+ الرد على الموضوع
النتائج 1 إلى 53 من 53

الموضوع: زوروا معاي الكويت متجدد

  1. #1
    عضو مسجل
    تاريخ التسجيل
    Dec 2014
    المشاركات
    1,962,485

    زوروا معاي الكويت متجدد




    بسم الله الرحمن الرحيم

    شخباركم جميعاً ؟؟

    في هذا الموضوع راح أعرض لكم تقرير مفصل عن زيارتي لدولة الكويت ، بعض الأماكن للأسف ماقدرت أصور منها شي ، وذلك بسبب الزحمة وبعد خفت حد يهاوشني لوووووووول

    فبعرض اللي قدرت أصوره وأن شاء الله يعجبكم الموضوع

    بسم الله نبدأ :

    تاريخ 16/2/2007 م اللي يصادف يوم الجمعه ، كان وقت تجهيز الشنط وترتيب كل شي ، والتركيز أهم شي عشان ماأنسى الأغراض .

    جهزت الجوازات والشنط ، وكل شي أجهزه أحط قريب مدخل البيت عشان ماأنسى ، وطبعاً كان دفتري ملازمني ، على طول أحط صح عند الشي اللي انتهيت منه





    طبعاً هاليوم رحت مواصله المطار لأن الساعه 5 ونص الفجر لازم نطلع من البيت والطيارة تقلع الساعه 7 ونص الصبح ، ففظلت أروح مواصلة .

    طلعنا من البيت عالساعه 5 ونص وتوكلنا على الله واتجنا صوب مطار الدوحة الدولي ، وعند البوابة التقيت بأهلي اللي بسافر معاهم ( بيت خالتي وخالة أمي ، وكان خالي سابقنا بالسيارة هو اهله )

    عالساعة 9 تقريباً وصلنا الكويت ، ولحد الآن كل شي تمام ، بس للأسف أول ماطلعنا من المطار ، ماحسيت اني جايه بلاد جديده ، وكانت المباني توحي بأني رايحه مصر وليس الكويت



    ماوصف لكم الضيقة والأحباط اللي جاني لما شفت الشوارع ، بس قلت معليه تو الناس ماشفت شي وأكيد نظرتي بتتغير .

    المهم توجهنا لمكان السكن ( سارة بلازا للشقق الفندقية ) صراحة روعه وموقعه ممتاز قريب من شارع السالمية الحيوي بينا وبين هالشارع 3 دقايق مشي عالأقدام ، ونصيحة اللي بيروح الكويت يسكن بالسالميه لأن كل شي قريب منها ، شارع المطاعم والخليج العربي وشارع البلاجات ومنطقة الأسواق ومجمع المارينا وملحقاته اللي هم ( فندق المارينا والمارينا كرسنت ) والمجمعات اللي لاتعد ولاتحصى ، يعني الحمدلله لما شفت هالشارع ارتحت نفسياً ، وكل انواع المطاعم والكوفي شوبز موجودين فيه

    طبعاً كان ودي أصور الشقه ، بس اعتفست فوق تحت وكل مابي اصور شي أقى حد قاعد أو اغراض محطوطه لوووووووووول فماصورت الا ( الاصنصير )



    والحلووو فيه أنه هادي واغلبه عوايل ، وأهم شي احذانا بقالتيين ويوصلون الأغراض لين الشقة

    ----------------------------

    يتبــــــــــع




    *& روح المسك &*


    ملاحظة :
    انا جديدة معاكم واستفدت من منتداكم في سفرتي للكويت والبحرين ، وحبيت تشوفون معاي تقرير سفرتي للكويت

    مواضيع عشوائيه ممكن تكون تعجبك اخترناها لك:

    فنادق عطلات



  2. #2
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد



    نكمل رحلتنا في سوق المباركية :

    أول مادخلت السوق ، لفت انتباهي محل يبيع مكسرات وحلويات ، وطيران عند هالمحل ، خذت حلوى عمانية يمممي يمييي لذيذة وايد ، وصار هجوم عالصحن ، فخذت واحد غيره .



    وهذي صورة لزاوية فالمحل



    وبعدها خذنا جولة فالسوق ، طبعاً ماقدرت أصور من الزحمه وماقدر كل اشوي اوقف لأني بضيع لووووووووول ، بس فعلاً سوق شعبي حلوووو والأحلى فيه أن مافي تنظيم ، فجأه تشوف ملابس وتلقى عندهم خضروات وفواكه ، وبعدها بأشوي سممممك ، هذي ميزة السوق اللي عجبتني ، وبالمره حييييوي ، خاصة بالليل ياسلاااام أحلى وأحلى ، روحوا له بالليل وبالنهار وبتحسون بالفرق الكبير .

    بعدها طلعنا برا عند المطاعم والقهاوي ، طبعاً مافي الا أحنا ، بس قالوا لنا تعالوا فالليل وبتشوفون شلون الناس ماليين القهاوي والمطاعم



    وطلبنا شاااااي عالفحم ، هذا أكثر شي يشتهر فيه السووق



    وكل مانشوف الشاي انغني اغنية ( خدري الشاي خدريه ) لوووووووووووول

    وهذا شعار الجودة للسوق



    وانتهت رحلتنا الصباحية عند سوق المباركية ، بعد ماطلبنا غدا من مطعم إيراني وتوكلنا على الله رايحين صوب البيت ، بس واحنا نمشي فالطريق للسيارة ، اشوف بنت خالي ضربت برك ، ذبحني الفضول يوم رحت لها لقيت هالشي وقلت الا أصوووووره لوووووووووووول



    والعصر رحنا سوق شرق ( مجمع كبير يطل على مرينا ( مرسى للطرادات ) فيه تشكيلة حلوة ومتنوعه من المحلات وفيه سينما ومطاعم لاتعد ولا تحصى ، بس للأسف هالمره مافي صور ، ورجعنا البيتوتعشينا من مطعم ( كوردو ) مطعم مشهور بسندويشات الشاورما ، يصير بشارع السالمية الحيوي ( صراحة ماعرف اسم هالشارع ) وجنب ماكدونالدز اللي على زاوية .

    وبكره انكمل رحلتنا

    مع السلامة




    *& روح المسك &*

    فنادق عطلات


  3. #3
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    allah ya3deech el3afya o 7ayach allah belq8
    ana na6rah elbaqeyya

    فنادق عطلات


  4. #4
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    هلا والله بالمسك وروح المسك عندنا بالكويت والله هذي الساعه المباركه والشارع اللي بالسالميه اسمه شارع سالم المبارك ياكثر ماقلته للاخت المسافره من قطر

    ومجمع الاوقاف ماكو الا واحد اللي رحتيله مافي غيره بس ما ادري ليش ما اعجبج مع انه نسائي من الدرجه الاولى ةكل الحريم يحبونه

    المهم الله يحييج في ديرتج وبين اهلج

    فنادق عطلات


  5. #5
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    حياج الله ياروح المسك
    التقرير مبين من بدايته انه قوي وحلو.
    بالنسبة للعمارات القديمة المباني القديمة تلقينها بكل البلدان يعني مستحيل بلد بتحصلين فيها كل المباني والعمارات يديدة ومثل هالعمارات القديمة بالنسبة للكويت تحصلينها اكثر شي بحولي والفروانية ( قطع محددة بالفروانية ) واغلب اللي يسكنون فيها من الاجانب لان اجاراتها رخيصة ، لكن ماكو شي يظل على حاله خصوصا هالايام اغلب المباني القديمة انشالت يعني مثلا انتي رحتي مجمع الاوقاف يمكن لاحظتي البراحة اللي مجابله المجمع كان فيها المباني والعمارات القديمة وكلها اهدموها العام .
    الموضوع يحتاج بس شوية صبر لان كل شي قديم بينهدم هذا ملاحظ بالبلد.

    بالنسبة حق مجمع الاوقاف مودايما تلقين الدراريع والبضاعة حلوة فيه واحيانا تلقين البضاعة ولا اروع.
    عشان جذي انا افضل التصميم بالنسبة للدراريع ولو سائلتينا بالنتدى قبل لاتيين جان عطيناج عناوين خيايطة بس ولايهمج خيرها بغيرها وهو مجمع مووايد قديم وهو مو حق التمشي لان مايصلح لان كله محلات للتشري بس .

    وبانتظار البقية الحلوة

    فنادق عطلات


  6. #6
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    يعطيج العافيه اختي روح المسك على التقرير الحلو



    عساج على القوه وبانتظار بقية التقرير

    فنادق عطلات


  7. #7
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة زعطوطه
    http://www.arabtravelersforum.com/tr...0/#post1175270

    allah ya3deech el3afya o 7ayach allah belq8
    ana na6rah elbaqeyya



    يعافيج يارب ويخليج ويسلمج

    تابعيني وفالج طيب

    شاكرة لج مرورج حبيبتي ولا هنتي عالرد

    فنادق عطلات


  8. #8
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة ناصر كويتي
    http://www.arabtravelersforum.com/tr...4/#post1175374

    هلا والله بالمسك وروح المسك عندنا بالكويت والله هذي الساعه المباركه والشارع اللي بالسالميه اسمه شارع سالم المبارك ياكثر ماقلته للاخت المسافره من قطر

    ومجمع الاوقاف ماكو الا واحد اللي رحتيله مافي غيره بس ما ادري ليش ما اعجبج مع انه نسائي من الدرجه الاولى ةكل الحريم يحبونه

    المهم الله يحييج في ديرتج وبين اهلج




    هلا فيك مليون أخوي ناصر ، ومشكور على توضيح اسم الشارع

    خلاص أكيد مراح أنساه

    وبخصوص مجمع الأوقاف هو عجبني من ناحية البضاعة عنده الزين وعند الكشخه وعنده المتوسط ، بس أنا أقصد شكل السوق مايشجع ، وخاصه لما طلعنا الدور الثاني بالمره ماله داعي :105: بس البضاعة معليها غبار الصراحة .
    وتمنيت لو أن إدارة السوق صاكه الدور الثاني لأنه مافيه محلات ومبين ان المحلات المستأجره اللي فيه طلعوا المؤجرين منها وتركوها خرابه ، فصاير المنظر مو ذاك الزود .
    وعن نفسي ماكنت ناويه اخذ دراريع عشان جذي كنت مستعيله وابي اطلع بسرعه :109:

    مشكور عالمرور والرد اخوي
    وادعوك لزيارة موضوعي مره ثانية ومشاهدة بقية التقرير :24:
    بتشوفون وبتسمعون شي يسركم ياأهل الكويت

    فنادق عطلات


  9. #9
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة مسافرة كويتية
    http://www.arabtravelersforum.com/tr...5/#post1175375

    حياج الله ياروح المسك
    التقرير مبين من بدايته انه قوي وحلو.
    بالنسبة للعمارات القديمة المباني القديمة تلقينها بكل البلدان يعني مستحيل بلد بتحصلين فيها كل المباني والعمارات يديدة ومثل هالعمارات القديمة بالنسبة للكويت تحصلينها اكثر شي بحولي والفروانية ( قطع محددة بالفروانية ) واغلب اللي يسكنون فيها من الاجانب لان اجاراتها رخيصة ، لكن ماكو شي يظل على حاله خصوصا هالايام اغلب المباني القديمة انشالت يعني مثلا انتي رحتي مجمع الاوقاف يمكن لاحظتي البراحة اللي مجابله المجمع كان فيها المباني والعمارات القديمة وكلها اهدموها العام .
    الموضوع يحتاج بس شوية صبر لان كل شي قديم بينهدم هذا ملاحظ بالبلد.

    بالنسبة حق مجمع الاوقاف مودايما تلقين الدراريع والبضاعة حلوة فيه واحيانا تلقين البضاعة ولا اروع.
    عشان جذي انا افضل التصميم بالنسبة للدراريع ولو سائلتينا بالنتدى قبل لاتيين جان عطيناج عناوين خيايطة بس ولايهمج خيرها بغيرها وهو مجمع مووايد قديم وهو مو حق التمشي لان مايصلح لان كله محلات للتشري بس .

    وبانتظار البقية الحلوة




    الله يحيج يارب
    ومشكورة عالأطراء الحلوو
    والله محد حلوو الا الكويت وأهلها ربي يحفظكم إن شاء الله :24:
    ملاحظتج في محلها أختي وحتى احنا بقطر عندنا هالشي بس تم العمل على فرض عقوبات واصدروا قرار بإزالتها .
    بس اللي يعور القلب أكثر فالكويت انها موجوده على شوارع عمومية وحيوية ومشوهه المنظر كثير :112: يعني شي يقهر والله الكويت هي قطر وقطر هي الكويت ، عشان جذي ماعجبني المنظر يوم شفته :112:
    يالله عقبال مايزيلون كل عماره تشوه المنظر العام :24:

    وبخصوص الدراريع ، قلت حق اخوي ناصر اني ماكنت ناويه أخذ شي منها مع ان دراريعك وااااو عليها :24: بس كنت مكتفيه ولله الحمد ، عشان جذي ماسألت عن احسن المحلات .
    بس اللي اعرفه عندكم مجمع العربيد يمدحونه ، للأمانه مارحت له .

    مشكوره اختي عالمرور والتعليق واتمنى أشوف لج ردود ثانية في موضوعي

    فنادق عطلات


  10. #10
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    حيالله المسك وروح المسك مره ثانيه

    مثل ما قالت اختنا الكبيره المسافره الكويتيه ان المجمع هذا فقط للدراريع مو للتمشي ولا شي ثاني وفيه محلات مكمله له مثل لوازم الخياطه وفيه مركز العاب في السرداب علشان اذا راحوا الحريم السوق يخلون العيال يلعبون وما يتعبونهم بالسوق ويمكن انج اساسا مو يايه تشترين دراريع طلعت عليج الزياره مو ذاك الزود لكن صدقيني في ناس ودهم يقعدون ساعه بس بالمجمع هذا

    طبعا راح نتابعج ان شاء الله ونشوف التقرير اللي من بدايته حلو ومنسق خصوصا اذا يا التقرير من قطر له طعم ثاني ما ادري ليش

    فنادق عطلات


  11. #11
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة روان بنت الكويت
    http://www.arabtravelersforum.com/tr...5/#post1175405

    يعطيج العافيه اختي روح المسك على التقرير الحلو



    عساج على القوه وبانتظار بقية التقرير



    الله يعافيج يارب

    مرورج أكيد هو الأحلى يابنت الكويت

    الله يقويج ، تابعيني وفالج طيب :24:

    فنادق عطلات


  12. #12
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    هلا اختي روح المسك

    تقريرج ماشالله حلو ومحليه روحج المرحة

    بس معقولة ماتعرفين اسم الشارع اللي بالسالميه وانتي شبة مقيمة فيه :112: اسمه شارع سالم المبارك

    ( الاسم خذته بالكوبي من رد اخونا ناصر )ههههههههههههههههه

    شفينا بنات قطر على هالشارع :115: :115:

    ومجمع الاوقاف ما اعجبج لانج ماتبين دراريع والا انجان صرتي مثلي من محل لين محل اشيل من هالجلابيات والسوق محلو في عيوني هههههههههههه

    ومتابعين معاج هالرحلة الحلوة

    فنادق عطلات


  13. #13
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة المسافرة من قطر
    http://www.arabtravelersforum.com/tr...7/#post1175497

    هلا اختي روح المسك

    تقريرج ماشالله حلو ومحليه روحج المرحة

    بس معقولة ماتعرفين اسم الشارع اللي بالسالميه وانتي شبة مقيمة فيه :112: اسمه شارع سالم المبارك

    ( الاسم خذته بالكوبي من رد اخونا ناصر )ههههههههههههههههه

    شفينا بنات قطر على هالشارع :115: :115:

    ومجمع الاوقاف ما اعجبج لانج ماتبين دراريع والا انجان صرتي مثلي من محل لين محل اشيل من هالجلابيات والسوق محلو في عيوني هههههههههههه

    ومتابعين معاج هالرحلة الحلوة




    بالضبط يابنت بلادي وصلتي للي أبي أوصل له بالحجي

    بس بنتي مشاغبتني ومب مخليتني اركز عالكلام ، وقاعده اروح وأجي على نفس النقطه من غير ماوصل للهدف لوووووووووول

    فعلاً انتي لو تدخلين سوق مالج حاجه فيه تتمليين وودج لو ماطلعتي من البيت أحسن ، وتخيلي أحنا كنا 5 حريم رايحين السوق عشان وحده تبي تتسوق ، عشان جذي تمللنا منه :112: وكان قلبنا طاير نبي نروح المباركية .

    وبخصوص الشارع كل مره اشوف اسمه ولا أخزن فالميموري كارد اللي في مخي :109:

    مشكوره عالكلام الحلوو حبيبتي
    ومانور الموضوع وخلاه حلوو الله طلتج يابنت بلادي
    سي يوو سوون :106:

    فنادق عطلات


  14. #14
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة ناصر كويتي
    http://www.arabtravelersforum.com/tr...9/#post1175489

    حيالله المسك وروح المسك مره ثانيه

    مثل ما قالت اختنا الكبيره المسافره الكويتيه ان المجمع هذا فقط للدراريع مو للتمشي ولا شي ثاني وفيه محلات مكمله له مثل لوازم الخياطه وفيه مركز العاب في السرداب علشان اذا راحوا الحريم السوق يخلون العيال يلعبون وما يتعبونهم بالسوق ويمكن انج اساسا مو يايه تشترين دراريع طلعت عليج الزياره مو ذاك الزود لكن صدقيني في ناس ودهم يقعدون ساعه بس بالمجمع هذا

    طبعا راح نتابعج ان شاء الله ونشوف التقرير اللي من بدايته حلو ومنسق خصوصا اذا يا التقرير من قطر له طعم ثاني ما ادري ليش




    الله يحيك أخوي
    وحياك في موضوعي مره ثانية
    صدقت بكل كلمه قلتها :24:

    شرف لي اتابعوني وإن شاء الله يعجبكم التقرير
    وتسلم عالكلام الطيب والحلووو أخوي

    فنادق عطلات


  15. #15
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    ياهلا اختي روح المسك حياكم الله في بلدكم الثاتي وبين اهلكم بالحقيقة تقرير رووووعه واتمنى انج تاخذين راحتج بالتقرير وتكتبين بدون مجمامله هناك الكثير من الاشياء السلبية وايضا كثير من الاشياء الايجابية وبالنسبة للمباني القديمة المتهالكة اختى هذه املاك ناس وليست ملك للحكومة او القطاع الخاص وبعض هذه اللمباني وصل سعرة الان الي ملاين الدنانير لذلك محد يقدر يهدمها والمشكلة ان بعض اصحابها ورثه او من القاصرين ولكن انشاء الله في طريقها الي الزوال والمباني القديمة تقريبا انتهت ولم بيقى سوى القليل متابعين معاك

    فنادق عطلات


  16. #16
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة رحــــال
    http://www.arabtravelersforum.com/tr...1/#post1175531

    ياهلا اختي روح المسك حياكم الله في بلدكم الثاتي وبين اهلكم بالحقيقة تقرير رووووعه واتمنى انج تاخذين راحتج بالتقرير وتكتبين بدون مجمامله هناك الكثير من الاشياء السلبية وايضا كثير من الاشياء الايجابية وبالنسبة للمباني القديمة المتهالكة اختى هذه املاك ناس وليست ملك للحكومة او القطاع الخاص وبعض هذه اللمباني وصل سعرة الان الي ملاين الدنانير لذلك محد يقدر يهدمها والمشكلة ان بعض اصحابها ورثه او من القاصرين ولكن انشاء الله في طريقها الي الزوال والمباني القديمة تقريبا انتهت ولم بيقى سوى القليل متابعين معاك



    هلا وغلا أخوي رحال
    الله يحيك ويخليك
    فعلاً أخوي في كل مكان تلقى السلبي والإيجابي ، ولو سلبيات الكويت وايد صدقني طيبتكم ياأهل الكويت غطت على هذي السلبيات :24:
    وبخصوص العماارات الحين وضح لي الموضوع ، بس أعتقد في هالحاله الحكومه تقدر تجبرهم عمل صيانة للمباني .
    بس أكيد هذا الموضوع بياخذ وقت ودراسات ومشاورات .
    إذا احنا فالبيت اذا جينا نغير الديكورات نقعد فترة نتشاور ونفكر لين نوصل للقرار السليم ، فمابالك بدوله لازم توصل لحل يرضيها ويرضي ملاك العمارات .

    مداخلتك عجبتني وفرحتي أخوي
    اتمنى أشوف لك ردود ثانية في التقرير :101:

    فنادق عطلات


  17. #17
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    مثل ماقال خبيرنا رحال ان الاملاك هذي ملك لاشخاص وما تقدر الحكومه تلزمهم بالبيع او اي شي ثاني
    وهذي على ما اعتقد خيطان اللي بدات حاليا الحكومه بتثمينها لكن المشكله هي العزاب اللي فيها وكلها من الجاليه المصريه واللي مأخرهم هو البدليل لسكن العزاب لانهم ماشاء الله وايد
    ونتمنى منج اختي النقد وراح تشوفينا نرد عليج بكل صدر رحب وحياج مره ثانيه بين اهلج واخوانج

    فنادق عطلات


  18. #18
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    روح المسك لاتطولين علينا
    ترا تعلقنا بموضوعج الجميل

    ومازال
    الانتظار
    جاري

    فنادق عطلات


  19. #19
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    روح المسك يالله عاد ابي اشوف البقيه حددي متشوقه كل ثانيه ادش اقول الحين حطته
    لا عادي اخذي راحتج ووقت اللي اخلص فيه راح اكون من المتاابعيين له
    و مشكوره اخيتو

    فنادق عطلات


  20. #20
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    موضوع جميل وصور اجمل وخصوصا صور الرهش

    فنادق عطلات


  21. #21
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة ناصر كويتي
    http://www.arabtravelersforum.com/tr...6/#post1175636

    مثل ماقال خبيرنا رحال ان الاملاك هذي ملك لاشخاص وما تقدر الحكومه تلزمهم بالبيع او اي شي ثاني
    وهذي على ما اعتقد خيطان اللي بدات حاليا الحكومه بتثمينها لكن المشكله هي العزاب اللي فيها وكلها من الجاليه المصريه واللي مأخرهم هو البدليل لسكن العزاب لانهم ماشاء الله وايد
    ونتمنى منج اختي النقد وراح تشوفينا نرد عليج بكل صدر رحب وحياج مره ثانيه بين اهلج واخوانج




    شكرا عالمرور مره ثانيه أخوي ناصر
    وبالعكس أخوي لاتاخذ الموضوع من باب النقد:114:
    بالعكس نزلته عشان تستمتعون معاي بالرحله وتستفيدون :24:

    سررت بروعة مرورك والله يحيك ويخليك يارب :101:

    فنادق عطلات


  22. #22
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المرام
    مسافرة كويتية
    زعطوطة
    أولد مان

    مرسي عالمرور والرد
    والله يعافيكم ويخليكم إن شاء الله
    أولد مان مد يدك الرهش من صوبك اخوي هههههههههههه
    وبخصوص الموضوع تراه تقريباً خالص بس أبي انزله على فترات بسوي لكم تشويق وإثارة
    هههههههههههههههههههه

    يالله تابعوا معاي

    فنادق عطلات


  23. #23
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد



    يوم الاثنين 19/2/2007 م :

    رحنا سوق المعلم ، طبعاً هالسوق مشهور بالبجامات النسائية وبجامات الأطفال ، سمعت عنه كثير وأن بضاعته قريبه من بضاعة ماركس و bhs ولاسنزا ، وسمعت أن أغلى بجامة توصل ل40 أو 45 ريال قطري ، بس ماصدقت الا يوم شفت بعيوني .
    هو سسوق يتكون من دورين وسرداب ، وانواع البجامات فيه ، استخفينا من قلب لووووووووووول

    صج صج صج من غير مبالغه رحت بعدها بفترة لbhs وماشدة انتباهي البجامات وكنت اناظرهم بطرف عيني لوووووووول ، نصيحة لازم تروحون سوق المعلم .

    والعصر رحنا ( الشعب الترفيهية ) مع ان مدحوا الترفيهية اكثر ، بس الشعب كانت قريبة وايد منا ، فرحنا لها .

    اترككم مع صور المحل اللي صورنا فيه :





    وهذي الصورة اللي سويتها :



    وهذا المجسم خوفني فقلت أصوره لكم :



    وهذي لعبة الأخطبوط ، هاللعبة عشقي الاول والاخير من أيام مصر وايام الطفولة المغبرة لوووووووول





    *& روح المسك &*

    فنادق عطلات


  24. #24
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    عساج عالقوه روح المسك
    على فكره المعلم مو بس للبجاماات
    اكثر شي الناس يشترون منه الصحون و القلااصاات ( عموما اغراض المطبخ ) و مثل ما قلتي وايد ارخييص و يفي بالغرض. و انا شخصيا بجاماتي كلها منهم . لانهم رخااص و حلوين و مريحين
    و ميس الغانم ..... حددث و لا حرج من عرفت انج رحتي يعت عليج بالعافيه
    انتضار تفاصيل يوم الثلاثا .... الله اصبرنا

    فنادق عطلات


  25. #25
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    يعطيج العـــــــــــافيه
    تقرير يجنن
    و بانتظار الباقي

    فنادق عطلات


  26. #26
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    الله يعطيج العافيه اختي الكريمه
    وحياج الله بالكويت
    ههههههههههههه ضحكتيني لما شفت جنطة السفر واهي متروسه صدريات حق بنيتج الله يخليها لج
    تقريرج حلو ولطيف وظريف اكيد مثل صاحبته
    وسجليني من المتابعين

    فنادق عطلات


  27. #27
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    تسلمين اختي روح المسك على التقرير واحنا متابعين وياج للاخر



    وبصراحه شوقتيني اروح لميس الغانم من زمان مارحتله

    فنادق عطلات


  28. #28
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    يعطيج العافية روح المسك على التكملة.
    واحنا بانتظار احداث يوم الثلاثة

    فنادق عطلات


  29. #29
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    شكرا مرة اخرى على التقرير الأبداعي وبانتظار المزيد

    فنادق عطلات


  30. #30
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة زعطوطه
    http://www.arabtravelersforum.com/tr...8/#post1177198

    عساج عالقوه روح المسك
    على فكره المعلم مو بس للبجاماات
    اكثر شي الناس يشترون منه الصحون و القلااصاات ( عموما اغراض المطبخ ) و مثل ما قلتي وايد ارخييص و يفي بالغرض. و انا شخصيا بجاماتي كلها منهم . لانهم رخااص و حلوين و مريحين
    و ميس الغانم ..... حددث و لا حرج من عرفت انج رحتي يعت عليج بالعافيه
    انتضار تفاصيل يوم الثلاثا .... الله اصبرنا



    هلا وغلا حبيبتي
    صح شفت عنده صحون وموجودين بالسرداب أكثر شي
    بس احنا مدحوا لنا البجامات خبرج طياره ومراح نشيل صحون ولا لو علي كان خذت حركات غريبه عجيبة :110: ومثل ماقلتي بجاماته حلوه وايد :24:
    وميس الغانم روحي له ولاتخلينه بخاطرج :109:

    والتكمله راح انزلها يوم الأحد إن شاء الله :113:

    فنادق عطلات


  31. #31
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المسافرة من قطر + المرام :

    الله يعافيكم يارب
    وبفرح لرجعتكم وردكم عالموضوع للمره الثانية
    تابعوني

    فنادق عطلات


  32. #32
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    مسافرة كويتية + رحال ( خبيرنا ) :

    الله يعافيكم ويخليكم يارب
    تسلمون عالمرور والرد والمتابعه

    فنادق عطلات


  33. #33
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة دُرَر الكويت
    http://www.arabtravelersforum.com/tr...6/#post1177726

    الله يعطيج العافيه اختي الكريمه
    وحياج الله بالكويت
    ههههههههههههه ضحكتيني لما شفت جنطة السفر واهي متروسه صدريات حق بنيتج الله يخليها لج
    تقريرج حلو ولطيف وظريف اكيد مثل صاحبته
    وسجليني من المتابعين



    ههههههههههههههههه
    لزوم الكشخة فديتج
    يعافيج يارب ويخليج
    وشرف لي تكونين من المتابعين والمتابعات يابنت الكويت :106:

    فنادق عطلات


  34. #34
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة روان بنت الكويت
    http://www.arabtravelersforum.com/tr...9/#post1177739

    تسلمين اختي روح المسك على التقرير واحنا متابعين وياج للاخر



    وبصراحه شوقتيني اروح لميس الغانم من زمان مارحتله



    ميس الغانم ينتظرج
    روحي له ولاتخلين شي بخاطرج :101:
    الله يسلمج يارب وتسلمين عالمرور والرد

    فنادق عطلات


  35. #35
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد



    عدنا بعد طول انتظار

    يوم الثلاثاء 20/2/2007 م

    رحنا الله يسلمكم ويعز قدركم سوق الجواتي ( حوش الجواتي ) هم يسمونه هالشكل ، مدحته لي وحده وقالت انه سوق متخصص بالأحذيه والشناط ، والحمدلله انه طلع قريب من فندقنا ، أرجع وأقول مره ثانية اللي بيروح الكويت يسكن فالسالمية ، ويبعد تقريباً مع الزحمة عن الفندق 5 دقايق بالسيارة ، توكلنا على الله ورحنا له الصبح ، هو سوق مكشوف وفيه بضاعه متنوعه وأغلب بضاعته صناعة لبنانية ومصرية اللهم محل واحد بضاعته يجيبها من اسبانيا وهذا اللي عجبني أكثر شي .

    اللي تحب البضاعة اللبنانية والأبوات الغريبة العجيبة تروح لهذا السوق .

    وبعد ماخلصت جولتنا في ( حوش الجواتي ) رحنا سيتي سنتر السالمية ، ويقع بالقريب من ( سوق السالمية ) اذا تعرفون الهندي اللي يطلع بدعاية رمضان ويغني كول ستايل شباب ستايل بنات ستايل اصلي ستايل لوووووووووول هذا هو السوق المقصود .

    بخصوص سيتي سنتر حلوووو وفيه سوبر ماركت كبير نفس نضام اللولو ، ومحلاته حلوه متنوعه بين الصناعة المحلية والماركات اللي اسعارها في متناول اليد ، وفيه فرع من أسواق المعلم اللي تكلمت عنها في الردود السابقة .

    وأهم شي في هالسوق راح تلقون انواع وأشكال من الكوفي شوبز .

    عموماً الكويت وين ماتروحون بتلقون الكوفي شوبز ماليه الشوارع فيها .

    عالعصاري رحنا ( المركز العلمي ) صراحه شي حلووو ومتعوب عليه وايد ، ياريت عندنا مثله بقطر تجولنا فيه عالسريع بس كانت رحله حلوه والأهم الفرحة اللي شفناها فعيون الصغار وعيونا احنا الكبار لووووووول

    اترككم مع صور النادي العلمي



    هذا عند المدخل ، ويصير عند صالة السينما اللي يقدمون فيها عروض ثلاثية الأبعاد ، للأسف مادخلنا وشفنا فلم .



    هذي حفريات موجوده على الممر اللي يوصلنا لأقسام المتحف المنوعه ، وأغلبها أهداء من شيوخ الكويت للمركز العلمي .



    تماثيل خيول صغيره مقدمة من مدارس الكويت ، وواضعين عليها بصمة الطلاب الفنية ، ماشاء الله تبارك الله شغل ولا أحلى فنانين الله يحفظهم ، صج صج إبداع .



    هالمجسم عجبني وايد جامع بين الرسم العمل الفني اليدوي



    مجموعة ثالثة



    هذي الصورة مأخذوة عند مدخل ( الاكواريوم ) في هالقسم تلقون شرح عن البحر وصور وأشكال حيه ومختلفه للأسماك راح تشوفونها بعد اشوي في الصور الجاية ، وبعد هالقسم فيه أنواع مختلفه من الحيوانات ، أكثر قسم استانسنا فيه

    --------------------------

    يتبـــــــــــــــــــــع


    فنادق عطلات


  36. #36
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    وين ردودكم ؟؟

    المهم حبيت اكمل لكم الموضوع










    سيراميك ثلاثي الأبعاد ، اذا تتحركون فالجهة المعاكسة يعطيكم صور أسماك



    ابحث عن رأس فضولي في هذي الصورة لووووول





    ------------------
    يتبــــع


    فنادق عطلات


  37. #37
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد






    هذي لعبة تعليمية ، توضح شلون يتم استخراج البترول من باطن الأرض وفصل مشتقاقته لحالها ، تحركون شي مثل السكان وتبتدي كور ملونه تطلع من باطن الأرض ( البترول ) وبعدين كل لون ينفصل الحالة ( مشتقات البترول ) .



    هذي صورة للمشتقات وكل لون يروح للقسم المخصص له .



    تضغطون على شي مثل المسدس يطلع هوا ، كل ماضغطوا أكثر طلع هوا أكثر .

    -----------------

    يتبــــع


    فنادق عطلات


  38. #38
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    شكرا اختي على هذا المجهود الجبار بصراحه صور اكثر من رووووعه وتقرير خفيف وعلى قولة اللبنانين مهضوم تسلمين يالغالية على هالتقرير الممتع وبالحقيقة هناك الكثير من الأماكن اللي تستحق الزيارة بالكويت ومنها المدينة الترفيهية والجزيرة الخضراء وهناك الكثير من المجمعات التجارية الجميلة مثل المهلب والبحر سنتر والبلازا ومجمع اجيال ومجمع الكوت ومجمع المنشر الجديد والآن تم افتتاح اكبر مول بالكويت الأفنيوز فهو اسطورة للتسوق مجمع ضخم جدا وكبير يحتوي على العديد العلامات التجارية العالمية والمطاعم والمقاهي ودور السينما وفندقين وصلات تسلية اتمنى ان تزورونه في المرة القادمة

    فنادق عطلات


  39. #39
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    تسلمين اختي روح المسك



    جهد متعوب عليه


    الله يعطيج الف عافيه


    بانتظار البقيه

    فنادق عطلات


  40. #40
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    نورتي الكويت يا أختي بوجودج وانشالله تكونين استمتعتي بوقتج واستمتعتي بالسوق ..... والحمدالله على السلامة ..... ويعطيج العافيــة على التقرير والصور الرائــعيـــــن ..... :24: :113: :113:

    فنادق عطلات


  41. #41
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    يعطيج العافية عالمجهود واحنا بانتظار الصور المثيرة مثل ماقلتي

    فنادق عطلات


  42. #42
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    روووووووح المسك
    تسمعييييييييينييييييي !!!
    ما شالله علييج تقرير روعه و ايين حدده
    صور و تعلييق ماشالله عليج
    عيني عليج باااارده
    و ما فيها شي رااس عياللج عادي

    و حيياج الله للمره المليوون بالكويت
    انا توني اقرا ادري قطعت شوي كان عندي دراسه بس اشوه ما فاتني شي الحمدلله
    متااابعه معااااااج

    فنادق عطلات


  43. #43
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    رحــــــال :

    شكرا اختي على هذا المجهود الجبار بصراحه صور اكثر من رووووعه وتقرير خفيف وعلى قولة اللبنانين مهضوم تسلمين يالغالية على هالتقرير الممتع

    الله يسلمك ويعافيك يارب ، مرورك وردك هو المهضوم أخوي

    وبالحقيقة هناك الكثير من الأماكن اللي تستحق الزيارة بالكويت ومنها المدينة الترفيهية والجزيرة الخضراء وهناك الكثير من المجمعات التجارية الجميلة مثل المهلب والبحر سنتر والبلازا ومجمع اجيال ومجمع الكوت ومجمع المنشر الجديد والآن تم افتتاح اكبر مول بالكويت الأفنيوز فهو اسطورة للتسوق مجمع ضخم جدا وكبير يحتوي على العديد العلامات التجارية العالمية والمطاعم والمقاهي ودور السينما وفندقين وصلات تسلية اتمنى ان تزورونه في المرة القادمة


    المجمعات اللي ذكرتهم كنا حاطينهم من ضمن القايمه ، بس ماشاء الله كثير ومافي وقت نرروح ، والوقت كان يضيع علينا فالمسيرة ، تعرف زحمة الشوارع كانت مسويه لنا أزمه


    ومجمع الكوت كنا بنروح له بس صارت لنا قصه ، راح أذكرها فالردود الجاية ، والأفنيوز مرينا من عنده وكان بس ( ايكيا ) فاتحينه ، ومادخلناه لأن مالنا حاجه .

    يعطيك العافية عالمعلومات أخوي وإن شاء الله نزورهم فالمره الجاية

    فنادق عطلات


  44. #44
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة روان بنت الكويت
    http://www.arabtravelersforum.com/tr...0/#post1181360

    تسلمين اختي روح المسك



    جهد متعوب عليه


    الله يعطيج الف عافيه


    بانتظار البقيه



    الله يسلمج يارب
    وتستاهلون الواحد يتعب عشانكم لأني استفدت منكم وايد
    يعافيج يارب

    فنادق عطلات


  45. #45
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة بانكوكي_2
    http://www.arabtravelersforum.com/tr...4/#post1181604

    نورتي الكويت يا أختي بوجودج وانشالله تكونين استمتعتي بوقتج واستمتعتي بالسوق ..... والحمدالله على السلامة ..... ويعطيج العافيــة على التقرير والصور الرائــعيـــــن ..... :24: :113: :113:



    منوره بأهلها أخوي بانكوكي
    عجبني اسمك هههههههههههه
    أكيد استمتعنا والدليل ان مددنا السفره من اسبوع إلى 10 أيام
    الله يسلمك ويعافيك يارب

    فنادق عطلات


  46. #46
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    اختي العزيزه المسك وروح المسك وولد المسك وبنت المسك الله يخليهم لج ويتربون بعزج وبعز والدهم تقرير رااااااااااااااااااااائع بمعنى الكلمه ويستحق تقدير امتياز



    بس ابي اصلح معلوماتج اذا سمحتي

    سوق سيتي سنتر اسمه الاصلي سوق السالميه والسيتي سنتر هذا سوق مركزي فيه

    سوق الاحذيه اسمه سوق الحويشات اللي في السالميه وهو مشهور من زماااااان

    الله يخلي لج فضولي وفضوليه ظحكت على تعليقج ذكرتيني بالمجله والله نسيت اسمها اللي فيها كسلان وما ادري منو

    كملي بارك الله فيج تقرير كل يوم يصير احلى من قبل

    فنادق عطلات


  47. #47
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    المشاركة الأصلية كتبت بواسطة مسافرة كويتية
    http://www.arabtravelersforum.com/tr...1/#post1182561

    يعطيج العافية عالمجهود واحنا بانتظار الصور المثيرة مثل ماقلتي



    الله يعافيج يارب
    تابعيني وفالج طيب حبيبتي :101:

    فنادق عطلات


  48. #48
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    هههههههههههههه
    عجبني سوق المباركيه
    يسلمووو

    فنادق عطلات


  49. #49
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    شخباري كسلان جدا ...... يا ناصرهاذي مجله ماجد و الله دنيا

    فنادق عطلات


  50. #50
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    تقرير مميز بنتظار المزيد......................... لين السفرة عشر أيام!!!!!!!!!!!!!! مو شويه يمكن فيه أماكن مانعرفها.

    فنادق عطلات


  51. #51
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    احبائي مع مواصلة الرد اشكر الكاتب على اسلوب الرائع في عرض زيارتة للكويت وانشاء الله بنكررها هالصيف وانا لدي احدث صور ليسارة بلازا ساوافيكم بها لانها ارسلت الي عن طريق مديرها محمود الروبي ووووووووووووووووووووووووووووايد حلوة]

    فنادق عطلات


  52. #52
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    حياج الله حبيبتي

    تقرير وايد حلوو

    وان شاء الله المره الياية تشوفين اماكن اكثر واحلى بعد

    والكويت بيتج ومكانج واحنا وقطر واحد

    فنادق عطلات


  53. #53
    عضو مسجل
    تاريخ التسجيل
    Dec 2014
    المشاركات
    1,962,485

    رد: زوروا معاي الكويت متجدد

    مشكوره على التقرير الرائع يا روح المسك وانتى مسك فعلا وشرح جميل ومفيد علميا بنفس الوقت
    ونتمنى ان تكون ذكرى جميله لك ومن معك لزيارة الكويت
    ومع ان زيارتكم للكويت كانت تصادف العيد الوطنى للكويت وعيد التحرير يعنى بعد عشرة ايام تغريبا وتصادف هذا العرس الكويتى وذكرى التحرير واتمنى ان تزوروها فى هذا الوقت وكل خليجى وعربى ان يزورنا ويستمتع معنا فى هذا الحفل الجميل والجو الرائع فى هذا التاريخ من كل سنه
    وشكرا .

    فنادق عطلات


+ الرد على الموضوع

المواضيع المتشابهه

  1. زوروا أرض المعارض
    بواسطة Robot في المنتدى بوابة السفر إلى الكويت Kuwait
    مشاركات: 1
    آخر مشاركة: 02-03-2015, 04:09 AM
  2. شوفو شنو صار معاي في المقابله الكويت
    بواسطة Robot في المنتدى بوابة السفر الى امريكا الولايات المتحدة
    مشاركات: 6
    آخر مشاركة: 02-03-2015, 03:45 AM
  3. الفعاليات الثقافية في دولة الكويت متجدد
    بواسطة Robot في المنتدى بوابة السفر إلى الكويت Kuwait
    مشاركات: 16
    آخر مشاركة: 01-30-2015, 08:26 PM
  4. شوروا علي
    بواسطة Robot في المنتدى Italy بوابة السفر إلى ايطاليا
    مشاركات: 14
    آخر مشاركة: 01-30-2015, 11:35 AM
  5. شوروا علي
    بواسطة Robot في المنتدى بوابة السفر إلى أسبانيا Spain
    مشاركات: 3
    آخر مشاركة: 01-15-2015, 06:04 AM

المفضلات

المفضلات

ضوابط المشاركة

  • تستطيع إضافة مواضيع جديدة
  • تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
X