المشاركة الأصلية كتبت بواسطة ندوش~
http://www.arabtravelersforum.com/tr...0/#post5741140
شكلك بتكمل بالسعوديه---انتبه ترى يروح جمال تقريرك-لان الي حلاه الجمال المحيط بك
ندوش
شسمه والله اني بكمل بس كل ماجيت ابي اكمل انشغل اكثر
وبعدين يقولك لذة الشي بشي القليل
بس اوعدك اني اكمل قريب
المشاركة الأصلية كتبت بواسطة ندوش~
http://www.arabtravelersforum.com/tr...4/#post5734284
يا خي كمل وهيك نستانس
ياعزيزتي سوف اكمل وهيك
ابو نقاء
خلاص انا باقي لي جزئين وينتهي موضوع بس كل مافي الموضوع اني احاول استجمع قواي عشان اكمل
ندوش
حرام عليك والله ماتغلى بس احاول ارتب اوراقي عشان لو كتبت بخليها ختاميه للموضوع
وابشري بزين
بس طولي بالك علي وهكا
ندوش سؤال بس انا كأني شايفك في منتدى ثني ولا يتهيألي ؟؟
شايب نت
والله كلامك تاج على راسي وابشر بلي يوسع صدرك
ترانزيت أحببتك في الله والله إنك رائع القصة اللي كتبتها هي مسلسل تركي خخخخخخخ
بل أجمل بكثير من كل المسلسلات اللي رأيتها فأسأل الله لك التوفيق
بإمكانك تأليف كتاب كقصه وتنزلها بالأسواق بإسم مثلاً رحلتي إلى نيوزيلندا
وبإمكنك توثق هذه القصه عند محامي حتى لا يسرقها من يسرقها وينزلها بإسمه في الأعمال التلفزيونية
حرام مثل هذه القصه تعرض للسرقه بسهوله لكن المنتدى منتدى اللي انت تكتب فيه وشهادة المتابعين لك أكبر توثيق
لكن تكفى أول نسخة من الكتاب لي خخخخخخخخخ
ترانزيت الحلقات القادمة او المتبقية بصراحه ان غير متحمس لقرائتها لإنها النهاية والنهاية متوقعه وسهله وبسيطه وحزينة وعدم حماسي لقرائتها هي نهاية القصة
كلها أحزان ووداع وأتوقع بكاء ميشيل ((مشمش خخخخ حلو الدلع بس ما كررتها من تدليع في الحلقات الأخرى خخخخ))
بل ليس ميشيل الأشجار والشلالات وشارع البوك موش عارف أيه والسماء كانت تمطر في حالت وداعك وكأنها تبكي بكاء شديد على وداعك بل كل نيوزيلندا كانت تبكي
لإنك كنت خير سفيراً لنا بأوكلندا انت رائع حب الناس من حواليك هي محبة الله لك
حيث أكرمك الله بإسلام ساره أسأل الله لها الثبات قول آمين
يا الله أحداث قصتك رائعه وبالأخص مباراتكم واو اجمل وأحلى من بطولة كبا أمريكا اللي كلها تعادلات
بصراحه استمتعت بقرأتها وكأني معكم بالملعب وصفك للمبارة رائع
بل لكل الأحداث ترانزيت أسألك بالله إن كانت هنالك لك أي كتابات أو أحداث كتبتها في أي مكان فدلنا عليها
بل حتى لو تأتتي إلينا بالمنطقة الشرقية بالدمام أكتب رحلتك وسفرك إلى مدينة الدمام فأنت رائع
وأنسان حساس حتى في حالة كتابتك للأسبوع الحزين وكيف الحزن أثر في نفسيتك
كنت رائع بل أثرت في نفسياتنا جميعاً بصراحه يا ترانزيت رحلتك تدرس لكل المبتعثين السعوديين والخليجيين
أسأل الله لك التوفيق
وأحب أن أبشرك يا ترانزيت بإنك قد زرعت بذره في ميشييل وإن شاء الله ستنبت وتخضر وتثمر
إن شاء الله ستدخل في الأسلام بسببك وتكتب في ميزان حسناتك
وإن شاء الله ستلتقي بساره في مكه حتى ترى هذه الثمره كيف أنها لا تزال تثمر وتثمر وتثمر
رائع يا ترانزيت ربي يحفظك ويخلي لك والدك وأخوتك
لي ملاحظة واحده فقط وهو كتابة كلمة إنشاء وتعني إيجاد أو بناء
يجب أن تكتب إن شاء أي تفصل بين (إن) وبين (شاء)
أخوك أبو مريم من الدمام
باك واسف على التأخير ياربع
هذا البارت
خوووف ترانزيت
واتصال هاتفي ساخن من الوالد وشحذ الهمه
باقي على السفر ورجعتي للسعوديه اسبوع
اه ياسرع الدنيا سبقتني الايام وحان وقت الرحيل .. اتذكر في ذاك الوقت بحثي عن نيوز لندا
التي كانت كالحلم واصبحت حقيقه .. يعني معقوله بترك هديره الحلوه وارجع مره ثانيه واعيش على الذكريات
مااخفيكم اني كنت افكر اني استوطن في نيوز لندا واعيش فيها الى الابد بس قلت لنفسي امك وابوك واخوانك
وربعك وديرتك وهيك صعبه صعبه صعبه
والله ان الحياه ناسبتني كثير مره بشكل محد يتخيله المهم قررت اني اجل التفكير الى وقت ثاني
رحت اشيك على على حجزي قلت يمكن انهم يغيرونه ولا يسوون فيه شي
تأكدت من الحجز وتطمنت وكل الامور تمام
طبعاً كان موعد اختباري يوم الاثنين ورحتلي يوم الجمعه على ماعتقد او السبت مو متأكد بس الاكيد انه السبت
انعزلت عن العالم عشان الاختبار وللعلم الاختبار له علاقه كبيره في الوضيفه لو جبت درجه حلوه في
الايلس راح اقدر اتوظف لان هذا شرط مفروغ منه في الوظيفه
ولا اخفيكم اني لو نجحت راح تكون فاتحت خير علي
انعزلت عن كل الي اعرفهم 3 ايام متواصله لا ارى احد ولا اسمع احد
وقاعد اذاكر حتى ان فيه اشياء تقريباً نسيتها
مشكلتي كانت في القواعد الانجليزيه كنت حايس ام الدعوووه
ولااحد يساعدني ابد وكل الطرق الي كنت الجأ اليها هي الدكشنري حقي وشوي قوقل
ودفاتر المراجعه حقتي
وصلت لمرحلة خايف اني مااعدي في الاختبار وخايف تروح علي الوظيفه
وشايل هم اهلي ودي ابيض وجيهم وارفع راسي وامسك الوظيفه الي تمنعت علي سنين
ترانزيت في مأزق النجاح او الفشل
راح اليوم الاول .. وانا اذاكر
راح اليوم الثاني .. وانا اذاكر
وجاء يوم الاثنين .. وقت الاختبار
دقت ساعة العمل
دقت ساعة الانتصار
دقت ساعة الزحف
لا رجوووووووووووووووووع لا رجووووووووووووووووووع
كان باقي على الاختبار تقريباً 5 ساعات
وانا متوتر بشكل مخيف
وكنت جالس في صالة البيت اراجع واقرأ واكتب واطبق
دخلت ميشيل علي وقالت ذاكرت زين
قلت الحمدلله سويت الي علي
رمقتني بنظره وقالت وشفيك متوتر ووجهك لونه متغير
قلت لها مستقبلي يتوقف على هذا الاختبار لو قدر الله ومامشيت فيه بتحطم
قالت لي ميشيل ترانزيت بقولك قصه
قلت ميشيل مهوب وقت قصص
قالت ترانزيت
كان فيه واحد في القريه يشتغل حطاب وكل يوم هذا الحطاب يروح يحطب لعياله ولزوجته عشان يأمن لهم الدفئ والامان والمال
وفي يوم من الايام هذا الرجل انزلق من على التل وكاد ان يقع من على سفح الجبل المؤدي الى النهر
واصبح متشبث ببعض الحشائش
وفي وقتها لم يستطع ان ينقذ نفسه واصبحت الحشائش تتقطع واحده تلو الاخرى
وادرك ان الموت قد حان وانه هالك هالك هالك هالك لامحاله
وفجأه تذكر اولاده وتذكر زوجته التي تنتظره بفارغ الصبر وقد قالت له قبل خروجه
عد فنحن بنتظارك واصبح الرجل يبكي يبكي يبكي على مستقبل اولاده بعده
وبعدها مد يداه مره اخرى وحالفه الحظ بان امسك صخره صغير استطاع ان يتبث بها ويخرج من هذا المأزق
اذن هذا الرجل الحطاب كان له دافع للحياه والبقاء
فماهو دافعك انت ياترانزيت
سكت قليلاً ونظرت في عينها وقلت .. في الحقيقه لا ادري
يتبع
ذهبت من المنزل وانا خائف من الاختبار
وفي الحقيقه انا لم اخاف من اي اختبار في حياتي ولكن هذا الاختبار استثنائي
ياترى هل سوف انجح ام اجيب العيد
وركبت في الباص وانا استرق النظر الى الطريق وكأنني ذاهب الى شارع جهنم وليس شارع الكوين ستريت
والله العضيم ياربع اني اتمنى اني اغمض عيني وافتحها والقى نفسي انتهيت من هل الهم
دعيت ربي ان الله يفرج همي وطلب الله ان الله يطيب خاطري بنتيجه الزينه
وسبحان الله البني ادم ناكر الجميل مايذكر ربه الا في اشد المحن
وانا دعيته سبحانه اذا كان في هذا المستقبل خير فل يعجل به واذا فيه شر فا الله يصرفه عني
مشيت الى ان وصلت الى ستار بوكس الى في الكوين ستريت
وانا كل ماناظرت الوقت يعورني بطني واحس كأن وحد يكب على بطني مويه حاره
ياربييييه وش السواة الحين
تذكرت ذاك الشايب الي في باب الحاره يوم انه يقول (( قررررررررربـت قرررررررررررررررررربـت ))
الا اشوي وانا اناظر باب المعهد حسيت انه باب اشباح
واحس ان فيه ايادي ودها تفتح الباب وتسحبني للداخل
الا ويجيني واحد من ورى ضهري ويصرررررررررررخ
وانا الي التفت واصفققققققققققه ذاك الكف الي يحبه قلبك حشسيت ان هل الكف جاااي من قلبببببببببببببب
واثره صار واحد سامج تافهلابس لبس تويتي وجالس يستخف دمه يبي يخوفني
وانا اصلن وقتها منتهي مررررررررررررررره وهو بعدين سبيكه مختار وقت زفت
باقي ساعه ونص على الاختبار وانا ماسك الكتاب واراجع وكل الطلاب يمرون ويسلمون وانا ساحب على ام امهم
حتى اخوياي الي مره ساحب عليهم
ويوم بقى ساعه على الاختبار
جتني رساله على الجوال
وافتحها
ونصها كتالي
ياطير http://www.gulf-gate.net/vb/t4903.htmlhttp://www.gulf-gate.net/vb/t4903.html... http://www.gulf-gate.net/vb/t4903.htmlhttp://www.gulf-gate.net/vb/t4903.htmlبك http://www.gulf-gate.net/vb/t4903.html..
لي طارن ((الربد)) المهاريب ... لي ذايرات من العوادي ..
القفلهن عساك ماتخيب ... ..واقصد لقايدهن عنادي ..
خمه براسه خمت الذيب .... ....وعليك ماظنيه بادي
وخل الهبوب تروح وتييب ... ريش شعيع عقب المصادي
واللي سبق طيره بلاطيب ... بيتم في حزنه ينادي ..
عند اخويانا والاصاحيب .... كلن بخبره بايسادي ..
وان ماضوى ودوله الجيب .. تزهاب والطبخه عنادي .
وفي نهاية الرساله
كتب لي ادري انك فحل قرررم صنديد .. ارفع راسك وبيضها
المرسل : : ابوك
انا وقتها فررررررررررررررررررررررررررررررررررررررررررررررررر ررررررررررررررررررررررررحت
ابوي ارسل لي رساله ويعنية ابوي شايل همي وحاس فيني وانا كنت اظن اني لحالي
حسيت وقتها بلقوه وحسيت اني مرتاح نفسياً حسيت بي الامان واتشجعت وارتفعت معنوياتي
سميت بسم الله ودخلت قاعة الاختبار
وسلمو الاوراق وبدأ الاختبار
والنتيجه بعد 3 ساعات
يتبع
ابشركم حلمت انا كشتنا حنا وخوالي لنيوزلندا ..
ورحنا لذاك البحر حق رحلة ترانزيت .. وصرت اكشف لعيال خوالي زي ترانزيت يومه مع البنات في الرحله .. وركبنا القارب سوا -واخزياه - العيال سبحوا بس حنا ماسبحنا ورحنا بعد للجزيره المهجورة كانت تهببل النخل على الشاطي زي نخلنا وشي من النخل عالبحر علطول ( من زود الطبيعه) وحطينا فيه جدتي في ذالجزيره وانننبسطت على المكان ياحليلها
واقول وش فيه ترانزيت ماعنده سالفه لاهي تخوف الجزيره ولاشي
ترا وقسم صدق حلمت وااه ياازينه من حلم ..
سعدت واستفدت واعجبت بموضوعك وتقريرك الرائع
اولا يهناك هذا الاب الرائع الذي عرف كيف يقف الى جانبك وفي ادق اللحظات
ثم تحيه وتقدير لك على تحملك الغربه والتفاني في دراستك
ثم جزاك الله خير الجزاء على المعلومات القيمه
ما اترجاه منك الاتي ان سمحت
لدي ولدي مخلص ثانويه واود ارساله الى كنداء وعند قراتي لتقريرك بدات نيوزيلاند كخيار
طلبي الاتي وليس عليك طلب
تكاليف الدراسه والمعيشه ان امكن با التفصيل
نوعية الدراسه مثلا صالة محادثه كتيبات محاضرات ومدى الفائده منها
الناحيه الامنيه وبذات لمن هو عديم الخبره في السفر
تعاون الجاليات العربيه فيما بينها هناك
لو سافر لوحده افضل ام مع زملا له
الخيار بين ماليزيا ونيوزيلاند تكاليف وتحصيل
هل تكفي ثلاثه شهور للحصول على التوفل للادفانس ليفل
السكن وهل يوجد سكن با المعهد اي سكن طلابي وايهم افضل السكن الطلابي ام مع عائلات وهل يوجد سكن عائلات فردي كما عرفت منك انك سكنت مع عائله اكثر من ساكن الا يوجد جانب سيئ لمنهوا مجرب لاول مره سفرا ومعيشة مع اخرين ومدى تاثيرهم عليه
يبدوا لي انك من 22-25 سنه بم تنصح لمنهوا 19 سنه وصفحه بيضاء من كل شي
=========================
بارك الله فيك وشكرا على هذا التقرير الرائع
أخ http://www.arabtravelersforum.com/user350236/
خيار ماليزيا لتعلم اللغه خيار سئ جداً ... الوضع ما يساعد أبداً ... أنا جربت ماليزيا وجربت نيوزيلاند
والسموحه من ترانزيت ع اللقافه
بالتوفيق
كتبت رد وطااااااااار
المهم نرجع لكم وترى تايلند حلوه لاتفوتكم
طلعت النتيجه
وللاسف قالو لي انك
النتجيه كتالي
.
.
.
.
.
.
.
.
.
.
.
.
.
.
.
.
.
..
قالي ترانزيت انت شخص كويس ويجي منك
ولاتحبط لو ماعديت الاختبار في اول مره لان اختبار الايلس فيه ناس ماينجحون فيه لاول مره
حاول مره ومرتين واكثر عشان تقدر تنجح
انت ياترانزيت ناجح
الله الله الله الله يبشرك في الجنه
نقزززززززززززززززززت عليه وبوسته من الخقه
يسسسسسسسسسسسسس
يسسسسسسسسسسسسسسسسسسسس
يسسسسسسسسسسسسسسسسسسسسسسسس
هووووووووو ده
نجحت الحمد لله
يعني بقدر احصل على الوظيفه الي بتأمن مستقبلي
رجعت للبيت وانا فرحاااااااااااااااااااااااااااان وطاير من الفررررحه
دخلت البيت وانا فرحان وقلت لميشيل انا نجحت في الاختبار
اخيرررررررررررررن عديت انا فرحان ياميشيل
باركة لي
وقالت انت نجحت لانك تستحق هذا الشي
والي زيك بيجي يوم ويكون له شأن كبير
انا فرحان لدرجه ماتتخيلون
يتبع
وهذا انا في المنزل
اعد الشنطه للذهاب الى المطار
انتهيت من الشنطه واتصلت بسياره خاصه للذهاب للمطار
صليت ركعتين ادعي ربي ان يسهل اموري والحمدلله خلصت صلاة ورقيت فوق عشان احط الشنطه عند باب البيت
وانا جالس الا ميشيل وبناتها وجارتهم ينتظروني
قلت ليمشيل سامحيني اذا كنت ازعجتك او قللت من احترامي لكم
قالت ميشيل انت كنت انسان رائع بكل ماتعنيه الكلمه
وقالت ميشيل انت بتترك مكانك خالي في قلوبنا وماراح يحل احد مكانك ابداً انا وبناتي حسينا في الامان معك
وحبينا وجودك معنا ونتمنى ان تبقى معنا حتو لو بدون فلوس
بس ارجوك اجلس حتى بناتي مايبونك تروح
قلت ميشيل انا اتمنى اظل معكم لاكن انا برجع لأرضي ووطني لانهم بحاجه لي
قالت ومكانك الخالي مين الي بيسده
قلت الله ماينسى احد
قالت ميشيل انا فكرت في كلامك وشفت كل شي
الاسلام جميل واتمنى ان اكون مسلمه لكن محتاجه الى وقت
قلت لها ميشيل انتي الان اقامت عليك الحجه وبناتك لازم يعرفون الطريق الصحيح
يتبع
الأخ الرائع ترانزيت (رائد الأحمد)
تقريرك رائع ووصفك رائع وأسلوبك الأروع
أتمنى أن أجد تقريرك في مكتبة العبيكان كتقرير أخينا محمد الداوود
http://www.arabtravelersforum.com/travel53569/
لا تنسانا من المقسوم إذا مشى الوضع
أتمنى التوفيق لك أخي في مشاريعك المستقبلية والله يجمعنا بحبيتنا يوماً ما
تحيتي‘ . . لك
أخوك أسامة العتيبي
المشاركة الأصلية كتبت بواسطة أسامة العتيبي
http://www.arabtravelersforum.com/tr...2/#post5837912
الأخ الرائع ترانزيت (رائد الأحمد)
تقريرك رائع ووصفك رائع وأسلوبك الأروعأتمنى أن أجد تقريرك في مكتبة العبيكان كتقرير أخينا محمد الداوود
لا تنسانا من المقسوم إذا مشى الوضعأتمنى التوفيق لك أخي في مشاريعك المستقبلية والله يجمعنا بحبيتنا يوماً ماتحيتي‘ . . لكأخوك أسامة العتيبي
والله يا اسامه ودي
بس هذي يبيلها فلوووس ومبالغ .. وانا ماعندي سيوله زيه
لكن يكفيني انا اعجابكم وهذا بحد ذاته يغني عن الف كتاب
باقي اخر فقره في تقريري ونختم بعدها انشاء الله
المفضلات