اي والله بس الخلفية عنا كانت بيضاء والمشط نفسه كما وصفت....
3. بتتذكروا.. المصيص الأحمر اللي بيعلق بالسنان ومعو عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك.
اي والله كمان بس كنا نحطه/ بالصوبيا/من فوق وهذه طريقة مضمونة اكثر....
4.بتتذكروا.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت ونضل ناكل مثله وبعدين نحطو بطاسة مي أو بالمغسلة وناكلو عم يشرشر.
اي والله وكمان كركور والضفدع كامل....وبتتذكروا /الدقة/.. كمان....احيانا كنا نعملها بانفسنا وناكلها...
5.بتتذكروا.. يوم الجمعة ... نقوم من الصبح مشان نسمع أغنية في قصص الشعوب قصائص لا تنتهي
وعالم حلو بهي يسكن في القلوب في قصص الشعوب .
اي والله ..اروع مسلسل اطفال واسمه /حكايات عالمية/...وفي نهايته كانت الاغنية تقول :فان سررتم معنا نامل ان سنلتقي في حلقة جديدة وقصة مفيدة يسودها الجو النقي...
6.بتتذكروا.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل.
للاسف هنا كان تلفون ابو قرص عندنا حلم وكان عندنا التلفونات غير الية ونتصل بالمقسم من خلال ذراع صغيرة نقوم ببرمها ...مثل التي ترونها في المسلسلات التاريخية...
7. بتتذكروا.. يوم كنا نربط الشرشف على رقابنا مثل سوبرمان ونطلع فوق الخزاين ونط على التخوت وآخر شي ناطط غلط ومنكسرة إيدك.
اي...وكمان كنا نتصور ان الشمسية /المظلة تبع المطر/...يجب ان تحملنا وكنا نقفز من على بعض الحيطان الى الاسفل مقلدين هواة القفز المظلي...
8. بتتذكروا.. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي الوالدة حاططته تحت ومانو متلّج.. يا حسرة.
اي والله وكمان بتتذكروا اكياس /لذيذة/...والتي غالبا تاتي مجمدة.....
9.بتتذكروا.. لما كانوا الأولاد يشطفوا البرندة بالصابون ويضلوا يتزحلطوا عليها طوال النهار وآخر الشي تنفكش رجل شي واحد وما ينام الليل لأنو رجلو ورمانة..
اي والله كمان الزحلقة على البلاط كانت رائعة...بس الوقعة عليه قاسية جدا....
10.بتتذكروا.. عزايم قبل والسفرة ومفرش الطاولة اللي عليه صورة (فواكه) وريحتو لازم مثل ريحة المطبخ وقاعد على كراسي القش اللي لما تقوم تلاقي سيقانك عليها شخوط ومربعات.
هنا عندنا الامر يختلف قليلا...فالمفرش نفسه تقريبا ولكننا ناكل على الارض حتى اليوم في مدينتي وليس على الكراسي...بس...هذه الكراسي اعتقد انها نفس كراسي المدارس...كراسي الخيزران...ايييييه...
11.بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!!
اي كمان صح
12.بتتذكروا.. أول ما يسرق الأولاد سيارة أبوهم كانت الرجل اليمين على البنزين والرجل اليسار على الفرام من شدة الفرحة .... ولازم طبعاً يمر على أولاد الحارة ويطلعوا معو شي خمسين واحد
وغالبا تنتهي بحادث...بس الله يستر وتفض على شوية جروح...
13. بتتذكروا.. لما تتقاتل مع ولد الجيران وتقول له: انقلع عن بيتنا وعن رصيفنا...
يقول لك: مو رصيفكن هادا رصيف الحكومة
كلام منطقي, ويتم يمرق قدام البيت ويقول لك مادخلك.
اي والله بس الفارق كنا نقول له هذا شارعنا وحارتنا....
14.بتتذكروا.. لما يروحوا الأولاد السوق مع أبوهن أو أمهن مشان يشتروا تياب للعيد ..وآخر شي شارين تياب متل بعض بس غير ألوان وتشوفن بأول يوم العيد من الأخ الكبير للصغير متل فرقة حسبالله.
حتى اولاد الحارة والبلد كلهم تقريبا لباس واحد...
15.بتتذكروا.. لما الشباب بدهن يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهن.
اي والله...طريقة بسيطة وسهلة..
16 بتتذكروا...لما نشيل الطراريح والشراشف ونعملهن خيم ...أو ناخذ المخدات الكبيرة ونعملهن بيوت
اي والله كمان....ايااااام....
واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام
الحمدلله نجحت في الاختبار...
أولاد هالأيام بتلاقيه عايش مرحلة وحده بس ألا وهي مرحلة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير..
صدقت...تلك الايام كانت تعمها البساطة الشديدة والناس كلهم على الفطرة...
أول ما يفتح التلفزيون بتلاقيه يتفرج ع هيفا ونانسي وروبي
للاسف....
وعلى أيامنا قصص عالمية و حديث الجمعة الديني والمسلسل البدوي وسهرة صباحية ع الشدة كل ليلة خميس
ولاتنسى المرحوم مروان شيخو وحديثه الديني يوم الجمعة...
وأم عمار (ماريا ديب) ببرنامج ما يطلبه الجمهور
وعصمت رشيد يغني بين الشوطين
ويوم الجمعة سيران والله أيام
للأسف صار الجيل الجديد بلا هوية
المفضلات