الموضوع: الرحله الأوربيه الشامله يوم في روبع أورروبا الساحره رحلة الشفق بالصور والفيديو

بداية .. شكر وتقدير .. لكل عضو بهالمنتدى .. فادني بمعلومه ... لو بسيطه .. جزاكم الله ألف خير ..
وهالتقرير
شكر مني .. لهالمنتدى ..
الأكثر من رائع .. منتدى ( العرب المسافرون ) .. بصراحه إستفدت منكم الكثير الكثير .. وياليت تقبلون هالتقرير البسيط ... كبداية .. و الجاي أفضل .. إنشالله .. وهالله الله بالتشجيع ..

معلومات بسيطه ..

كنا منتسبين ( لقروب) . ..

الرحله كانت تشمل إثنين .. ( زوج و زوجته ) فقط بدون أطفال ..
تكلفة الرحله .. 845 دينار كويتي ..+ 45 ... ( فيزه وتأمين)
يعني شخصين .. المجموع يا طويلين العمر .. ( 1780) دينار كويتي .. شوي غالي .. بس الفنادق روعه وفخمه جدا . و التنضيم روعه .. وكل شيء ممتع . بصراحه يستاهلون هالسعر ..
خط سير السفره ..
(كويت . . الأردن .. جنيف .. ستراسبورغ .. ميونخ .. زلامسي .. باريس .. الأردن .. الكويت .. )

مدة السفره 21 يوم .. من ضمنهم يومين .. ترانزيت بالأردن ... بفندق الترانزيت ..

بدأت الرحله على الخطوط الملكيه الأردنيه ..

طارت الطياره الساعه 11 بتوقيت الكويت ليلا ... بتاريخ 2 _8- 2007 .. توجهنا للطائره وعند مدخلها قابلنا ترحاب أردني من رئيسة طاقم الضيافه بالباس الأدرني .. الدراعه السوده المشجره بأحمر ما غيرها .. والنفس روعه .. أهم شيء النفسيه .. الواحد ما يحب يروح مكان واللي جدامه مكشر بوجهه ..

طرنا .. وهوبا إلا إحنا وين ؟؟؟ ياشطار ؟؟
وين يا ترى ؟؟ وين ؟؟

بالأردن ..

وصلناها الساعه وحده بالليل .. على طول لقينا باصات الترانزيت بنتضارنا ..على طول ركبناها وتوجهنا على فندق الترانزيت .. ( فندق علياء ) ..
مدة الرحله ساعتين .. بالدقيقه ..
طاقم الخدمه .. رائع .. ونفسيته حلوه حيل حيل ..
بس لاحضت بطأ .. تخيلو .. الطياره بتنزل .. وإهم للحين ما شالو العشا !!
العشا كان لذيذ .. أنا خذيت دجاج بالكريمه مع عيش (رز)+ بيبسي .. وزوجي أخذ لحم مرق لحم بالكوسا هم مع عيش .. وسفن .. ..
هذا أول ليلة .. والرحله تبشر بخير إنشالله ..

ولا أنسى الإشاده بإدارة القروب .. خوش تنضيم متابعه ..
باجر السفر لجنيف .. الساعه 8 ونص ..
مدة الطيران من الأردن .. لين جنيف 4 ساعات ..
يعني إنشالله الساعه 12 ونص الضهر إحنا بجنيف .. 3_8..

عز الكرنفال...


.. للحين ما في صور ...
إنشالله باجر .. اكمل التقرير... وناطره التشجيع .. ترى إذا ما شفت تشجيع . عادي .. أوقف الموضوع ..

مواضيع عشوائيه ممكن تكون تعجبك اخترناها لك:

• أحتاج من أهل الخبرة مساعدة
• مساعده الله يجزاكم خير قبل قص التذاكر
• مساعد في تخطيط برانامج
• مكاتب تأجير السيارات
• Ѧ ѧ Ѧѧ أنـتـرلاكـن ѧѦ
• خط سير مابين النمسا وسويسرا
• إستفسـآآآر عن التسوق والزحليقة الصيفية
• استفسار عن العمله الدولار و الفرانك في سويسرا
• ساعدوني أبي حل لمشكلتي
• مقترحاتكم
• هل اعتمد على تخطيطي او على شركات سياحة
• استفسار ؟ هل اعدل خطة الفنادق ام لا ؟
• أخواني خبراء وأعضاء المنتدى حبايبي في الله متعشمه في مساعدتكم
• مرحبا للجميع ارجو المرور
• وضع النقاط على الحروف فقد حان تحقيق الحلم خطــــوةً بخطـــــوة
• ضروريلله يجزاكم الف خير
• اقتراحاتكم وارائكم تهمني برحلتي صيف
• استفسارات رحلتي الى سويسرا احداثيات وجدول الرحلة
• ميونخ وزيورخ وزلامسي
• ضيف جديد ولدي بعض الاسئلة

مرحبا بكي أختي الفاضلة في بوابة سويسرا المتألقه دوما بوجودكم ومشاركاتكم

سجليني متابع لكي منذ البداية

تحياتي

اهلين اختي الشفق


الله يعطيك العافيه متابعين معاك ,,

الحمد لله على السلامة

متابعين ....

مرحبا أختي الشفق والحمدلله عالسلامة ... وأنا بعد متابعة وياك للأخير :24:
بس تصدقين .. معلومة جديدة بالنسبة لي عن الخطوط الأردنية أول مرة أسمع أحد يمدحها :114:
أهم شي إن تجربتكم وياهم أوكي :101: تحيااااااااااتي

يالله بالتوفيق كملي واحنا متابعينك شكلك دمك خفيف

الحمد لله على السلامة

بس متى اللحقة القادمة ... لاتكون مع مسلسلات رمضان
:surf

شفووووووووووووووووقه وينك

السموحه ... اليوم مو قادره الإشتراك .. متعبني .. باجر .. وعد مني .. بكمله لكم ...

بالنسبه للطيران الأردني ...
كانت الطياره .. مجهزه عالكامل .. من الطيارة الجديده .. في القديمه حتى مسجلتهم الصوتيه يقولاون ما تشتغل ..

هني .. لازقه بالطوفه .. لأنني أنا وزوجي . كنا بمقدة المقاعد .. وطول التنقلات . دايم كان مقعدنا بالأمام ..

مصادفه .. ما سعينالنها ... إرتحنا بمدة رجولنا ..

3_8_2007

ثاني يوم ..

الساعه 6 ونص .. راحت علينا نومه.. وقعد القايد يدق .. يدق .. لين قعدنا .. ونزلنا .. ومامدانا نتريق كنا مأخرين القروب حيل ..أول ما نزلنا .. ركبا الباص على طول .. 5 دقايق إلا إحنا عالبوابه
وصلنا ..

خلصنا أوراقنا .. ودشينا صالة المغادرون .. نزلنا عند كافيه وطلبنا
ساندويش حلوم ...
http://<a href="http://www.g55g.org"...&#91;/IMG]</a>



و 2 عصيرين برتقال http://<a href="http://www.g55g.org"...&#91;/IMG]</a>

.. خلصنا ريوقنا . شوي إلا إعلان طيارتنا .. الأدرنية الملكية .. لزيورخ وتتوقف بجنيف .. وإحنا طبعا بننزل بجنيف ..
ولأن الرحله راح تستمر .. 4 ساعات .. حاول زوجي يحصل حجز بالجي كلاس .. لأن حجوزات القروب كلها عالسياحيه طبعا .. المهم دور ولقا مقاعد ودفع زياده عشان ينقل لهالدرجه ..

أريح .. من وجهة نضري ما في زياده كثيره على الدرجه السياحيه .. اللهم المقاعد أكبر بشوي .. وأسع .. وهم مقاعدنا بأول كسيين ..

المهم .. مدة الرحله 4 ساعات بالتمام والكمال .. لا زياده ولا نقصان .. كانت الرحله مريحه .. بس خربها الكابتن بالنزله ..

مطبات وبريكات تخرع ...

طبت طيارتنا الأراضي السويسريه الساعه 11 و 40 بتوقيتهم .. درجة الحراره كانت 16 درجه
.. علما إن هذي درجة حرارة الساعه 11 و40 الضهر .. عز الشمس .. الجو روعه .. وبراد خفيف ..
يعني ملابس صيفيه .. يمكن للأطفال جاكيت خفييف ..
صور المطار من بره .. صورته وإحنا بالباص ..
http://&#91;IMG]https://www.otlaat.com/a....jpg&#91;/IMG]

على طول طلعنا ... بعد تأخير دام ربع ساعه إلى ثلث ساعه . .. لمشكله حدثت لأحد المسافرين معانا بالقروب ...
هذي صورة الباص ..
http://&#91;IMG]https://www.otlaat.com/a....jpg&#91;/IMG]



المهم طلعنا من المطار الساعه .. 12 و20 .. ولين وصلنا فندقنا .. الساعه 12 و25 ..

يعني الطريج 5 دقايق ..


هذي صورة لقطتها لكم ..من الباص.. بالطريج



http://&#91;IMG]https://www.otlaat.com/a....jpg&#91;/IMG]

المهم ..طلعنا و تمشينا .. ومرينا على مطعم .. إسمه إسطنبول .. وخذينالنا شورما ..هني صارت لنا مشكله ههههه .

تعرفون طبعا حجم الشورما .. عندنا بالكويت ؟؟

نتفه .. لحم ... او دجاج .. بس ... ؟؟

فماشين على هالحجم . .. وطلبنا .. 2 شورما و2 دجاج ...
وثنين .. سفن أب ..

صورتلكم صورة ساندوش الدجاج ..

هذي هي ... كبيره الصورة ترى مو معطيتها حقها كلش..


http://&#91;IMG]https://www.otlaat.com/a....jpg&#91;/IMG]

شفتو شلون حجمها كبير ؟؟؟
ههههههههه

وما قدرنا ناكل .. إلا 3 أرباع الساندوش بس ...؟؟؟ والثاني ما لمسناها كلش ..


وطلع الحساب ... 43 فرنك .. هذا سعر السندوتشات عنهم .. بدايه توحي بالإفلاس على إنتهاء هالرحله..

روعه هالسيرفيس .. روب .. مع نعناع .. وحمسة فلفل نسويها فبيتنا .. بس ملتهم حيل حيل حيل حيل حاره ..



http://&#91;IMG]https://www.otlaat.com/a....jpg&#91;/IMG]

خلصنا .. ورجعنا الفندق ... وريحنا ساعتين لأن تعبنا من المشي .. من زمان مامشينا ..

و أنا طلبت من الفندق . الوايرلس .. وشغلته لقاء ... 20 فرنك .. لكامل مدة الإقامه .. وكنت قاعده بجنيف 6 ليالي ..
يعني سواء قاعد ليله أو 10 .. ليالي .. كله 20 فرنك ..

وتخيلو . طلب زوجي قناة عربيه .. قالوله تدفع 24 فرنك عشان نشغلك القناة العربيه .. هههه يعني قناة وحده هم يختارونها . .. مو السات كله ؟؟
نهيبه ..

وطلعنا نتمشى نشوف بوتيكات المحلات المغلقه ... مجهزه روحي .. باجر للهجوم على الأسواق .. ههههههه

عجبتني شغلات كثيره خص .. محلات الجواتي وإنتو بكرامه خطيره ... وأسعارها مناسبه .. أما الباقي يا غالي ومو حلو .. يا مو حلو وهم غالي ..


رجعنا الفندق ونمنا .. .. الساعه تقريبا 10 ..
وتوها تضلم الدنيا يا دوب ..

بحاول .. أدورلي موقع .. عشان أحمل الفيديو .. وأنا ألحين تعبت .. باجر اكمل .. وأنتضر ردودكم .. و إستفساراتكم .. .



الي عنده موقع يحمل الفيديو .. وسريع .. أنتضر الرابط ..

ماشاء الله يالشفق مبتدئه لكن تغلبتي بهالوصف والتصوير على المتميزيين
واصلي وحنا متابعين بكل حماس واهتمام بارك الله فيك

يعطيك العافية على التقرير الرائع ..
منتظرينك يا الغالية

شكرا .. على ردودكم ..والتقرير .. توه ما بدى .. حتى ... إنتضروني ..


بس والله للحين ما لقيت مركز تحميل للفيديو ... تعبت ... كل مركز جربته ..

الله يعطيج العافية على التقرير الجميل اختي الشفق

6 _ 8 _ 2008
قعدنا صباح يوم الأثنين ..
تريقنا من البوفيه .. ونزلنا للوبي. ما طولنا أكثر من 10 دقايق.. لان كالعاده .. إحنا اللي مأخرين القروب ..

ركبنا الباص .. ومشي .. لمدينة أنسي الجميله .. اللتي تبعد 56 كيلو متر عن جنيفا ...

الطريق كان تقريبا 40 دقيقه .. وصلنا لأنسي الرائعه ..
وهذي صور منطقه توقفنا فيها قبل وصولنا لأنسي..
جسر معلق .. بعد ما مشينا تقريبا 20 دقيقه .. ووطلبنا من القايد إننا نوقف .. عشان التصوير..ووقفنا . والرائع بقروبنا والحمد الله .. إنه كان متفق لأبعد درجه .. ما في معارضه ابدا . أبدا .. دايم راي واحد ..

وحيل إستفدنا من سالفة الرحلات .. حيل تطلع رخيصه علينا لأن القروب كبير .. وعروض الخصومات عالقروب الكبير تزيد .. و أجرة الباص تتوزع على ناس أكثر ..فتطلع علينا أرخص ..


http://&#91;IMG]https://www.otlaat.com/a....jpg&#91;/IMG]



http://&#91;IMG]https://www.otlaat.com/a....jpg&#91;/IMG]

http://&#91;IMG]https://www.otlaat.com/a....jpg&#91;/IMG]

نكمل المووضع .. و أسفه عالتأخير .. بسبب مشاكل .. بالنك نيم ..

وصلنا الساعه .. 11 .. لأنسي وعطانا القايد وقت التجمع الساعه 2 ونص . يعني 3 ساعات ونص .. توقفنا .. بمحل يبيع الأيسكريم .. وما أكثرها هناك .. ولكن هذا كان أكثر تشويق من ناحية العرض.. خذيت أنا كرتين قهوه وشوكلت .. وزوجي شولكت بالبسكويت . ..
ولأول مره .. زوجي هالمره . طلبيته أحلى من طلبيتي . ..


وإنتبهو أخواني .. لأن في بعض الأنواح تحتوي على نسبة من الكحول .. كتطعيم لها ..




http://&#91;IMG]https://www.otlaat.com/a....jpg&#91;/IMG]

http://&#91;IMG]https://www.otlaat.com/a....jpg&#91;/IMG]


وهذي صورة .. بحيرة أنسي .. الجو كان براد .. على شوي برد ... رهيب .. وأعتبرها ثاني أحلى بحيره رحتلها بأوروبا ... الأولى إيفيان ...


وبالنسبه لزوجي .. أنسي بعدها تجي بحيرة إيفيان .. ..... والناس أذواق ...


http://&#91;IMG]https://www.otlaat.com/a....jpg&#91;/IMG]


ودشيت السوق ..
وتوقفنا عند محل يبيع مستحضرات العنايه بالجسم ..


http://&#91;IMG]https://www.otlaat.com/a....jpg&#91;/IMG]




شريت منه .. 3 عطور شكلها جميل . و3 صابونات .. وغلفوهم تغليف هدايا . جميل .. وأنيق..
واحد لي واحد لأم زوجي .. وواحد لأمي أنا ..
وكخدمه مجانيه .. غلفوهم لي تغليف ناعم ...
العطر الواحد .. 43
والصابونه ب 8 ...
.. بس لأول مره بسفرتي أستعمل اليورو .. مش الفرنك .. لأننا دخلنا دول الإتحاد ألحين


http://&#91;IMG]https://www.otlaat.com/a....jpg&#91;/IMG]

اكمل التقرير ... باجر .. و بوريكم . المطعم اللي تغدينا فيه ..

وصور الغدا بعد ... وأحلى طلبيه الفوندو .. واو ..


باجر أكمل. . مع السلامه ..

.. هني عطانا القايد .. بس ساعه وحده . وبعدها فيه تجمع .. وتجمعاتنا تكون دايم عند الباص وبالغالب ...يستغرق التجمع من 5 إلى عشر دقايق .. والقروب بعضهم راحو مع القايد قعد يشرحلهم .. عن المكان و شنو صار فيه لانه مكان تاريخي .. ومتى بنوه وهالحجي .. أنا لقطتلكم هالمعلومه و خليت القروب .. و رحت أنا وزوجي تمشينا بروحنا ..

( بنيت في القرن ال18 ) خخخخخخ خوش معلومه ..
لأني أنا وزوجي .. ما نحب الأثار والتاريخ كلش .. ملاقه ومضيعة وقت ..



شريت من متجر ( حلوه متجر ) هناك .. 1 ماي . و 1 أيسكريم فانيلي كره وحده .. وعلبة مريندا ..

علبة المريندا . .ب 2 يورو و الماي ب 2 ..
والأيسكريم .. ب 3 .. يعني التوتل .. ب 7 يورو ؟؟
بالكويتي دينارين ونص ؟؟ وهالأغراض بالكويت كلها ب 300 مية فلس ؟؟؟ عمار يا كويت ..
وعسا خيرج دايم ..

المهم .. طلعنا منها .. وهي كلها بيوت قديمه وما فيها سكان أبدا .. وكل اللي فيها سياح ,..ومتاجر ..

وغاليه حيل حيل .. يعني ما شريت منها شيء.. ومافيها شيء أصلا..

كملنا طريجنا .. 25 .. دقيقه .. لإيفان الفرنسيه ..

ولا يخفة عليكم .. مياه إيفيان الفرنسيه .. رحنا للبحيرة اللي ياخذون منها الماي ..


كانت جنه الجو رهيب .. وطق علينا رشراش .. خفيف مطر .. وكنا ناسين مضلاتنا . فقعدنا . على المقهى .. جدام البحيره .. وطلبنا كافي لزوجي وماي إيفيان لي ..
والمميز إنهم يجيبونه ببطول زجاج وليس بلاستك .

أحس البلاستك يبقى فيها نكهه ..؟؟

الزجاج روعه ..
http://&#91;img]https://www.otlaat.com/a....jpg&#91;/img]

[IMG][/IMG]

[IMG][/IMG]


[IMG][/IMG]

[IMG][/IMG]

وزوجي ما يحب السويتز ...
ما خذا شيء. .
ورجعت الفندق .. وزوجي راح محل التركي. . ( إسطنبول .. ) وراح يشتري لنا فلافل ..
بس هالمره .. ساندويش واحد بس .. عرفنا قياسنا ..

2 فلافل .. و2 سبرايت ..

الحساب 24 فرنك ..

وفلافله حلوه .. بس ماجنها اللي بالكويت هني ..

وتصدقون ... توني أذكر .. شغله أحسن ما في العربي لما تدخل مطعمه وتقوله ؟؟ اللحم حلال ..؟ يقولك إيه حلال أنا مسلم ؟؟

زين يا السربوتي . .. هالبطول اللي مسطرها وراك شني ؟؟

قطيعه حتى لما يقولك حلال تشك فيه ..

بعدها تعشينا فلافلنا بالفندق .. وحطينا راسنا ونمنا ... عالساعه 12 ..أو وحده ..

وبعدها .. رحنا للوزان .. وتعشينا .. بمطعم .. هناك .. وطلبنا صحن سلطه وبعد ما ترسناها سلطة معكرونه جانا واحد من القروب وقالنا إنها خنزير .. ورجعنا الصحن وخذينا واحد ثاني .. وحطينا فيه بس سلطة ذره . لزوجي طبعا ..أنا ما أحبها ..

وطلب زوجي .. بيتزا .. حاطين فيها بقدونس و تخيلو حاطين زهره سوتيه
( قرنبيط مفيوح ) .. وفي شغله غريبه بعد ما عرفتها ..

وأنا خذيت بطاط شبس بس .. وسبرايت ..لأني توني بمونترو متغديه .. وطلبت تيراميسو وبعدها مشينا .. والقروب كان متجمع وصارله فتره . ...

ركبنا الباص .. ومشينا .. وبالطريج طق مطر قوي .. حيل .. حيل وغزير.. و الدنيا ضلمت ..بس مو حيل ..وبعدها صحت شوي .. ووخف المطر ..

ولما وصلنا الفندق .. كانت الساعه 5 تقريبا .. ما طولنا بالرحله هذيك كانت أقل رحله لأنها بس منطقيتن .. مو نفس شفاحه الأيام اللي طافت . .3 مناطق .. كل يوم هههه ..
رجعنا .. ورحت انا وزوجي .. نتمشى للسوفوتيل ..
وطلبت باستا بالمشروم و الفطر .. نفس ذيك المره ومثل ما قلتكم مو بالمنيو .. طلب خاص سووها لي .. طبقين لي ولزوجي ..طبقين و2 سبرايت .. بس .. موفرين هالمر ه ما نبي يضربنا . بعالي..
وهالمره . يوم جاني القرسون شلت التيشو من صحن الخبز ... ههههههههه
وهالمره .. طلع الحساب 104 .. فرنك ..


ومشينا للفندق .. وضبطنا جناطنا لأن باجر . .بنشد .. وبنروح ستراسبوزرغ .. الساعه 10 ..

وتصبحون على خير...

وكنت بالأول .. طالبه . جم طلب .. لي ولزوجي ..
بس طلع بالأول .. لحم خنزير و الثاني .. فيه بطبخته كحول .. فلما شافو حجابي. . قالولي .. ونبهوني .. وإستغربت إنهم يعرفون .. شنو الممنوع في ديانتنا ..
أما إحنا ما نعرف شيء عن ديانتهم وحلالهم وحرامهم ( هل تعلم ) عن اليهود رام عندهم أكل لحم الجمل ؟؟ البعير ؟؟ توني أعرف هالمعلومه والله ... غريبه شفيه البعير ؟؟
المهم .. غيرت الطلب .. للمرغيريتا واللزانيا .. ويقولون .. الناس .. .. ( اللي تعرفه أبرك من شيء ما تعرفه .. ) .. وهذي صور الطلبات ..

هذى طلب زوجي المارغريتا ...
[IMG][/IMG]


ما أنصحكم بالمارغريتا .. حدها مو شيء ..

بس اللزانيا .. يمي يمي ..

[IMG][/IMG]

9-8 – 2007 ..

قعدنا الصبح الساعه 9 ونص .. ونزلنا تحت اللوبي عشان الريوق ..

ريوقهم راقي ومرتب .. ومتنوع ..

طار قلبي لما شفت البيكن .. بس للأسف يوم سألت طلع خنزير .. أشوف الشحم فيه واللون الأبيض أكثر من اللحم .. شكله غريب ؟؟

خذيتلي .. روب .. ومربى وزبده وكرونس فلكس .. ومشروم بالكريمه ..وبطاط ماكدونلز تعرفونه للريوق ؟؟

اللي يصير جنه مبشور ؟؟ وعلى هيئة أقراص ؟؟

يكون كرسبي حيل .. وااااو .. أحبه ..

وخذيت علب الكتشب الصغيرونه .. يمكن 5 ... فجعانه أول مره تشوف كتشب فري بهالديار المحزره ..

وأورانج جوس ..
وزوجي ما أدري شخذا .. كنت لاهيه بالأكل .. هههههه

ولما شفنا الجو كان برد .. وكنا بننطر توقف المطر .. وبالأخير خذينا الأمبريلاز وطلعنا و أشوى إننا ما نطرنا يوقف المطر لأنه ما وقف واصل لليل ..


وهذي صور .. للمنضر من دريشتنا ..


[IMG][/IMG]

[IMG][/IMG]
ركزو بالصوره .. كتبت .. العرب المسافرون ..


[IMG][/IMG]





وطلعنا للسوق ..

. .. وطلعنا للسوق ..بروحنا هالمره ..

[IMG][/IMG]

[IMG][/IMG]

أختي -- الله يعطيك العافية على
هالتقرير الممتع --والسرد الرائع -- والروح الجميلة --
وجزيت خيرا

أم جاسم

أخوي سنيكرز ... للأسف لفيت لف لين ما لقينا المحل ..


وما بقى لا جزائريه و لا سوريه ولا عربيه أصلا بستراسبورغ ما مسكناها وسؤلناها عن الالدرب وزين معانا الكرت ..


فللأسف ... ما أعرف أوصفلك ..


إنشالله بكمل التقرير ...


بفضل تشجيعكم ..

واللزاانيا باللحم بس .. تأكدت إنه بقري ..

مشكورة الشفق بس وين تكملة التقرير؟؟؟؟؟؟؟ وبقيت أسإلج جم كان مصروفكم اليومي انتي وزوجج في سويسرا لأني رايحه بعد اسبوع وماندري المصروف اللي ماخذينه بيكفينا ولا لأ وخايفين نتوهق قلت أسأل أحسن وياريت تفيديني