الموضوع: الدانه والا بنيان تري والا شنو تنصحوني فيه

السلام عليكم
شلووونكم وشخباركم

ان كنت بحريني والا خليجي

المهم انا ابي مساعدتكم

ابي اقضي 4 ايام انا وزوجي شفت صور الدانه وبنيان تري

رفيج زوجي نصحه بشاليهات الدانه وانا محتاره

ولا جربت شي فيهم

وجزيره حوار رفيجه قاله زورها يوم واحد كافي والا لازم نقعد فيها


واذا في منتجعات غيرهم افيدوني او فندق او منتجع
يكون في حمام سباحه خاص


وجزاكم الله كل خير

مواضيع عشوائيه ممكن تكون تعجبك اخترناها لك:

• ابسأل عن التخفيضات؟؟
• مساعده بخصوص فندق ؟
• لو تكرمتو
• للفائدة منوعات شقق اليت البحرين
• البحرين أكثر دول العالم استقبالاً للسعوديين بمعدل أربعة ملايين سنوياً
• احسن الشقق العائلة بالمملكة؟
• ابي شاليهات للايجار في امواج مع حمام سباحه او دره البحرين
• أخوكم محتاج فزعكم
• لأهل المحرق ساعدوني
• يأهل البحرين
• أبحث عن شقق مفروشة عائلية بالمنامة
• الجو ومحلات الاثاث
• النوقتيل واليت اسويت
• مستشفى البركة لا اراكم الله مكروه
• عقد قران الشيخ خالد بن حمد على كريمة خادم الحرمين الشريفين
• ابي فزعتكم
• سوال
• افضل اماكن في جزر امواج
• اول مرة اذهب البحرين
• ممكن مساعده

وعليكم السلام ورحمة الله وبركاته

أختي .. البانيان تري منتجع فخم جدا 5 نجوم ونظامه فلل خاصة وبكل فيلا بركة السباحة الخاصة بها ... عيبه غلاء اسعاره وبعده عن المدينة .. لأنه منتجع صحراوي ...

الدانة نوفوتيل موقعه جدا حلو وممتاز على جسر المحرق القديم (جسر الشيخ حمد) .. عيبه .. إن ما فه بركة سباحة خاصة .. ونظامه غرف ..

ممكن تشوفين فندق دراغون .. فندق جديد وراقي ... وموقعه في جزر امواج بعيد شوي .. وهذا موقع الفندق: http://www.dragonresorthotel.com/


أما عن جزر حوار فهي مغلقة حاليا للصيانة ولا ندري متى بيفتحونها ...

مشكووووووووووره حبيبتي الغاليه على الرد

فديتج نخدمج بالافراح

انزين جزر امواج اهي القريبه من قطر والا حوار

المشاركة الأصلية كتبت بواسطة غلاالكويت
http://www.arabtravelersforum.com/tr...6/#post3354140

مشكووووووووووره حبيبتي الغاليه على الرد

فديتج نخدمج بالافراح

انزين جزر امواج اهي القريبه من قطر والا حوار

هلا عيوني ... وحاضرين لج .

لا أختي .. جزر امواج قريبة من المطار ...

المشاركة الأصلية كتبت بواسطة غلاالكويت
http://www.arabtravelersforum.com/tr...6/#post3354140

مشكووووووووووره حبيبتي الغاليه على الرد

فديتج نخدمج بالافراح

انزين جزر امواج اهي القريبه من قطر والا حوار




يا هلا أختي .. جزر أمواج قريبة جداً من جزيرة المحرق وبالتحديد شمال شرق المحرق وتصميمها مثل مدينة فينيس الإيطالية يعني الممرات المائية تمر بين الشاليهات وكل شاليه يركن قاربه ويمارس أنشطته البحرية الجميلة هناك والجزر نفسها فيها عدة مشاريع ومنتجعات ولكن لا زال العديد من في طور الإنشاء خاصة المجمعات التجارية والفنادق .. ولكن في جزر أمواج حالياً مفتوح منتجع ( سي لوفت ) ومنتجع ( ذا دراغون ) ..

بالنسبة للجزيرة القريبة من قطر هي جزر حوار علماً أن جزر حوار تتكون 26 جزيرة أغلبها جزر صغيرة ولكن الجزيرة الرئيسية الي يقع بها المنتجع حالياً مغلقة للصيانة والتطوير ..

بالنسبة لمنتجع الدانة الي يميزه فخامته وموقعه على جسر الشيخ حمد وهو أقدم جسر بحري في البحرين تاريخه يعود إلى حوالي 70 سنة إلى الوراء وهو أحد الجسور الثلاثة الي تربط المنامة بالمحرق .. يعني ميزة السكن بمنتجع الدانة موقعه في وسط الديرة ..

أما إذا كنتوا من محبي الحياة البـــــــــــــعــــــــيـــــــــدة عن صخب المدينة فأنصحكم بمنتجع بنيان تري الي يقع في البر لكنه بدون منازع أفخم فنادق ومنتجعات البحرين ويبقع بالقرب من جنة دلمون المفقودة وحلبة البحرين الدولية ويبعد حوالي 30 الى 40 دقيقة من المنامة ..


وأوقات سعيدة أختي