بسم الله
اخواني انا لي تقريبا شهر وانا بس اتصفح في ها لمنتدى ...
تبون الصراحة والله العظيم اني استفدت فايدة حقت سنه .
الصراحة كأني رحت نيوزلاندا وسجلت في معهد وعائله وخلصت اموري ، لا وبعد فتحت حساب بنكي هناك وجيت انتظر الرحلة علشان ابدأ :114:
مع اني رحت بريطانيا قبل ست سنوات تقريبا في مدينة بورمث بالجنوب بالتحديد قعدت شهرين دراسه...
طبيت على عماي ، مع اني حاجز عن طريق مكتب في الرياض ، لكن مانفعوني بس خذوا فلوسي وخلوني على عمياي .
فرق كبير بين انك تروح بدون شور ولا نصيحة ، أو انك تشوف اهل الشور والنصيحة وش يقولون
( اللي هم انتم اعضاء المنتدى )
عموماً أنا ان شـــاء الله غدا مسافر على نيوزلاندا ( حائل - الرياض - هونك كونك - اوكلاند )
نسيت لا أقولكم اني من حائل طبعا زادت قيمة التذكرة 800 ريال
بعد ما أوصل ان شاءالله راح اخذ باص او قطار أو طياره ما يهمني ... اهم شي أوصل
طبعا انا مراسل اكثر من مدرسة ( معهد) في أكثر من مدينة ومعي عناوينهم حافظها بالجوال على شكل مفكرة نص ، هذا غير المحمول والرسايل اللي فيه.
اذا ما جازلي شي عندهم أو قاموا يلفون ويدورون علي بس خذيت لي غريفه وريحت ومن بكرى اقرب ( كوتش ) باص لمدينة هاميلتون وان هه والا ما هه دقيت سلف للي بعده ....وهكذا
Rotorua ---- Hamilton ---- Tauranga --- Taupo ---- Gisborne
---------------------------------------------------------------------
لكن انا لي هدفين بهالمشاركة :
الاول اني اقول للأعضاء لا تخافون من شبح السفر والغربة تروه بسيط وسهل بس يبي اللي يجزم
وبعدين انت انسان ياخي اللي يبي يصيرك مكتوب وترى الانسان الارض كلها ملكه
الثاني قلت ارد بعض الجميل اللي اعطانياه المنتدى واعضاءه ( يمكن احد يوصي على غرض مناك او يمكن نسى حاجة عند العائلة امرهم واجيبها له :109: والا واحد يبي يروح ومتردد يوصيني على معلومات والا ؟ بس هذا الي حبيت اقوله
والله يعطيكم العافيه .... رجاء : لا تحرموني من الدعاء لي في صلاتكم
سلام عليكممواضيع عشوائيه ممكن تكون تعجبك اخترناها لك:
- الخطوط السنغافوريه
- ابي ادرس في نيوزلندا وابي مساعده تكفون
- بخصوص الابتعاث المرحلة الرابعة استفسار ؟
- المملكة
- لغة ودكتوراه من نيوزلندا
- ألف ألف مبروك لأخونا واخوانا مسافر متزن
- تكاليف السياحه لعائله والدراسه لمدة أسابيع للشخص
- التحويل من استراليا لانيوزلندا
- بشرى للمسافرين إلى نيوزلندا عن طريق الكويت الخطوط السنغافورية تفتح خطها من هنا
- شروط الموافقة للعسكري بمرافقة زوجته الحاصلة على بعثة للدراسة بالخارج
- وفاة طالب سعودي في نيوزلندا
- الله يرحم والديكم حالتي رايحه فيها
- شهر عسل بشهر مايو
- السداد والتحويل
- تساؤل بسيط لمن لديهم خبرة بنيوزلندا
- نيوزلندا استراليا
- الورقة الندية من الرحلة النيوزلندية
- ابي فزعتكم احاول اجيب قبول من جامعات نيوزلندا وماني قادر من يقدر يخدمني
- يوم في نيوزيلانداستفسار
- ممكن ضروري الخبراء نيوزلندا
المفضلات