الموضوع: عيادات الاسنان بالكويت دعوة للمناقشة

السلام عليكم

شباب مثل مانلاحظ كل يوم بالجرايد عيادة جديد للاسنان فاتحة والاسعار غاليه


يليت الي له تجربة بعيادات الاسنان الخاصة بالكويت يقولنا عن تجربة وعن ارخص الاسعار والكفاءة بالعمل ولو في عروض نكتبها لفايدة اخونا والفايدة جميع

مواضيع عشوائيه ممكن تكون تعجبك اخترناها لك:

• بنااات الكويت فزعتــكمـ ،،
• تناول عشائك على ارتفاع متر من ابراج الكويت
• الى ابناء الوطن الغال الكويت
• سؤال لأهل الكويت سكر المشبك
• حجه
• يااهل الكويت الكرام
• احداثيات لأهم المواقع السياحية بالكويت
• الكويت الحبيبة
• ممكن اقرب شققة مفروشة رخيصة للأحمدي؟؟؟
• تكفوووووووون مساعدة صرف الدينار
• كيف الطريق إلى الكويت بالبر من الإمارات ؟
• ابحث عن افضل شركة تاجير سيارات في الكويت
• عشاءنا في مطعم أوفنتي بالاس
• مكياج شارمل
• للأماخرائط أرشادية للأماكن الترفيهية الفنادق الأسواق
• زيارتي الاولى الى الكويت والعيد الحلو ولكن ؟
• الطريق الى قطر
• وزرنا زوارة
• الي جزيرة فيلكا
• إروع فندق بالكوويت

انا جربت عيادة الميدان وجربت عيادة الفوزان وجربت عيادة الحكمه


تقريبا كلهم نفس الشي

مشكورة الاخت روان ابي اي افضل مناحية المواعيد والاسعار والشغل

كلهم مافي دقه بالمواعيد لازم ينطرونك 10 دقايق


الميدان والفوزان شوي اغلى من الحكمه


الميدان شغلهم يعني لك عليه

الفوزان شغلهم زين

بس الحكمه عندي الافضل بينهم

والله بالنسبة لي انا جربت الميدان لتنظيف الاسنان اسعار الحشوات عندهم من 25 وفوق والعصب فوق الامية ( يعني السعر على حسب الشغل).

عندي صديقة تعالج بالشعب التخصصي عند دكتورة اسمها (........ سومار ) ناسية اسمها الاول اسعارهم جدا مناسبة سوت عندهم العصب وعالجت اكثر من ضرس مازاد عن 300 دينار على حسب كلامها.

والمستوصفات الحكوميه شفيها يعني مافي احسن منها وبلاش ماتخسر فلس من جيبك وشغلهم عدل ونظيف ومافيه اي شي شنو الفرق بينه وبين الخاص الخاص يعني يحطلك حشوه من ذهب عيار 21 يعني ؟؟؟ هههههههه ولا ينظف اسنانك بديتول ؟؟؟ يعني شي غريب فعلا كل اللي تبونه تحصلونه بالمستوصفات الحكوميه

انا احسن منكم عندي صديق والحمدلله جريج لندن وكل ما يطق بنشر عندي اروحله وياكثر البناشر ( الحشوات ) اللي تطيح

الحقيقه المستوصف مافيه شي بس الانتظار يذبح

واحد من الربع راح ايران وسوا كل اسنانه زراعه تصور اخوي مجرد نك شال كل اسنانه وركب مكانهم طقم ولا الفنانين وكان حاجز العياده لشهر كامل مع المختبر يقول كلفني اقل من 300 دينار والحين ماشاء الله عليه اذا ظحك تقول نانسي عجرم مو بوحسين اللي اعرفه ههههههههههههههه

منو يروح وياي ايران نسوي هالبلاوي اللي فينا

ههههههههههههههههه ناصر ضحكتني انا والله مادري ليش اكره شي اسمه طبيب اسنان ومن كثر ما اوسوس واخاف اروح خاص احس انه احسن ومايعور معنه العلاج بالحكومي والخاص نفس الشي مافي فرق اللهم الاتنظار .

بـسوي دعايه حق دكتوري عيادة الفوزان دكتور اللبريت

عيادة مكة اللي على البحر ممتازه بس السعر " شوي نار " مو وايد :")

واذا على الحكومي انا انصح بمستوصف السالميه " التخصصي " اللي يم مركز سلطان .. شغلهم نظيف ومرتب ..

وسلامات للجميع .. وماتشوفون شر ان شاء الله

مشكورين على الردود ياشباب الموضوع اعتقدة انه الكل يحتاجة والحين فترة صيف فا مافية عروض تعرفونها لتركيب الاسنان وسعر الجسور ؟

فيه دكتور إسمه الزلزله عنده طبيب مصري بمنطقة المرقاب قرب المسجد الأبيض إللي بالدوار الصراحه أسعاره بسيطه وشغله حلو بس ها لا تسأل عن النظافه أقصد المكان إشوي ما يساعد على الثقه



صدقني أنا جربت الميدان والفوزان بس عشان السمعه والدعايات إللي بالجرايد بس مالقيت فرق بينهم وبين الحكومه بنوعية الشغل ......بس إذا لقيت لك دكتور أو دكتوره محترمين وقلبهم على المريض سواءا بالحكومه أو الخاص ترى هذا المفيد
أما بالنسبه للسعر فأنا دفعت مائه وثلاثين دينار على حشوه عند الفوزان وطاحت بعد ثلاثة أشهر ولما رجعت قالي تدفع إمية دينار أو إميه وخمسين عشان نلبس السن وما استفدت شي من وراهم ولما راجعت الحكومه ألله يسرلي دكتوره الله يجزيها ألف خير سوت أسناني كلهم صح المواعيد اشوي طويله بس صدقني كانت منتظمه وبالثانيه والدقيقه حتى أنها تتصل إذا بغت تعتذر عن الموعد

المهم لازم تعرف الجامعه إللي تخرج منها الطبيب والتخصص ماله فأطباء الأسنان تخصصات مثلا فيه اللثه والعصب والتركيب والتيجان الجراحه لا تطيح بمال حشوات يلعب بلثتك وما تشوف شر

كلام ممتاز منك

امس شفت في عيادة بوحمرة عرض ان تنظيف+تبييض+ايجيكون على الاسنان+..... ما اذكر = 100 دينار فقط!

جربت عيادة الدكتور الدويسان مو ذاك الزود و انا اللحين عند بدر الاتصاري وايد امدحولي اياه و سعره غالي العصب جنه اب 120 ! بس الله يعافي تامين زوجي مال الدوام ثلث السعر عليه

سلام.
انا جربت مستشفى السلام ( بنيد القار) عند د/ احمدالعنزى تقويم الاسنان واجد ممتاز

ضبط لى اسنانىز

انا ابصراحة مريت كذا عيادة قبل ما ارسى علي عيادة فرجينيا بحولي و الحمد لله كان اختياري موفق سويت عندهم وايد اشياء و قارنت اسعارهم ، يمكن في ارخص بشوي لكن ما اضن في احد ابشطارتهم و بالاخص الدكتور عبد الهادي شهاب اللي اسميه (الريشه) :24: لسببين اول شي ايده خفيفه مثل الريشه عيني عليه بارده و الثاني يسوي تركيبات جنه رسام و في ايده ريشه ما شاء الله عليه عيبي عليه بارده

يعني تشكيلة الاسعار مع الشطارة و الاخلاق في التعامل بصراحة يعلى عليها (و رك على الشطارة) :113:

الله يعطيك العافية يا الريشه

للفائده هذا رقمهم

25665232