السلام عليكم ورحمة الله وبركاته
حيالله هل لؤلؤة الخليج
تقريري بسيط ...لأن الأيام كانت قليله بس استمتعنا فيها..فاقلت ارد الجميل لو بالشي القليل لكل من ساعدني بالمعلومات. والله يعطيكم العافيه.
والسموحه تراني أول مره انزل تقرير بالصور...والصور على قدي
كانت رحلتنا بتاريخ 30-11-2006 تصادف إجازة عيد الإتحاد بالإمارات إلي بيكون بتاريخ 2-12-2006
فاستغلينا الإجازه وقلنا بنروح لكويت الحبيبه.
الإنطلاقه كانت من مطار دبي الدولي على طيران الإمارات
واهم شي المطاعم إلي فالمطار :36_1_51: مايفوتون شي :109:
طبعا من ادخل هالمكان ما اخلي آيه ولا دعاء إلا اختمه من الخوف راكبه صاروخ مب طياره :109:
انطلقنا وبحمدلله وصلنا مطار الكويت الدولي...وأحلى شي فالمطار ان أغلب إلي كانو يستقبلون أهلهم من هل الكويت... بعكسنا نحن 1000 من الجاليه الآسيويه و 100 مواطن :112:
واول ماظهرنا استقبلنا سائق من الفندق إلي هوه (ريتز السالميه) مع العلم كنا حاجزين في لي مريديان وخونو فينا وكنسلو الحجز قبل لانسافر بساعات :112: ولحمدلله لقينا حجز في ريتز السالميه لأن كان عددنا كبير ما شاء الله.وكان وصولنا المغرب
وخذنا سويت غرفتين وصاله وحمام(عزكم الله)
وعندهم أيضا غرف منفرده
لوبي الفندق صغير بس مرتب
الغرف...وماشي فرق بين الغرفه الاولى والثانيه
الصاله
وبعد مارتحنا شوي فالفندق....
اتصلنا على رقم الإستعلامات فيه 8080 اضن ناسيه الرقم...خذته من المنتدى وفادني الله يعطيهم العافيه.
وطلبنا منهم أقرب مكتب لتأجير السيارات وماقصرو،يزاهم الله خير...وأجرنا كمن سياره ، لأنا كنا 4 عوائل
خذنا جوله في لؤلؤة الخليج...وصلنا شارع الخليج...وكان شوي مزدحم بس الحلو ما شاء الله كلهم من هل الكويت.خذنا لفه بالسياره.. وبعدها رحنا لمطعم كبابجي :36_1_51: (في الستي سنتر) وهو المركز المقابل للفندق على الشارع الثاني.و أكله ممتاز :24: ...بس خذنا تقريبا ساعه فالسياره على بال ماحصلنا باركن لأن الشارع إلي يدخل عالسنتر كان مزدحم.
ونتهى يومنا الأول....ولي عوده :101:مواضيع عشوائيه ممكن تكون تعجبك اخترناها لك:
- احتفالات العيد الوطني وعيد التحرير بعدسة
- سؤال بخصوص الاجواء
- لم أجد لدى مكاتب تأجير السيارات في مطار الكويت كرسي للطفل ، مالحل؟
- المساجد الكويتية طراز إسلامي يعبق بالتاريخ
- مطعم تركى
- شقق في الصباحيه عااااجل
- مطلوب فورا شاليهات للايجار
- افضل الاوقات لزيارة الكويت؟؟
- سؤال للاحبه الغالين الله لايحرمنا منهم
- شقق للعوائل في الحبيبة الكويت لأول مرة
- ممكن أسئله عن الكويت
- الدخول للرجال فقط
- هلا فبراير الكويت في شهر فبراير
- عملات نــــادرة جدا موجوده بالكــويت بسررررعه
- ايهم الافضل منتجع موفينك او منتجع شيكـ
- طلب مساعدة بخصوص السيارات الكلاسيكية
- ماهو الافضل
- سوق الذهب بالكويت ؟؟
- مساعدتكم مطلوبه
- مخيمات
المفضلات