الموضوع: الأخ ناصر كويتي أبي مساعدتك

اخوي ناصر ابي منك خدمة

وانت ماتقصر جزاك الله خير

احنا ناوين على سفرة الى امريكا السنة الياية (أدري تو الناس عسى الله يحيينا) بس انا من النوع اللي أخطط لمده طويلة

وابي مساعدتك في برنامج الرحلة والسكن

الرحلة ستكون في الغرب الامريكي يعني كاليفورنيا والمناطق اللي حواليها

وسلامتك

مواضيع عشوائيه ممكن تكون تعجبك اخترناها لك:

• بعد شهور و يوم هذه اخرتها
• نهاية حلم وبداية أمل
• اعطوني نصيحتكم بالنسبة لنيويورك
• هل يلزم التسجيل في السفارة؟
• استفسار عن تأشيرة امريكا
• مقابلة الفيزا
• عندي فيزا دراسية وباطلع سياحية هل سوف يكون هناك تعارض ومشاكل
• مفيز من العام الماضي وجاني مولود جديد ؟؟
• مساعده من أجل استخرج الجواز الامريكي
• استفسار عن فندق في
• رأيكم ايها السياح سان فرانسسكو تكفيها ليلتين؟
• مساعدتي لسفر الى امريكا
• الفيزا السياحية من جده
• القيادة في كاليفورنيا؟
• الاتحاد للطيران تدشن اليوم رحلاتها إلى تورونتو عـبر بروكسـل
• للخبراء من الجنوب الشرقي إلى الشمال الشرقي كيف الطريق ؟
• الفنادق القريبة من الملحقية الثقافية السعودية في واشنطن
• ملبورن فلوريدا
• فرق الوقت في امريكا
• اريد المساعده لفيزه الى شيكاقو

المشاركة الأصلية كتبت بواسطة أم علاوي
http://www.arabtravelersforum.com/tr...0/#post1510970

اخوي ناصر ابي منك خدمة

وانت ماتقصر جزاك الله خير

احنا ناوين على سفرة الى امريكا السنة الياية (أدري تو الناس عسى الله يحيينا) بس انا من النوع اللي أخطط لمده طويلة

وابي مساعدتك في برنامج الرحلة والسكن

الرحلة ستكون في الغرب الامريكي يعني كاليفورنيا والمناطق اللي حواليها

وسلامتك



ابشري طال عمرج باللي يسرج


هذي والله الساعه المباركه وانا حاضر وبالشوفه


اهم مافي السفر ان الواحد يخطط عدل ويسوي برنامج متكامل علشان اذا سافر ما يتفاجا باي شي غريب عليه

وخطوتج يا ام علي ممتازه والله يبارك لكم فيها

كاليفورنيا من اجمل مناطق العالم والواحد لازم يشوفها كلها ويبيلها تخطيط سليم


اذا سمحتي تعطني اولا التفاصيل منو اللي يبي يسافر كم عددكم وهل يوجد اطفال واعمارهم


وان شاء الله اعطيج برنامج متكامل


انا عندي تقرير بالبوابه عن كاليفورنيا ياليت تشوفينه وتعطيني رايج فيه

وانا معاج يا ام علاوي.. ان شاء الله من الحين بخطط لسفرتي الصيف الجاي لأمريكا ..
واسمحيلي اكون معاج نعين ونعاون, لان مو حلوه احط موضوع دام موضوعج موجود.

واسمحيلي بطرح هالسؤال ..

اخوي ناصر جزاك الله خير وماتقصر ..

انا صراحه ودي اخطط من الحين عشان ما اتحسف اني رحت ولايه مو حلوه ولا شي ..

احنا ان شاء الله السنه الجايه ان الله قدر وأشاء بنروح امريكا ..
فـ بنقعد بمينيسوتا شهر مراجعه لأختي ان شاء الله , ماتدري شنو في مولات حلوه بعد بمنيابلس
غير المول اوف امريكا, ومطاعم حلوه وجذي ..؟

وبعد مانخلص من مينيسوتا ان شاء الله بنروح فلوريدا, فـ شرايك بفلوريدا وشنو تنصحنا نروح
غير ديزني لاند .. وهم في ولايه بعد بس محتارين حيل ماندري شنو نختار ؟ فقلت اكيد اخوي
ناصر ماراح يقصر , فـ شرايك اخوي ناصر ولايه حلوه وتصلح لعائله ؟ وماتقصر طال عمرك

المشاركة الأصلية كتبت بواسطة ناصر كويتي
http://www.arabtravelersforum.com/tr...4/#post1512254

ابشري طال عمرج باللي يسرج


هذي والله الساعه المباركه وانا حاضر وبالشوفه





ساعتك ابرك ويزاااك الله خير أدري انك تحب تساعد وباخلاص بعد :24:







المشاركة الأصلية كتبت بواسطة ناصر كويتي
http://www.arabtravelersforum.com/tr...4/#post1512254



اذا سمحتي تعطني اولا التفاصيل منو اللي يبي يسافر كم عددكم وهل يوجد اطفال واعمارهم


وان شاء الله اعطيج برنامج متكامل





احنا تقريبا 5 اشخاص كبار انا وبوعلاوي وعيالنا الشباب teen ages

بالنسبة للاولاد وديناهم اكثر من مرة اورلاندو وكيفوا فيها لانهم كانوا صغار

بس الحين كبروا ومثل ماتقول ملوا من الملاهي والالعاب يبون اشياء للشباب وانا وابوهم محتارين وياهم ماندري وين نوديهم كله يتحلطمون وكله مو عاجبهم يقولون احنا كبرنا وانتوا لي الحين تعاملونا على ان احنا يهال هههههه الظاهر ان احنا مانبي نكبر وودنا نعيش فترة الشباب وياهم

اهلا اختي..

الصراحه مع احتراماتي للعيال فهم مايبون الوناسه لعمرهم! ولا في احد مايبي اورلاندو
اختي اصلا اورلاندو الكل يبيها كبار وصغار وفيها العاب للكبار والعاب للصغار, لكن يمكن العيال
في فتره مراهقه ويبون شي يناسبهم ك شباب . لكن المشكله مافي اشياء حلوه للشباب
الا ديزني لاند وفلوريدا عموما ومدن الملاهي والهوليوود بلوس انجلوس, واماكن كثيره لكن
اترك المجال لاخوي ناصر, واسف عالتدخل :

المشاركة الأصلية كتبت بواسطة UK Lover
http://www.arabtravelersforum.com/tr...0/#post1514660

اهلا اختي..

الصراحه مع احتراماتي للعيال فهم مايبون الوناسه لعمرهم! ولا في احد مايبي اورلاندو
اختي اصلا اورلاندو الكل يبيها كبار وصغار وفيها العاب للكبار والعاب للصغار, لكن يمكن العيال
في فتره مراهقه ويبون شي يناسبهم ك شباب . لكن المشكله مافي اشياء حلوه للشباب
الا ديزني لاند وفلوريدا عموما ومدن الملاهي والهوليوود بلوس انجلوس, واماكن كثيره لكن
اترك المجال لاخوي ناصر, واسف عالتدخل :



ههههههه والله صح كلامج احترنا وياهم

انا الحين افكر في شلالات نياقرا و الاسكا وهاواي و قراند كانيون

يعني الاشياء الغريبة

واذا قالوا مو حلوين بزنطهم :109:

ههههههههههههههههههههههههههه
شوفي والله انا مانصحج بألاسكا لان حيل بعيده يعني تدرين اذا طرتي من نيويورك لين
ألاسكا الرحله مدتها حوالي 7 ساعات.. بالإضافه الى ان الاسكا بررررد بدرجه ماتتصورينها
حتى بعز الصيف شهر 7 تكون برد موت, وشلالات نياقرا حلوه صراحه أنصحج فيها

وبس عرفت تدرين العيال شنو يبون, خليهم بنيويورك يتمشون ويروحون ويجون على راحتهم
احس جذي بيرضيهم, لان مثل ماقلتي شباب. والشباب يحبون جذي ناطحات سحاب وزحمه
وأزعاج ومباني وسينمات, والله يعينج :109:

وينك ياخوي ناصر :110: , لازم نخطط قبل مايفوت الفوت :109:

المشاركة الأصلية كتبت بواسطة UK Lover
http://www.arabtravelersforum.com/tr...1/#post1514811

ههههههههههههههههههههههههههه
شوفي والله انا مانصحج بألاسكا لان حيل بعيده يعني تدرين اذا طرتي من نيويورك لين
ألاسكا الرحله مدتها حوالي 7 ساعات.. بالإضافه الى ان الاسكا بررررد بدرجه ماتتصورينها
حتى بعز الصيف شهر 7 تكون برد موت, وشلالات نياقرا حلوه صراحه أنصحج فيها



انا شفت كروز تطلع من سان فرانسيسكو وتروح فانكوفر والاسكا بس احنا لي الحين حجي الله يعلم شلون بيكون برنامجنا







المشاركة الأصلية كتبت بواسطة UK Lover
http://www.arabtravelersforum.com/tr...1/#post1514811

وبس عرفت تدرين العيال شنو يبون, خليهم بنيويورك يتمشون ويروحون ويجون على راحتهم
احس جذي بيرضيهم, لان مثل ماقلتي شباب. والشباب يحبون جذي ناطحات سحاب وزحمه
وأزعاج ومباني وسينمات, والله يعينج :109:



اول شي نيويورك هذي لابد منها وبخلي القعده فيها 5 ايام

المشاركة الأصلية كتبت بواسطة UK Lover
http://www.arabtravelersforum.com/tr...5/#post1514815

بس تبين الصراحه, طريقتج انج قبل ماتخططين للسفره بسنه وايد وايد حلوه ..
لان مو حلوه لو رحنا هناك وانصدمنا بشي, فـ ان شاء الله لج ولنا طيبه الخاطر :24:



انا اريد وانت تريد والله يفعل مايريد

عسى الله يحيينا

والله اللي يمشي ورا الحريم يروح فيها


ههههههههههههههههههههههههههههههههههههههههههههههه


صج خططوا وسافروا وتهاوشوا بعد بنص ساعه بل ما يمديكم


العفو اختي ام علاوي واختي يوكي لوفر

الشباب اختي ام علاوي اذا مايبون اورلاندو اعتقد ان ما في شي بالعالم راح يرضيهم

معقوله اورلاندو فقط للصغار انا كل لعبه العبها وفي العاب والله اخاف اركبها لانها بالفعل تخرع وتوقف القلب


الخطه طال عمرج مثل ما تفظلتي اول خمس ايام نيويورك لان الرحله طويله جداا وخصوصا اذا كانت دايركت

وبعد اختلاف الوقت مو شويه ولا تتوقعين انج تتفادينه بشكل عادي يعني يبيلكم ثلاث ايام حتى علشان تتعودون عليه ونيويورك حلوة للاستراحه

اول شي السكن في نيويورك انصحكم في التايم سكوير هلتون اختيار اول

والامباسي سويت الاختيار الثاني لكنه بعيد شوي ويقع بالقرب من برج التجاره العالمي سابقا

بس الفندق ممتاز جدا ويتبع لسليله هلتون
وهو مناسب جدا للعوايل وخصوصا عايلتج انتي

نيويورك حلوة وتقدرين تاخذين الباص السياحي اول يوم وتشوفينها كلها وبعدين كل يوم تروحين مكان


الولايه الثانيه انصحكم كاليفورنيا وبالتحديد لوس انجلس

المكان هذا اشهر مكان في العالم ويبيله قعده طويله من اجل الشرح ووين تروحون لكن نصيحتي لكم السكن في شقه لان عددكم ماشاء الله كثير والفندق اكيد راح يصير غالي عليكم لكن بصراحه ماعندي اي فكره عن الشقق لاني ماسكنت فيها


راح اتايع معاكم عن قريب

المشاركة الأصلية كتبت بواسطة UK Lover
http://www.arabtravelersforum.com/tr...5/#post1513195

وانا معاج يا ام علاوي.. ان شاء الله من الحين بخطط لسفرتي الصيف الجاي لأمريكا ..
واسمحيلي اكون معاج نعين ونعاون, لان مو حلوه احط موضوع دام موضوعج موجود.

واسمحيلي بطرح هالسؤال ..

اخوي ناصر جزاك الله خير وماتقصر ..

انا صراحه ودي اخطط من الحين عشان ما اتحسف اني رحت ولايه مو حلوه ولا شي ..

احنا ان شاء الله السنه الجايه ان الله قدر وأشاء بنروح امريكا ..
فـ بنقعد بمينيسوتا شهر مراجعه لأختي ان شاء الله , ماتدري شنو في مولات حلوه بعد بمنيابلس
غير المول اوف امريكا, ومطاعم حلوه وجذي ..؟

وبعد مانخلص من مينيسوتا ان شاء الله بنروح فلوريدا, فـ شرايك بفلوريدا وشنو تنصحنا نروح
غير ديزني لاند .. وهم في ولايه بعد بس محتارين حيل ماندري شنو نختار ؟ فقلت اكيد اخوي
ناصر ماراح يقصر , فـ شرايك اخوي ناصر ولايه حلوه وتصلح لعائله ؟ وماتقصر طال عمرك



هلا والله اختي يوكي لوفر

وهذي والله الساعه المباركه
مينيسوتا شي راااااائع وحلوة وانا والله استانست فيها وايد خصوصا بعد ما قعدت في لوس انجلس شهر ونص مليت من كل شي السياقه والدواره هناك ارتحت لان في باص يودينا الباص للمول والرده بلاش

مينيسوتا روعه والي حلو فيها شعبها ودود جدا ويكثر فيها الشعب الصومالي والاثيوبي والارتيري واغلبهم مسلمين

مول اوف امريكا روعه وعندي تقرير عنه في البوابه وفيها الداون تاون ولا اروع والبلده جميله جدا وهي بلد عشره الاف بحيره جوها راااااااااائع جدا وكافي الحقيقه مول اوف امريكا فيه كل شي بس الداون تاون رائع وفيه الكثير من مراكز التسوق لكني ما رحت له بحكم اني مليت من السوق على عكس زوجتي ماشاء الله على الحريم عمرهم ما يتعبون من السوق

اذا كنتي في مينيسوتا انصحج تروحين اولا كاليفورنيا اقرب وبعدين اورلاندو ومن عقبها نيويورك وتردون لبلدكم بالسلامه لان مينيسوتا في الشمال واورلاندو في اقصى الجنوب اذا وافقتووا على كاليفورنيا راح اسوي لكم جدول انتي ويا ام علاوي ويمكن بعد اروح وياكم السنه الجياه لاني هالسنه مارحت وناوي اروح لها الصيف الياي

وراحح اسوي لكم جدول نفس اللي راح اسويه لنفسي بالضبط ان شاء الله

انتو بس قرروا وانا حاضر

المشاركة الأصلية كتبت بواسطة ناصر كويتي
http://www.arabtravelersforum.com/tr...2/#post1516452

والله اللي يمشي ورا الحريم يروح فيها


ههههههههههههههههههههههههههههههههههههههههههههههه


صج خططوا وسافروا وتهاوشوا بعد بنص ساعه بل ما يمديكم





لوووول متى تهاوشنا

دير بالك منا ترى احنا 2 على واحد :109:







المشاركة الأصلية كتبت بواسطة ناصر كويتي
http://www.arabtravelersforum.com/tr...2/#post1516452


الشباب اختي ام علاوي اذا مايبون اورلاندو اعتقد ان ما في شي بالعالم راح يرضيهم

معقوله اورلاندو فقط للصغار انا كل لعبه العبها وفي العاب والله اخاف اركبها لانها بالفعل تخرع وتوقف القلب




لا مو هذا قصدنا احنا استانسنا في اورلاندو وايد ورحنالها مرتين و الثالثة في يورو ديزني بس عاد صار حلاو كله ديزني، نبي نغير الستايل مال السفرة حتى اهم يقولون مانبي الديزني والسي وورلد واليونيفيرسال، وامريكا فيها اشياء وايد







المشاركة الأصلية كتبت بواسطة ناصر كويتي
http://www.arabtravelersforum.com/tr...2/#post1516452

الولايه الثانيه انصحكم كاليفورنيا وبالتحديد لوس انجلس

المكان هذا اشهر مكان في العالم ويبيله قعده طويله من اجل الشرح ووين تروحون لكن نصيحتي لكم السكن في شقه لان عددكم ماشاء الله كثير والفندق اكيد راح يصير غالي عليكم لكن بصراحه ماعندي اي فكره عن الشقق لاني ماسكنت فيها

راح اتايع معاكم عن قريب




تقصد نقعد بشقه في مدينة وحده لمدة شهر ونتنقل منها ولا كل اسبوع بمكان؟؟

مواقع مفيده للحجوزات

للرحلات

http://www.california-tour.com/calif...cial/index.htm

http://www.contiki.com/tours/26-wild-western

http://www.grayline.com/Grayline/index.aspx

http://www.alllosangelestours.com/

http://www.bhtourusa.com/

للحصول على شقق Vacation Rental

http://www.cyberrentals.com/


هذا الموقع لتأجير السيارات

http://www.dollar.com

وانا بعد وانا بعد وانا بعد خذووووووووووووووني معكم نصير اربع عوائل
بس معليش الرابعه سعوديه
ام علاوووي // شكرا على الموضوع الي كان يدور براسي والله انا افكر وانتي نزلتي الموضوع طازه
بس انا تاخرت لاني لازلت اقارن بين بريطانيا وامريكا ساعدوني تكفوووون ايهما تختار عائله تحب البراد والطبيعه والعمران والحضاره يعني نحب كل شي والله يسهل امرنا وامركم
الاخ ناصررررر كويتي /// عطنا رايك وبعد قلنا اي الولايات مناسبه براااد وطبيعه عطنا خيارات لان بو عبدالله ما يداني الحر ابد بالسفر ويقول اقعد بالرياض احسن ولذلك العيال شايلين هم الجو باورلاندوا والله يجزاك كل خير

المشاركة الأصلية كتبت بواسطة الاستاذه دره
http://www.arabtravelersforum.com/tr...0/#post1516740

وانا بعد وانا بعد وانا بعد خذووووووووووووووني معكم نصير اربع عوائل
بس معليش الرابعه سعوديه


هلا والله بالسعوديه واهلها وهذي الساعه المباركه ونتشرف فيكم اهل واخوان ونسايب
ام علاوووي // شكرا على الموضوع الي كان يدور براسي والله انا افكر وانتي نزلتي الموضوع طازه
بس انا تاخرت لاني لازلت اقارن بين بريطانيا وامريكا ساعدوني تكفوووون ايهما تختار عائله تحب البراد والطبيعه والعمران والحضاره يعني نحب كل شي والله يسهل امرنا وامركم

مافي مقارنه ابد بين امريكا وبريطانيا يمكن لندن تكون بارده اكثر من امريكا لكن ما يمنع في اماكن في امريكا ابرد من لندن

وارولاندو عيبها الوحيد الرطوبه لكنها رطوبه حلوة مو مثلنا على الاقل كل يوم ينزل المطر ويصير الجو الحلو
الاخ ناصررررر كويتي /// عطنا رايك وبعد قلنا اي الولايات مناسبه براااد وطبيعه عطنا خيارات لان بو عبدالله ما يداني الحر ابد بالسفر ويقول اقعد بالرياض احسن ولذلك العيال شايلين هم الجو باورلاندوا والله يجزاك كل خير



يبشر بو بعبدالله

بصراحه اورلاندو رطبه لكن تقدرون تروحون لوس انجلس فيها كل شي والجو فيها روعه وايضا سان فرانسيسكو برد بالليل والجو بالنهار برررررررررررراد

ابشري طال عمرج بالجدول وياليت نتفق ونروح كلنا مع بعض ونسمي الرحله المكتشفون المغامرون من العرب المسافرون

واذا رجعنا نسوي لنا كتاب ونخلي ريعه لي طبعا قصدي للمنتدى شرايكم

اختي ام علاوي اورلاندو فيها العاب كثيره غير ديزني لاند وغير السي وورد وينيفيرسال ستوديو

بكل مكان في العاب وهي منكقه سياحيه درجه اولى والسياح فيها تقريبا 30 مليون سنويا


ديزني الحلو اللي فيها كل سنه في لعبه جديده لكل شخصيه والعابهم شي مو طبيعي

وبعد يونيفيرسال ستوديو منافسه لديزني ويسون العاب كل سنه تقريبا السي ووردل الوحيد اللي على حاله بحكم انه يتعامل مع حيوانات اعزكم الله ويدربهم

نتكلم عن اورلاندو

السكن مهم جدا في هذه المنطقه وانا انصح بشده السكن في شارع الانترنشايونال درايف لما للشارع هذا اماكن سياحيه وترفيهيه والعاب ومطاعم واسواق وفنادق وهو اشهر شارع في اورلاندو


واذا كنتوا عايله انصحكم بالسكن في الامباسي سويت انترناشيونال درايف الفندق هذا من كثر ما مدحته يعتقد الواحد لي فيه نسبه هههههههههههه


كل يمكم قريب حتى لو مافي سياره وخصوصا اول يومين او ثلاث ايام في السكن انصحكم ماتاجرون سياره خصوصافي الشارع هذا

الفندق عنده باص يوميا يوديكم للمعالم السياحيه مجانا والعوده مجانا

في ترولي او باص يمشي بالشارع هذا مناوله لاخره كل خمس دقايق وتقدرون تاخذون تذكره من الرسبشن في الفندق لمره واحد او ليوم كامل او لثلاث ايام وحتى اسبوع وكل خمس دقايق في باص يمر عليكم يعني طريقه سهله وحلوة والشارع فيه الكثير من الاسواق والسوبر ماركت والمطاعم وفيه الكثير من العرب المهاجرون هناك يحاولون يساعدونكم في كل شي

كل فندق فيه مكتب خاص للحجوزات لاي مدينه العاب وتقدرون تاخذونها جمله بدون ديزني لاند

يعني انا كنت ماخذ اربع تذاكر شخصين بالغين وطفلين للسي وورلد واليونيفرسال ستوديو وبوش قاردن اللي في تامبا ووتن وايلد العاب مائيه لمده اسبوعين يعن ياقدر ادخلهم كلهم كذا مره لمده اسبوعين بسعر 800 دولار

ديزني لاند انصحكم تشترون التذكره من الشباك مباشره في عروض تشوفونها بالشارع كلها نصب واحتيال وخروا عنهم وروحوا دايركت للبوابه واشتروها


طبعا مثل ما قلت اول ثلاث ايام ما انصح تاجرون سياره لكن السياره ضروريه جدا وتقدرون تاجرونها سواء من المطار او من لافندق او الاتصل باي شركه يكون عندها عرض

المطلوب رخصه ساريه المفعول وتكون باللغه الانجليزيه واذا مافي انجليزي يجب عليكم استخراج رخصه دوليه

الكردت كارد ( فيزا او ماستر كارد او الامريكان اكسبرس وهي الافضل في امريكا ) ضروريه لتاجير السياره والفندق والرحلات

بالنسه للاكل تمتاز اورلاندو بالبوفيهات الجميله ولعا المطعم بندروزا اشهر مطعم هناك ويقدم وجبه الفطور والغدا والعشا وكل مره تروحون له يعطيكم كوبون خصم للمره القادمه


اول ما تدخلون اورلاندو من المطار يوزعون عليكم دفتر كوبونات وكل محل مشارك بالدفتر عنده خصم او هديه خاصه اذا زرته والدفتر هذا موجود بكل مكان وقت الدفع عند الكاشير طلعوا الكوبون وعلى طول خصم يتراوح مابين 10 الى 20 بالميه

طبعا اورلاندو جميله بمساحاتها الخضراء والبحيرات الكثيره ولالاسواق الكبيره وخصوصا المجمعات الراقيه
مثل مجمع الميلينا روعه وفيه كل شي

بالقرب من اورلاندو يوجد ديتونابيتش مكان يجب عليكم زيارته والسباحه في المحيط وتقدرون تاجرون فندق من الصباح لليل بسعر خيالي جدا من 15 الى 30 دولار شامل حمام السباحه للاطفال

والميدنه قريبه جدا نص ساعه بالسياره

تعبت اكمل وياكم بعدين واي سؤال انا حاضر

المشاركة الأصلية كتبت بواسطة الاستاذه دره
http://www.arabtravelersforum.com/tr...2/#post1519622

بو باسل جزاك الله كل خير للرد والفائده
بس ممكن توضح لو بكلمتين ليه ما في مقارنه ؟؟؟؟



وايش افضل للسكن في لوس انجلس فندق او شقه للعائله وكم تقريبا متوسط الاسعار
وشكرا بارك الله فيك حمستنا على اورلاندو
بس بعد ما تجاوب على ليه مافي مقارنه نقرر نهائي
والله يسخرلك رئيسك بالعمل ويكب عليك الاجازات كب لين تقول
(خلالالاص مابي غصب اخذ اجازه مابي)



اذا ممكن انا اجاوب ليش مافي مقارنة

1- الامريكان اخف طينة من الانجليز
2- الامريكان يحبون الرهاة تلقين كل شي راهي عندهم( اذا رحتي مطعم تطلبين حق واحد وياكلون فيه 3 انفار) والغرف راهية وكبيرة
3- الاسعار بامريكا ارخص بوايد من انجلترا
4- الامريكان حبوبين وطيبين ويحبون يساعدون
5- الانشطة والاماكن السياحية اكثر
6- البلد اجمل

المشاركة الأصلية كتبت بواسطة ناصر كويتي
http://www.arabtravelersforum.com/tr...0/#post1519390

نتكلم عن اورلاندو

السكن مهم جدا في هذه المنطقه وانا انصح بشده السكن في شارع الانترنشايونال درايف لما للشارع هذا اماكن سياحيه وترفيهيه والعاب ومطاعم واسواق وفنادق وهو اشهر شارع في اورلاندو


واذا كنتوا عايله انصحكم بالسكن في الامباسي سويت انترناشيونال درايف الفندق هذا من كثر ما مدحته يعتقد الواحد لي فيه نسبه هههههههههههه





ذكرتني بأورلاندو ياااحلوها

اختي دره اذا مارحتيلها لازم تشوفينها
لاتطوفج

وانا ارشح فندق شيراتون فيزيتانا فيلدج في الانترناشيونال درايف

وهذا الرابطhttp://www.starwoodhotels.com/sherat...villages_53006
اخذنا منهم سويت فيه غرفتين نوم وصالة ومطبخ وطاولة اكل ل6 اشخاص وكذلك غسالة ونشافة وجيكوزي بغرفة النوم صج وناسة

المشاركة الأصلية كتبت بواسطة الاستاذه دره
http://www.arabtravelersforum.com/tr...2/#post1519622

بو باسل جزاك الله كل خير للرد والفائده
بس ممكن توضح لو بكلمتين ليه ما في مقارنه ؟؟؟؟



وايش افضل للسكن في لوس انجلس فندق او شقه للعائله وكم تقريبا متوسط الاسعار
وشكرا بارك الله فيك حمستنا على اورلاندو
بس بعد ما تجاوب على ليه مافي مقارنه نقرر نهائي
والله يسخرلك رئيسك بالعمل ويكب عليك الاجازات كب لين تقول
(خلالالاص مابي غصب اخذ اجازه مابي)



استاذه دره

انا تعودت على لندن منذ الصغر وكانت رحلاتي لها للعلاج


وبعدين اروح لها في الثمانينات للربع يدرسون في مانشستر وكنت سنويا اروح لهم واقعد الصيف عندهم يعني اعرها عدل واعرف شوارعها واسوق فيها سياره

لندن بالنسبه لامريكا صغيره جدا لكن الحلو اللي فيها انج ما تحتاجين سياره اغلب الاحيان تكسي

الاسواق فيها متلاصقه والاسعار ناااار

المعيشه نار الاكل والشراب هم نار كل شي فيها غالي


امريكا بلد مفتوح اي مجمع فيها يسوا مجمعات في لندن واسعرهم رخيصه وجوده البضاعه عندهم افضل لانهم مايبيعون اي شي لازم الضاعه تكون عندهم مصنفه وعلى درجه عاليه من التصنيع
واذا قالوا في تخفيضات فهم يعنون هالكلمه بالضبط مو نفس الانجليز تخفيضات من اجل سلب اموال العرب


لندن قديمه نوعا ما وليست متطوره على عكس امريكا كل شي فيها الكتروني حتى اسواق يوم الاحد او السندي ماركت تشوفيه فيها اله للسحب الالي او الفيزا في المحلات

التعامل مع الامريكان شي رائع فهم ناس ودودين واجتماعيين جدا واي واحد يمشي بالشارع وتشوفه وتخزه اكيد ينزل راسه لك يعني يحييك

الاكل والشرب عندهم بلاش وما اذكر مره اكلت اكلي كله من كبر الطبق اللي يسوونه

اعتقد كل هذا كافي ان مافي مقارنه مع امريكا



بالنسبه للسكن في لوس انجلس اذا حصلتي شقه لمده شهر اخذيها على طول افضل على الاقل تقدرين تروحين لاي مكان وترجعين لشقتج مثلا ثلاث ايام في لاس فيغاس

ثلاث ايام في سان فرانسيسكو

ثلاث ايام في سان دييغو

اعتقد الشقه افضل وانا انشاء الله احاول اشوف لي شقه افضل عل الاقل الواحد يقدر يطبخ فيها اكلات كويتيه بين فتره وفتره

الله يسمع منج ويعطيني المدير اجازة بس الحين مابيها مافي وقت نسافر فيه

لكن السنه الجايه غصب عليه طالع ان شاء الله

المشاركة الأصلية كتبت بواسطة yara.g
http://www.arabtravelersforum.com/tr...5/#post1520265

مرحبا وانا وياكم السنة الجاية ناوين امريكا واتمنى احد يرتب لي الرحلة احنا 2 كبار وطفلين بعمر سنتين وخمس سنوات ناوين نقعد شهر وحطينا ميزانية بحدود 50000 ريال سعودي اهم شي احب الجو الحلو واكرة الحر مبدئيا ناوين كاليفورنيا ولاية ثانية :114: اش رايكم




اعتقد ان الميزانيه كافيه بس بدون مشتروات كثيره


الجو في لوس انجلس جميل بس بدون امطار لكن سان فرانسيسكو برد وهي بنفس الولايه كاليفورنيا



انصحج تروحين لاس فيغاس لكنها حاره مثل الرياض بس بالليل الجو حلو ولطيف لكنها روعه وحرام الواح يطوفها وتبعد ثلاث ساعات بالسياره

وبعد سان دييغو رائعه وتبعد ساعتين عن لوس انجلس

المشاركة الأصلية كتبت بواسطة أم علاوي
http://www.arabtravelersforum.com/tr...3/#post1519773

ذكرتني بأورلاندو ياااحلوها

اختي دره اذا مارحتيلها لازم تشوفينها
لاتطوفج

وانا ارشح فندق شيراتون فيزيتانا فيلدج في الانترناشيونال درايف

وهذا الرابطhttp://www.starwoodhotels.com/sherat...villages_53006
اخذنا منهم سويت فيه غرفتين نوم وصالة ومطبخ وطاولة اكل ل6 اشخاص وكذلك غسالة ونشافة وجيكوزي بغرفة النوم صج وناسة




الفندق هذا روعه ويستحق الزياره واسعاره مناسبه جدا يعني ما يتعدى 200 دولار اذا حجزتوا بالنت وكل ما حجزتو بدري يكون السعر ارخص طبعا

ام علاوي
بارك الله فيك على التوضيح واستفادة الجميع
ناصر كويتي
فعلا كفيت ووفيت وما قصرت الله يسهل امرك
بس طلع عندي سؤال عن -- منطقة كسيمي في اورلاندوا والفنادق فيها او السكن كيف
والمنطقه الجبليه -- ذا قريت سموكي ماونتنز .. The Great Smoky Mountains --
كيف الوصول لها من فلوريدا وكم ساعه وهل يوجد قطار يوصل لها والامان كيف
وفيها عرب يعني وتصلح للصغار والشباب يعني نجلس فيها كم يوم ندور البراد وبدون ملل
! ما صار سؤال صار اسئلة اختبار بس معليش مقدر احذف شي منها وبالمره نختبر معلوماتك ونستفيد
وشكراا لك والله يسخرلك من يخدمك

المشاركة الأصلية كتبت بواسطة الاستاذه دره
http://www.arabtravelersforum.com/tr...6/#post1520986


ام علاوي
بارك الله فيك على التوضيح واستفادة الجميع
ناصر كويتي
فعلا كفيت ووفيت وما قصرت الله يسهل امرك
بس طلع عندي سؤال عن -- منطقة كسيمي في اورلاندوا والفنادق فيها او السكن كيفمنكقه كسيمي جميله وبالقرب من ديزني لاند وفيهاالشارع الشهير شارع كسيمي وفنادقها بالالاف من موتيل الى فندق درجه اولى واسعارهم انا شفتها من خلال اللوحات اللي يحطونها على الشارع تبدي من 20 دولار وهو موتيل تكون الغرف بشكل حرف اليو بالانجليزي من ثلاث ادوار وحمام السباحه يكون بالخلف ومواقف السيارات تكون في المنتصف ويصلح فقط للشباب اما للعوايل ما ينفع ابد


لكن في فنادق منتجعات والعاب ومحلات كثيره ويمتاز الشارعالشهير بعلامات تبدي من رقم واحد وتكون كالبرج وعلى اليمين واليسار وكل محل او مطعم يضع رقم العلامه هذي للدلاله على مكانه


والمنطقه الجبليه -- ذا قريت سموكي ماونتنز .. The Great Smoky Mountains --
كيف الوصول لها من فلوريدا وكم ساعه وهل يوجد قطار يوصل لها والامان كيف
وفيها عرب يعني وتصلح للصغار والشباب يعني نجلس فيها كم يوم ندور البراد وبدون مللللاسف ما رحت للمنكقه هذي وما اقدر افيدج باي شي كل الاسف اختي
! ما صار سؤال صار اسئلة اختبار بس معليش مقدر احذف شي منها وبالمره نختبر معلوماتك ونستفيد
وشكراا لك والله يسخرلك من يخدمك



بالعكس ياليت تسالين اي شي علشان اقدر اجاوبج بشكل موسع

المشاركة الأصلية كتبت بواسطة أم علاوي
http://www.arabtravelersforum.com/tr...0/#post1521780

تتميز هذه المنطقة بان السكن فيها رخيص تقدرين تاخذين فيها فيلا بسعر ممتاز لكن عيبها انها شوي بعيده عن الديزني والانترناشونال درايف International Drive هو الافضل للسكن



كأنكم تتكلمون عن رحلتي ..

بالنسبه لكيسيمي أنا سكنت فيها بشقه تكلفتها اليوميه 80 دولار قبل ثلاث ايام..

الشقه ماشي حالها .. بس اللي يحب الترف ما تصلح له ...

وبعدين كيسيمي موب بعيده عن عالم دزني ..

كلها 20 دقيقه وانت فيها ..

شقه بغرفتين وصاله وحمام = 80 دولار تبعد عن دزني لاند 20 دقيقه صعب تحصله ..

على كل حال أورلاندوا واجد عليها ثلاث ايام ..

يومين لدزني لاند ويوم لأورلاندو ..

وباقي الاجازة في ميامييييييييييييييييييييييييي :24::24::24::24:

المشاركة الأصلية كتبت بواسطة الرصاصي
http://www.arabtravelersforum.com/tr...9/#post1521989

كأنكم تتكلمون عن رحلتي ..

بالنسبه لكيسيمي أنا سكنت فيها بشقه تكلفتها اليوميه 80 دولار قبل ثلاث ايام..

الشقه ماشي حالها .. بس اللي يحب الترف ما تصلح له ...

وبعدين كيسيمي موب بعيده عن عالم دزني ..

كلها 20 دقيقه وانت فيها ..

شقه بغرفتين وصاله وحمام = 80 دولار تبعد عن دزني لاند 20 دقيقه صعب تحصله ..

على كل حال أورلاندوا واجد عليها ثلاث ايام ..

يومين لدزني لاند ويوم لأورلاندو ..

وباقي الاجازة في ميامييييييييييييييييييييييييي :24::24::24::24:



هلا بالرصاصي معقوله ثلاث ايام لاورلاندو

ما تكفي واورلاندو مو بس ديزني وينيفيرسال منطقه متكامله فيها كل شي

وانا ما ارتحت لميامي لانها مخصصه للشباب فقط اما للعوايل اعتقد راح يتضايقون من كل شي هناك

وطبعا الناس اذواق
مع الشكر لك لردودك

المشاركة الأصلية كتبت بواسطة أم علاوي
http://www.arabtravelersforum.com/tr...0/#post1521780

تتميز هذه المنطقة بان السكن فيها رخيص تقدرين تاخذين فيها فيلا بسعر ممتاز لكن عيبها انها شوي بعيده عن الديزني والانترناشونال درايف International Drive هو الافضل للسكن





اختي ام علاوي حبيت اوظح نقطه هني ان كسيمي اقرب شي لديزني لاند لكنها بعيده عن الانترناشيونال درايف والسكن فيها رخيص وفيها الكثير من الفعاليات وهي المنطقه القديمه لاورلاندو والحركه فيها ماشاء الله ليل ونهار

3اسابيع في كاليفورنيا واسبوع في سياتل او 3 اسابيع كاليفورنيا واسبوع في اورلاندو ايهم الافضل:114:

المشاركة الأصلية كتبت بواسطة yara.g
http://www.arabtravelersforum.com/tr...7/#post1522417

3اسابيع في كاليفورنيا واسبوع في سياتل او 3 اسابيع كاليفورنيا واسبوع في اورلاندو ايهم الافضل:114:





3اسابيع في كاليفورنيا افضل وما يمديكم بعد تخلصونها وارولاندو هم حلوة واسبوع تقدرين تشوفين كل شي وسياتل حلوه وبارده وممطره واقرب لكاليفرونيا من اورلاندو

اعذروني حبايبي عالرد المتأخر..

اخوي ناصر كويتي, انا قعدت بمينيسوتا 5 شهور .. من شهر 12 الي طاف لين شهر 4 ولكن قعدنا
بمنطقه تبعد عن منيابلس ساعه واحده بالسياره تقريباً وكانت رحلتنا للعلاج وتسيحنا هناك ..

المدينه الي سكنا فيها اسمها روشستر.. جان ماره عليك؟ الي فيها عيادات المايو كلينيك ..

المهم يعني ان شاء الله كتبوا لنا مراجعه السنه الجايه باذن الله تعالى لمده شهر.. والصراحه
ابي احلل هالشهر هذا يعني لو تعطيني العناوين مالت الداون تاون او وينها عن المول اوف امريكا
طال عمرك :109:

وبالنسبه لنا احنا والأهل قررنا نخليهم فلوريدا و كاليفورنيا .. وبردتنا نقعد بنيويورك يومين ان شاء الله ..

بس انا قاعد احاول اقنع الأهل على لاس فيقاس :109:.. نسيبي توه راد منها يقول انها غاليه حيل
بس حلوه جدا جدا فهل يعني غاليه نفس لندن؟

وبس شرايك يعني بالمخطط .. مينيسوتا شهر ,فلوريدا أسبوع , كاليفورنيا أسبوع , نيويورك يومين .. ( ان شاء الله )

الصراحه ادري ان 2 ماراح تكفي على نيويورك .. بس شنسوي الأهل يقولون بنجرب ونلحق خير ان شاء الله ..

وطبعا على كلامك عن شعب مينيسوتا .. ففعلاً والله شهادتي فيهم مجروحه , شعب ودود وحبيب والله يدشون القلب بسرعه حيل.. حبيت هالولايه من كل قلبي وحبيت شعبها ..

وبالنسبه للمول . تخيل طول هالـ 5 شهور ماقدرنا نخلصه من كبره. اصلا يقولك اكبر سوق بأمريكا على
الإطلاق.. وانا اي والله انك صاج ولايه ال 10000 بحيره .. ياحلاتها من ولايه .

وعاد الله الله اخوي ناصر عطنا رايك بمخططي .. وناطرين الجدول الي بتسويه لنا :109:
وجزاك الله خير اخوي ناصر.

هذي بعض الفيديوات لديزني لاند أورلاندو .





فيديوات للكرنفالات في ديزني لاند .

السـلام عليكم اختـي Uk Lover بالنسبة لفيجـاس أول مرة أسمع إنها غاليـة .... بالعكس فيجاس مافي أرخص من فنادقها !! إحنـا شكثر سافرنـا و رحنـا فنادق فخمة .... ما شفت مثل فخامة فنادق فيجاس و رخصها بنفس الوقت !! ما في مجال تقارن أبداً أي مكـان بالعالم بمستـوى فنادق فيجاس

اخـوي نـاصــر ..... الصــراحـة تستحق يحطونك بالبوابـــة المشرف السياحـي لبوابــة أمريكا الشماليـة و فعلاً تستحقهـا عن جدارة ..... الله يعطيـك العافيـــــة و جــزاك الله خيـــــــــر

هلا والله Luxury_Traveller حياك الله معانا







المشاركة الأصلية كتبت بواسطة Luxury_Traveller
http://www.arabtravelersforum.com/tr...5/#post1524615

اخـوي نـاصــر ..... الصــراحـة تستحق يحطونك بالبوابـــة المشرف السياحـي لبوابــة أمريكا الشماليـة و فعلاً تستحقهـا عن جدارة ..... الله يعطيـك العافيـــــة و جــزاك الله خيـــــــــر



الأخ ناصر معروف بحبه للمساعده علشان جذي انا طلبته بالاسم

المشاركة الأصلية كتبت بواسطة UK Lover
http://www.arabtravelersforum.com/tr...8/#post1524578

اعذروني حبايبي عالرد المتأخر..

اخوي ناصر كويتي, انا قعدت بمينيسوتا 5 شهور .. من شهر 12 الي طاف لين شهر 4 ولكن قعدنا
بمنطقه تبعد عن منيابلس ساعه واحده بالسياره تقريباً وكانت رحلتنا للعلاج وتسيحنا هناك ..

المدينه الي سكنا فيها اسمها روشستر.. جان ماره عليك؟ الي فيها عيادات المايو كلينيك ..

المهم يعني ان شاء الله كتبوا لنا مراجعه السنه الجايه باذن الله تعالى لمده شهر.. والصراحه
ابي احلل هالشهر هذا يعني لو تعطيني العناوين مالت الداون تاون او وينها عن المول اوف امريكا
طال عمرك :109:

وبالنسبه لنا احنا والأهل قررنا نخليهم فلوريدا و كاليفورنيا .. وبردتنا نقعد بنيويورك يومين ان شاء الله ..

بس انا قاعد احاول اقنع الأهل على لاس فيقاس :109:.. نسيبي توه راد منها يقول انها غاليه حيل
بس حلوه جدا جدا فهل يعني غاليه نفس لندن؟

وبس شرايك يعني بالمخطط .. مينيسوتا شهر ,فلوريدا أسبوع , كاليفورنيا أسبوع , نيويورك يومين .. ( ان شاء الله )

الصراحه ادري ان 2 ماراح تكفي على نيويورك .. بس شنسوي الأهل يقولون بنجرب ونلحق خير ان شاء الله ..

وطبعا على كلامك عن شعب مينيسوتا .. ففعلاً والله شهادتي فيهم مجروحه , شعب ودود وحبيب والله يدشون القلب بسرعه حيل.. حبيت هالولايه من كل قلبي وحبيت شعبها ..

وبالنسبه للمول . تخيل طول هالـ 5 شهور ماقدرنا نخلصه من كبره. اصلا يقولك اكبر سوق بأمريكا على
الإطلاق.. وانا اي والله انك صاج ولايه ال 10000 بحيره .. ياحلاتها من ولايه .

وعاد الله الله اخوي ناصر عطنا رايك بمخططي .. وناطرين الجدول الي بتسويه لنا :109:
وجزاك الله خير اخوي ناصر.



هلا والله اختي يوكي لوفر انا ادري انج رحتي لمينيسوتا وكنت متواصل وياج العام بالصيف والحمدلله على سلامت اختج واجر وعافيه

اعرف منطقه روشستر ومايو كلنك الكبير جدا

بالنسبه للداون تاون والله سهل جدا كانت في وحده بالرسبشن مصريه وامها بعد تشتغل في الدكان اللي في الفندق وابوها سايق الباص يعني كرمونا بعطفهم لدرجه ما تتصورين وكانو يبيون يساعدونا باي شي وبارخص الاسعار يقولون لنا اخذوا التروماي ( المترو) رخيص وتقدر تنزل في الداون تاون اللي اذكره تارغت وبعض المحلات الكبيره لاني وصلتهم ورديت ما نزلت كلش

منو يقول فيغاس غاليه حرام عليج ارخص ولايه شفتها في حياتي انا ساكن فندق 5 نجوم هلتون فكيشن كلوب ب 90 دولار تصوري غرفه وصاله وجاكوزي ومطبخ كامل وحمامين وانتي بكرامه والفندق هاي جدا وعلى السترب بس الحلو اللي فيه مافيه كازينو

والرخص هناك ماينوصف بس الجو راح يكون حار جدا بالصيف الله يعينكم بس خلو الطلعه بالليل لان كل شي فاتح 24 ساعه باليوم مافي مشكله عندهم

جدولج حلو بس لو تحطين الخريطه راح تشوفين انج تطبين في الشمال وبعدين الغرب وبعدين قصى الجنوب

يعني اول شي مينيسوتا وراها كاليفرونيا ومنها تروحون فيغاس بالسياره واذا خلصتوا اورلاندو 5 ساعات بالطياره

ومن اورلاندو الى نيويورك ساعتين بس جذي الواحد ما يتعب


والله يوفقكم ويشفي اختج ويرجعها سالمه ان شاء الله

المشاركة الأصلية كتبت بواسطة أم علاوي
http://www.arabtravelersforum.com/tr...2/#post1524632

هلا والله Luxury_Traveller حياك الله معانا



الأخ ناصر معروف بحبه للمساعده علشان جذي انا طلبته بالاسم




انا حاضر يا ام علاوي وبالشوفه طال عمرج لو تحطين لي نقاط او اسئله اسهل وايد ارد عليهم


ملاحظه ولدج علاوي للحين يبجي بدلي الحفاظه ناسيته الله يهداج :109:

المشاركة الأصلية كتبت بواسطة ناصر كويتي
http://www.arabtravelersforum.com/tr...9/#post1524679

ملاحظه ولدج علاوي للحين يبجي بدلي الحفاظه ناسيته الله يهداج :109:



هع هع مو خوش أم

انا عندي سؤال الحين يا اخوان للي عنده خبره, قبل اسبوع تقريبا حولوا جوازاتنا دبلوماسيه
والفيزا موجوده بالجواز الأزرق القديم .. هل الفيزا صالحه يعني لي بغيت اروح امريكا اخذ الجوازين
معاي .. ولا اقدم على فيزا مره ثانيه؟

المشاركة الأصلية كتبت بواسطة UK Lover
http://www.arabtravelersforum.com/tr...2/#post1524932

انا عندي سؤال الحين يا اخوان للي عنده خبره, قبل اسبوع تقريبا حولوا جوازاتنا دبلوماسيه
والفيزا موجوده بالجواز الأزرق القديم .. هل الفيزا صالحه يعني لي بغيت اروح امريكا اخذ الجوازين
معاي .. ولا اقدم على فيزا مره ثانيه؟



حسب معلوماتي المتواضعة انك تدبس الجواز القديم مع الجديد

الأخ العزيز ناصر ... لو تكرمت تفيدني في تعبئة فورم 156 في سؤال المرافقين كتبت اسماء عائلتي فهل اعيد كتابة الأسماء في فورم كل فرد من افراد العائلة ام يكفي ذكرهم في ابلكيشن رب الأسرة ؟
آمل الإجابة .. وإن كانت اجابتك صحيحة سأكافئك بسؤال آخر

اخي العزيز ممكن تساعدني في ترتيب رحلتي الى كاليفورنيا 3اسابيع واسبوع اورلاندوا من حجز طيران وحجز فنادق وحجز سيارة :106:

المشاركة الأصلية كتبت بواسطة UK Lover
http://www.arabtravelersforum.com/tr...2/#post1524932

انا عندي سؤال الحين يا اخوان للي عنده خبره, قبل اسبوع تقريبا حولوا جوازاتنا دبلوماسيه
والفيزا موجوده بالجواز الأزرق القديم .. هل الفيزا صالحه يعني لي بغيت اروح امريكا اخذ الجوازين
معاي .. ولا اقدم على فيزا مره ثانيه؟



مافي مشكله تاخذين الجواز القديم والجديد لان الفيزا صالحه بس يشترط ان يكون الاسم نفس الشي بالجوازين

المشاركة الأصلية كتبت بواسطة ماء صداء
http://www.arabtravelersforum.com/tr...4/#post1526914

الأخ العزيز ناصر ... لو تكرمت تفيدني في تعبئة فورم 156 في سؤال المرافقين كتبت اسماء عائلتي فهل اعيد كتابة الأسماء في فورم كل فرد من افراد العائلة ام يكفي ذكرهم في ابلكيشن رب الأسرة ؟
آمل الإجابة .. وإن كانت اجابتك صحيحة سأكافئك بسؤال آخر



ياليت تراجع الاستفسارات في الفيزا من خلال البوابه لانها شامله كل شي


ويجب عليك ايضا كتباه اسماء المرافقين في نفس الابليكيشن

المشاركة الأصلية كتبت بواسطة yara.g
http://www.arabtravelersforum.com/tr...3/#post1543383

اخي العزيز ممكن تساعدني في ترتيب رحلتي الى كاليفورنيا 3اسابيع واسبوع اورلاندوا من حجز طيران وحجز فنادق وحجز سيارة :106:



ما ادري من وين تبي تسافر اولا وعدد الافراد ياليت تحط التفاصيل

اولا اشكرك على الرد احنا2 كبار مع طفلين 6 سنوات و3سنوات من الخبر ميزانية السفرة 50000 الف ريال ناوين السفر انشاء اللة شهر 8

المشاركة الأصلية كتبت بواسطة yara.g
http://www.arabtravelersforum.com/tr...5/#post1551155

اولا اشكرك على الرد احنا2 كبار مع طفلين 6 سنوات و3سنوات من الخبر ميزانية السفرة 50000 الف ريال ناوين السفر انشاء اللة شهر 8



الميزاينه كافيه جدا

وعدد الافراد مناسب جدا يعني اذا تبي تسكن في كاليقورنيا راح اعطيك فندق بس لازم تاجر سياره مع جهاز النفيكيشن تقدر تاجره من السياره او تشتريه من بلدك او من هناك ارخص


السكن راح يكون في منطقه داوني وهي بالمنتصف كل شي قريب منك منطقه انهايم اللي فيها ديزني لاند ومنطقه هولييود اللي فيها يونيفيرسال ستوديو كلها قريبه منك والمنطقه هاديه جدا ومافيها مشاكل ولا زحمه


ابيك تسكن في هذي المنطقه اسبوعين ومن بعدها تروح سان دييغو بالسياره مسافه ساعتين
المده في سان دييغو من ثلاث الى الربع ايام ومن بعدها

تروح لاس فيغاس بالسياره من 3 الى 4 ساعات منظر راااااااائع والطريق اروع وتسكن هناك 4 ايام والفنادق رخصه جدا وممتازه وكلها 5 نجوم اذا مو اكثر


ومن فيغاس الى سان فرانسيسكو الرائعه الطريق تقريبا 6 ساعات من اروع الطرق اللي مشيتها في امريكا طرق جبليه رائعه واستراحات راقيه ومنظر المزارع على طول الطريق يخلي الواحد بس يصور وهو ماشي


وطبعا فرانسيسكو على قد ما تقدر تقعد فيها ما تمل منها ومن جمالها

وبعدين ترجع الى لوس انجلس وتقدر تسافر الى اورلاندو بالطياره طبعا ومنها الى بلدك

هذا برنامج سريع جدا

اذا اعجبك اقدر اعطيك تفاصيل الرحله ووين تروح وشنو تزور بس الموفقه منك اولا على البرنامج

وبعدين ان شاء الله نتكلم في التفاصيل

مررررة عجبني البرنامج لدرجة مني قادرة انتظر شهر 8

يعطيك الف عافيه اخوي ناصر كويتي كفيت ووفيت

وانا اقراء الموضوع اقول بنفسي بس وصلت هذا الي ادور عليه

احنا باذن الله ناوين نسافر لامريكا الصيف الجاي
وقلنا التخطيط يكون من الان

فاليت ترتبلنا سفره لامريكا لمده شهر

تسلم اخوي

طيب عندك اقتراحات لجدول رحلتي؟؟

مرحبا اخ ناصر اولا الحمد اللة على السلامة ممكن تساعدني بحجز فنادق في لوس انجلوس سانديغو سانفرنسيسكو واعطيني رايك :106:في البرنامج حقي نيويورك 3 ايام اورلاندو اسبوع ومنها على لاس فيجاس 4 ايام منها على لوس انجلوس اسبوع منها على سانديغو 4 ايام منها على سان فرنسيسكو 4 ايام منه على السعودية

المشاركة الأصلية كتبت بواسطة yara.g
http://www.arabtravelersforum.com/tr...0/#post1674990

مرحبا اخ ناصر اولا الحمد اللة على السلامة ممكن تساعدني بحجز فنادق في لوس انجلوس سانديغو سانفرنسيسكو واعطيني رايك :106:في البرنامج حقي نيويورك 3 ايام اورلاندو اسبوع ومنها على لاس فيجاس 4 ايام منها على لوس انجلوس اسبوع منها على سانديغو 4 ايام منها على سان فرنسيسكو 4 ايام منه على السعودية



هلا اخوي جدولك يبيله ترتيب شوي


اولا نيويورك حلوه ثلاث ايام خصوصا انها غاليه شوي

من نيويورك الى لوس انجلس ترتاح فيها لمده اسبوع مو غلط لكنها مو كافيه ابد

سان ديغو خلها بعد زيارتك للوس انجلس لانها تبعد ساعتين فقط

فيغاس في السياره تروح لها ثلاث ساعات طريق ولا اروع ومنها تروح الى سان فرانسيسكو ثمان ساعات طريق خيالي ولا اروع والمزارع والجبال الواحد وده يوقف بس ويصور

وبعدين ترجع الى بلدك سالم غانم


انصح وبشده في الاشتراك حاليا في سلسله فنادق هلتون وهي تضم فنادق جميله بكل امريكا ولك خصم خاص اذا اشتركت وياهم وايضا لك نقاط لكل ليله تقضيها وياهم الاشتراك سهل جدا تدخل موقع هلتون وتروح حق الهونرز وتشترك وموقع امن جدا


انصحك اذا معاك عايله تختار فندق امباسي سويت في كل الولايات اللي ذكرتها سابقا وموقع الفندق رائع وهو سويت لعايله من اربع اشخاص واغلاهم اللي في نيويورك تقريبا 190 دولار حاليا وهو تابع لهلتون
وخدمته ممتازه والحلو اللي فيه انهم مخصصين موضفين عرب لكل فندق وهم من الجنسيه المصريه وهم ودودين جدا ويقدمون لك النصيحه

هذا مقترخي واتمنى انه يعجبك

اهلين ممكن اسم الفندق اللي في منطقة داوني؟

الاخ ناصر الكويتي انقطع عن المنتدى وابدى انسحابه في ظروف غامضه

زيــن اخوي سواح شكلك تعرف ناصر كويتي .... اذا امكن تبلغه إن يـرد و اذا مو علاشان نفسه على الأقل علشان الإخوان و الإخوات في المنتدى .... يعني ماشاءالله هو إنسان متعاون جدا و ما يقصر على رواد المنتدى بأي شي إضافة إلى إنه مجرب و رايح وايـد ولايات ... بس قوله خلا يــرد و يترك الزعل على الأقل علشان الناس الي محتاجين بعص المعلومات

المسأله مافيها زعل ولا شي بس عزه نفس لانه تم توقيفه من قبل الاداره وهو صاحب المجهود الكبير وكل هذا ما شفع له وبجره قلم تم توقيفه بسهوله

انا حاولت فيه خصوصا انه من الاعضاء الفعالين في المنتدى لكن الرجال شرح لي ظروفه واقنعني


انا حاضر لاي سؤال وعندي موضوع لاي سؤال في بوابه امريكا


كل الشكر ام احمد والحبيب امباكت اركداش

أخي سواح كويتي وليش الادارة توقفه ؟الرجال ما عمره سوى شي غلط بالعكس يساعد الكل ودايما تقاريره روعة--

المشاركة الأصلية كتبت بواسطة mera30
http://www.arabtravelersforum.com/tr...2/#post1792612

أخي سواح كويتي وليش الادارة توقفه ؟الرجال ما عمره سوى شي غلط بالعكس يساعد الكل ودايما تقاريره روعة--




هذا شي بينه وبين الاداره وما علمني عليه لاحترامه للاداره

المشاركة الأصلية كتبت بواسطة ناصر كويتي
http://www.arabtravelersforum.com/tr...0/#post1799830

كل الشكر لكم على السؤال واحب اقولكم بان سبب ابتعادي انتهى ( اسمحولي شغله شخصيه بحته )


لكني سوف اتواجد في بوابه الكويت لان بوابه امريكا في ايد امينه خصوصا ان الغالي امباكت مشرف لها وسواح خبير وبنت الصقور شمس الشموس متواجده بشكل يومي


اخوكم بو باسل




الحمدلله انك رجعت لنا اخيرا طبعا بعد الحنه اليوميه على راسك لكن اذا الاسباب زالت والحمدلله سوف نكون سعداء بوجودك معنا ولا ما نستغني عنك وعن توجيهاتك لانك صاحب فضل كبير علينا

واعتقد بوابه الكويت تعرفك وتعرف مساهماتك وانت اللي كنت عميدها واخوانك اكيد ما يستغنون عنك وعن تجاوبك السريع


كل الشكر بو باسل والحمدلله على سلامتكم

أخواني الأعزاء على قلبي كثير ,,,

نـــــــــــاصـــــــــــر كـــويـــتـــي ,,, ســـــــــواح كـــــــــويــــتــــي

الحمدلله على العودة الجميلة وهذا التعاون الأكثر من رائع ويعلم الله كم أثلج صدري هذا التواجد الجميل لكما .

آآآآآآآآآآآآآآآآآآآسف جدآ على تطفلي ,,,,,,,,,, ولست هناء لأسأل عن خصوصيات بقدر ماأحببت أن أسطر كلمتين لأخي

العزيز (( ناصر كويتي ))

أخوي ناصر ,,

ليتك تعرف وش كثر ملكت قلوب تحبك في الله و تحترمك كثير ,,, لأحترامك ,, وأدبك ,, وطيب أخلاقك ,, وحبك للمساعدة

جميع الأسماء اللي قلتها وأضيف عليها الأخت العزيزة (( أم يوسف )) والأخت الكريمة (( أم أحمد )) وغيرهم الكثير

والنعم فيك وفيهم وصعب نستغني عن أحد منهم ,, والا شلون !!!!!!!!!!

تخيل حال عقد من الألماس ,, كلما زادت فيه حبة ألماس فريدة زاد جمالآ وقيمة أليس كذالك ؟؟؟؟؟؟؟؟؟؟ صدقني

هذا حالكم في هذا المكان الرائع (( الـــــــــعـــــرب الـــــمـــسافـــــرون ))


لكم مني جميعآ أرق وأعذب التحايا القلبية ودمتم سالمين ..

المشاركة الأصلية كتبت بواسطة السيناتـور
http://www.arabtravelersforum.com/tr...9/#post1800289

أخواني الأعزاء على قلبي كثير ,,,

نـــــــــــاصـــــــــــر كـــويـــتـــي ,,, ســـــــــواح كـــــــــويــــتــــي

الحمدلله على العودة الجميلة وهذا التعاون الأكثر من رائع ويعلم الله كم أثلج صدري هذا التواجد الجميل لكما .

آآآآآآآآآآآآآآآآآآآسف جدآ على تطفلي ,,,,,,,,,, ولست هناء لأسأل عن خصوصيات بقدر ماأحببت أن أسطر كلمتين لأخي

العزيز (( ناصر كويتي ))

أخوي ناصر ,,

ليتك تعرف وش كثر ملكت قلوب تحبك في الله و تحترمك كثير ,,, لأحترامك ,, وأدبك ,, وطيب أخلاقك ,, وحبك للمساعدة

جميع الأسماء اللي قلتها وأضيف عليها الأخت العزيزة (( أم يوسف )) والأخت الكريمة (( أم أحمد )) وغيرهم الكثير

والنعم فيك وفيهم وصعب نستغني عن أحد منهم ,, والا شلون !!!!!!!!!!

تخيل حال عقد من الألماس ,, كلما زادت فيه حبة ألماس فريدة زاد جمالآ وقيمة أليس كذالك ؟؟؟؟؟؟؟؟؟؟ صدقني

هذا حالكم في هذا المكان الرائع (( الـــــــــعـــــرب الـــــمـــسافـــــرون ))


لكم مني جميعآ أرق وأعذب التحايا القلبية ودمتم سالمين ..



كلماتك وسام على صدري وهذا هو الدافع اللي يجعلنا نستمر ونستمر في تواصلنا معكم وجزاكم الله خير

والله لا نطلب الا الاجر وبس