السلام عليكم ورحمة الله وبركاتة ..
انا الان في هونج كونج واوعدكم بأذن الله تعالي حين عودتي بتقرير جميل لان البلد رائعة الباصات كلها دورين .. المترو دورين تحت الارض . كل البلد ناطحات سحاب ..
لسة الرحلة في البداية ولكن الحمدلله كل شي تمام .. من ضمن الرحلة . رحلة لماكاو و الصين ..
عموما انطباعي عن الشعب الهونج كونجي ..
الشعب طيب جدا وخدوم جدا يساعدك ويعملك . اليوم واحد وصلني الي محطة الباص طبعا سيرا علي الاقدام لانه مش عارف يشرح بالانجليزي . لان الصراحة رغم صغر البلد الا وانها كبيرة جدا جدا من ناحية المواصلات و المباني والشوارع والادوار و المجمعات و اماكن التنزة وكل شي ..
طبعا المعلومات المتواجدة علي الانتر صعب جدا ان تشرح طرق الوصول عبر المترو والاقدام لانها ستحتاج شرح كبير لانها غريبة بعض الشئ ..
عملت اللي عليا في البحث و اكملت الباقي من خلال الكتيبات اللي اخدتها من المطار وسؤال الاشخاص المارة ..
امس كان يوم وصولي ..
طبعا المترو في البداية كان عامل بالنسبة لي زي اللغز الغريب ولكن من امس بقيت في المترو رقم واحد اكني من اهل البلد خلاص اتعلمته .. هو صعب في اول تعامل بس .. مش شراء التذكرة من الماكينة اللي صعب .. لا نظام المحطات هو اللي صعب شوية في البداية بس مع البحث حفظته .. مثال محطة المترو بتكون دروين تحت الارض زي محطة وان شاي .. هي دية النقطة ..
ولكن بعد اول تجربة هتلاقو الموضوع سهل جدا .. ما يعيب المترو فقط الزحمة الشديد مفيش مكان لنفس في المترو ..
دايما زحمة جدا جدا جدا ..
مثل ما قولت سابقا الشعب طيب جدا ولكن من يشتغلون في السياحية استغلال الي ابعد حد
من اول مطار هونج كونج
صراف المطار وفرق في التحويل دولار هونجي اقل عن كل دولار امريكي
صرفت الف ونصف دولار امريكي الي دولار هونجي كونجي وتخيلوا عمل فرق كبير ..
طبعا انا عرفت الفرق لما نزلت الشوارع ولقيت اسعار الصرافيين ..
وحولت من المطار ايضا 500 دولار امريكي مبدئيا الي ريمبي صيني بعد ما سئلت الموظفة يوجد ريمبي صيني او لا ؟
تعرفو عملت اية ؟ حولت الاول 500 دولار امريكي الي دولار هونج كونجي وبعد كده الي ريمبي صيني ..
دية كانت اول صدمة في التعامل مع العامليين بالسياحة ..
طبعا البلد لا غبار عليها تهبل بالخليجي نظام ورغم الازدحام الشديد بكل مكان الا ويأتي دورك سريعا .. المطار تحفة معمارية .. هونج كونج تصلح للعائلات الحيوية النشطة ( يعني اولاد كبيرة شوية , او اطفال صغريين جدا ) وجهة نظري
واول ما يقابلك بعد الخروج الصرافة و مكتب الجايد واخدت منه كل الكتيبات و حجز تذاكر المترو ..
ثاني مشكلة في التعامل مع العامليين بالسياحة ..
وصلت الفندق كنت حاجز الفندق من موقع اسيا ترافل .. وللاسف لم انتبه لميعاد انتهاء الماستر كارد الخاص بيا ..
فتم الغاء الحجز قبل سفري بيوم من موقع اسيا ترافل .. ولكن اتصلوا بيا تليفونيا وتحدثت معهم و واتفقنا بأن الحجز يتعمل تاكيد لغايت يوم الجمعة الساعه 4 ميعاد وصولي بالضبط .. 5 ليالي في فندق شارتر هاوس بـ 5170 دولار هونج كونجي .. الليلة بـما يعادل 140 دولار امريكي تقريبا مع الضرائب طبعا وبدون اي وجبات ولكن الانترنت مجاني في الفندق ..
وبالفعل وصلت الفندق وحجزي موجود بالفعل . ولكن الا والريسبشن بيقولي لازم تدفع 6500 دولار هونجي كونجي !! طبعا صدمت وقولتله ليه انت بتهزر ؟ الف و 300 دولار زيادة ؟ قالي عشان الحجز التغي ورجع تاني واسيا ترافل قال حق المكالمة التليفونية ..
قولتله لايمكن حق المكالمة التليفونية الف و 300 دولار ؟ وارتفع صوتي في الريسبشن طبعا كنت معصب رحلة من الكويت الي الدوحة و من الدوحة الي هونج كونج بأوقات الجوازات و البوردينج وصل الموضوع الي 15 ساعة .. فكانت كافية لكي اتعصب ..
ارتفع صوتي وطلبت المدير وجاء قولتله اية الاستغلال ده ؟ الف و 300 دولار زيادة ..
المدير كمان بيقولي طب 6000 اوكية ؟ قولتله وليه ادفع برضو 800 دولار زيادة ؟
اية المساومة دية .. فالاخر قولتله طيب انا هروح فندق تاني خلاص ..
قالي خلاص اوكية ادفع السعر المتفق عليه سابقا وعملت شيك ان ..
تحياتي لكم .
وانتظروني و تقريري قريبامواضيع عشوائيه ممكن تكون تعجبك اخترناها لك:
- سيارة بسواق لشخص مسافر لوحده
- المرغوب منكم معلومات ظافية عن هذه المدن
- اهم معالم طنجة السياحية
- الطريق من الرباط الى فاس مولاي يعقوب شفشاون تطوان طنجة اصيلة بكاميرتي الخاصة
- عدت من الدار البيضاء و كانت رحلة سعيدة مسافر و حيد
- فنادق مدينة فاس
- الاثنين القادم اول زياره لي للمغرب استفسار
- اسعار التذاكر ناااااااااار
- فاس مكناس تطوان
- ارجو المساعده مسافر للمغرب هذا الشهر مع العائله
- فلوسي بتخلصماهي أفضل صرافة وبنك في المغرب
- يالنشاما نخيتكم ابي مساعدكم بارقام هالفندقين
- ســد مراكش وهو ميسمى لديهم البـــــــراج بالصور
- سوال عاجل
- ودي استفسر عن الخطوط المغربية كيف مستواها
- عاجل استفسار متخوف من مطار محمدالخامس
- الفزعة يا جماعة
- شلون اروح اغادير ؟
- مصاريف الصفر و الصرف بالمغرب
- الكُسكُسي
المفضلات