بداية .. شكر وتقدير .. لكل عضو بهالمنتدى .. فادني بمعلومه ... لو بسيطه .. جزاكم الله ألف خير ..
وهالتقرير
شكر مني .. لهالمنتدى ..
الأكثر من رائع .. منتدى ( العرب المسافرون ) .. بصراحه إستفدت منكم الكثير الكثير .. وياليت تقبلون هالتقرير البسيط ... كبداية .. و الجاي أفضل .. إنشالله .. وهالله الله بالتشجيع ..
معلومات بسيطه ..
كنا منتسبين ( لقروب) . ..
الرحله كانت تشمل إثنين .. ( زوج و زوجته ) فقط بدون أطفال ..
تكلفة الرحله .. 845 دينار كويتي ..+ 45 ... ( فيزه وتأمين)
يعني شخصين .. المجموع يا طويلين العمر .. ( 1780) دينار كويتي .. شوي غالي .. بس الفنادق روعه وفخمه جدا . و التنضيم روعه .. وكل شيء ممتع . بصراحه يستاهلون هالسعر ..
خط سير السفره ..
(كويت . . الأردن .. جنيف .. ستراسبورغ .. ميونخ .. زلامسي .. باريس .. الأردن .. الكويت .. )
مدة السفره 21 يوم .. من ضمنهم يومين .. ترانزيت بالأردن ... بفندق الترانزيت ..
بدأت الرحله على الخطوط الملكيه الأردنيه ..
طارت الطياره الساعه 11 بتوقيت الكويت ليلا ... بتاريخ 2 _8- 2007 .. توجهنا للطائره وعند مدخلها قابلنا ترحاب أردني من رئيسة طاقم الضيافه بالباس الأدرني .. الدراعه السوده المشجره بأحمر ما غيرها .. والنفس روعه .. أهم شيء النفسيه .. الواحد ما يحب يروح مكان واللي جدامه مكشر بوجهه ..
طرنا .. وهوبا إلا إحنا وين ؟؟؟ ياشطار ؟؟
وين يا ترى ؟؟ وين ؟؟
بالأردن ..
وصلناها الساعه وحده بالليل .. على طول لقينا باصات الترانزيت بنتضارنا ..على طول ركبناها وتوجهنا على فندق الترانزيت .. ( فندق علياء ) ..
مدة الرحله ساعتين .. بالدقيقه ..
طاقم الخدمه .. رائع .. ونفسيته حلوه حيل حيل ..
بس لاحضت بطأ .. تخيلو .. الطياره بتنزل .. وإهم للحين ما شالو العشا !!
العشا كان لذيذ .. أنا خذيت دجاج بالكريمه مع عيش (رز)+ بيبسي .. وزوجي أخذ لحم مرق لحم بالكوسا هم مع عيش .. وسفن .. ..
هذا أول ليلة .. والرحله تبشر بخير إنشالله ..
ولا أنسى الإشاده بإدارة القروب .. خوش تنضيم متابعه ..
باجر السفر لجنيف .. الساعه 8 ونص ..
مدة الطيران من الأردن .. لين جنيف 4 ساعات ..
يعني إنشالله الساعه 12 ونص الضهر إحنا بجنيف .. 3_8..
عز الكرنفال...
.. للحين ما في صور ...
إنشالله باجر .. اكمل التقرير... وناطره التشجيع .. ترى إذا ما شفت تشجيع . عادي .. أوقف الموضوع ..مواضيع عشوائيه ممكن تكون تعجبك اخترناها لك:
- تقرير رحلتي سويسرا عشق لاينتهي
- إستفسار بعد الرجعة من السفر
- طلب برنامج في جنيف
- رايكم ؟
- رأيكم بجدول التنقلات والاماكن
- إذا مررتم من هذه القرية فاقلطو رحلتي هذا الصيف بإذن الله
- ترتيب جدول الاماكن والزيارات
- الحمد الله اليوم تم قبول اوراقي
- هذا جدول رحلتي تنصحوني بالسويس باس أو لا ؟؟
- كم أستفساآر بسيط عن سويسرا ومآحولها
- بوحمود بين روائع المدن الأوروبيه سويسرا باريس لندن
- نداء لابو عزوز واهل الخبره في سويسرا
- ابحث عن مواقع للسفر بالباخرة
- استفسار عاجل
- إستفسار عن الفيزآ السويسرية وكيفية إستخراجهـآ
- استفسارات بخصوص رحلتي الى اوربا الجزء السويسري
- استفسار عن الطريق الى زيلامسي من جنيف
- استفسار
- رحلة الى سويسرا المانيا وشوي فرنسا
- بادن بادن او ستراسبورغ او زيورخ
المفضلات