هلا بنت بلادي حياح الله اهل ديرتي شوفي انا صرت مدمنة البحرين بصراحة العام انا سكنت في ايليت 5 في منطقة الجفير وكان مكانة حلو ونظيف والله ،، وكان ورانا كلشي من محلات تجارية ومطاعم الزينة طبعا وكافيهات حق بليل عقب ما نخلص مشاوينا نقعد فيه طبعا نفس اللي بالكويت من ستاربكس وكوستا وغيرها .
وهذي السنة بالصيف بعد سكنت في ( ايليت رويال ) بس الصوب الثاني وهم في منطقة الجفير انصحج بقوة انج تسكنين فية لأن يهبل بصراحة وخدماته وااايد احلي من ايليت 5 وحتى الاثاث جديد وكله الشقة عجيييبة وانا خذيت الليل75 دينار كويتى بس يستاهل لأن الشقة اللي خذينها تتكون من ( 3 غرف نوم 2 منهم ماستر و1 عادي فيها سريرين وتكرمين 4 حمامات والمطبخ مجهز من كلشي وصالة وااايد حلو اما مايميز هذا الشقق الفندقية الاحواض السباجة غرفة الرياضة الجيم وغرفة للالعاب اليهال جيييم وغرفة عرض سينما
شي بصراحة وااايد حلو .
اما هذي السنة بالعيد الاضحية راح اسكن ان شالله في منتجع ذي سي لوفت في جزيرة امواج توها جديد مع فندق دراغون خذينى عدد 2 شالية نقضي العيد هذي السنة في البحرين دار الزين بصراحة وااايد استمتعنى فيها وخاااصة اليهال بعد واهم شي تغير الجو لهم عقب الامتحانات
وبس هذي اللي حبيت اقدمه لج وتروحين وترجعين بالسلامة ولكل مسافر وجاح ان يرحع الي اهله سالم غانم يااارب العالمين
رد مع اقتباس
المفضلات