الموضوع: رحلتي لأمريكا

السلام عليكم

في البداية أحب أبدي إعجابي بهذا المنتدى الرائع والراقي وبصراحة انا ندمان اني ما عرفته من زمان

وجدت الكثير من المواضيع الي تتكلم عن رحلات إلى مختلف المدن الأمريكية وحبيت إني أخصص موضوع لرحلتي القادمة لأمريكا آملا بالحصول على أكبر قدر ممكن من النصائح من الاخوان والأخوات الي لهم خبرة طويلة في السفر لأمريكا.

موعد الرحلة إذا الله كتب إن شاء الله 16/8/2007

حسب الخطة الموضوعة مع صديقي راح نروح نيويورك - فلوريدا (ميامي واورلاندو) - لاس فيجاس - كاليفورنيا (لو أنجليس، وسان فرانسيسكو وساندييغو)

حاب أعرف رايكم في المناطق الي بروحلها وما عندي مانع إني أضيف عليها إذا كانت عندكم اقتراحات أو نصائح.

بالنسبة لنيويورك محتاج لمعلوماتكم أنا ابي أسكن في سكن ما يهمني انه يكون خمس نجوم ومستوى عالي...الي يهمني انه انام في مكان نظيف ويكون الموقع ممتاز وكل ما كان سعر التكلفة أقل كل ماكان أحسن لأن انا وصديقي شباب وكل الي يهمنا ننام في مكان نظيف عشان نكون مرتاحين ونمارس انشطتنا اليومية زائد إن مانبي نضيع وقت بالمواصلات عشان جذي أحب اكون مو موقع ممتاز يكون كل شي قريب مني وماعندي مانع أسكن في موتيل.

مواضيع عشوائيه ممكن تكون تعجبك اخترناها لك:

• الرجاء المساعده
• شهر العسل في امريكا 1000islands.com
• سؤال عن نموذج
• البهامزهل تحتاج فيزا خاصة؟؟؟
• استفسار بخصوص نظام المواعيد الجديد بالسفارة الامريكية
• ماهي اجراءات تفتيش مطار واشنطن ونيويورك
• ارجوا المساعدة موضوعي صعب شوي
• جاوبوني ضروري جدا عن هذه المنطقة في اورلاندو؟؟
• سؤال بخصوص الجواز القديم
• استفسار بعد المقابلة ب اكثر من شهر
• استفسار هام عن تغير الجامعة بعد الحصول على الفيزا
• غابات سان فرانسيسكو ولاجواء في شهر
• والت ديزنى الامريكية لاس فيغاس
• السفارة كم يعطون مدة الفيزه للسائح؟؟ شكرا للرد
• استفسار لخبراء اورلاندو
• مساعدة سكن في لوس انجلوس
• أمس كانت مقابلتي في السفاره الامريكيه بجده وتم الرفض ؟؟ لـــــيه
• استفسار هام للي زارو امريكا
• استفسار عن نوع الفيزا والاقامة في مدينة نيويورك أرجو الرد عن استفساري
• احلي صور من امريكا

حياك الله العوضي تبي تروح نيويورك وتبي شي رخيص مستحيل نيويورك غاليه حدها يعني اقعد فيها يوم او يومين افضل لك

احسن فندق شفته في نيويورك هو هلتون تايم سكوير في وسط الحدث وما تحتاج لتكسي تطلع مشي حق كل شي


خطتك حلوة بس لاتروح ميامي غاليه وفيها بلاوي خلك في اورلاندو وديتونا بيتش وتامبا كافي

كاليفورنيا حلوه تقعد في لوس انجلس وتزور فرانسيسكو وسان دييغو وتقدر تطلع منها الى فيغاس
وتقدر بعد تحط جناطك بالفندق عندهم سيفتي وانا جربتها كذا مره


ابي اولا تقولي تبي تسافر من وين وشنو نوعيه السفره خلني احطلك برنامج ان شاء الله تستانس منه

المشاركة الأصلية كتبت بواسطة ناصر كويتي
http://www.arabtravelersforum.com/tr...8/#post1427192

حياك الله العوضي تبي تروح نيويورك وتبي شي رخيص مستحيل نيويورك غاليه حدها يعني اقعد فيها يوم او يومين افضل لك

احسن فندق شفته في نيويورك هو هلتون تايم سكوير في وسط الحدث وما تحتاج لتكسي تطلع مشي حق كل شي


خطتك حلوة بس لاتروح ميامي غاليه وفيها بلاوي خلك في اورلاندو وديتونا بيتش وتامبا كافي

كاليفورنيا حلوه تقعد في لوس انجلس وتزور فرانسيسكو وسان دييغو وتقدر تطلع منها الى فيغاس
وتقدر بعد تحط جناطك بالفندق عندهم سيفتي وانا جربتها كذا مره


ابي اولا تقولي تبي تسافر من وين وشنو نوعيه السفره خلني احطلك برنامج ان شاء الله تستانس منه



شكرا على الرد السريع بوبدر

بالنسبة لنيويورك انا عارف انها غالية بس بما اني بسافر بالاماراتية فراح اطب فيها فقلت بالمرة أشوف ابرز معالمها...بالنسبة لفندق هلتون تايم كل تكلفة الليلة تقريبا بالنسبة لغرفة حق شخصين؟

أدري ميامي غالية بس وايد ناس مدحوها لي فقلنا نسير عليها ومنها نشوف البيتش مالهم وشنو تقصد بالبلاوي؟!

انا إن شاء الله بطير من دبي على نيويورك وبالنسبة لنوعية السفرة احنا 2 شباب ونحب نسوي كل شي حلو وشبابي ونحب الأشياء الغربة والمغامرات وإذا في رحلة لغابة بيكون روعة لأني أحب الrain forest

بوبدر جنك نسيتني

عندي تعليق بخصوص ميامي

انا قعدت فيها سنه كامله و كانت من اجمل المدن الي زرتها طبعا انا كنت هناك دراسه و لكني حولت بورتلاند لدراسه الماجستير و ميامي خليط من كل اجناس العالم من لاتينيين و امريكان و عرب كثر و ايطاليين و فرنسيين و اسبانين و غيره و ميامي منطقه سياحيه من الدرجه الاولى فيها مولات و حدايق و مباني كثيره و مطاعم وهذا غير الثقافات المتنوعه فيها يعني راح اشوف مباني شبيها في ايطاليا و اخرى شبيها ب اسبانيا حتى اسامي الشوراع راح اشوف شارع الاندلس و شارع غرناطه و شارع موناكو و غيره كثير و راح اشوف نسبه كبير جدا من اليهود و طريقه لبسهم يعني ميامي تستحق الزياره اما سالفه البلاوي طبعا حدث و لاحرج راح اشوف حريم من اجمل نساء العالم وراح اشوف الملابس الغير المحتشمه يعني عدي اشوف وحده تمشي بالبكيني فالشارع هذا الشي روتيني عندهم لكن اقول اذا انت رايح سياحه فيما احله الله راح تنبسط اما اذا لشي ثاني فاعلم ان الله يراك
حبيت انوه كلام الاخ ناصر ترا لاس فيقاس اشد عن ميامي من كل النواحي ميامي منطقه معينه فيها الدعاره بس باقي الاماكن من اجمل و انظف اما لاس فيقاس هناك الدعاره حدث و لاحرج و بالاضافه الى اكبر مجمع قمار فالعالم

وانصح الاخ العوضي اذا راح يزور ميامي عندك كورال كيبل هذي مدينه في ميامي جدا جميله تشبه لحد ما ايطاليا في المباني و ايضا يوجد فيها مقر جامعه ميامي المعروفه
و عندك منطقه بريكل هذي قريبه من الداون تاون كلها مباني ناطحات سحاب و اعتبر مبانيها اجمل من نيويورك و عندك ايضا الكثير من الفلل القديمه التابعه للمشاهير نفس المصمم الشهير فيرزاشي و شاكيرا و اوبرا و غيره و الخول مجانا طبعا في كثير مناطق سياحيه في ميامي ديد اذا ذكرتهم ما راح اخلص و طبعا عندك البيتش بس راح اشوف ناس عراه و حالتهم حاله ولكي اكون صريح انا ما عمري نزلت البيتش بس بالسياره خطافي امر مرور الكرام و بالتوفيق و لا تنشى ذكر الله

شاكرلك أخ youme

بما انك خبرة في ميامي وين تنصحني أسكن فيها؟!

أبي شي يكون سعره معقول ومكانه مناسب

وشو رايك في فندق اسمه the beacon hotel مكانه في الsouth beach

مرحبا الشيخ

امور البيتش و ين تسكن فيه ما اقدر اقولك لاني مثا ما وضحت هذي اماكن تكثر الفيه العراه و الكلبات يعني مالك خانه ابدا تسكن هناك يعني انت خليت ميامي كلها و فكرت فالسوث بيتش
عموما في فنادق ممتازه فالكولار كيبل او بريكل هذي داخل ميامي و نظيفه و فيها سياحه و كل شي بعيده عن البيتش و خرابيطه وفقك الله

شكرا على تجاوبك يا youme

وبانتظار بوبدر

محتاج مساعدة بالنسبة للسكن في نيويورك

انا بقعد فيها 3 ليالي ابي مكان نظيف ورخيص وموقع مناسب ومو شرط يكون فندق يعني لو موتيل مافي مشكلة.

في أحد سامع عن Novotel New York - Times Square

يا ليت تعلموني عنه لأن ناوي أحجز فيه