الموضوع: سؤال عن جبل قاصيون وباب توما

مرحبا جميعاً،
أولا اسمحولي أبدي إعجابي بهذا المنتدى الأكثر من رائع، فعلا جميل الواحد يشوف كيف أبناء البلد بحبو يعرّفو الناس على بلدهم وبيعطوهم نصائح والخ... فيعطيكو العافية
أنا رح أزور سوريا لأول مرّة (أخيراً) نهاية الأسبوع القادم إذا لم يطرأ أي تغيير، لمدة يوم أو اثنين، نصحني بعض الأصدقاء بالنزول بإحدى فنادق منطقة باب توما لسعرها المناسب، ولكني زي الأطرش بالزفة، لا بعرف شو باب توما، ولا كيف أوصلو، ولا إزا هي منطقة منيحة أو لأ أو شو طبيعتها.
و أود الذهاب إلى جبل قاصيون، لأني سمعت الكثير عن جماله، فهل هو خارج الشام أم داخلها؟ وكم أحتاج من الوقت للوصول إليه من باب توما؟ وهل يوجد أماكن للمبيت أم لا؟ وأهم شيء، هل الجو مناسب في هذه الفترة لزيارته أم لا، وشو بتنصحوني أعمل هناك؟ هل في شيء مميز غير طبيعته ؟
شكراً جزيلا

مواضيع عشوائيه ممكن تكون تعجبك اخترناها لك:

• السائح الهروي مع التحيه
• المسجد العمرى سوريــــــــــــــــــــــــا
• النشرة اليومية لإسعار الصرف الحرة للعملات الأجنبية لدى المصرف التجاري السوري
• عوده بعد غياب
• فخر الصناعة العربيه شام أول سيارة صناعة عربية
• سوريا أول مره ؟
• شقق في دمشق خمس نجوم للأجار
• يا جماعة شو رايكم في قطارات سوريا ؟
• بمناسبة العيد
• سؤال عن صرف العملات وفندق الميرديان؟
• سفري خلال فترة الحج أرجو المساعدة
• مشاريع سياحية جديدة في سوريا الله يزيد و يبارك
• إدخال السيارات السياحية العربية الى سورياالمستند و التكلفة
• سمو الاميرالوليد بن طلال يبحث مع الأسد تعزيزاستثمارات سعوديه اضافيه في سورية
• سعر التاكسي عاجل
• البارح وصلنا من سوريا
• اقتراح سريع جدا
• رحلة الـعـقـد العائلية الى سورية العريقة
• صور مطعم ألف ليلة وليلة اخيراعالم من الخيال
• حمامات الشام

اخ عربي222
اهلا وسهلا بك في سوريا

دمشق او الشام كما تحب ان تسميعا مدينة غير ممتدة افقيا
وبالتالي يمكنك الوصول من اولها الى اخرها خلال نصف ساعة هذه الايام
لانه لا يوجد ازدحام شديد

بالنسبة للفنادق منطقة باب تةما جيدة
ولكن انصحك بفنادق شارع 29 ايار وهي فنادق جيدة وجميلة ولكنها غير فخمة
او اذا كنت ترغب بفنادق فخمة فهناك مجموعة فنادق رائعة يمكنك السكن فيها بقلب دمشق

اما جبل قاسيون فهو داخل دمشق وبالتالي من باب توما او 29 ايار تحتاج ربع ساعة فقط
الجبل جميل ومطل على دمشق ولكن حاليا الجو بارد جدا
انا لا انصحك بالدخول الى احد الاستراحات على جبل قاسيون لعدة اسباب
ولكن لا بأس بزيارة الجبل والتمتع بمنظر الشام من على سفوحه
انصحك بالتنزه بدمشق القديمة واسواقها
وكذلك بزيارة مطاعم طريق المطار وخصوصا ان اجازتك قصيرة جدا

تحياتي لك واهلا وسهلا بك مرة اخرى...

باب توما منطقة حلوة وهي منطقة راقية مع انها قديمة ممكن تنزل باحد الاوتيلات او اذا بتحب ممكن اوتيل دمشق الدولي حوالي 80 دولار بالبحصة او مثلا بشي 200 دولار باوتيل الشام؟ حسب رغبتك و طبعا اذا بتحب تشتري اشياء تذكارية من سوق الحميدية واطلاع عالبزورية
و لاتنسى تتعشى او تتغدى باحد المطاعم القديمة متل بيت جبري وفي كتير متلو
و قاسيون بتتطلعلو بالليل بس سمك اللبس و ما تدخل لاي مطعم او كافي لانو كتير غالي خود معك ترمس شاي او عصير و اشربو وانت على سفح الجبل وو ممكن تطلع على مطاعم االلي عطريق المطار متل القرية؟
وممكن تتمشى بالشعلان و الصالحية وابو رمانة مناطق اريبة من بعضها بس اسال و انت بتندل لوحدك
و في مول منيح اسمو شام سنتر بكفرسوسة بتروح و بتتسلى شوي و ممكن تشتري شي لانو في سيلات
و تعود وتشربلك شي فنجان قهوة
و موفق باي

شكرا جزيلا،
عندي كمان سؤالين لو سمحتما،
كم تعادل الليرة السورية مقابل الدولار الأمريكي أو الدينار الأردني؟
و إذا بدي أنزل بفندق أسعاره بحدود الثلاثين دولار لغرفة لشخصين هل يوجد فنادق نظيفة ومرتبة ولاّ أغلى من هيك؟
نحن لا نبحث عن الرفاهية، بالعكس نحن نحب الناس والبساطة ودمشق التي نسمع عنها دائما، لكن في نفس الوقت نريد شيئا نشعر به بالأمان والنظافة والترتيب.
شكرا

المشاركة الأصلية كتبت بواسطة عربي222
http://www.arabtravelersforum.com/tr...0/#post3618967

شكرا جزيلا،
عندي كمان سؤالين لو سمحتما،
كم تعادل الليرة السورية مقابل الدولار الأمريكي أو الدينار الأردني؟
و إذا بدي أنزل بفندق أسعاره بحدود الثلاثين دولار لغرفة لشخصين هل يوجد فنادق نظيفة ومرتبة ولاّ أغلى من هيك؟
نحن لا نبحث عن الرفاهية، بالعكس نحن نحب الناس والبساطة ودمشق التي نسمع عنها دائما، لكن في نفس الوقت نريد شيئا نشعر به بالأمان والنظافة والترتيب.
شكرا




الدولار الامريكي يعادل تقريبا 46 ليرة اما بالنسبة للدينار فما عندي اطلاع للاسف
30 دولار ممكن صعب تحصل نظيف ويعجبك بس لحد الخمسين دولار في فنادق جيدة ونظيفة وحلوة بس مش فخمة
اما الامان يا اخي فما تخاف بشكل عام سوريا بلد آمن جدا جدا
انت بس ابعد عن مناطق المشاكل وان شاء الله الوضع جيد

تحياتي...

شكراً جزيلا، ما قصرتو
الصورة باتت واضحة
تحياتي.