الموضوع: واخيرا زرت الكويت

:101: اخواني واخواتي واخيرا زرت الكويت لكن رحلتي للاسف قصيرة جدابس الحمد لله ان شاء الله الجايات اكثر من الرايحات وترى الكويت تستحق الزيارة اتمنى من اللي مازارها للحين يتوفق ويزورها :24: وان شاء الله انزل الصور قريبا علما بأني اول مرة بنزل صور:mf_pcwhac :bounce8:

مواضيع عشوائيه ممكن تكون تعجبك اخترناها لك:

• فروحه ۔ في قريه يوم البحار
• ودي ازور الكويت انا وربعي بس خايف وش رايكم
• طريق من القصيم للكويت
• أستفسار لأهل الكويت
• وين الاقي اغراض لتجهيزات القرقيعان
• موفنبك البدع استفسار؟؟؟؟
• مطعـم مـيس الغانــم
• شقق للعوائل في الحبيبة الكويت لأول مرة
• الشويخ
• موعد المسرحيه خاربه خاربه ؟؟
• محلات ملابس مقاسات كبيرة
• منتزة خليفة السياحي،،،،،
• فنادق تقع في الفحيحيل
• كيف زحمه الكويت في الاجازات
• أستفسار ياأهل الكويت
• الأمير يرعى اليوم افتتاح مدينة صباح الأحمد البحرية
• ممكن معلومات عن متحف شركة نفط الكويت ؟
• سؤال بخصوص فندق في الكويت نظيف
• فزعه يادار جابر العثرات
• خمس ايام يبيلهم رايكم ونصائحكم

حياكم الله في الكويت اشوف الكويت منوره هاليومين اثاري جنه الخلد عندنا
المهم لاتنسينا بالتقرير والصور والحمدلله على سلامتكم

نورتي الكويت يا جنه الخلد و الحمدلله عالسلامه
متتابعه معاج و انطر التقرير و الصور

بأنتظار تقريرج اختي وصورج

حـمدالـلـه عـلـي سـلامـه وهـذي الـساعـه الـمباركـه وبـنـتظـار الـصـور

الحمدلله على السلامه نورتي الكويت اختي جنة الخلد



بانتظار التقرير والصور



واي خدمه احنا حاضرين لاتترددين بالسؤال ؟؟

الحمد لله على السلامة و ننتظر التقرير المصور عن الرحلة

حمدالله على السلامة وحياكم الله وبانتظار التقرير حتى لو مختصر

الحمدالله على السلامة ..... ونورتي الكويت وأهلها وانشالله اعجبتج الكويت .....

اشكركم على المرور (الشرطة) وهذي اول مرة اتعلم تنزيل الصور يعني فريش في البداية احس اني متخوفة ان الصور ماتعجبكم لان رحلتي لمدة يوم واحد فقط وانا كنت في فترة نقاهة بس مغامرة وشوفتي الكويت نستني كل ماعانيته بس اتمنى اني ارجع مرة ثانية واعوضها في ظروف افضل من كذا وهذي الرحلة مفاجئة قررنا وفي نفس اللحظة اخذت احتياجاتنا لمدة يوم ومشينا الساعة الواحدة من ظهر الخميس والجو كان ممطر بس حلو وسلكنا طريق الجبيل لان الشارع افضل من طريق ابو حدرية اللي من عرفته وعرفني دائما فيه تحويلات الظاهر بين هالشارع وبين التحويلات علاقة عشق وهذي صور للشارع :

وهذي صورة لتحويلة بعد طريق الجبيل في طريق ابو حدرية

نسيت اقول لكم انا الولد اول مامشينا على طريق الجبيل قال خلاص ماما وصلنا الكويت ( الظاهر في عصر السرعة ) واخر محطة في السعودية عبينا السيار بنزين وتوجهنا الى الجمرك وكان زحمة لانهم فاتحين كبينة وحدة بس واحنا طولنا لان اول مرة لازم ياخدوا بياناتنا ويسجلوها وبعد ماخلصنا انطلق دايزر وينك يالسالمية وهذي صورة للشارع بعد الجمرك

ومشينا تقريبا ساعة حتى وصلنا السالمية ودورنا على شارع الخليج والصراحة اشكركم اخواني واخواتي الاعزاء لاني استفدت من مواضيعكم واستفساراتكم عن الاماكن السياحية في الكويت واول ماوصلنا شارع سالم المبارك بالسالمية وكانت الساعة الخامسة فنزلنا الى احد المجمعات نسيت اسمه وفيه مذركير علشان الولد يدخل اعزكم الله التواليت وكان يريد يلعب بس كنا ماصرفنا وطلعنا ندور على مكان للصرافة فوجدنا ضالتنا في نفس الشارع ورحنا ناخد شي ناكله لاني ما اكلت ولاشي (مو شايفة خير) وشرينا شاورما وسمبوسة وتمشينا في نفس الشارع لان فيه الكثير من المجمعات والاسواق وهذي صورة للكافتيريا

اشكرك اخوي talalkfsh وكلامك يشجعني مع اني عارفة ان الصور صغيرة وغير واضحة بس تمشي الحال

نزلنا الحقيبة وصلينا ثم توجهنا للمارينا وكان زحمة مو طبيعية يعني يالله تمشي من الازدحام وتمشينا فيه وكان في مطر وكنت اريد اكل شي في شوكليت بار بس ازدحام تقدروا تقولوا طق النعل وقلت لنفسي ولا يهمش بكرة ترجعي الصباح وتكون الزحمة خفت كنت ابغى اصور بس مافي مجال من الزحمة المهم طلبت شي اشربه وتمشيت شوي وقال الولد انه تعب يريد يرتاح توه ماطلع من القشر ويتحكم ورجعنا لان فعلا تعبنا وقلنا نرتاح واخذنا دش ونام زوجي والولد وانا من التعب مو عارفة انام الى الفجر وطبعا كان الشارع ازعاج بس حلو انك تسمع اصوات الناس الظاهر الكويتيين عندهم سهر الى الصبح ونوم النهار المهم صحينا الساعة سبع الا ربع وصعدنا نفطر واتركم مع الصور يمكن الصور ليست واضحة بس لان في ناس ولازم اراعي هالشي

أكـل الفـندق فـتح نـفسـي للاكـل شـكرا عـلي صـور الجميله

اكيد استانست في الكويت دام انتوا اهلها والكويت عافية على قلوبكم تسلموا حبايبي والله يحفظكم لها ويحفظها لكم

الاخت جنة الخلد الله يعطيج العافية

والحمد لله على السلامة وان شاءلله تنورين الكويت دائما

لي ملاحظة الصور لم تنزل أتمنى انج تنزلينها على معرض العرب المسافرون وكل الشكر لج وعساج على القوة

وبعد الفطور طلعنا ورحنا مجمع مارينا طبعا نروح له نمشي لانه قريب منا وكانت الساعة الثامنة لكن المحلات مسكرة ومافي الا الاجانب وكم موظف كويتي حملت الكاميرا حق اصور وجاني احد الموظفين وقال ممنوع التصوير قلته له ان شاء الله بس غريبه مع اني كنت حابه اصور المجمع واعرض الصور لكم وبعدين طلعت من المجمع وقلت ارد لما يفتحوا المحلات الظهر ورجعنا لمواقف السيارات الا جنب الفندق صعدنا سيارتنا ورحنا نتمشى في شارع الخليج والصراحة كنت محتارة من وين ابدأ لكن قلنا نروح للابراج واخليكم مع الصور

وهذي صورة للحديقة برة بالقرب من الابراج

وهذي لوحة ارشادية لمكان المطاعم والجون كافيه

اما الدخول للابراج بدينار من اربع سنوات وطالع



وهذي صور من فوق البرج حيث انك ترى الكويت من يمينها ويسارها وامامها وخلفها شي جميل ورائع تحس أنك تطير الكويت مرة حلوة وشعبها احلى لو اوصف اكثر واكثر ما اوفي فيك ياكويت وهنا تشوفوا الاكوا بارك من اعلى البرج

للاسف الصور ما طلعت

بسم الله الرحمن الرحيم
رحلة موفقة اختي .. بصراحة صار ودي اروح الكويت اكثر من قبل
ان شاء الله نروح

وننتظر المزيد من رحلاتك ِ
تحياتي:113:

تقريرج رائع
والصور روعه
حياج الله بأي وقت

وأخيرا مابغيتي تزورين الكويت

حققتي رغبتج في زيارتج للكويت واستانستي وانبسطتي وغيرتي جو

موفقة ان شاء الله وعساج على القوة