الموضوع: وين نسكن ؟؟؟

السلام عليكم

افكر في زيارة البحرين والعائلة ولكن ما عندي خبرة وارجو من اهل البحرين وزوارها مساعدتي في استفساراتي التالية:

1- السكن.. ابي شقق عائلية ممتازة وموقعها حلو او إذا فندق بسعر معقول

2- ويش تنصحون مطاعم نروح (يكون فيها بارتيشن عوائل) ترا نحب الاكل الهندي والايراني... اممم

3- نبي جلابيات عادية (للبيت) حق الداخلية (المدام) وين نحصل

مع التوصيف الدقيق جدا عشان ما ندل ميح

اشكر كل من تجاوب

مواضيع عشوائيه ممكن تكون تعجبك اخترناها لك:

• مطاعم العدلية بنظام غرف استفسار
• لاهل البحرين واهل الخبره في البحرين
• ابحث عن منتجع مميز في البحرين
• شاليه بمسبح خاص
• كيفية السفر للبحرين من الاسكندرية
• ساعدوني وصف محل سبايس للبهارات البحرينية
• اسئلة بخصوص السفر الي البحرين
• سؤال وطلب لاهل الخبرة والمعرفة
• شكرا لكم سلفا ،، متردد في السفر الى اللؤلوة الآن
• مطاعم الافطار
• عندي رحله من مطار البحرين الى امريكا الاسبوع الجاي
• مسبح مغلق في البحرين
• صرف الدينار مقابل الريال عن طرق ماستر كارد
• لا ميزون دو كافيه
• أطباق ومطاعم الجزء الثالث مثبت في مواضيع بحرينية رائعة
• شقق عتاب
• لازم تساعدوني أهل البحرين والسعودية محتاجة لآرائكم ونصايحكم
• البحريـــدرة الخليجـــــن
• هل اجد مرشد سياحي بحريني ؟؟
• شقق تاجير لمدة سنه

بالنسبه للسكن عندك اليت بفروعهـ ..

او الرايه سويتس حلو وجديد ..

المطاعم ممكن تشوف موضوع اختي الماسهـ وراح تستفيد منه ..




http://www.arabtravelersforum.com/travel253648/




والجلابيات تلقاهم بسوق المحرق والمنامهـ ,,

ووصف سوق المحرق .. ملطوش لعيونكم من مشاركة اخوي بحريني وافتخر






اذا كنت جاي من الجسر .. تاخذ المخرج الي على اليمين الي مكتوب عليه ضاحية السيف .. راح ياخذك لشارع الشيخ خليفة ... تواصل على نفس الشارع لمسافة طويلة وراح ايمر عليك السيف ( يسارك ) والستي سنتر .. والمرفأ المالي على يسارك ... وتعبر جسر المحرق ( جسر الشيخ عيسى ) طبعا من اتخلص الجسر تأخذ يمين .. وتواصل لين اول اشارة تأخذ يسار وبعدين بعد يسار .... روح لاخر الشارع وتأخذ يمين .. وراح اتلاقي السوق قدامك....

مشكوورة خبيرتنا

سوق المحرق رحته قبل وحقيقة ما عرفت شي وعلى طووول سحبتنا المدام عالمنامة.. إذا فية اماكن او محلات معينة اكون شاكر ياليت الوصف يكون من عند محلات الحلوى.

ايضا رابط اختنا الماسة عن المطاعم ولها كل الشكر حقيقة ما عرفت المواقع .....تخبرين ما هنا دلالة.... وإذا فيه مطاعم على بالك او احد الاعضاء يقدر يوصفها لنا اكون شاكر (بس هاه...هندي / ايراني)

طولتها عليكم..


الف شكر

المشاركة الأصلية كتبت بواسطة khalid03
http://www.arabtravelersforum.com/tr...7/#post3155358

مشكوورة خبيرتنا

سوق المحرق رحته قبل وحقيقة ما عرفت شي وعلى طووول سحبتنا المدام عالمنامة.. إذا فية اماكن او محلات معينة اكون شاكر ياليت الوصف يكون من عند محلات الحلوى.

ايضا رابط اختنا الماسة عن المطاعم ولها كل الشكر حقيقة ما عرفت المواقع .....تخبرين ما هنا دلالة.... وإذا فيه مطاعم على بالك او احد الاعضاء يقدر يوصفها لنا اكون شاكر (بس هاه...هندي / ايراني)

طولتها عليكم..


الف شكر

مرحبا فيك أخوي ..

خبيرتنا المتميزة مزون البحرين ما قصرت .. الله يعطيها العافية ..

بالنسبة لجلابيات البيت في سوق المحرق الله يطول بعمرك ... لما نروحه ما نشوف أسماء المحلات ..:101: .. لأنها كلها محلات لاصقة ببعضها بعض ... وراح تشوفون عدد هائل من لجلابيات معروضة على واجهات المحلات ... وطبوا وتخيروا ...

والوصف ... تخلون محلات الحلوى على يدكم اليمين .. لا تدخلون جهة المواقف اللي قدام المحلات ... لا .. واصلوا سيده .. وبتبدون تشوفون املحلات عاليمين واليسار ...

المطاعم ...

مطعم هندي فيه كابينات ... مطعم قيصر في العدلية .. لكنه مطعم درجة أولى (يعني فيه شراب) ؟.. وموقعه قرب بريد العدلية ...

ومطعم الفردوس ... بعد مطعم هندي وفيه بارتيشينز .. وموقعه قريب جدا من فندق الشيراتون ... يعني تخلون مدخل فندق الشيراتون على اليمين .. وعند الإشارة الضوئية بتشوفونه قدام عاليمين .. فاللي عليكم تلفون يمين وترجعون له ..

مطعم إيراني ... مطعم أصفهاني في شارع المعارض ... بس مش متاكدة إذا فيه بارتيشنز أو لا ..

وآخر شي .. مطعم الأبراج .. له عدة فروع ... ومنها في مجمع العالي .. وفيه بارتيشنز للعوايل ...

وحياكم الله ..

[

size="5"]ما ندري وش نقول....غمرتونا بطيبتكم

شكرا مشرفتنا الغالية(اسم ومعنى)

مطعم الفردوس لي تجربة فيه... حصلنا حشرة صغنونة في العصير وفرينا من الشارع كله ما نعديه

مشكورين جدا [/size]

اخوي ممكن تجرب مطعم لانترنس عند دوار البديع عند برجرلاند بالضبط

وبالنسبه للإيراني عندك ياس اصفهاني بالسيف القسم الجديد وايد يعجبني ومافيه زحمهـ