السلام عليكم ورحمة الله وبركاته
يسعدكم ربي جميعا
اخواني واخواتي انا ودي اروح للمالديف في 3 او 4 او 5 ابريل ولمدة 4 او 5 ليلات تقريبا
انا وزوجي فقط
وابي الرحلة تكون جدا رومانسية واعرف ان المالديف كلها رومانسية
مشكلتي:
اطلعت على معظم التقارير والموسوعات اللي هنا وكلها زادتني حيرة
200 جزيرة والالاف الاوتيلات ..
انا باشرح لكم وضعي و وش ابي واتمنى اللي عنده معلومة يفيدني
انا سعودية من الرياض
البس النقاب ولا انوي تركه هناك
اولا : سمعت انه في جزر صغيرة مرة تستأجر الجزيرة ويرسلونك لها ومعاك 3 وجبات ويجون ياخذونك من بكرة
هالشي مررررة حبيته حرية واستقلالية وجو جميل
فهل فعلا هالشي موجود؟ وبكم وكيف؟
ثانيا: لو موموجوده فكرة الجزيرة فانا ابي اوتيل مرتب مب لازم 5 نجوم اهم شي مرتب اخذ فيلا وعالبحر وبمسبح خاص وفيه استقلالية و ياليت شاطيء خاص سعر الليلة مايزيد عن 2000 ريال سعودي او في حدود هالسعر
وش الخيارات الحلوة؟
لاني تعبت وانا اقرا واتفرج الجزر كثير ومو قادرة اوصل لنتيجة
يسعدكم ربي افيدوني
انا ابي الرحلة كلها ريلاكس مابي افرفر ولا ادور اجلس في فيلا او شاليه 4 ليلات وامشي لبيتنا
بالنسبة للخصوصية فهي موجودة وممكن ترتبين مثل هذي الرحلات مع الفندق اذا وصلتوا حنا عملناها لكن في سيشيل استاجرنا الشاطيء لكم ساعة اسم الشاطيء Anse Georgette
الشاطيء كان محاط بالصخور والاشجار وله بوابة واحدة
وباقي الصور والفيديو في التقرير
------
بالنسبة للنقاب وفي المالديف ما قد صادفته ممكن شفت الحجاب كم مرة
لكن ما عليكي من احد واعملي الشيء اللي تبينه
-------------
اخيرا الفيلا بمسبح فهي موجودة ايضا اسعارها تبدا من 1500 دولار لليلة وانتي طالعة
انصحك تشوفين فنادق ومنتجعات المالديف عن طريق الامارات للعطلات واساليهم عن الهوبيدي ان الجديد هذا ابالضافة للمنتجعات اللي رحناها واللي الاعضاء زاروها مثل الكونارد والهيلتون والكورومبا والباروس والباندوس والتاج اكسيتوكا وغيرها من المنتجعات المتوسطة السعر
لأنه فيه طبقة فنادق تجي فوق هذي مثل الشنقيرلا والفور سيزون والالدبليو ,والانتارا فيلي والبنيان تري و السونيفا قيلي ...الخ
بالتوفيق ياااااااربمواضيع عشوائيه ممكن تكون تعجبك اخترناها لك:
- الخطوط القطرية وخدمة نجوم
- الرجاء المساعدة للوصول الي جزر المالديف من الكويت
- مارايكم بهذا العرض من موقع موربشيوس
- ابغي مساعدتكم وخاصة الخبير أبو عزيز
- ابي فزعتكم تكفون
- وش تنصحووني باي جزيره ؟
- أين تقع جزر ال
- الغالي ابو عزيز وجميع الاحباب هنا استشارة شهر عسل
- الغوص في الجزر المرجانية
- طلب
- هل من معلومات عن جزر القمر؟
- مساعدة في حجز تذكرة
- عروسة من جدة
- أررروووع الأفكار لشهر العسل
- مساعدة في عمل تقرير عن منتجعات المالديف
- استفسار
- تكفوووووووووون بسرعه تكفوووون
- اتمنى المساعدة في اول تجربة لي في جزر المالديف
- وش تنصحوني فيــه اي جزيـرة
- طلب بعض المعلومات عن جزر مارشيوس
المفضلات