السلام عليكم ورحمة الله وبركاته
هالاسبوع ويوم الثلاثاء بالتحديد كانت لي زياره لـ سيتي سنتر للغدا والتسوق ..
وقررنا نتغدا في مطعم Paul الفرنسي
●
موقع المطعم: الدور الثاني - مقابل محل فافافوم Vavavom
عدد الافراد: 5
تقييمي: 1010
انطباعي: الاكل جداً لذيذ ويستحق التجربه بس خذ لهم نص ساعه يجهزونه !
●
وصلنا المطعم على الساعه 2:30 وكان خفايف والناس بدت تطلع ..
اخترنا طاوله داخل ( اكثر خصوصيه )
انا من عادتي لازم اصور في المطاعم وبصراحه ما كانت عندي نيه انزل موضوع عنه
فـ ما صورت الا جزء من المنيو ولو كنت حاطه ببالي كان صورته كامل
●
صور بسيطه من المطعم
●
المنيو
●
ضيافة المطعم
خبز بالزيتون الاخضر والاسود
زبده .. والشي الثاني ماعرف اسمه بس بنكهة الزيتون ورووعه :24:
●
طلباتنا
المشروبات :
3 كولا ، 1 عصير برتقال ، 1 عصير جزر ، 1 ماي
الاطباق :
كلهم طلبوا نفس الطبق ما عدا انا .. وفي البدايه جابوا لهم طبق بالغلط للأربعه !!
هذا هو
وغيروا لهم بطلبهم الاساسي Filet de veau grille ( موجود بصورة المنيو )
عباره عن ستيك لحم وقوارب الكوسا وماش بوتيتو وخبز بالثوم
بالإضافه لصوص المشروم ( إدمااااان :24: )
وهذا طلبي .. Poulet au four a I`ancienne ( موجود بصورة المنيو )
عباره عن ستيك دجاج وخضار وماش بوتيتو وخبز بالثوم
بالإضافه لصوص المشروم
صور مقربه
●
الاكل لذيييذ ويشبع مع ان اول ما شفناه قلنا قليل بس محد فينا قدر يكمل صحنه :109:
وطلعت فاتورتنا شي وخمسين دينار
وبالعافيه علينا :106:
مواضيع عشوائيه ممكن تكون تعجبك اخترناها لك:
رد مع اقتباس
المشاركة الأصلية كتبت بواسطة ناريمان
المفضلات