الموضوع: اتمنى تشرفونا بخبراتكم الاوروبيه

اتمنى تشرفونا بخبراتكم الاوروبيه
السلا عليكم ورحمة الله وبركاته
اول شي سعيد أني شاركت في هالمنتدى الرئع مع أني
متابع جيد لمواضيع الاعضاء الجميله جداً والمشوقه حتى
صار هاجس السفر الى اوروبا ملازم لي
وقررت اني أسافر
طبعاً هذ بعد مشيئه الله ومساعتكم والاستفادة من خبراتم
في هالمجال بعد ماطلعت على كثير من التقارير رسمت خطه مبدئيه
السفر مباشره الى المانيا ومن بعدها النمسا وسويسرا ويمكن
ايطاليا بالمره
انا عندي كم استفسار اتمنى أنكم تساعدوني فيها
من اهمها واكثر شي يهمني استخراج الفيزا ابي مكتب يخلصها لي
لأني من سكان القصيم وياليت احصل احد يفيدني في هالموضوع
لانها هي مربط الفرس ونقطة الانطلاقة الى بلاد الطبيعه
بعدها تجي باقي الاستفسارات
التذاكر و حجوزات الفنادق والأماكن الي ممكن نزورها ورخصه القياده اهم شي
.كيف اطلع رخصه دوليه وهل هي لازم ولا تكفي الرخصه الداخليه
ادري اني ثقلت عليكم بس وش اسوي عليمي في الدول المتغدمه

مواضيع عشوائيه ممكن تكون تعجبك اخترناها لك:

• فندق بميونخ سحب مني يورو دون وجه حق
• ارجو الافادة
• بغيت منكم خدمة ضرورية
• أريد برنامج سياحي يشمل(المانيا وسويسرا وفرنسا ) مع اسماء المدن والفنادق
• الاوت لت في المانيا
• هـــــــــام وعاجل للجميع ساعدونى ياعرب
• ارخص سوبرماركت في ميونيخ
• جدول معاريس
• مـن فضـلك اســـتعرض معــي هـــــــــــــــــذه الخـــــــــــــــــــــــــــــــريطه
• اسعار التكسي
• ارائكم لو سمحتوا
• عن القطار الاوربياستفسار وارجوووووووووو مساعدتي
• ارجو من الاخوة المكرمين المساعده
• استفسار عن الجو وكم سؤال رحلتي الاسبوع القادم بإذن الله
• مساعده انسانيه عاجله افضل مستشفي لعلاج الاعصاب والمخ
• مشرفين اعضاء خدمه استفسار بسيط
• استفسار عن السكن في أروبا وألمانيا خاصة
• سفرتنا بعد اسبوع ورفضوا تأجيرنا سيارة ما العمل
• استفسار عن مراكز للاطراف المبتورة بالمانيا
• مستشفى الغابة

اول شي كم المده اللي عندك عشان تروح كل هالدول لازم ما يقل عن 25 يوم


اعطينا كم المده عندك ؟؟ ومت سفرك؟؟

وكم شخص انتوا؟؟ وهل راح تساجرون سياره ولالا؟؟

على اساس هذا نحدد من اي سفاره تطلعونوها

اول شي يعطيك العافيه اخوي على مشاركتك
انا الصراحه تابعت تقارير كثيره عن هالدول
بس اكثر شي شوقني للسفر سويسرا وإنترلاكن بتحديد
مدة اللسفرمن 15 الى 18 يوم
كلامك صحيح ماراح تكفي المده اللي مقررها لزيارة الدول كلها
راح تكون رحلتنا الى المانيا مباشره من بعدها راح أتوجه الى النمسا
ويمكن اخليها مطب واتوجه الى سويسرا اهم شي
السبب في سؤالي عن كل هالدول لان ممكن اغير الخطه وتحتكر السفره الى
المانيا والنمسا بسب قصر المدة لان محطتي الاولى الى المانيا
إحنا اربع أشخاص كنا اثنين وتضاعف العدد الى اربعه
انا ابي تفيدوني بالفيزا اذا فيه مكتب بالرياض يخلصها لي لأني من سكان القصيم
وصعب علي المراجعات الى السفاره الالمانيه اذا نقصت علي أوراق او تعقدت المعامله
بالنسبه للسياره انا ذكرت من اول وسئلت اذا تكفي رخصتي المحليه ولا لازم رخصه دوليه

هلابك اخوي
ابي اعرف متى موعد سفرك لانه يبيلك وقت ترتب رحلتك
بالنسبه للفيزه من السفاره الالمانيه ترسل اوراقك كامله مع اي واحد ويقدملك ويعطونك موعد للمقابله بصبحيه تزرق للرياض وتلقى سوداني يقولك وش تشتغلبعدين تدفع الرسوم وتجيك الفيزه بعد اسبوعين
هذا ماصار معي وانا مثلك من القصيم ورحلتي بعد شهر ونص
اذا تبي مكتب يخلص لك الفيزه عندك مكتب فرسان للسفر والسياحه بعماير الراجحي ببريده بس يطلعه لك من السفاره الايطاليه ويبي ياخذ منك اكثر من الف ريال لكل جواز(انت اولابه 4*1000=4000 )حق سكن اربع ليالي بفندق اربع نجوم
بالنسه للسكن عندك booking.com لاتعقبه اتعامل معه وممتاز بس لازم تفهم سياساته قبل تحجز وعموما سهل للغايه وامن.
الطيران اعتقد اذا انت ماحجزت الى الان فالتذاكر بتكون نار
انا حاجز على مصر للطبران ب2000 ريال وكانت ب1500 بس تاخرت اسبوع وزادت مادري الحين كم؟
افضل مخطط لك 3ميونخ-3سالسبورغ-3زيلامسي-1قارمش-2 روست-3انترلاكن-1-جنيف وسلم السياره في المطار(مجرد اقتراح)
موفق

الله. يعطيك العافيه اخوي
طيب انا بقدم على السفاره هاليومين بس المشكله وش هي الأوراق كامله
وش طلباتهم بتحديد وهل لازم الحجوزات للفنادق وتحديد المده في المانيا
مع العلم ان إقامتي في المانيا من يومين الى ثلاث ايام وأخاف يتم رفض
الموافقه على الطلب بسبب المده القصيرة لأني بطلع الى النمسا وسويسرا
واذا مثلاً اذا تعديت مدة الإقامة المحددة في العوده للفيزا هل هناك مشكله
اتمنى تفيدوني لان مافيه وقت والتذاكر نار الخطوط السعوديه 5000 وطالع
وياليت تفيدوني بعد في التذاكر اذا فيه ارخص
ادري اني ثقلت عليكم بس مالي الا الله ثم فزعتكم

اخوي تحتاج الاوراق التاليه
1-جواز سفر صالح ليس اقل من 6 اشهر
2-صور شمسيه4*6
3-صوره للجواز
4-تعبئة نماذج الطلبaplication form (اذكر منزله بالمنتدى بس تحمله وتطبعه )
5-حجز طيران ذهاب وعوده موكد(غالبا يعطونك الفيزه شهر من موعد حجزك بالتذاكر )
6-تامين سفر (التعاونيه ب115 ريال ونت واقف تاخذه)
7-حجوزات الفنادق(احجز المده كامله بالمانيا على بوكنج واختر كل الفنادق الغاء مجاني وبعد ماتاخذ الفيزه الغي حجزك ورتب رحلتك بس خذ معك نسخه من حجوزات الفنادق الي تبي ترسله للسفاره بحيث لو طلبو منك اثبات السكن في المطار تعطيه الاوراق (الامر سهل لاتخاف)
8-تعريف بالراتب مترجم من جهة عملك
9-كشف حساب ثلاث شهور (بالنسبه لنا مااخذوه منا رجعوه وقالو مانبيه بس واحد من الزملا اخذوه منه)
##اجمع هالاوراق واي احد طالع للرياض يمر بهن المكتب الي على تقاطع الملك فهد مع الملك سعود ويبي يعطونه موعد للمقابله وبعده باسبوعين تخلص
بالتوفيق

ياخي انت رهيب يابو عبدالله
ما قصرت
عندي استفسارات كثيره بس خلني ازبط الفيزه اول شي
وبعدين يسهلها الله
مشكور مره ثانيه