الموضوع: اش رايكم بتغير الاوتيل كل يومين؟؟

حياك يا اخوي في بلادك ..


بالنسبه لي زين ما تسوي انك تغير الفندق لانه الفنادق في دبي بروحها سياحه

و بعدين الفنادق اللي اخترتها قريبه من بعض .. فاذا استاجرت سيارة تطلع الصبح من الفندق الاول واغراضك معك و تروح لك رحله و اخر اليوم ترجع الفندق الجديد ..



اختياراتك للفنادق حلوة و ان كنت اقترح تاخذ لك ليلتين في احد الفنادق في مدينة جميرا كفندق السلام او القصر او المصيف و ممكن جميرا بيتش هوتيل بيكون فيه تغيير حلو في رحلتك و اقترح يكون بديل لفندق بالاس ..


بالنسبة لابوظبي اختيارك حلو .. لكن المشكله انه المنطقه اللي امام روتانا بيتش و ابوظبي مول الملاصق له كلها تحويلات بسبب اعمال توسعة طرق فكلها زحمه وضيق ..

اقترح لك قصر الامارات او شانغريلا او فندق الانتر


واذا قررت تقعد الليلتين اللي بقوا في الامارات و تريد استجمام فاقترح عليك تقضيهم في فندق ميريديان العقه في الفجيره او فندق ميرامار بتسمتع بالشواطئ و الطبيعه الحلوه و خاصه في ها الوقت من السنه


معظم الفنادق اللي اقترحتهم لك موجود لهم تقارير في المنتدى تقدر تطلع عليهم

واي مساعده نحن في الخدمه

المشاركة الأصلية كتبت بواسطة am mohamed
http://www.arabtravelersforum.com/tr...6/#post2541463

هلا

انا بنزل دبي و ناويه على التخطيط التالي...اعطوني رايكم

20 - 21 ديسمبر - ليلتين في الجراند حيا

22 - 24 ديسمبر ثلاث ايام كراون بلازا فيستيفال سيتي

25-26 ديسمبر - ليلتين في البالاس المنطقه القديمه

27-28 ديسمبر - ليلتين ابو ظبي روتانا بيتش

و يبقى عندي من ليله ال29 الى ليله الواحد من جانيوري يعني تقريبا 4 ايام لم احدد الاوتيل بس ممكن اطلع ليلتين للبحرين


اش رايكم بطريقتي؟؟ كويسه؟
انا حاولت اختار الاوتيلات المريحه و الفخمه لان سبب زيارتي الاول هو الاستجمام فركزت على فخامه الاوتيل و وجود المناطق الخضرا و البحر او البحيرات

بس خايفه اضيع وقتي بالانتقال من اوتيل للثاني و التشيك ان و الاوت

اش رايكم؟ تنصحوني ابقى على خطتي؟؟ او اقعد في اوتيل واحد فقط؟؟:114:

شكرا



الاخت ام محمد
بالنسبة لتغيير الفندف انا ماعتقد انه مناسب لان التغيير من فندق الى فندق تعب نفسي واشوف انه ماله داعي غير الزحمة في دبي بيضيع وقتك وانت ماتمشيتي زين
انا من راي تخلين اقامتك في قراند حياة لانه افضل فندق في دبي من ناحية الفخامة والخدمة والموقع
واذا قصدك انك تجربين الفنادق تقدرين تروحين تجربين مطاعمهم وتغييرين وفيه مطعم في الهيلتون في المارينا اعتقد مطعم ايطالي بس يبيلك تحجزين قبل ماتروحين واكيد تبين تروحيله كل يوم وتصيرين من مدمنة على اكلهم ... ورحلة سعيدة
اخوك راشد

إذا كنتي ستبقين الملابس فالشنطة وتأخذين احتياجاتك منها وتبقين الاغراض الباقية فيها من دون ترتيبها في الدولاب

فتوكلي على الله

فكم هي من متعة التنقل بين الفنادق والمناطق أيضا

وهذا عن تجربة في سفرتي لجنوب افريقا

فقد اقمت 12 يوم في كيب تاون وحدها ،، وسكنت في اربع فنادق ،، وكل فترة في فندق جديد وحي جديد

علما بانني كنت مع زوجتي وطفلين ولم احس ابدا بالتعب

الشنطة جاهزة ،، والتاكسي جاهز ،، وعلى الفندق التالى

بس اهم شيء القناعة ،، والرغبة فالاستمتاع بالتنقل

رحلة موفقة

المشاركة الأصلية كتبت بواسطة am mohamed
http://www.arabtravelersforum.com/tr...6/#post2541463

هلا

انا بنزل دبي و ناويه على التخطيط التالي...اعطوني رايكم

20 - 21 ديسمبر - ليلتين في الجراند حيا

22 - 24 ديسمبر ثلاث ايام كراون بلازا فيستيفال سيتي

25-26 ديسمبر - ليلتين في البالاس المنطقه القديمه

27-28 ديسمبر - ليلتين ابو ظبي روتانا بيتش


تغيير الفندق شئ حلو وانتي ماشاء الله اخترتي فنادق حلوه لكن احسبي حساب التشيك ان والتشيك اوت بيقتطع جزء من رحلتكم واذا الرحله الهدف الاول منها الاستجمام توكلي على الله ونفذي العمليه.
و يبقى عندي من ليله ال29 الى ليله الواحد من جانيوري يعني تقريبا 4 ايام لم احدد الاوتيل بس ممكن اطلع ليلتين للبحرين

انصحك تجربين قصر المارات في ابو ظبي صدقيني تجربه ماراح تنسينها
اش رايكم بطريقتي؟؟ كويسه؟
انا حاولت اختار الاوتيلات المريحه و الفخمه لان سبب زيارتي الاول هو الاستجمام فركزت على فخامه الاوتيل و وجود المناطق الخضرا و البحر او البحيرات

بس خايفه اضيع وقتي بالانتقال من اوتيل للثاني و التشيك ان و الاوت

اش رايكم؟ تنصحوني ابقى على خطتي؟؟ او اقعد في اوتيل واحد فقط؟؟:114:

شكرا



اتمنى لك رحله سعيده وموفقه:smile:

هذي نفس فكرتي بس انا فندقين هم كراون بلازا فيستيفال سيتي 4 اربع ليالي و4 ليالي أخرى ذا هاربر في مهرجان دبي للتسوق

طريقتج حلوه بس متعبه في نفس الوقت خليها على أحسن فندقين 4 ليالي في كل فندق

أنا بالنسبة لي شخصياً ماعندي أي مشكلة في تغيير الفندق
أحيانا اروح فندق اسكن فيه ليلة وحدة بس .. وثاني يوم أروح فندق ثاني .. بس هالحركة اسويها اذا ماكنت واثق في نظافة الفندق

بس اذا كان الهدف هو الاستمتاع بمرافق الفندق .. أنا أشوف ان أنسب مدة هي 3 ليالي لكل فندق

وأنصحج تاخذين فندق على البحر .. ويفضل يكون له بلكونة .. لأن الجو هالأيام مايتفوت

مشكوووووووووووووووووورين على الرد
ان شاء الله كل موضوع انزله اشوف هذا العدد من الردود

غيرت شوي الخطه و حذفت اوتيل لا بالاس
و بالتالي صار ثلاث ايام في جراد حياه و ثلاث ايام في كراون بلازا

و بهذه الطريقه اتمتع بالاوتيل شوي

شكرا لكم و اذا الله اقدرني ان شاء الله بكتبلكم تفصيل رحلتي منذ خروجي من المنزل حتى عودتي