الموضوع: الدانة ولا ميركيور

السلام عليكم
بنروح للبحرين الاثنين الجاي الى الخميس ان شاء الله
وحابة اسال وش احلى الدانه نوفيتل او ميركيور من جميع النواحي قربة من الاسواق وفخامتة واذا في خلفية عن اسعارهم
واذا في مقترحات ثانية بالنسبة للفنادق مانقول لا
وهل تتوقعون زحمة أثناء تواجدنا

وشكرا

مواضيع عشوائيه ممكن تكون تعجبك اخترناها لك:

• بروح البحرين الاسبوع الياي ساعدوني ابغي جدول ليومين
• ما هي افضل اماكن في البحرين
• محل شوكلاتة ؟؟؟؟؟
• وين بالضبط صالون الريجنسي في البحرين
• طلب وخدمهـ من اهل مملكهـ البحرين
• استفسار بخصوص جواز السفر للبحرين
• يااهل البحرين ممكن مساعده
• استفسار عاجل عن فروع محل Bershka بيرشكا في البحرين ومتى تفتح المولات وتقفل
• اللي عندة خبرة عن محلات اسماك الزينة والنباتات لايبخل علينا
• ماهو تاثير القرارات الاخيرة في البحرين على الاسعار كافة والحريات
• فندق الميرادور والا فندق الدلمون ؟؟
• الاوضاع في البحرين بعد اخبار العربية
• تدشين اولى رحلات السفينة السياحية اورينت
• النوقتيل واليت اسويت
• وش افضل فنادق البحرين
• ترانزيت مطار البحرين
• أحسن شقق فندقية للعزابية
• استفسار حول الاوضاع الامنية
• أيــن أجــد محـلات الأثـاث في بحريــننا
• سباق الفورمولا وان مهرجان جائزة البحرين الكبرى العد التنازلي

عليكم السلام اختي .. الأسعار والله على أساس يكون الموضوع دقيق الأفضل تتأكدين من خلال الاتصال بهم أو ان شاء الله الأخوان يفيدونا خاصة أن الأٍسعار تتغير دايماً.

أما من ناحية الأفضل .. حسب وجهة نظري ومن خلال تجربة شخصية في الفندقين (إقامة في الدانة ودورة عمل في الميركيور) الدانة أكيد أفضل وأرقى وخدماته أفضل بس يمكن لأني ما جربت غرف الميركيور .. ولكن يبقى الميركيور راقي وفخم وأبرز ما يميزه هو وقوعه في ضاحية السيف بين أفخم المجمعات التجارية البحرينية بل أن شارع المطاعم والمقاهي الفخمة الواقع خلف مجمع العالي يقع ملاصق لفندق ميركيور جراند.

الي أذكره في ميكريور أن هناك مطعم كبير فيه بوفيه مفتوح بالطابق الأرضي .. وهناك مطعم آخر في جلسات فنية في الطابق الثاني .. وما عندي فكرة إذا كان في مطاعم أكثر ولا لا .. المسبح في فندق ميركيور يقع في السطح .. وأكيد المنظر من أعلى الفندق جميل جداً لأن مبنى الفندق يرتفع على علو 120 متر تقريباً.

أما الدانة نوفيتيل فهو مكون من ثلاث طوابق تقريباً .. يوجد فيه مسبحين وعدد من المطاعم والمقاهي ويطل على شاطئ ممكن ممارسة الأنشطة البحرية من خلاله .. وبصراحة الأمور الترفيهية الداخلية بشكل عام في الدانة نوفيتيل أكثر .. ولكن موقع ميركيور بجانب المجمعات التجارية والمطاعم والمقاهي يعتبر أكيد أفضل.

علماً بأن المسافة ما بين الدانة نوفيتيل وميركيور هي فقط 8 كيلومترات تقريباً ولكن بالسيارة ممكن توصل المسافة إلى أكثر من 20 دقيقة لأنكم راح تضطرون الدخول في قلب مدينة المنامة خاصة أن ضاحية السيف تقع على أطراف المنامة وهي أقرب مناطق المنامة إلى السعودية.

وأوقات سعيدة

الله يعطيك العافية ماقصرت

كل واحد له مميزاته يعني ميركيور صاير جنب السيف تروحين له مشي
اما الدانه فهو صاير على البحر وفيه مسابح حلوه بس احس هالوقت مو مناسب للسباحه وتحسينه رايق
من ناحية الفخامة كلهم مرتبين يمكن الدانه افخم شوي

وفيه شقق فريزر داخل مجمع السيف يعني تنزلين على طول على السيف

صح أنا مع خالتي قماشة ليش ما تجربين فندق فريزر سويت الجديد الملاصق لمجمع السيف ؟؟ في أكثر من تقرير لهالفندق راح تحصلينهم بالقسم ..

وعلى فكرة ترى كل هذي الفنادق المذكورة بما فيهم الفنادق الي تفضلتي وذكرتيهم من فئة الأربع نجوم. بس فندق فريزر بصراحة من خلال الصور وايد عجبني خاصة أن خدماته أحدث من الدانة وميركيور والأسعار نفسها أعتقد .. بس يظل الدانة أعلى بشوي ..

ولما أقمنا فيه قبل حوالي سنتين كان سعر الجناح 160 دينار على ما أذكر .. ولكنه خيال بصراحة ,, ويطل على متحف البحرين الوطني .. والخدمات راقية .. بس مثل هذي الأمور تتغير .. وأكيد تتغير للأفضل باستثناء الأسعار

أوقات سعيدة أختي ..

اخوي بحريني كفى ووفى

وفعلا ليش ماتجربين الفريزر سويتس لان سعره مقارب لميركور لكنه افخم واجدد منه ..

مشكورين ماقصرتوا

ابشوف تقاريرة بعدين اقرر