أولا : الله يوفقك برحلتك
ثانيا: تروح للإيميل المرسل لك بالعربي من بوكنج تحصل تحت آخر الايميل مكتوب:
(
لا تنس
يمكنك تغيير أو إلغاء حجزك من خلال أداة الخدمة الذاتية Booking.com الخاص بي على الإنترنت:
وفيه رابط تحت هالجملة تضغط عليه يوديك صفحة بوكنج حجزك للفندق
لما تفتح الصفحة تحصل ثلاث أيقونات يسار مكتوب(تغيير-المزيد-الغاء)
اضغط على كلمة(المزيد)يفتح لك خيارات رابع خيار مكتوب (اطبع تأكيد الحجز بلغة الفندق الانجليزية)
اضغط عليه وبكذا راح تطبعه بلغة انجليزية معتمدة
هذا بالنسبة لطباعة الحجز الي تقدمه للفندق ومعتمد وفيه اختيارك موضح للغرفة وكل شي
بالنسبة للإجراءات فور وصولك للفندق هي حسب نوعية حجزك ببونج
-مسترد
-غير مسترد
إن كان حجزك مسترد فيجب فور وصولك تسليمهم الحجز الي طبعته مع بطاقة الفيزا عشان يسحبون المبلغ،نبّه عليهم إن التأمين راح تسلمه اياهم كاش لاياخذونه من البطاقة ويسلمونك ايصال عشان تاخذه اذا طلعت من الفندق
ضع بالحسبان ان السعر الي تشوفه بحجزك الغير مسترد لازم تحط فوقه بالبطاقة قيمة 6% ضرائب+10%خدمة
عشان يكون المبلغ يغطي سحبهم ولا تحتاس ويأخرونك
هذا كله بالنسبة لو تبي تدفع لهم بالبطاقة الفيزا لو وصلت ،أما اذا حبيت تدفع لهم المبلغ كله كاش ماعندك مشكلة ،فقط تسلمهم الحجز المطبوع والمبلغ كامل
بالنسبة لو كان حجزك غير مسترد راح يكون الفندق خصم من الفيزا كامل المبلغ وبمجرد وصولك لهم راح تسلمهم ورقة الحجز بيطلبون منك تأمين تعطيهم اياه وتاخذ الايصال وتدخل لغرفتك
تمنياتي لك برحلة سعيدة
رد مع اقتباس
المشاركة الأصلية كتبت بواسطة mame12
المشاركة الأصلية كتبت بواسطة مزاجي_سياحه
المشاركة الأصلية كتبت بواسطة alwanahmed
المفضلات