الموضوع: اشرايكم في هالكوكتيل الالماني

السلام عليكم ورحمة الله وبركاته....

ناويه السنه على المانيا ان شاءالله .....وطبعا انتوا قبل الكل لازم ااخذ رايه وانتظر فزعته كالعاده في كل سفراتي

بصراحه انا غشيمه في المانيا ,,,زرت ميونخ وكولون بس .....الباقي خبر خير فيهم

سمعت واايد عن الغابه السوداء وبادن وبادن !!!
اشرايكم؟؟؟ اجمع هالاثنين؟؟
طيب باختصار اشرايكم في هالجدول ومكن يتحقق ولا لا :
على القطريه نتوجه مباشرة الى شتوتجارت(تستاهل القعده فيها كم يوم ولا لا ؟؟)
ومن ثم الى بادن بادن ومنها انزور اليورب بارك والغابه السوداء (اشلون مادري هنا تاتي فزعتكم!!!)
ومنها ان شالله على ستراسبورغ وباريس كمحطة اخيرة,,,,

اشرايكم ؟؟؟؟
ارجوووووووووووووووكم فزعتكم.............
ابي احجز هاليومين خلاااااااااااااص الصيف قرب والسفر حان طاريه والتذاكر بتوووولع شوي شوي

مواضيع عشوائيه ممكن تكون تعجبك اخترناها لك:

• الفيزا الاوروبيه الشنقن تستخرج من سفارة دولة الوصول ام الاكثر مكوثاا؟؟؟
• مجمع الألــــــــــــــومبيـــــك
• مسافر ميونخ رحلة علاج وعندي استفسارات
• إستفسار هـآآآم عن أرخص مكاتب الإيجار في ألمانيا و خصوص ميونيخ و فارليسنق
• طلب برنامج سياحي في قارمش
• بخصوص قطار النوم الليلي هناك مخاطر على الأسرة؟؟؟
• استمتعنا بامطار ميونخ اليوم
• التاشيره ماطلعت وانا على اعصابي
• حجزت سياره بسمي وفيزتي واضفت الوالد سائق اضافي وللعلم انا بحجز لي سياره اخرى؟؟؟
• سكن في دوسلدورف
• ما هي افضل اماكن في ميونخ
• اسعدكم ربي جدول سياحي لعائله كبيرة
• اسشاره في تنظيم رحلة عائليه بين المانيا والنمسا واجروا الافاده
• اول مره اسافر مع اطفال وارجو المساعده
• مساعدة بلييييييز
• استفسار عن منطقة قارميش
• رائي الخبراء الالمانيين
• سؤال لاهل الخبرة
• ساعدووووووووووني ضروري سفري قريب
• بركان ايسلندا قفل مطارين بالمانيا

هلا فيج


خلي وصولج الى فرانكفورت افضل

ثم نذهب للسكن اما ببادن بادن او فرايبورخ ( الغابات السوداء ) اذا عددكم قليل او السكن بروشت مدينة الملاهي يوربا بارك اذا عددكم كبير وتبون شقق .. كلهم بالقرب من بعض الفرق فقط اقل من ساعه بينهم

وبعدها ممكن نسكن بستراسبورخ يومين انشوفها وثم الى باريس وبعده العوده منها


كم شخص انتم ؟؟؟ كم يوم الرحله ؟؟؟ ومتي؟؟؟

وعليه سوف نحدد اكثر واكثر


دمتي بكل ود

هلا والله
http://www.arabtravelersforum.com/user261127/
اشكرك شكررررررررررررر جزيل على الرد ,,,,,,,,,جزاك الله الف خير
والله عددنا كبير (تقريبا 9) بين كبار وصغار!
ومقررين الرحله تكون بين 20 الى 25 يوم ان شالله تقريبا من 1 جولاي لين 25 اوغوست باذن الواحد الاحد .......

اتمنى تسعفني في تكتيك حلو للرحله وكلللللللللش مو غريبه على خبير مثاك ,,, الله يعطيك العافيه يارب

هلا فيج اختي

اولا يفرق بين 20 و25 يوم ؟؟؟ لان لو 25 يوم ممكن ندخل سويسرا بالمخطط

ثانيا كيف طريقة تنقلكم هناك بسياره او سيارتين او بالقطارات هذي اهم مسأله ؟؟؟

السكن انتو عائله واحده وله ممكن نسكن على مجموعتين بنفس المبنى ؟؟ لان صعب انحصل مسكن لعدد الكبير


حجزتي التذاكر وله بعد ؟؟ واذا ما حجزتو ممكن انغير الرحله تماما وانخليها ما بين المانيا والنمسا وسويسرا

بنتظارج

والله النمسا وسويسرا رحت لهم اكثر من مرة وكان معاهم ميونخ وقارمش فودنا انغير شوي وانشوف شي جديد مثل بادن والغابه السوداء ويورب بارك واستراسبورغ وبعدين باريس للشوبينغ
مادري اذا هو جذي اوكي ولا !؟
تنقلاتنا دايما انفضل القطار لانه صعب نلقى سيارة ل 9 ماشالله ... والسكن مومشكله اذا كان شقتين بالعكس احسن وحتى لوفنادق بعد مو مشكله

نسيت شي ....... ماحجزنا التذاكر ...ننتظر نستقر على الاماكن اول ....وتشجعنا لان القطريه افتحت خط شتوتجارت بس مادري اذا فرنكفورت احسن ولا لا ؟؟؟؟؟؟

جزاك الله خير

طالما الرحله بالقطارات

فالافضل لنا نختار المدن الرئيسيه ذات المحطات الرئيسيه للقطارات


لهذا خلينا نحصر السفره في 4 مدن فقط طالما انكم زرتو سويسرا والنمسا . وتكون 16 يوم

لا تروحون شتوتغارت خلونا على فرانكفورت شوفيها هنا

http://www.arabtravelersforum.com/travel434878/

كلها اسواق وملاهي وحدائق ومدن روعه بالقرب منها

نجلس بفرانكفورت 4 ايام ثم بادن بادن وما حولها مثل ملاهي يورب بارك وفرايبورغ ( الغابات السوداء ) 4 ايام ثم راحه جميله في ستراسبورخ الفرنسيه يومين

هنا تقريري عنها

http://www.arabtravelersforum.com/travel439352/

ثم باريس 6 ايام .. هكذا 16 يوم الرحله ... اضافة دوله اخرى بعد باريس يكون الخيار ببروكسل البلجيكيه ممتازه لو الرحله 20 يوم

بنتظار ردكم لكن بالقطارات تكلفه كبيره عليكم

انتوا 9 اشخاص خذوا سياره اما واهلي نفس عددكم وناخذ سياره لان القطار غالي عليكم كلكم ماشاء الله

ولازم تنتبهون لنقطه النقاب اذا معاكم احد منقب لانه ممنوع في فرنسا

اوكي حلو.......
بس 16 يوم شوي ......مو مشكله ممكن انطول المده في باريس وانروح بروج ......
اشكثر المسافه بين فرنكفورت وبادن ؟؟؟
يعطيك الف عافيه ياارب

اختي دموع الوجد....تسلمين لي الغاليه.... عندج رقم سواق عنده سيارة كبيرة ممكن نتعامل معاه!!

بين فرانكفورت وبادن بادن ساعتين بالكثير


حلوه برووج وراح انزل عنها تقرير بالايام القادمه .. زورها يوم وومكن زيارة بروكسل يومين او 3

فعلا برووج من اجمل المانطق الي زرتها في حياتي...واتمنى زيارتها مرة ثانيه وثالثه.. مدينه جميله بكل تفاصيلها

دمتم وجزاكم الله خير على ردودكم الطيبه

اخوي بوعمر سؤال أخير واسمح لي على الإزعاج ،، اذا خلينا وجهتنا على دسلدورف كبدايه وبعدها رحنا على بادن وستراسبورغ هل بتكون المسالفه طويله ؟ يعني كم ساعه تقريبا؟

لا مو سؤال اخير وما في ازعاج



المسافه بالظبط 380 كيلو الوقت 3 ساعات ونصف .. بين دوسلدروف وبادن بادن

الله يجزيك خير يااارب ،،،
زين حلو والمسافه معقوله

اخوي الفاضل بوعمر
عندي استفسار عن السكن في دسلدورف وبادن

تعبت وانا ادور على فنادق فيها نظام الفاميلي رووم او شقق جيدة

ممكن أوسمحت اتساعدني في الوصول لها

جزاك الله خير

هذي شقق في بادن بادن


http://www.esprit-art.de/html/appart...t__ferien.html


وهنا من بوكنج وول لقيتها فل من بوكنج جربوا من موقعهم


http://www.booking.com/hotel/de/appa...ml?aid=1329869



http://www.booking.com/hotel/de/bats...ml?aid=1329869#



http://www.booking.com/hotel/de/apar...ml?aid=1329869

ثانكس الغاليه

خليك عالقطريه لشتوتغارت وخلي برنامج كالتالي 1- الي rust لمدينة الملاهي يوروب بارك ثم الي ميلانو الايطليه للتسوق ثم الي جنيف للكرنفال ثم الي انترلاكن للطبيعه ثم فرانكفورت او شتوتغارت

المشاركة الأصلية كتبت بواسطة aldalilq8
http://www.arabtravelersforum.com/tr...2/#post5396122

خليك عالقطريه لشتوتغارت وخلي برنامج كالتالي 1- الي rust لمدينة الملاهي يوروب بارك ثم الي ميلانو الايطليه للتسوق ثم الي جنيف للكرنفال ثم الي انترلاكن للطبيعه ثم فرانكفورت او شتوتغارت



لا اختي المخطط هذا ملخبط مره ماينفع