؟؟؟؟
• الى جواز أخضر مع التحية
• استفسار حيران
• الكيوي وحديقة الزوو في أوكلاند
• دليل نيوزلندا الشامل والكامل
• ضيف جديد الله الله بالترحيب فيني
• استفسار بخصوص رحلتي الي نيوزلاندا الى مدينة كرايستشرش
• سؤال وطلب مساعدة
• استفسااار
• الشحن؟
• احتاج رايكم ب معهد Cambpell Inst

ما شاء الله
الحمدلله على السلامة سبقتينا

عطينى برنامجك خلال الرحلة مثل عن اي طيران واي دولة وايضا عند دخولك الى نيوزلندا وماذا عن التأشيرة هل هي من خلال المطار او من بلدك وايضا لماذا اخترتي كرايستشيرج
ومره ثانية الحمدلله على سلامة الوصول
واتمنى لك اقامة سعيدة وتحصلين على مبتغااااااااااك

الحمد لله على السلامه والله يوفقك
اذا رايحه تدرسين في معهد اكيد راح تتعرفين على طلاب وتتواصلين معاهم
كمان شوفي موقع مبتعث ان شاء الله في اخوات يتواصلون معاك
بلغيننا كيف نسبه السعوديين والعرب في كرايستشيرج

أهلين أخواني .. الفال لكم بإذن الله

إلي يبي كل شي يكون سهل عليه يطلب من الخطوط ميتنج اسست يعني في احد يستقبله في كل مطار ينزله ويكون معاه خطوه بخطوه .. من يوم ما طلعت من الديرة ليه دبي 45 دقيقة الطيران وبعد وصولي استقبلتني وحدة وودتني لي البوابه وقالت لي بعد 3 ساعات بتقلع الطيارة قتله خلاص بتمشى قالت كم الساعة عندك قتلها 3 قالت خلاص الساعة 5 ونص بكون عندك وفعلا جات بس انا تمشيت شوي ورجعت بسرعة عند البوابه جلست على النت المهم وصلتني لي داخل الطيارة وراحت ، وبعدين الرحلة من دبي ليه سنغافورا 7 ساعات بس حسيت بتعب شوي صح انا كنت مسافرة على الخطوط السنغافورية وكانت جيدة .. المهم أول ما وصلت المطار قالت لي المظيفة لا تطلعين من الطيارة علشان في وحدة بتجي تاخذك في داخلي طبعا فرحة وايد لان الحمدلله الرحلة الله ميسرها لي.. جات الميتنج اسست وقالت لي فلانه قتلها يس قالت يله تعالي رحت وصلتني ليه الفندق وطبعا انصحكم بالميتنج اسست لان مطار سنغافورا بلية مشاء الله وبعد ما وصلتني قالت هذا المطعم تقدرين تاكلين منه لكن غيره لأ .. وفهمتني كل شي وقالت لي بس تسوين خروج من الفندق خليك قاعدة في الاستقبال لا تروحي مكان .. فعلاً جاتني في نفس الوقت وودتني لي البوابه .. وليه داخل الطيارة وبعدين استغرقت الرحلة 10 ساعة والواحد ما يقدر ينام لان انا ما جاني نوم تقريبا من الساعة 7 يوم الخميس ليه يوم الجمعة الساعة 7 وحطيت راسي ولا ادري وين الله قاطني ... وبعدين وصلت مطار كرايستشيرج ونفس الشي ما خلوني انزل من الطيارة ليما تجي الميتنج اسست نزلت من المطار وقالت لي انتي ما عندك فيزا قتلها لأ بسويها لي المعهد قالت وين اوراق القبول رتبت لي اوراقي وقالت لي وقفي في الطابور وصلت عند الشرطية عطيتها كل الاوراق قالت لي عندك التذكره قتلها يس عطيتها وقالت ولكم إن كرايستشيرج ، صح نسيت شي البطاقة حقت التعبئة يعطوك من سنغافوره تعبيها وانا عبيتها بالطيارة وكان عندي فصفص فلازم تكتب كل شي لان بس خلصت من الشرطية يقولو عندك اكل تقول يس ولازم تفتح الشنطة علشان يشوفون وبعد ما تفتح يشوفون بالجهاز ويسألك مره ثانية عندك اكل تقول يس وشافوه مممم وبعدين طلعت عادي ومافي اي عرقله ولا شافو الاب توب ولا شي ... بس دخلوه تحت الجهاز والحمد لله العيله إلي انا عندها الام استقبلتي بحرارة وكانت مستانسة وايد فني .. والأب كان معاها .. بس وانا اليوم ثاني يوم في نيوزلندا وللأسف بروحي حاليا ...
واي اسئلة حاضر وتحت امركم ..

وبالنسبة للعرب انا توني واصلة وما شفت شي لحد إلحين ... وخترت كرايستشيرج علشان التقارير إلى قريتها وعيشتني جو نيوزلندا قبل لا أوصل لها ..

وتسلمون على المرور


أختكم في الله
الحنــــــونة

الله يرفع قدرك على هالرد ويفقك ان شاء الله
فكره الـ ميتنج اسست ممتازه
استفسار بسيط جدا حجزك كان عن طريق االخطوط السنغافوريه مباشره او عن طريق وكاله سفر وكم سعر الخدمه .
وممكن اذا تكرمتي اسم المعهد الي سجلتي فيه
لان لي قريبه راح تحتاج المعلومات هذي منك وحاب اتطمن عليها بعمل مثل هالاجرءات .

وجزاك الله كل خير ..اختى الحنونه ...

اختي الحنونه

لانخفيك احسسنا بنفس احساسك منذ ان وطأت ارجلنا ارض نيوزلندا

وخصوصا ً الايام الاولى قبل الدوام للمعهد في البيت بروحك ولاتعرف احد غير نفسك احساس غريب ومرعب فعلا ً

ولاكن صدقيني من اول يوم لك بالمعهد راح تحسيين بوناسه ماهي طبيعيه راح تتعرفين على ناس وتكونين صداقات

ماودك تطلعين من المعهد لانه والله وبصراحة جو الدراسه عندكم له طعم واحساس ثاني

اقولك من الحين ان شاء الله بتستانسيين وانا والله الود ودي اساعدك او اي احد بس المشكله انا بمدينه وانتي بمدينه ثانيه

اي شي من روتوروا من شرقها لغربها انا مستعد لأي احد ..

ممكن يفيدونك الاعضاء حقين كرايستشرج ..

الحمدلله ع السلامه والله يكون بعونك اصبري الاحساس صعب باول يومين هههه لاكن كل شي بيزول بسررررعه

بالتوفيق ان شاء الله اختي

المشاركة الأصلية كتبت بواسطة srn005
http://www.arabtravelersforum.com/tr...3/#post3685483

الله يرفع قدرك على هالرد ويفقك ان شاء الله
فكره الـ ميتنج اسست ممتازه

وياك بإذن الله ... هي من ناحية ممتازة ممتازة جداً

استفسار بسيط جدا حجزك كان عن طريق االخطوط السنغافوريه مباشره او عن طريق وكاله سفر وكم سعر الخدمه .

اخذ راحتك عن الخطوط السنغافورية مباشرة وكانت تذكرتي 6200 ريال سعودي

وممكن اذا تكرمتي اسم المعهد الي سجلتي فيه
لان لي قريبه راح تحتاج المعلومات هذي منك وحاب اتطمن عليها بعمل مثل هالاجرءات .

بالنسبة للمعهد إنشاء الله لو لقيته زين بنصحكم فيه بس هو 100% مافي عرب

وجزاك الله كل خير ..اختى الحنونه ...





يجزانا ويجزاك خير اني تايم

المشاركة الأصلية كتبت بواسطة genius1
http://www.arabtravelersforum.com/tr...1/#post3685761

اختي الحنونه

سم طال عمرك ..

لانخفيك احسسنا بنفس احساسك منذ ان وطأت ارجلنا ارض نيوزلندا

انا من اول ما وطأت وانا قلبي يطق بشكل سريع كني مهربه شي بالشنطه

وخصوصا ً الايام الاولى قبل الدوام للمعهد في البيت بروحك ولاتعرف احد غير نفسك احساس غريب ومرعب فعلا ً

الصراحة صاحبة البيت قالت لي تعالي بس انا قلت اهم وربعهم اكيد في شرب وخربطة فقلت قعدي بالبيت يا حلوة

ولاكن صدقيني من اول يوم لك بالمعهد راح تحسيين بوناسه ماهي طبيعيه راح تتعرفين على ناس وتكونين صداقات

انا قلت في نفسي نفس الشي ان اكيد ازمه وتعدي يله هذا اليوم مشى وبيجي اليوم إلي بعده بإذن الله على خير

ماودك تطلعين من المعهد لانه والله وبصراحة جو الدراسه عندكم له طعم واحساس ثاني

اتمنى والله اكون فلحانه مو زعنانة ... علشان ما حس بالغربه

اقولك من الحين ان شاء الله بتستانسيين وانا والله الود ودي اساعدك او اي احد بس المشكله انا بمدينه وانتي بمدينه ثانيه

إذا كنت تعرف احد في كرايستشيرج ممكن اتواصل معاه علشان اعرف من وين اكل الحلال والحرام وهالامور

اي شي من روتوروا من شرقها لغربها انا مستعد لأي احد ..

تسلم اخوي ما تقصر يكفي مرورك ...

ممكن يفيدونك الاعضاء حقين كرايستشرج ..

الحمدلله ع السلامه والله يكون بعونك اصبري الاحساس صعب باول يومين هههه لاكن كل شي بيزول بسررررعه

بالتوفيق ان شاء الله اختي



الله يسلمك والله يكون بعون الجميع تسلم اخوي.

هلا بك أختي

ياليت تتواصلين مع النادي السعودي في كرايستشيرج

أو مع زوجات المبتعثين أو المبتعثات نفسهم في صلاة الجمعه

تحيتي‘ . .لك والله يوفقك إن شاء الله

ما شاء الله .. الحمد لله ع السلامة

أمورك تيسرت

وبالنسبة لاستفسارك .. أن شاء الله الحريم اللي هناك ماراح يقصرون معك

وزي ماقال مشرفنا حاول تتواصلين مع عضوات النادي




واستانسي وانبسطي .. تريها لحظات ماراح تنسينها بحياتك



منتظرين التقرير بعد ماترجعين

بارك الله فيك اختي الحنونه
استفسار اخير لوتتكرمين
عنوان او رقم الخطوط الستغافوريه بالرياض الي عملت الحجز منهم

شاكر ومقدر لك جدا تجاوبك

المشاركة الأصلية كتبت بواسطة أسامة العتيبي
http://www.arabtravelersforum.com/tr...7/#post3686037

هلا بك أختي

ياليت تتواصلين مع النادي السعودي في كرايستشيرج

أو مع زوجات المبتعثين أو المبتعثات نفسهم في صلاة الجمعه

تحيتي‘ . .لك والله يوفقك إن شاء الله




تسلم اخوي والله يوسع صدوركم .. على هالردود الحلوة والله من ردودكم الواحد يرتاح .. وإن شاء الله بتواصل

المشاركة الأصلية كتبت بواسطة المظلوووم
http://www.arabtravelersforum.com/tr...7/#post3686207

ما شاء الله .. الحمد لله ع السلامة

أمورك تيسرت

الله يسلمك.. الحمدلله الامور تيسرت من ربي

وبالنسبة لاستفسارك .. أن شاء الله الحريم اللي هناك ماراح يقصرون معك

وزي ماقال مشرفنا حاول تتواصلين مع عضوات النادي

إن شاء الله بحاول التواصل وبكره بإذن الله اول يوم لي بالمعهد .. وكثر الله خيركم على هالردود




واستانسي وانبسطي .. تريها لحظات ماراح تنسينها بحياتك

بإذن الله بستانس كل ثانية تمر علي .. وادري انها يمكن ما تتكرر لان الإنسان ما يدري متى يومه

منتظرين التقرير بعد ماترجعين

بإذن الله بحاول اكتب التقرير بعد ما ارجع واتمنى اني اقدر اكتب التقرير مثلك يالمظلوم بس مااعتقد بكون مثلك ماشاء الله


وتسلمون مره ثانية على الردود

المشاركة الأصلية كتبت بواسطة srn005
http://www.arabtravelersforum.com/tr...2/#post3686212

بارك الله فيك اختي الحنونه
استفسار اخير لوتتكرمين
عنوان او رقم الخطوط الستغافوريه بالرياض الي عملت الحجز منهم

شاكر ومقدر لك جدا تجاوبك





هلا أخوي

اخوي باي وقت بإمكانك الاستفسار

للاسف اخوي ليتني من السعودية كنت ساعدتك والله السموحة :1a6cb:

المشاركة الأصلية كتبت بواسطة الحنــــــونة
http://www.arabtravelersforum.com/tr...8/#post3687818

هلا أخوي

اخوي باي وقت بإمكانك الاستفسار

للاسف اخوي ليتني من السعودية كنت ساعدتك والله السموحة :1a6cb:



ولايهمك ماقصرتي ابدا
الاهم تكونين بصحه وسلامه
لاتنسين الورد اليومي اختي والله يحفظك ويسخر لك جميع خلقه .

السلام عليكم..

اختي الفاضلة.. الاخوات المبتعثات والدارسات بالمعاهد بكثره.. تقدرين تتعرفين على احد الفتيات ...
وبإذن الله يساعدونك بكل شي تحتاجينه... وهذه شي ضروري فأنا بنفسي قلت مارح اتكلم مع اي عربي ولكن وجدت اني بحاجه ماسه
لسعودي فهم راح يوعونك على امور ماتعرفينها نهائيا...

فاتمنى انك تتعرفي على احدى الاخوات السعوديات في كرايست شيرش.... واذا مره حسيتي انك موعارفه شي..
تعالي لستي اعتقد تعرفين الستي.. هناك راح تحصلين عرب كثير من فتيات تقدرين تسأليهم ...

واي سؤال اطرحيه هنا كذلك راح نساعدك

وشكرا