بسم الله الرحمن الرحيم
شخباركم جميعاً ؟؟
في هذا الموضوع راح أعرض لكم تقرير مفصل عن زيارتي لدولة الكويت ، بعض الأماكن للأسف ماقدرت أصور منها شي ، وذلك بسبب الزحمة وبعد خفت حد يهاوشني لوووووووول
فبعرض اللي قدرت أصوره وأن شاء الله يعجبكم الموضوع
بسم الله نبدأ :
تاريخ 16/2/2007 م اللي يصادف يوم الجمعه ، كان وقت تجهيز الشنط وترتيب كل شي ، والتركيز أهم شي عشان ماأنسى الأغراض .
جهزت الجوازات والشنط ، وكل شي أجهزه أحط قريب مدخل البيت عشان ماأنسى ، وطبعاً كان دفتري ملازمني ، على طول أحط صح عند الشي اللي انتهيت منه
طبعاً هاليوم رحت مواصله المطار لأن الساعه 5 ونص الفجر لازم نطلع من البيت والطيارة تقلع الساعه 7 ونص الصبح ، ففظلت أروح مواصلة .
طلعنا من البيت عالساعه 5 ونص وتوكلنا على الله واتجنا صوب مطار الدوحة الدولي ، وعند البوابة التقيت بأهلي اللي بسافر معاهم ( بيت خالتي وخالة أمي ، وكان خالي سابقنا بالسيارة هو اهله )
عالساعة 9 تقريباً وصلنا الكويت ، ولحد الآن كل شي تمام ، بس للأسف أول ماطلعنا من المطار ، ماحسيت اني جايه بلاد جديده ، وكانت المباني توحي بأني رايحه مصر وليس الكويت
ماوصف لكم الضيقة والأحباط اللي جاني لما شفت الشوارع ، بس قلت معليه تو الناس ماشفت شي وأكيد نظرتي بتتغير .
المهم توجهنا لمكان السكن ( سارة بلازا للشقق الفندقية ) صراحة روعه وموقعه ممتاز قريب من شارع السالمية الحيوي بينا وبين هالشارع 3 دقايق مشي عالأقدام ، ونصيحة اللي بيروح الكويت يسكن بالسالميه لأن كل شي قريب منها ، شارع المطاعم والخليج العربي وشارع البلاجات ومنطقة الأسواق ومجمع المارينا وملحقاته اللي هم ( فندق المارينا والمارينا كرسنت ) والمجمعات اللي لاتعد ولاتحصى ، يعني الحمدلله لما شفت هالشارع ارتحت نفسياً ، وكل انواع المطاعم والكوفي شوبز موجودين فيه
طبعاً كان ودي أصور الشقه ، بس اعتفست فوق تحت وكل مابي اصور شي أقى حد قاعد أو اغراض محطوطه لوووووووووول فماصورت الا ( الاصنصير )
والحلووو فيه أنه هادي واغلبه عوايل ، وأهم شي احذانا بقالتيين ويوصلون الأغراض لين الشقة
----------------------------
يتبــــــــــع
*& روح المسك &*
ملاحظة :
انا جديدة معاكم واستفدت من منتداكم في سفرتي للكويت والبحرين ، وحبيت تشوفون معاي تقرير سفرتي للكويتمواضيع عشوائيه ممكن تكون تعجبك اخترناها لك:
- ياجماعة داخل على الله ثم عليكمويارب ماتخيبون ظني
- تغطية معرض الكويت للسفر العالمي بالصور
- مراكز تدريب غوص بالكويت
- جواز السلطة الفلسطينية
- اشهر فعاليات العيد
- مالها الا اهلها وماللصعايب الا رجالها ترى ماقلت شي قلت راي
- شريحة جوال بالكويت ، ما أفضل الشرائح ؟
- فيلجا
- مشروع تأمين بضائع و شوكولاته
- فاميلي للاجنحه الفندقية
- هل توجد مسرحية لطارق العلي ايام العيد ؟ وكيف طريقة حجز تذاكر المسرحيات
- استفار من اهل الكويت عن الاحداث السياحيه
- ماهو أفضل فندق بالكويت ؟
- استفسارات عن جزيرة فيلكا
- موضوع ماله شغل بالسفر بس ارجوكم
- فزعتكم يابنات الكويت
- مطار الكويت و وجهاته و الشركات التي فيه
- رحلة شباب ابوظبي الى الكويت باذن الله
- أريد شقة لإجازة عيد الفطر من وحتى نفس مستوى سفير البستكي للشقق الفندقية
- الطريق للكويت الحبيبة
المفضلات