السلام عليكم ورحمة الله وبركاته
حيالله هل لؤلؤة الخليج
تقريري بسيط ...لأن الأيام كانت قليله بس استمتعنا فيها..فاقلت ارد الجميل لو بالشي القليل لكل من ساعدني بالمعلومات. والله يعطيكم العافيه.
والسموحه تراني أول مره انزل تقرير بالصور...والصور على قدي
كانت رحلتنا بتاريخ 30-11-2006 تصادف إجازة عيد الإتحاد بالإمارات إلي بيكون بتاريخ 2-12-2006
فاستغلينا الإجازه وقلنا بنروح لكويت الحبيبه.
الإنطلاقه كانت من مطار دبي الدولي على طيران الإمارات
واهم شي المطاعم إلي فالمطار :36_1_51: مايفوتون شي :109:
طبعا من ادخل هالمكان ما اخلي آيه ولا دعاء إلا اختمه من الخوف راكبه صاروخ مب طياره :109:
انطلقنا وبحمدلله وصلنا مطار الكويت الدولي...وأحلى شي فالمطار ان أغلب إلي كانو يستقبلون أهلهم من هل الكويت... بعكسنا نحن 1000 من الجاليه الآسيويه و 100 مواطن :112:
واول ماظهرنا استقبلنا سائق من الفندق إلي هوه (ريتز السالميه) مع العلم كنا حاجزين في لي مريديان وخونو فينا وكنسلو الحجز قبل لانسافر بساعات :112: ولحمدلله لقينا حجز في ريتز السالميه لأن كان عددنا كبير ما شاء الله.وكان وصولنا المغرب
وخذنا سويت غرفتين وصاله وحمام(عزكم الله)
وعندهم أيضا غرف منفرده
لوبي الفندق صغير بس مرتب
الغرف...وماشي فرق بين الغرفه الاولى والثانيه
الصاله
وبعد مارتحنا شوي فالفندق....
اتصلنا على رقم الإستعلامات فيه 8080 اضن ناسيه الرقم...خذته من المنتدى وفادني الله يعطيهم العافيه.
وطلبنا منهم أقرب مكتب لتأجير السيارات وماقصرو،يزاهم الله خير...وأجرنا كمن سياره ، لأنا كنا 4 عوائل
خذنا جوله في لؤلؤة الخليج...وصلنا شارع الخليج...وكان شوي مزدحم بس الحلو ما شاء الله كلهم من هل الكويت.خذنا لفه بالسياره.. وبعدها رحنا لمطعم كبابجي :36_1_51: (في الستي سنتر) وهو المركز المقابل للفندق على الشارع الثاني.و أكله ممتاز :24: ...بس خذنا تقريبا ساعه فالسياره على بال ماحصلنا باركن لأن الشارع إلي يدخل عالسنتر كان مزدحم.
ونتهى يومنا الأول....ولي عوده :101:مواضيع عشوائيه ممكن تكون تعجبك اخترناها لك:
- إستفسار عن السفر ببطاقة الأحوال الجديده
- استسفار عن شارع السالميه
- سفرتي القصيرة إلى درة الجزيرة
- مدن الملاهي في دولة الكويت
- عروض وسيرك ومسرحيات وترفيه في الكويت هالاسبوع من مارس
- طيران الجزيرة» تطلق خدمة « » لتمكين المسافرين من استخدام هواتفهم النقالة
- يا اهل الكويت ماهو مستشفى الكرانتيلا سابقا
- استفسار عن فندق هيلتون الكويت
- اهل الكويت تكفون
- ممكن مسااعدة صغيرونة
- استفسار العروض السياحيه للخطوط الكويتيه
- مشروع فندق و منتجع شاطئ المسيله
- حضانة اطفال بالكويت لطفل تحت السنه وتكون مجربه وسمعتها كويسه
- افضل محلات الشنط
- استفسار
- العشاء على انغام نهائي كأس الخليج
- أحييكم من الكويت الحبيبة ولدي استفسار
- لك حق تفتخر ياكويتي
- ساهركم يأهل الكويت رحب فيني بفلاش ولا أحلى۔ وش السواة؟
- تصوير فيديو لعاصفة الكويت امس م
المفضلات