السلام عليكم ياشباب
الموعد كان في يوم الاربعاء الموافق 31 يناير2007 ورحت بدري الساعه 6 صباحا عن البوابه زي ماقالو لي الشباب بالمنتدى ولكن الامن رفضوو يدخلوني وقالو انه ماراح يدخلون احد قبل سبعه الصباح ورفض الضابط عن البوابه لحي السفارات انه يدخلني واستغربت لما جيت بعد الساعه السابعه اني حصلت ناس متجمعه مادري من وين دخلوو وشلووون !!
المهم رحت واصطفيت بالطابور وماكان كثير يعني ويمكن لاني وصلت السفاره الساعه سبعه وربع ولكن بعدي اتضح انه في طابور كثير . وكان في شخص يمر على الطابور ويشيك هل تم دفع رسوم الفيزا واذا كل الطلبات تم احضارها .
بعد وصول موعدي بالطابور عند البوابه طلب مني الجواز علشان يشيك على اسمي مسجل بالقائمه ومن ثم قال معاك موبايل او مفاتيح سلمها وخذ رقم لها وخذ الظرف وياك ودخلت غرفة التفتيش استلموو مني الظرف وفتشوني وثم قالو لي ادخل راح تحصل بالبوابه الثانيه منطقة تفتيش .
رحت ومشيت بالبهو حق السفاره ولما وصلت البوابه الداخليه وفتشني الحارس هناك وثم قلي روح ادخل ودخلت واخذت رقم وانتظرت وكان قدامي تقريبا 20 شخص مرت بسهوله ورحت لشباك 10
قالت وين الرسوم حقه الفيزا اعطيتهاا , ملخص اللي اخذته مني
الباسبور + كشف الحساب+ds157+ds156 + ورقه الرسوم+صوره ملونه , وطلبت مني كتب اسمي بالعربي على استماره ds157 بالاعلى باليمين
وقالت روح واخذ لك رقم وانتظر المقابله . جلست وجاء الموعد ورحت لشباك 6 تقريبا وكان امريكي بمنتصف العمر , وقال حط اصابعك واخذ البصامات لاصابعي ومن ثم قال ارفع السماعه وسئلني
كم عمرك وين تشتغل وبديت اقوله الاجابه وليه بتسافر امريكا قلت سياحه قلي وش راح تسوي في امريكا قلت صديق لي يدرس هناك سئلني عن اسمه وقلت له وبعدين قلت انه قال تعال قضي فتره الاسبوعين في امريكا وراح نقضيها في اورلندو وميامي وانا قلت اوكي وعلى اساس كذا قدمت للفيزا وبعدين قال انت سافرت سوريا قلت ايه قال ليه قلت سياحه ورخصيه ومن ثم قال اخر مره متى سافرت قلت له بالكريسمس هذا وسئلني ليه وش تسوي قلت تدري انا عزوبي واروح علشان اتمشى واسترخي بعد العمل لانه متعب جدا قلي اوكي اوكي فهمت fear enough (طبعا بعد ماذكرت له كلمه حس انه مامني خوف مرره خخخخخ )
قمت قلت له ممكن اذا اترك الجواز عندكم وشرحت له ظروف عملي وانه ماعندي وقت ومسؤول واليوم اللي حضرت فيه للسفاره كان اضطراري بالقوه اخذت وانه مخصوم من اجازتي قال اوكي اوكي راح ناخذه وعطاني ورقه زرقاء وقلي روح انت الحين ادفع الرسوم واتكلم مع الفديكس وقله وبعدين اطلع واتجهه على العمل لانهم يحتاجونك وقلي راح ياخذ اسبوعين قلت مو مشكله.
رحت للفديكس وطلبت منه يرسلي الباسبوره بعد اصدار الفيزا (لان موظف الفديكس قال تقريبا 90 بالمئه راح يصدرون لك الفيزا دام اعطوك الورقه وقالو لك روح عطيها للفديكس وعموما هي تاخذ اسبوع وبعدين نستلمها ونرسلها لك ) على مقر عملي ودفعت لهم 150 ريال رسوم الارسال وطلب مني تعبئه نموذج االارسال وقلي بعدين روح واعطيه لموظف الكاشير وادفع رسوم الفيزا 27 ريال واترك الايصال معاهم بالورقه الزرقاء .
ودفعت الرسوم واخذ مني الايصال حق الفديكس وعليه الايصال حق استلام الفيزا .
فما تتوقعون ياشباب هل اخذت الفيزا والا لا ! :114:مواضيع عشوائيه ممكن تكون تعجبك اخترناها لك:
- سؤال عن فاضل الشقق والفنادق في منطقة منهاتن المجربة ؟
- محتارة واحتاج نصيحتكم عاد لاتردوووووني
- احتاج مساعدتكم في سفرتي لامريكا
- ممكن اسم المطار القريب من شلالات نياجارا
- سوال سريع لبتووووع اورلاندو
- معلومات شافيه عن سا انطنىو في امريكا
- ابى شركه شحن بضائع اذا امكن
- انا مقيم بالسعودية وحصلت حديثا على فيزا زيارة لامريكا وعندى اسالة ساعدونى رجاء
- لو سمحتو يا اخوان
- خبراء شيكاغو
- أين أذهب في الوست كوست؟
- الى مع التحيه
- تجديد الجواز والفيزا
- استفسارات لاهل الخبرة في فيلادلفيا
- خبراء امريكا احتاج مساعدتكم
- ممكن طلب بسيط
- رأي السفاره
- إييي موقع استئجار منه فله بــ اورلاندو
- انا الان في امريكا واحتاج تجديد للأقامة؟؟
- أسبوعين في واشنطن
رد مع اقتباس
المشاركة الأصلية كتبت بواسطة الرصاصي
المفضلات