الموضوع: ام تطلب الفزعه

حياكم الله ياهل الفزعات
معاكم والدة ناوي ع السفر
ولدي الله يحفظه وياااااااكم
الان متواجد بترايسش شيرش
اليوم اول يوم له بالمعهد
الله يوفقه وياكم
وتواصلي معاه عن طريق الجوال ويقول النت هناك مايكتب عربي
وش الدبره
يعني وش الحل لاهنتووو
حتى اقدر اتواصل معاه براحتي تعرفوون قلب الام
لان عمره 16
وهذي اول مره يبعد عن عيني ولمدة شهريييييييين الله يصبرني
الشيء الثاني كيف يعرف اتجاه القبله
ومعليش تحملوني لوخطر في بالي استفسار
ترا مالي الا الله ثم انتم ياهل الفزعات
الله يحفظكم جميع

مواضيع عشوائيه ممكن تكون تعجبك اخترناها لك:

• فزعتــــــــــــكم ياهل النخـــــــــــــوه
• والله مالي غير الله ثم انتم ساعدوني
• مسافر كرايست تشرج نصائحكم
• تصويت على منع الحجاب ادخل وقل لا
• أوقات الصلاة لمعظم المدن النيوزلندية
• شباب طلب منكم بس ادخلوا للخبير
• افيدوني في الابتعاث الى نيوزلندا
• رايح لاوكلاند وماعندي سالفه
• استفسار بخصوص نيوزلندا
• أخ حسّاس أريد نصائح مهمه
• لأهل الخبرهـ استسفار صغنون
• راح ادرس قانون ممكن صيغة شهادة خبرة
• تكفون والله محتاج مساعدتكم بخصوص اوكلاند
• المشاركة الاولى
• ارجو المساعده هل موقع البحث عن العوائل هذا موثوق ؟؟
• هل روتوروا البلد المناسب؟
• طلاب نيوزلندا و خصوصا دنيدن
• إلى طلاب جامعة اوتاغو وسكان مدينة دنيدن لو سمحتوا
• لكل من التقى بي في كرايست تشيرج ياسر الرجاء الدخول
• اتعرفون ؟؟؟

اذا ما معاه لابتوب هنا مشكلة.......بس ان شاء الله الاعضاء يفيدونك في طريقة الكيبورد العربي.

وبالنسبة للقبلة واحد من الشباب معاه بوصلة....طبعا انا متواجد بكرايست شيرش حاليا.

احاول اوصلها له بس على الاقل عطين اسم الولد الاول وبأي معهد يدرس.

مسافر متعلم
مظلوووم
الله يحفظكم
ويجزاكم خير
هو معه لاب توب ومركب برنامج سكايب بس النت مايكتب عربي
ابلغه الفجر لانه نايم
واردلكم
الله يسعدكم ويحفظكم من كل شر

^^

غريبه معه لاب توب ولا يكتب عربي !!

اتوقع النت ماله دخل باللغه .. اللغه لها دخل بالجهاز نفسه

هو جرب يضغط على Alt و Shift ؟؟

حياك الله
المظلووووم
والله مدري
اخذ العلم منه واردلكم
حدي بالابتوب تصفح واهو الله يحفظه يعرف اكثر مني
جزاك الله خير

الا يا اختي....اذا كان معه لاب توب اكيد انه يكتب عربي....بس تلقينه ما عنده نت بالبيت واستخدم كمبيوتر المعهد الانجليزي..........علشان كذا قوليله ياخذ الاب توب معه للمعهد وبالبريك يفتح الاب توب ويكلمكم....واذا كان ما يعرف طريقة التحويل في لاب توبه من انجليزي الى عربي والعكس يضغط على Alt مع shift.... بس المشكلة انه بوقت البريك بيكون الساعه عندكم 3 بالليل.

فيه مقهى انترنت تبع Vodafone بالـ سكوير فيه كيبورد عربي ناسي الساعة بكم

المهم هو اكبر فرع لفودافون في السيتي قولي له يروح له , وترى أتذكر

فيه واحد مصري يشتغل بالمحل يساعد العرب خصوصا ً اللي أول مرة يروحوا هناك


إذا ما عرف مكان هالمحل فيه واحد لبناني اسمه ( علي أو أبو علي ) ناسي .

معاه كشك أحمر وأصفر يتواجد دائما ً في الـ سكوير .. مكتوب على الكشك

كباب ومدري ايش خليه يروح يسأله يساعد العرب كثير

الله يعينه ويوفقه ويحفظه ويرجعه بالسلامة

المشاركة الأصلية كتبت بواسطة مسافر متعلم
http://www.arabtravelersforum.com/tr...1/#post4106391

الا يا اختي....اذا كان معه لاب توب اكيد انه يكتب عربي....بس تلقينه ما عنده نت بالبيت واستخدم كمبيوتر المعهد الانجليزي..........علشان كذا قوليله ياخذ الاب توب معه للمعهد وبالبريك يفتح الاب توب ويكلمكم....واذا كان ما يعرف طريقة التحويل في لاب توبه من انجليزي الى عربي والعكس يضغط على Alt مع shift.... بس المشكلة انه بوقت البريك بيكون الساعه عندكم 3 بالليل.



حياك الله اخوي
هوفعلا العائله ماعندها نت وجهازه مابه شحن (طحنا بمشكله الافياش) ومعه واحد برازيلي سبق له الجيه وعارف افياشهم شحن جواله منه(وقلت له دبر نفسك واسأل ماارسلناك الاعشان تعرف تتصرف وتدبر حالك)
الله يحفظه وياكم
وقلت له يضغط Altوshift ويقول ضغطت بس مافيه فايده الكيبورد يكتب عربي عااااااادي لكن المشكله بالنت
ومشكوووووووووووووور اخوي على اهتمامك
وموفق ان شاء الله

المشاركة الأصلية كتبت بواسطة مسافر متعلم
http://www.arabtravelersforum.com/tr...1/#post4106391

الا يا اختي....اذا كان معه لاب توب اكيد انه يكتب عربي....بس تلقينه ما عنده نت بالبيت واستخدم كمبيوتر المعهد الانجليزي..........علشان كذا قوليله ياخذ الاب توب معه للمعهد وبالبريك يفتح الاب توب ويكلمكم....واذا كان ما يعرف طريقة التحويل في لاب توبه من انجليزي الى عربي والعكس يضغط على alt مع shift.... بس المشكلة انه بوقت البريك بيكون الساعه عندكم 3 بالليل.









المشاركة الأصلية كتبت بواسطة أبو طيف..
http://www.arabtravelersforum.com/tr...0/#post4106840

فيه مقهى انترنت تبع vodafone بالـ سكوير فيه كيبورد عربي ناسي الساعة بكم

المهم هو اكبر فرع لفودافون في السيتي قولي له يروح له , وترى أتذكر

فيه واحد مصري يشتغل بالمحل يساعد العرب خصوصا ً اللي أول مرة يروحوا هناك


إذا ما عرف مكان هالمحل فيه واحد لبناني اسمه ( علي أو أبو علي ) ناسي .

معاه كشك أحمر وأصفر يتواجد دائما ً في الـ سكوير .. مكتوب على الكشك

كباب ومدري ايش خليه يروح يسأله يساعد العرب كثير



الله يعينه ويوفقه ويحفظه ويرجعه بالسلامة



مشكووووووور اخوي بلغته
وشكله لمح الكشك
وجاري التصرف
يعطيك العافيه
وجزاك الله خير

هوفعلا العائله ماعندها نت وجهازه مابه شحن (طحنا بمشكله الافياش) ومعه واحد برازيلي سبق له الجيه وعارف افياشهم شحن جواله منه(وقلت له دبر نفسك واسأل ماارسلناك الاعشان تعرف تتصرف وتدبر حالك)



فيه محل أبو ريال وريالين إذا صح التعبير موجود بالسيتي

يقدر يروح يشتري منه فيش , ما راح يكلفه الا 2 أو 3 دولار بس

وخليه يشتري اثنين عشان سبحان الله يخرب واحد الثاني موجود

و ينتبه محلات الكهرباء أو التوصيلات مرة غالية راح يبيعونه مو أقل

من 30 دولار حسب معرفتي البسيطة .


وصف المحل :

يخلي محطة الباصات ( bus exchange ) على يساره وبنك ناشيونال الأخضر على يمينه

ويمشي تقريبا ً ابو دقيقتين راح يلقى المحل على يمينه , خليه ينتبه لأنه راح يمر على تقاطع

أو تقاطعين صغيرة , طبعا ً المحل يشتغل فيه واحد صيني أو حرمة صينية


والله يوفقه ويحفظه لكم .

ملاحظة :

حاولوا تأخذون رقم المعهد عشان - سبحان الله يصير شئ والا شئ - وخلوه يعطي

المعهد رقمكم للإحتياط لأنه بكل صراحة الولد الله يحفظه سنه صغير شوي ولازم الواحد

ياخذ احتياطاته بكل شئ . الله يحفظه ويرده لكم سالم غانم

شباب ابي فزعتكم حول هالمعهدين :

Dominion English School

Unique Newzealan

شو رايكم فيهم..وفين الافضل من ناحية الدراسة والسعر وفي اي منطقة هل كلهم في اوكلاند ام لا ؟؟ فزعتكم يا شباب لاني اريد ادرس لمدة 6 شهور

واذا تقترحولي معاهد اخرى يكون افضل لاني ماعندي خلفيه عن المعاهد.

لأنه بكل صراحة الولد الله يحفظه سنه صغير شوي ولازم الواحد

ياخذ احتياطاته بكل شئ . الله يحفظه ويرده لكم سالم غانم



يا اخوي وين صغير الله يرحم لي والديك....تعال شوف كثير من السعوديين في كرايست شيرج قد ايش اعمارهم...والله اقابل ابو 15 وابو 16 كثير....بالعكس الولد ما عليه خوف ان شاء الله

بس حرصيه على الصلاة اهم شيء....وخليه يروح يصلي الجمعة في الجامع على باص رقم 5 في باص اكستشينج b..وقبل الصلاة بيلقى كثير سعوديين رايحين هناك...ومن ناحية ثانية بيفيده معرفة متى بداية الصيام اذا راح هناك.

والشيء الثاني انتبهي عليه من الدخان مع انه ما يباع له هنا. لأنني وللاسف اشوف كثير من الشباب السعوديين طاحين بالدخان طيحة !!...والافضل انه ما يخالط السعوديين افضل للغته.

والشيء الثالث والاهم...الساعة 6 بالليل يكون بالبيت. انا اسوي كذا وانا ابو 22 سنة.
وبالتوفيق لولدك وان شاء الله يتوفق وتمشي اموره ويرجع لكم سالم غانم ويرجع بفائدة ان شاء الله.

السلام عليكم

هلا وغلا ناوي ع السفر

ان شاءالله ان عيونكم بتقر فيه وبيرفع روسكم

ولا اتحاتين ابداااا

اذا مايقدر يكتب عربي عشان الكيبورد فيقدر يكتب من خلال هالرابط وينسخ الكلام وبعده يلصقه في الأيميل او على الماسنجر

http://www.arabtravelersforum.com/ArabicKeyBoard.htm


وهالطريقه كنت استخدمها لما كنت في بريطانيا وفعاله

والله ايحفظه ويسعده ان شاءالله وشددوا عليه في الصلاه لانها عمود الدين ..

والله وافزعولك الشباب يا ناوي ع السفر
وكلنا ندري انهم مايقصروون عسى الله يطيل اعمارهم على طاعته
عموما هذا الظن في الشباب وفي هذا المنتدى الطيب
بالنسبه لحرص الام والاب على عيالهم وخوفهم لابد يكون كثير وخصوصا اذا سافروا عنهم مثل حالتك
اختي ناوي ع السفر
وترا في هذا الوقت ماهو محتاج منك الا الدعاء له ادعي له بالتوفيق والصلاح والله يرده لكم سالم غانم
اما خوف لاتخافين عليه ابد ولدك رجال وبيوفقه ربي ان شاءالله
وحرصيه على الصلاة جزاك الله خير
بالنسبه للكتابه مااعتقد انها من اتصال النت اكيد من الجهاز عنده
عموما الشباب ماقصروا وطمنينا عنه
تحياتي للجميع

حياكم الله ياهل الفزعات
اخوي
ابوطيف
مسافر متعلم
ومشرفنا العزيز القطري
ولايهون الجميع
بصراحه يعجز اللسان عن الشكر وتقف الحروف حائره
عن التعبير
ابشركم بدت اموره تستقر ولله الحمد والمنه
ويرجع ذلك لله سبحانه وتعالى ثم لجهودك المشكوره
التي اعجز عن وصفها وشكرها
وذكرت حديث المصطفى صلى الله عليه وسلم (مثل المؤمن للمؤمن كالبنيان يشد بعضه بعضا
اذا اشتكى منه عضو تداعى له سائر الجسد بالسهر والحمى)
اللهم اجزهم عني خير الجزاء واكفهم شر البلاء
ووالده واياي متابعينه سواء في المعهد عن طريق الايميل يرسلون تقرير كل اسبوع والعائله عن طريق الجوال
كذلك زميل والده يحضر الدكتوراه هناك
وصلاته كل يوم احرصه عليها الله يحفظه ويثبته وياكم
عافاااااكم وكفاكم الله شر من عاداااكم

الله يرجعه لكم ساااااااااااااالم غااااااااااااااانم رااااااااااااااااااافع رووووووووسكم ان شااااااااء الله