الموضوع: ماهو افضل مكان لصيد الأسماك في البحرين ؟؟

ناوي ان شاء الله ازور البحرين عن قريب وزيارتي خاصه لصيد على شاطئ

اتمنى تساعدوني في افضل مكان لصيد الأسماك على الشاطئ

ولكم تحياتي

مواضيع عشوائيه ممكن تكون تعجبك اخترناها لك:

• كذا استفسار سيتي سنتر ، الوضع الأمني ، تكاسي
• لـــطــالغالـــية مـزون ــفـــا
• فزعتكم ياأهل البحرين
• رحلات المنامة دبي او ابو ظبي
• عيد زواجي بعد شهر وابي منكم خدمة
• مسرحياااات ياهل البحرين
• عين عذاري
• أفطار في البحرين
• استفسار وشهو اخرص طيران من جده الى البحرين
• ساعدوني بخصوص شقق اليت
• استفسار
• وش افضل فنادق البحرين
• سؤال يا أهل البحرين الكرام
• سؤال لاهل البحرين والي يبي يروح البحرين الاجازه الجايه ؟
• مساعده ياهل البحرين ابحث عن مكان افطار في رمضان
• استفسار
• طيران الخليج تطلق رحلاتها إلى أديس أبابا والبصرة وأصفهان
• بالنسبه للمساج ضروري
• أفضل لوبي فندق
• ابغى وصف منطقة الجفير وطلب ثاني لاهنتو

هلا بك اخوي

والعهده عالراوي (زوجي) يقول احسن مكان للحداق هو عند ميناء خليفه او عند جسر الشيخ خليفه

وهو في منطقة الحد والجسر اللي اقصده هو اللي يربط الحد بالمنامه

شكرا لك على الاهتمام والرد

سؤالي كيف وضع المكان هل هو شاطئ رملي ؟؟ يعني هل يمكننا الجلوس فيه حتى الصباح؟؟ وشكرا

عند ميناء خليفه مافي شواطئ رمليه كل المكان صخر

لكن عندك الحوض الجاف شاطئ رملي وممكن تصيد منه وهو قريب من ميناء خليفه يعني بنفس المنطقه تقريبا

حياك الله اخوي ابراهيم بالبحرين

من خبرتي بالحداق خخخ مثل ماقالت اختي مزون تحت جسر الشيخ خليفه
وايد ناس تقعد على الحصى وتحدق

وفي مكان صغير عباره عن صبيه(سميت بناء) في اخر الجسر بس اذا تبي تحوش لك مكان لازم تروح من وقت لانه يزدحم بالصيادين اذا تأخرت وماراح تلقالك مكان


المكان الثاني عندك جسر الشيخ سلمان الي يربط المنامه بالبسيتين والمحرق
والجسر القديم الي يربط المنامه بالمحرق والي عليه فندق نوفوتيل
وعلى نفس هالجسر فيه ممشى يطل على البحر وتقدر تحدق منه

اذا بغيت مكان مميز للحداق عندك منتجع البندر في ستره بس الدخول له يكلفك 10 دينار بحريني

ومازال في اماكن كثيره للحداق بس هذي افضلها

الله يرحم الشواطئ الرملية في البحرين و اماكن الحداق الممتازة

بس مثل ما قالوا الاعضاء عندك قرب الجسور يمكن تحصل على مبتغاك

الف شكر لكم جميعا

طيب ابي النتيجه النهائيه تشورون علي اروح الحد والا البندر؟؟

المشاركة الأصلية كتبت بواسطة مزون البحرين
http://www.arabtravelersforum.com/tr...0/#post3399320

عند ميناء خليفه مافي شواطئ رمليه كل المكان صخر

لكن عندك الحوض الجاف شاطئ رملي وممكن تصيد منه وهو قريب من ميناء خليفه يعني بنفس المنطقه تقريبا




اختي انا سمعت أن عند الحوض الجاف ممنوع الصيد خوفاً من خيوط الصيد تتراكم مع الوقت وتأثر على القوارب أو حتى البواخر .. أما ميناء خليفة فأعتقد لأن عمق الساحل مباشرة 14 متر فأعتقد الأمر أفضل لأن حوض الجاف الساحل عبارة عن شاطئ رملي قليل العمق


وعندك أخوي كذلك جسر الشيخ عيسى بن سلمان ( الي يربط بين شمال المحرق وشمال المنامة عند المنطقة الدبلوماسية ) هناك يجتمع عدد كبير من هواة الصيد البحري، بس بيني وبينك ما في على الصيد من على القوارب في مناطق الفشوت والجزر الداخلية .. وصيد موفق ..

شكرا لك اخوي بحريني

انا اشوف ان الكل ركز على جسر الحد

انا اتذكر اني مريت على الجسر هذا من قبل الي يكون فيه عمدان رفيعه وبعدها بيصير شاطئ بس حبيت اعرف كيف اقدر ادخل بالسياره لاني بحثت عن مدخل ولم اجد

واي جهه افضل ؟؟ اتذكر ان اخر الطريق هذا بيكون الحوض الجاف على اليمين فأتمنى توصف لي بالضبط وين انت والأخوان

وشكرا

أنا أحب الصيد في المكان اللي مقابل سوق رامز تجي من الشارع الخلفي للسيف وتخلي السيف على يمينك والستي سنتر يمينك كذلك ومع الاشارة يمين اللي بعد الستي سنتر تجيك إشارة قبل الكوبري أعمل فوق تحت أو دوران للخلف أو يوتيرن كل حسب لهجته وشف الموقع على يمينك .

المشاركة الأصلية كتبت بواسطة سعودي أوكيه
http://www.arabtravelersforum.com/tr...1/#post3455491

أنا أحب الصيد في المكان اللي مقابل سوق رامز تجي من الشارع الخلفي للسيف وتخلي السيف على يمينك والستي سنتر يمينك كذلك ومع الاشارة يمين اللي بعد الستي سنتر تجيك إشارة قبل الكوبري أعمل فوق تحت أو دوران للخلف أو يوتيرن كل حسب لهجته وشف الموقع على يمينك .




تحياتي لك

وكيف وضع الصيد هناك؟؟ تنصح فيه والا نص ونص

المشاركة الأصلية كتبت بواسطة بحريني غير
http://www.arabtravelersforum.com/tr...8/#post3452748

يا هلا أخوي.

الحوض الجاف وجسر الحد الصيد فيه ممنوع أخوي ولكن في بعض الصيادين المخالفين أحياناً ولكن احنا دايماً نبعد عن الشر ونغني له .. أفضل مكان في منطقة الحد هو ميناء الشيخ خليفة بن سلمان لأن عمق الساحل هناك يصل إلى 14 متر يعني غزير جداً بالنسبة لساحل ..

وللوصول إلى الميناء ،،

أول ما تنزل من جسر الحد ( وانت ياي من المنامة تجاه المحرق ) أول ما توصل إلى الإشارة الضوئية اللي على يمينها تروح الحوض الجاف والي على يسارها تروح المطار ،، أخذ هذي الإشارة إلى الأمام مباشرة بشكل تام لا تلف لا يمين ولا يسار .. وراح تدخل منطقة صناعية وهي منطقة الحد الصناعية الي تعتبر أكبر منطقة صناعية في البحرين وطبعاً غالبية هذي المنطقة منطقة مدفونة في البحر ،، واصل إلى الأمام وراح تشاهد بعض اللوحات الإرشادية تشير إلى (ميناء الشيخ خليفة بن سلمان) اتبعها واستمر بمواصلتك إلى الأمام يمكن حوالي 15 كيلومتر من بداية دخول المنطقة الصناعية عند جسر الحد .. وراح تحصل المنطقة مفتوحة على يدك اليسار تقدر تختار فيها أي موقع .. بس حاسب لأن الساحل جداً غزير ولا سمح الله لو فرطت أي سيارة داخل البحر هناك تختفي ولا تبين لأن البحر هناك غزير .. وهو نفس البحر الي وقعت فيه كارثة غرق سفينة الدانة السياحية قبل 3 سنوات والي راح ضحيتها أكثر من 50 شخص ..

ولكن من ناحية الصيد البحري هناك .. على كيف كيفك ..

صيد موفق أخوي وبالسلامة ..




الف شكر لك اخوووووي وماقصرت ان شاءالله هاليومين بروح واعطيك خبر وشصار معاي


تحياتي لك

المشاركة الأصلية كتبت بواسطة الماسة السوداء
http://www.arabtravelersforum.com/tr...9/#post3399669

حياك الله اخوي ابراهيم بالبحرين

من خبرتي بالحداق خخخ مثل ماقالت اختي مزون تحت جسر الشيخ خليفه
وايد ناس تقعد على الحصى وتحدق

وفي مكان صغير عباره عن صبيه(سميت بناء) في اخر الجسر بس اذا تبي تحوش لك مكان لازم تروح من وقت لانه يزدحم بالصيادين اذا تأخرت وماراح تلقالك مكان


المكان الثاني عندك جسر الشيخ سلمان الي يربط المنامه بالبسيتين والمحرق
والجسر القديم الي يربط المنامه بالمحرق والي عليه فندق نوفوتيل
وعلى نفس هالجسر فيه ممشى يطل على البحر وتقدر تحدق منه

اذا بغيت مكان مميز للحداق عندك منتجع البندر في ستره بس الدخول له يكلفك 10 دينار بحريني

ومازال في اماكن كثيره للحداق بس هذي افضلها




الف شكر لك اختي ماقصرتي


تحياتي لك

المشاركة الأصلية كتبت بواسطة ibrahem003
http://www.arabtravelersforum.com/tr...7/#post3459747

تحياتي لك

وكيف وضع الصيد هناك؟؟ تنصح فيه والا نص ونص

هلا وغلا اخوي ابراهيم ، حياك ربي ، بالنسبة للصيد من تجربتي نص ونص وأنا أذهب للمتعه وليس للأكل بصراحه حتى احيانا اصيد واهديه للي قريب مني .