أنا شاب أبلغ من العمر 20 عاماً أسكن في أحد القرى بنجد يعني بدوي يوم كنت في الإبتدائيه كنت أول ما أرجع وأتغدى أروح للغنم وترى هذا موعيب الرسول صلى الله عليه وسلم كان راعي غنم ويوم كنت بالمتوسط ترقيت شوي وصرت عند الإبل الجمــــــــــــال وبالثنوي شرالي أبوي سياره ناقه أسمها ريمه أروح عليها عند الإبل.
المهم لا أريد أن أطيل عليكم وترى إحنا إنبالغ شوي بس والله إني قريب من الحقيقه الزبده ولد عمي يعمل بالرياض وقام الله يهديه وسجلني بالبعثه لأمريكا وما لقا يختار إلا إمريكا الله يسامحه وأنا الحين بالرياض يقولون فيه ملتقى يوم السبت وأنا جيت علشان أشوف ها لمتقى
المشكله الحين أنا ما قدرت أتأقلم على الوضع في الرياض و إنبهرت بالتقدم طبعاً مقارنة بقريتنا إلى مافيها إلا بقاله بدون كهرباء ولا تكييف أحسن شي عندهم كان والا أقول خلها في القلب أحسن فما بالكم بأمريكا. ولله مشكله.
ولا أخفيكم سراً أنني سألت خوياي ولا لقيت أحد يجاوبني وبعدين يردون علي يقولون أمريكا الي فيها بوش وش تبغابها أمسك أرضك بس الحمد الله واحد دلني على هالموقع وأثراني جداً بمعلومات قيمه ومفيده وعساه على الدوام ولفت نظري أشياء كثيره وأهم شي إن الي في هالمنتدى تحس إنهم خوياء أصدقاء حبايب رغم تباعد المسافات بينهم الله يهنيهم ويوفقهم وأنا معكم على طول .
وهذي الرساله أوجها لمشرفين المنتدى ولكل خفيف نفس ومجرب الغربه لأن الغربه صعبه وحسب إلى سمعته
ـ الغربه مره
ـ ويقول الشاعر
حاجتين تبحث الي خفاه بعيد لا طال المرض والا طالت الطرقه
هذي الي تبين الردى من الجيد و من فاز بـثـنـتــيـن بان فرقـــه
وش رايكم
أروح ولا ما أروح؟ والله العظيم أمرين أحلهما مر
وإذا بروح وين أروحله يعني أي مدينه أو ولايه أروحلها ؟
وش نصايحكم لي بالنسبه للوضع هناك؟
وش العادات والتقاليد ؟
وش وش الخ؟
أخوكم شايع الصيت عند جماعته مهوب في أمريكا
.
مواضيع عشوائيه ممكن تكون تعجبك اخترناها لك:
رد مع اقتباس
المفضلات