بسم الله
اخواني انا لي تقريبا شهر وانا بس اتصفح في ها لمنتدى ...
تبون الصراحة والله العظيم اني استفدت فايدة حقت سنه .
الصراحة كأني رحت نيوزلاندا وسجلت في معهد وعائله وخلصت اموري ، لا وبعد فتحت حساب بنكي هناك وجيت انتظر الرحلة علشان ابدأ :114:
مع اني رحت بريطانيا قبل ست سنوات تقريبا في مدينة بورمث بالجنوب بالتحديد قعدت شهرين دراسه...
طبيت على عماي ، مع اني حاجز عن طريق مكتب في الرياض ، لكن مانفعوني بس خذوا فلوسي وخلوني على عمياي .
فرق كبير بين انك تروح بدون شور ولا نصيحة ، أو انك تشوف اهل الشور والنصيحة وش يقولون
( اللي هم انتم اعضاء المنتدى )
عموماً أنا ان شـــاء الله غدا مسافر على نيوزلاندا ( حائل - الرياض - هونك كونك - اوكلاند )
نسيت لا أقولكم اني من حائل طبعا زادت قيمة التذكرة 800 ريال
بعد ما أوصل ان شاءالله راح اخذ باص او قطار أو طياره ما يهمني ... اهم شي أوصل
طبعا انا مراسل اكثر من مدرسة ( معهد) في أكثر من مدينة ومعي عناوينهم حافظها بالجوال على شكل مفكرة نص ، هذا غير المحمول والرسايل اللي فيه.
اذا ما جازلي شي عندهم أو قاموا يلفون ويدورون علي بس خذيت لي غريفه وريحت ومن بكرى اقرب ( كوتش ) باص لمدينة هاميلتون وان هه والا ما هه دقيت سلف للي بعده ....وهكذا
Rotorua ---- Hamilton ---- Tauranga --- Taupo ---- Gisborne
---------------------------------------------------------------------
لكن انا لي هدفين بهالمشاركة :
الاول اني اقول للأعضاء لا تخافون من شبح السفر والغربة تروه بسيط وسهل بس يبي اللي يجزم
وبعدين انت انسان ياخي اللي يبي يصيرك مكتوب وترى الانسان الارض كلها ملكه
الثاني قلت ارد بعض الجميل اللي اعطانياه المنتدى واعضاءه ( يمكن احد يوصي على غرض مناك او يمكن نسى حاجة عند العائلة امرهم واجيبها له :109: والا واحد يبي يروح ومتردد يوصيني على معلومات والا ؟ بس هذا الي حبيت اقوله
والله يعطيكم العافيه .... رجاء : لا تحرموني من الدعاء لي في صلاتكم
سلام عليكممواضيع عشوائيه ممكن تكون تعجبك اخترناها لك:
- محتار في كم معهد
- كان ضحيه المسكين في نيوزلندا
- وين اروح باوكلاند
- نرحب بمشرفنا النيوزلندي الجديد
- من وين اقدر اشتري الدولار النيوزلندي
- استفسار
- اسعار التذاكر بين استراليا ونيوزلاند
- اطلب مشورتكم في تحويل بعثة نيوزلاند الى بعثه داخليه في البترول
- عندك هدف تتعلم لغه انجليزيه ولا تتعلم طبخ وعلوم عرب
- كيف السبيل الى نيوزيلندا
- ماهو أفضل معهد في أوكلاند فقط
- لاتحرمونا من معلوماتكم
- مهم لطلاب نيوزلندا
- كم سنة ماستر تسويق ؟
- استفسار عن نيوزيلاند
- سؤال وطلب مساعدة
- أخوي دوووووودي واخواني ممكن استفسار
- السفر في ديسمبر ويناير
- الي جاه خطاب القبول خطوات ما قبل السفر
- خبر طازه من الوزاره
المفضلات