السلام عليكم ورحمة الله وبركاته
حيالله هل لؤلؤة الخليج
تقريري بسيط ...لأن الأيام كانت قليله بس استمتعنا فيها..فاقلت ارد الجميل لو بالشي القليل لكل من ساعدني بالمعلومات. والله يعطيكم العافيه.
والسموحه تراني أول مره انزل تقرير بالصور...والصور على قدي
كانت رحلتنا بتاريخ 30-11-2006 تصادف إجازة عيد الإتحاد بالإمارات إلي بيكون بتاريخ 2-12-2006
فاستغلينا الإجازه وقلنا بنروح لكويت الحبيبه.
الإنطلاقه كانت من مطار دبي الدولي على طيران الإمارات
واهم شي المطاعم إلي فالمطار :36_1_51: مايفوتون شي :109:
طبعا من ادخل هالمكان ما اخلي آيه ولا دعاء إلا اختمه من الخوف راكبه صاروخ مب طياره :109:
انطلقنا وبحمدلله وصلنا مطار الكويت الدولي...وأحلى شي فالمطار ان أغلب إلي كانو يستقبلون أهلهم من هل الكويت... بعكسنا نحن 1000 من الجاليه الآسيويه و 100 مواطن :112:
واول ماظهرنا استقبلنا سائق من الفندق إلي هوه (ريتز السالميه) مع العلم كنا حاجزين في لي مريديان وخونو فينا وكنسلو الحجز قبل لانسافر بساعات :112: ولحمدلله لقينا حجز في ريتز السالميه لأن كان عددنا كبير ما شاء الله.وكان وصولنا المغرب
وخذنا سويت غرفتين وصاله وحمام(عزكم الله)
وعندهم أيضا غرف منفرده
لوبي الفندق صغير بس مرتب
الغرف...وماشي فرق بين الغرفه الاولى والثانيه
الصاله
وبعد مارتحنا شوي فالفندق....
اتصلنا على رقم الإستعلامات فيه 8080 اضن ناسيه الرقم...خذته من المنتدى وفادني الله يعطيهم العافيه.
وطلبنا منهم أقرب مكتب لتأجير السيارات وماقصرو،يزاهم الله خير...وأجرنا كمن سياره ، لأنا كنا 4 عوائل
خذنا جوله في لؤلؤة الخليج...وصلنا شارع الخليج...وكان شوي مزدحم بس الحلو ما شاء الله كلهم من هل الكويت.خذنا لفه بالسياره.. وبعدها رحنا لمطعم كبابجي :36_1_51: (في الستي سنتر) وهو المركز المقابل للفندق على الشارع الثاني.و أكله ممتاز :24: ...بس خذنا تقريبا ساعه فالسياره على بال ماحصلنا باركن لأن الشارع إلي يدخل عالسنتر كان مزدحم.
ونتهى يومنا الأول....ولي عوده :101:مواضيع عشوائيه ممكن تكون تعجبك اخترناها لك:
- وفاة الأمير الوالد الشيخ سعد العبدالله الصباح
- من يرد على أستفساراتي؟؟؟؟؟؟؟
- الان في الكويت وضاع يومي وانا ادور
- الذهاب الى جزيرة فيلكا ؟؟
- سؤال صـــعــــنــــون عــــن العربيد ساعدوني
- الدخول للرجال فقط
- صور استاد جابر صرح رياضي
- أي الصحف أفضل لأضع إعلاني؟
- مجمع التسوق مول يضم أكبر حديقة عامودية في العالم
- توني راد من الكويت
- هل ستفتح أبواب برج التحرير أيام العيد؟؟؟
- «القطرية» تحط في لندن من الكويت بـ دك
- بيت ديفا وكاريزما
- غراند افنيو الافنيوز
- ناوي أزور الكويت لمدة يومين اريد برنامج سكن
- صور من مهرجان هلا فبراير
- استفسار عن تطبيق نظام الهوية
- فديت والله كل كويتي ممكن خدمه
- طيران الجزيرة تضيف رحلة
- نبغى نسافر أنا وأهلي بعيد الأضحى للكويت
المفضلات