بسم الله الرحمن الرحيم
السلام عليكم ورحمة الله وبركاته ..
بصراحة هذي أول مرة أكتب في المنتدى مع أن صار لي فترة طويلة أقراه وأتابعه وأتابع المبدعين فيه ..أولاً أقدِّر وأشكر كل الأعضاء و القائمين على هالمنتدى الأكثر من روعة وطريقتهم في سرد الموضوعات والمواقع والمدن وكأني أشوف المكان وأتصوره قبل لا أزوره .. هذي بالضبط اللي صار معاي في شهر العسل ..
عرفت عن هالمنتدى من واحد من أشقائي (أشكره كل الشكر ) فدخلت المنتدى وقعدت أقرا كل يوم وبالساعات قبل العرس عشان أحدد وين راح تكون وجهتنا لشهر العسل .. وأخيراً وبعد طول قراءة للموضوعات وتسجيل للمدن والدول الجميلة استقريت على ( 5 أيام باريس و3 ديزني لاند و 4 فيينا و3 زلامسي) .. صدقوني كانت من أحلى رحلات حياتي .. جمعت أسامي الفنادق والمناطق الحلوة من المنتدى (طبعاً بعد قراءة موضوعات الأعضاء الرائعين ومتابعتها ) وعطيتها لزوجي عشان يقول رأيه فيها ومن ثَم يحجز في السفريات .. فعلاً حجزنا وسافرنا شهر 3 " مارس" 2007 وقضيت فيها أحلى أيام حياتي من مغامرات وأماكن روعة ورومانسية وضياع (في خطوط المترو اللي كانت صعبة شوي ) وضحك ووناسة لحين نتذكرها أنا وزوجي، طبعاً أنا طبعت معلومات كثيرة من المنتدى وأخذتها معاي .. وقبل لا نطلع هناك أقراها عالسريع وأروح للمكان والله كأني شايفته قبل لا أروحه وأدلّي زوجي بالضبط من وين يدخل وأي شارع نروح وأي قطار نستخدم لدرجة أن زوجي يستغرب يحسبني زايرة هالدولة من قبل وأنا ولا زرتها ولا شي (كل هذا بفضل الله ثم العرب المسافرون :106: ) .. الحمد لله رب العالمين .
لكن للأسف ...
أنا من طبعي بس أتم أقرأ لما أحصل شي يناسب المكان اللي أبغي أزوره وآخذه وأحصر كل المعلومات عنه ، لكن هالمرة جيت أبغي أسوي نفس الشي مع السفرة التالية وهي للولايات المتحدة لكن ما لقيت موضوعات كثيرة وتفصيل وتغطية مثل بوابة أوروبا .. (على فكرة أنا ماقول أن الكتابات مش ممتازة بل أكثر من روعة في هالبوابة، لكني أبغي معلومات عن أماكن معينة في الولايات المتحدة لذلك اضطريت (والحمد لله ) اكتب واسأل عشان أمدحكم شوي - لأني من زمان أبي أشكركم بس ماعندي وقت - وعشان احصل بالضبط اللي أبغيه ) .. فهمتوا عليّ .. إنشالله محد يفهمني غلط ويقول ( على كثر اللي كاتبينه بعد مو عاجبها :108: ) لا والله أشهد انكم ما قصرتوا وخليتوني أتحير أي ولاية أختار .. لان كل موضوع احلى من الثاني ويشد الانتباه ويخليني أتمنى أحصل الوقت عشان أزور الولاية أو المنطقة بس للأسف وقتي شوي محدد وماعندي إجازة :110:
الظاهر أني طولت عليكم شوي .. بس شاسوي ماسكة المدح من زمان + عندي أسئلة فلازم يطول الموضوع شوي :101:
أوكي الحين الموضوع الأساسي :
أنا إنشالله رايحة مع زوجي لتكساس وودلاندز عنده دورة هناك من 1/10/2007 (اول أكتوبر ) إلى 11/10/2007 .. قررنا : أن نروح لتكساس وودلاندز من 26/9/2007 إلى 11/10/2007 (بيكون في رمضان طبعاً .. الله يعينّا ما يندرى متى المغرب عندهم :110: ) بعد الدورة بنكمل سياحة ، عندنا لين 25/10/2007 بعدين بنرجع .. زوجي راح يأجر سيارة هناك ..بعد تكساس بننتقل إلى ولاية ثانية اللي هي (فلوريدا أورلاندو ) لديزني وورلد طبعاً ( إيه شدرّاكم .. ما شبعت من اللي في فرنسا :109: وبعدين هذي أكبر ) ..يمكن نقعد في ديزني 5 أيام يعني لين 16/10/2007 ويوم 17 بنطلع بس لوين ؟! .. الجواب : "مادري ؟! " ترى هذا مش اسم ولاية .. هذا يعني أني للحين محتارة وماعرف أي ولاية قريبة أختارها .:upset:
المطلوب : (ههههههه كأنه البرهان في الرياضيات :yuk: )
1. شنو ممكن أسوي في وودلاندز لما زوجي يروح الدورة من 7 ونص الصبح لما 5 المغرب أو أحياناً 8 فليلأكيد بعضكم بيقول نامي ..بس ماصارت نومة كل هالوقت ! .. أبي شي غير النوم و وودلاندز مول (طبعاً باحاول أختم القرآن إنشالله هناك ).
2. اللي بيقترح ان أروح وودلاندز مول يقول لي هل الدولة أمان .. لأني أموت من الخوف وماحب أطلع بروحي.
3.إذا أخذت النوت بوك (اللاب توب ) معاي + خبز رقاق "خبركم لانه رمضان " هل راح يسوون لي مشكلة فالمطار ويأخرونا ؟
4. في فلوريدا : فكرنا نقعد 5 أيام في أحد فنادق ديزني ..هل كفاية ؟ .. واللي جربها يقول أي أحسن فندق وسعره معقول أو يقترح لي مكان أو فندق عشان أقدر أروح اليونيفرسال استوديو وأدفنشر آيلاند وسي وورلد بعد .
5.سؤال مهم : هل الفندق مع تذكرة شاملة للدخول في كل حدايق ديزني الباقية ( إم جي إم MGM + ايبكوت Epcot + انيمل كينج دم Animal Kingdom ) مثلاً هل الفندق الموجود في ماجيك كينج دم Magic Kingdom يسمح لج تدخلين إم جي إم ستوديوز ؟ .. لان في فرنسا كان الفندق قريب من ديزني وكل الحدايق في منطقة قريبة نطلع من وحدة وندخل الثانية عادي مشي ، لكن في أمريكا مسوين سالفة لان ديزني كبيرة فلازم آخذ تذكرة بارك هوبر Park Hopper عشان انتقل من حديقة للثانية في نفس اليوم :105:.
6. ميتة أبغي أسكن في Wilderness Fort cabin عالأقل كم من يوم عشان الأشياء اللي أقدر أسويها فيه ( خيول + سكوتر +قوارب + دراجات +حداق ) وعشان أطبخ شي خفيف حق زوجي ونشوي مع بعض :36_13_5: ، بس المشكلة أنه بيت كبير علينا ومافيه أساسيات الطبخ (ملح وفلفل وسكر وهالسوالف اللي لازم اشتريها) .. يقولون أن السوبرماركت القريب مايبيع هالأشياء والأيام اللي باقعدها شوي ما يحتاج أشتري أكل وايد، وإذا قعدت فيه متأكدة أني ماراح ألعب في ديزني ، بس أنا مليت من الفنادق صرت ماغير جو فيها أبداً ، في مكان ثاني أو ولاية ثانية أقدر أسوي فيها هالأشياء والمغامرات الحلوة ؟
7.هل أكمل رحلتي كلها في فلوريدا أورلاندو وأروح كل الاماكن فيها والا انتقل ولاية ثانية أحسن من 16/10/2007 إلى 25/10/2007؟
8. أطلع من تكساس لفلوريدا بالسيارة أحسن ولا تعب والطريق ما يسوى ؟ كم ساعة أو "يوم " راح نآخذ ؟ إذا أكثر من 7 ساعات والطريق مش حلو بنآخذ طيارة أحسن .
9. في ناس وايد تمدح كاليفورنيا وخاطرنا نروح لها بس أعتقد الوقت ما راح يكفي أنتو شرايكم تقترحون لي خطة ممكنه وحلوة :101: .... الأعضاء الله يحفظهم ما خلوا شي ماحطوا صوره الحلوه وقطعوا قلبي معاه .. آآآآآآآآآه يالقهر من هالدوام ذابحني ما مخليني أروح أي مكان :112:
هممم لازم يكون في رقم عشرة لأني ماحب الأرقام الفردية .. خلوني أفكر لكم في سؤال لحظة شوي ..
10. لو لاحظتوا اللعب والوناسة والمغامرات هي اللي مآخذه معظم الوقت في أورلاندو .. أبد ما طرى على بالي السوق إلا الحين ... لازم أروح السوق في أورلاندو ولا ثيابهم وأغراضهم عادية ؟ والله الظاهر أخلص إجازتي كلها في أورلاندو وميامي أحسن ..مادري شاسوي ساعدوني في القرار :36_1_38:
Please ساعدوني ..مش لازم كل واحد يجاوب كل الأسئلة (بس طبعاً أنا اتمنى هالشي :101: ) .. أي شي تعرفونه أو اقتراح ممكن يفيدني قولوه لي .. أحس أن ما بقى شي عالسفرة وعلى رمضان .. جايين مع بعض .. لازم أجهز لهم أهم الأثنين .. فحاولوا بليز تجاوبوني بأسرع وقت عشان أقدر أرتب أوراقي وأختار فنادق وأقرر الأماكن .. ( للأسف الناس كلها مسافرة الحين محد راح يقرأ الموضوع :36_1_48: ويجاوب )
.. يالله باحط أمل عالموجودين فيهم الخير وعلى الشطار اللي مسافرين بس بعد يدخلون الموقع من هناك .
شكراً جزيلاً للعرب المسافرون ولكل أعضائه ...
:smile001:مواضيع عشوائيه ممكن تكون تعجبك اخترناها لك:
- فيزا سياحه الى امريكا
- استفسار بخصوص التاشيره الدراسيه لامريكا
- البعض من الاستتفسارات
- كيف استخدم جوازي الامريكي؟
- سوال عن اختيار المقاعد على البريطانيه
- مشكلة بسيطة
- اخوي الله لا يهينك تعال
- قصتي في إجراء المقابلة في جدة تفاصل وصور لأول مرة
- استفسار لو سمحت
- لدي فيزا دبلوماسيه وانتهت والان قدمت على سياحيه لكن الى متى الانتظار ؟
- رحلة اسبوعين
- منو جرب يحجز من موقع ؟؟ عاجل باقي على سفرتي ايااام
- معشوقتى
- عاجل جدامسافرة الى اورلاندو بعد ايام اريد معلومات جزاكم الله خيرا
- هذا اللي حصل بالمقابله ادعولي
- ارجو المساعده
- وش رايكم اروح امريكابنسلفينيا ولا بولندا؟
- عاجل بخصوص التأشيره الامريكيه
- استفسار عن رحلتي
- استفسار مهم ياشباب عن الفيزا ؟؟؟
رد مع اقتباس
المشاركة الأصلية كتبت بواسطة خبير امريكا
وهذا يعني ان محدثك شايب : :36_1_34: (بس مهوب حيل). ومره اخرى ذهبت الى هيوستن ايضا, منتدب في مهمة عمل (ينقال اني خبير) من بداية 2001 الى منتصف 2003, وطبعا كنت موجود اثناء احداث 11 سبتمبر. هذا غير زيارات متعدده الى مختلف الولايات.
المشاركة الأصلية كتبت بواسطة اللووورررد
المفضلات