الموضوع: يوميات كويتيه في بوسطن

بسم الله الرحمن الرحيم
انا (واعوذ بالله من كلمه انا) ضيفه جديده و مثل ما استفدت من هالمنتدي حبيت افيد غيري لاني عشت في بوسطن فتره مو هينه ويمكن( اقول يمكن) غيري يستفيد.
في اول شهر يوليو كانت سفرتنا انا وزوجي واطفالي سنه وخمس سنوات طيارتنا كانت الصبح ودايركت الكويت نيويورك.
والحين خل نبتدي النصايح اذا معاكم عيالكم كثرو من دفاتر التلوين والالوان واهم شيDVDجزاه الف خير اللي اخترعه-وطبعا الجيم بوي وصدقوني كل هذا ويا ليت ينفع لا تنسون الرحله 13 او14 ساعه يعني بتنهارون اذا معاكم عيال صغار وطبعا ما اوصيكم الوجبات الخفيفه من صمون واجبان وبطاط وعصاير من الملل راح ياكلون كل شي
المهم ما اطول عليكم ما وصلنا الا واحنا خالصين:110: ,وصلنا لمطار كينيدي وبصراحه اسوأ مطار شفته المسافه من الطياره للجوازات طويله ومافي كراسي الواحد يقدر يريح عليها واهني النصيحه الثانيه لا تاخذون أي شنط معاكم في الطياره اللهم شنطه العيال لان بتمشون لما تطلع روحكم .:112:
طبعا كانت البدايه غير مشجعه لان نفوسهم كانت بخشومهم وناس كثير استجوبوهم بس بصراحه زوجي ما كلموه بس تفتيشهم البايخ اللي حتي عزكم الله جواتينا ما سلمت منهم .رحنا قاعه ثانيه علشان بناخذ طيران داخلي لمطار لوغان ببوسطن والله لا يوريكم طياراتهم جنها طيارات لعبه 3 كراسي ومضيف واحد وعلي فكره بتنصدمون وانتم جايين امريكا لانه كلش مو نفس الافلام عاديه جدا ولا فيها ذيج الفخامه اللي كنت متصورتها المهم ماني مطوله عليكم وصلنا مطار لوغان اللي كان احسن من كينيدي واخذنا سياره اجره وعلي فكره اغلب السواق كانو مغاربه او صوماليين .ولانا كنا تعبانيين من الطريج قلنا للسايق يوصلنا لاقرب مكان ورحنا لشقق فندقيه اسمها Embassy suitesوالله حلوه قعدنا 3 ايام وغيرنا لانها بعيده عن كل شي يعني علي طول تكاسي بس قريبه من المطار ,المهم سكنا بعدين بمنطقه اسمها بروكلاين المنطقه راقيه وبنظام شقق وباليوميه يعني بكيفكم تبون اسبوع شهر شهور وهذا اللي اسمه short term rent لان فيه عندهم long term rent6شهور او12 شهر .
وانشالله بعدين بكمل لكم هذا اذا شفتو فيها فايده لكم.:114:

مواضيع عشوائيه ممكن تكون تعجبك اخترناها لك:

• أصدرت الفيزا لثلاث شهور فقط فما الحل
• أحتاج أسواق نيويورك
• اجراءات السفاره وذهابنا مبكرا
• لـكـل مـن سـافـر بـعـد تـعـبـئـة نـمـوذج الـفـيـزا الـجـديـد
• اشحن كراتين ولا شنط؟؟؟؟؟؟؟
• استفسار عن كيفية حمل المال
• رحلة النصراوي لتجديد شهر العسل الى نيويورك بافالو كاليفورنيا في اكتوبر
• نيو أورليانز أحد عنده فكرة عنها ؟
• الحقووووني ورطت في فنادق نيويورك
• الى الأخوة خبراء امريكامطارات نيويوك
• نبراسكا اوماها ۔ الاربعاء القادم ان شا ءالله
• طلبة البكالوريوس بين سفارة أمريكا وضياع الفرصة
• خبراء أمريكا عندي استفسار عن الطقس
• محتاجه رايكم بلـــيز
• كم تتكلف مصاريف زيارة لامريكا في اجازة نصف العام لمدة اسبوعان
• ذكروني
• ارجو المساعدة ضروري
• مسافر قريبا الى واشنطن
• المقابله اليوم
• نظام الأيفون واللاب في السفر الى امريكا

الحمدلله على السلامة...والخواجة بوش يقولكم استروا ماواجهتم....

بسم الله وبنكمل اليوم باقي يومياتنا اول ما استقرينا من ناحيه السكن اكتشفت اكتشاف كبير الا وهو ان بوسطن مو منطقه سياحيه وان اغلبها جامعات ومستشفيات بس نصيحه اول شي تسونه خصوصا اذا بتطولون تشتركون boston centerl news letterهذه راح تساعدكم ان تكونون علي اطلاع بأخبار المنطقه وشنو صار وبيصير من احداث ,خل نرجع لموضوعنا اهم الاماكن اللي ببوسطن:
• المركز او متحف الاحياء البحريه نصيحه لا تروحون حده بايخ:105: واللي بالكويت احلي منه بمليون مره
• رحله الحيتان:24: ونصيحه من قلب لا تطوفونها عجيبه مكانها عند المركزالبحري تقطعون تذاكر لما تشوفون الوقت اللي يناسبكم وبعدين تبحر السفينه لنص البحر ولاتخافون السفينه كبيره ويضمنون لكم انكم تشوفون حيتان والا يعوضونكم برحله ثانيه بس لا تنسون خففو اكل لان ناس كثير يجيهم دوار البحر ....السفينه فيها صاله كبيره بالنص تقدرون تقعدون فيها لما تسمعون الكابتن يخبركم انه شاف الحيتان تطلعون وصدقوني منظر عجيب سبحان الله احنا صادفنا حوت كبير مع ولده الصغير 0000بس خلو كاميراتكم علي استعداد وهالله الله بالجاكيتات تري برد حده.
×الرحله اسمها whale watch ومكانها boston harborومدتها 3 ساعات
• حديقه الفانويfenway بمنطقه Kenmore square حلو للتمشيه وفيها مكان لالعاب الاطفال وبحيره وفيها مكان تأجر قوارب صغيره مع ناس وتتفرج .:101:
• نهر تشارلزcharles river وعندهم تأجير القوارب الصغيره اعتقد لها اسم معين بس ما اعرفه بس حلوه والمكان حلو وفيه طاولات وكراسي يعني نزهه حقيقيه.
• boston duck tourرحله بباصات كأنها قوارب تدور فيك بالاماكن التاريخيه المشهوره عندهم وتختمها بأنها أي الباصات تنزل نهر تشارلز يعني بريه بحريه وسألت عن هالباصات قالولي انهم للجيش وكان يستعملهم ايا فيتنام والحين تحولو للسياحه (ما يضيع شي عند الامريكان).:24:

أختي غلا أمها موضوعج وايد حلو، بس في شي ناقص. الصور، ياخويتي، ياريت لو تعززين موضوعج بالصور

علشان يطلع أحلى :101:.

يعطيج العافية، وواصلي احنا متابعينج للنهاية.

هلا باختي غلا امها والحمدلله على سلامتكم اهم شي طفتوا من مطار نيويورك بالسلامه

الحقيقه استغربت من قلتي تاخذون وياكم اكل في الطياره الكويتيه مو مقصره الحقيقه حق اليهال والاكل عندهم بلاش ومتنوع خصوصا للاطفال وبعد يعطوهم العاب

الشغله الثانيه منو قالج ان بوسطن سياحيه ؟؟؟؟ هي منطقه مستشفيات وجامعات فقط الله يعينكم لو ماخذه نصيحتي ما اوديج بوسطن بالموليه

من احب الفنادق الى قلبي امباسي سويت حتى ام يوسف استانست عليه وعلى فكره كل الفنادق للامباسي سويت متشابهه لابعد الحدود بس ريوقهم عجيب مو طبيعي

منواصلين معاج والله يستر عليكم ويردكم سالمين غانمين

المشاركة الأصلية كتبت بواسطة Um Yousef
http://www.arabtravelersforum.com/tr...2/#post1333212


أختي غلا أمها موضوعج وايد حلو، بس في شي ناقص. الصور، ياخويتي، ياريت لو تعززين موضوعج بالصور

علشان يطلع أحلى :101:.

يعطيج العافية، وواصلي احنا متابعينج للنهاية.



مشكوره يا ذوق بس تبين الصج يا وخيتي تري اختج ميح بالكمبيوتر (بيني وبينج لا تعلمين احد)
لما اخذ ICDLاحطلج الصور:106:
سامحيني واستري علي ما واجهتي:106:

المشاركة الأصلية كتبت بواسطة ناصر كويتي
http://www.arabtravelersforum.com/tr...4/#post1334444

هلا باختي غلا امها والحمدلله على سلامتكم اهم شي طفتوا من مطار نيويورك بالسلامه

الحقيقه استغربت من قلتي تاخذون وياكم اكل في الطياره الكويتيه مو مقصره الحقيقه حق اليهال والاكل عندهم بلاش ومتنوع خصوصا للاطفال وبعد يعطوهم العاب

الشغله الثانيه منو قالج ان بوسطن سياحيه ؟؟؟؟ هي منطقه مستشفيات وجامعات فقط الله يعينكم لو ماخذه نصيحتي ما اوديج بوسطن بالموليه

من احب الفنادق الى قلبي امباسي سويت حتى ام يوسف استانست عليه وعلى فكره كل الفنادق للامباسي سويت متشابهه لابعد الحدود بس ريوقهم عجيب مو طبيعي

منواصلين معاج والله يستر عليكم ويردكم سالمين غانمين



ادري والله يا خوي الكويتيه فيها اكل بس العيال من الملل لازم يقضون وقتهم بتسالي (اكل)غير عيالي ما يعجبهم اي شي :105:نفيسه
بعدين ادري بوسطن مو سياحيه احنا رحنا لان زوجي عنده دوره بس حبيت اضرب عصفورين بحجر (طماعه ادري):106: بس عسي ربي يخليه عوضني بعدين بشلالات نياغرا وبارلاندو :109:غير الرحلات اللي مني ومناك

تدرون ليش ما لازم تقطون الفواتير لانكم بتحتاجونها خصوصا بالاسواق لما تشترون شي وبعد اسبوع والا نفس المحل مسوي تنزيلات تردونها وتاخذون يا فلوسكم يا تغيرون وتشترون علي الاسعار الجديده (صارتلي شريت جم بدله صوايغ وبعدها بفتره سوو تنزيلات ورجعتهم وبدل الاربع قطع صارو ثمان ):24:
نجي للاسواق هناك عندهم جم مول معروفين :
*الداون تاون مركز بوسطن مو مول لأ محلات بس
*الجاليريا بكمردج (كلها ربعنا الخليجيين)وهو عباره عن مول 3 ادوار وفيه فود كورت _مطاعم.
*الارسونال مول بمنطقه الواتر تاون دورين
*الواتر تاون مول جدام الارسونال مول دور واحد بس فيه تارجت كبير.
*فيه مخازن كبيره للمحلات المعروفه بين old navy _marshal وغيرها بين بوسطن وبين كوينزي.
**طبعا فيه مولات كثيره بس محتاجه سياره واذا توفرت السياره بس طقطقو بالكمبيوتر واكتبو boston mallsوانتو تشوفون الهوايل (بغيت اجلط زوجي بهالحركه بس الله ستر):109:
وهذاه رده فعل زوجي:110::110:
ايه صج قبل ما انسي فيه بعد اوت لت وهذه ارخص

هلا والله بمراسلتنا من بوسطن غلا امها والله يستر عليكم ماشاء الله معلومات كثيره ومهمه انصحج بالمشتريات من الاوت لت لانه رخيص وايد وبعد التنزيلات شهر سبعه وخصوصا في الرباع من جولاي وهو عيد الاستقلال عندهم شوفي وين احتفالات وطبعا مافي دوام باليوم هذا واخذي زوجج وعيالج وشوفوا الاحتفالات والالعاب الناريه شغل عدل لكن بعد عيد الاستقلال ترجع الاسعار مثل ماكانت يعني الحين عل قد ما تقدرين اشتري اسعارهم رخيصه

المشاركة الأصلية كتبت بواسطة غلا امها
http://www.arabtravelersforum.com/tr...9/#post1337499

ومنو قالك اننا ما حبينا بوسطن والله اننا حتي فكرنا نشتري فيها بيت من كثر ما ارتحنا فيها :24:وبصراحه ناس كثير خوفوني من الامريكان ومن معاملتهم للمسلمين والشهاده لله شعب محترم يراعون ضمايرهم في شغلهم والله لما يشوفوني راكبه القطار ولا الباص مع عربانه ولدي يقومون من اماكنهم ويتراكضون علشان يساعدوني ناس ذوق وذربين والحي اليهودي اللي تقول عنه من احلي الاحياء وانضفها وفيه مطعم رامز (حمص وفلافل عجيب)واللي يشتغلون فيه من الطف الناس ومره واحد فيهم ركض وري زوجي لما انقطع نفسه علشان يرد فلوس كان غلطان فيهم زوجي ما انتبه لهم :x1: ,الخلاصه تري فيه ناس تزعل من كلمتي هذ بس بكيفهم انا وزوجي نحب امريكا وشعب امريكا :101::8888:



ما تخافيش الأف بي آي ما تقدر تشيك منتدى المسافرون العرب ......طلعي الكره اللي في ألبك ماحدش حيزعل:109:

المشاركة الأصلية كتبت بواسطة sameer236
http://www.arabtravelersforum.com/tr...4/#post1339944

ما تخافيش الأف بي آي ما تقدر تشيك منتدى المسافرون العرب ......طلعي الكره اللي في ألبك ماحدش حيزعل:109:



والله يا خوي احنا مو مثل بعض الناس بوجهين احنا اللي بره نفس اللي داخل:101: وما نخاف من احد وان قلت نحب الامريكان يعني نحبهم وهذا بعد ما عرفتهم شخصيا ولا تري الامريكان لهم معزه خاصه عندنا يا الكويتيين لانهم تدخلو ايام صدام الله لا يعيدها من ايام:105: واحنا ولله الحمد مو من اللي ينكرون المعروف so again and again i love the USA and I think they are great people:24:

الشعب الامريكي شعب طيب على اقل احسن من الانجليز يخرب بيتهم من يشوفون عربي يكشرو بس هذا لا يعني اني مع حكومه امريكا بتاعكس كرهها

الجزء الاخير وبسم الله توكلنا
الرحلات الخارجيه
*salem او سيلم مدينه السحره تقدرون تاخذون القطار من النورث ستيشن (commuter rail )او باصات ارقامها 451_465_468
المينه صغيره فيها متحف اسمه salem witch museum حق اللي يحبون التخرع والزومبي (ما يصلح للاطفال ):110:وفيها ميدان صغير اسمه ميدان واشنطون ومحلات للهدايا التذكاريه واللي تبي السوق انا اسفه ما عندهم الا مجمع صغير فيه محلات طايحه حظ بس حلوه بالهالوين(31_اكتوبر) يسوون احتفالات ومو تقولون ما قلت حق اللي يحبونالتخرع.
*danver_lynnسوق سوق سوق:24: المولات تدوخ الراس من كثرهم بس اهم موليين:
1_liberty tree mall
2_north shore mall
*wonderland مدينه العاب مائيه :surf وتقدرون تاخذون الباصات رقم 441_442_448_449
*main بس بصراحه احنا رحنا بسياره حلو التمشي بالمنطقه ومشهورهبمطاعم الاستكوزا:x1:
*new hampshireالمنطقه طبيعتها حلوه وفيها اوت لت رخيص وعموما حتي السكن ارخص
*rhode islnd هم فيها مول كبير بس اللي مشهوره فيه حديقه الحيوان _حليوه بس احلي من اللي في بوسطن

egghead

الكروز روعه و اكلهك لذيذ نحن خذنا مرنين مره حو الساحل و مره يوديك ليين نيويورك ويردك بوسطن يوم كامل اصراحه جنان

المشاركة الأصلية كتبت بواسطة egghead
http://www.arabtravelersforum.com/tr...3/#post1341503

ما شاء الله..أختي غلا امها..تقرير عجيب..كفيتي ووفيتي
أنا باذن الله رايحة بوسطن بشهر 8 وهذي مو أول مرة ..بصراحة الديرة حلوة وفيها أشياء وايد ممكن الواحد يروح لها ويسويها..وعندي سؤال: جربتوا الكروز مع العشاء اللي يلف على الساحل؟ بصراحة حاجزين فيه بس ما جربناه من قبل ؟



مشكوره يا قلبي حبيت افيد غيري مثل ما استفدت بس بصراحه ما جربت الكروز بس ما شا الله مدحوه بس لا تنسين رحله الحيتان لا تطوووووووووفج:24: (طبعا اذا تتحملين البحر ولا انحاشي) ولا تنسين تري بوسطن بشهر 8 حر خففو اللبس

تــــــــردون بــالـــســلامــــه

بيض الله وجهك أختي العزيز
غلا أمها
وبصراحة كفيتي ووفيتي في موضوعك
وأهنيك على هذه المشاعر الصادقة
وأسأل الله أن يحفظك في حلك وترحالك

السـلام عليكم اختــي العزيزة غـلا أمها ..........

مشكـورة و يعطيـج ألف عافيـة على تقريرج الجميل و البسيط و الي مـو ناقصـة إلا الصور و بس و يصير كـامل مكمـل إنشاءالله .

عـاد ذاك اليـوم كنت أتكلم مع زوجـي عـن بوسطن و إنـي بخاطري أزورهـا ..... بس قالي نفس كـلام اخـوي نـاصر وهي إنها منطقـة دراسـة و عـلاج أكثـر ...... عموما الله يهينكم و يونسكم بالعافيــة .

اليوم هو الرابع من جولاي يعني احتفالات في كل مكان لاتقعدون في البيت طلعوا وشوفوا الدنيا

كفيتي ووفيتي غلا امها

الله يعطيج العافيه

المشاركة الأصلية كتبت بواسطة غلا امها
http://www.arabtravelersforum.com/tr...0/#post1340060

ولا تري الامريكان لهم معزه خاصه عندنا يا الكويتيين لانهم تدخلو ايام صدام الله لا يعيدها من ايام:105: واحنا ولله الحمد مو من اللي ينكرون المعروف so again and again i love the USA and I think they are great people:24:




ما أحد يلومكم بحب الأمريكان .. شعب ودود .. وحضارة رائدة .. وبلد رائع ...

لكن ليتك ماذكرتي انه هذا السبب بحبكم للأمريكان ..

لأنه على كلامك أنتم مو من اللي ينكرون المعروف ..

كان الأجدر بالتفكير بالدولة التي شمرت عن ساعديها وتحملت كل مصاريف التحرير وانطلقت من أرضها جميع القوات الأمريكية حتى تحقق التحرير ... لا وبل فتحت قلبها قبل أبوابها للكويتين شعبا وحكومة (للمعلومية الحكومة الكويتية كانت تتخذ من الطائف مركزا لها أثناء الغزو )

الدولة التي مازالت الى اليوم تعاني من الدين العام في ميزانيتها بسبب واجبها تجاه الأشقاء

Lol Lol Lol Lol Lol Lol Lol ........... الي مسـح مشاركتـي الاوليـة .... خليـه يمسح و يشيل مشاركـة الاخ كابتن بعـد !!!

الحمد لله على السلامه

وين الصور:112:

بصراحه مالكـ داع انتي مثل باقي الكووويتيين اللي للحين مب معترفين باننا وقفنا معاهم في الحرب وانا عن نفسي اتذكر وقت الحرب عائله كويتيه كانت ساكنه في جنبنا بس حسااافه

أنا قلت LOL على إسلوب الأخ كابتن و بس ... شفتنـي قلت شي ثاني ؟

ليش تفهمـون الأمـور غلط ؟ أصلاً الموضوع كان يتكلم عن الامريكـان و عن معاملاتهم و شلون الإخت صاحبـة الموضوع تمدحهم و تحب أمريكـا ( هذا رأيها الشخصي ) إنـتـوا قلبتـوا الموضوع و صـار غيـــــــــــــــر .... ما أدري شلون ؟؟؟ أبيك تعطينـي جملـة أنا قلت فيها أي شي عنكم لو سمحت .

إحنـا نـودكم و نعتز بمساعـدة أي شخص أو دولـة لنـا ..... و جزاهم الله ألف خير ...... و أكيـدة لازم نعترف أولاً إن الله قبل كل شي هـو الي حفظنـا كلنـا و حفظ أوطانـا ثم إنتـوا و غيركم جزاكم الله ألف خير .

بس في نـاس للأسف يقرون الموضوع و يتسرعـون بالرد و بطريقـة تقهر و الإسلوب يكون للأسف غير محترم .... و ردي عليـه LoL

يا حبينا.....لو مو الله ثم السعودية ماترجع الكويت..................ماشي...ولا ننسى ان السعوديه ردت جميل ال الصباح اللي استضافوا الملك عبدالعزيز.....ومنها خرج لتوحيد المملكة....
انا كويتي واقولك هالكلام......بس كلام الأخت كان عفوي وتتكلم بعفوية عن الشعب الأمريكي الودود...