سواح كويتي، انت تقصد نفس الرفعة، نفس التلة؟ إذا هي، فما عندي أي فكرة، لكن من المواقف الطريفة
اللي صارت هناك، انه مرة يوسف ولدي، عمره 6 سنين، إقترح علينا ناخذ غدانا ونبسط في المكان اللي
قلت لك عنه:109: شدعوة! من قلة الأماكن؟؟؟
aboaziz ، يا هلا وسهلا بأبو عزيز ، نورت الموضوع وأشكرك على تقريرك اللي فادني كثير في نياجرا
كذلك أشكرك على المرور. حياك الله:106:.
nas ، تسلم ويعطيك العافية، ما قصرت أخوي:101:.
@عاشق الخيال@، أخجلت تواضعي:106:، أشكرك من كل قلبي، وحياك الله.
ابداع وراه ابداع يا ام يوسف
Impact، هذا بعض مما لديكم:106:
ام يوسف روعة والله :24::24::24::24::24::24::24::24::24::24::24::24::2 4::24::24::24:24::24: ماشاءالله عليج شا اقول وشيخى تصوير سرد معلومات مفيدة ومشوقة والله خسارة مارحنا هيرشى لكن مع تقريرج عيشتينا الجو :106: ام يوسف اتوقع رجل البطة العيال خذو منة في ديزني لاند بافلوراد بس مب حلو طعمة كن مدخن ماعجبني:105:
عزيزتي أم توتو، لا مب رجل البطة اللي كنت أشوفها في أورلاندو :36_1_2:، بصراحة شكلها مقرف
وين بعد طعمها؟؟ :109: والله اني من أشوف الأمريكان ياكلون سيقان البط في الحديقة أضحك عليهم،
الناس تاكل أسكريم، بوب كورن كوجبة خفيفة وهم مثل الوحوش ياكلون سيقان بط أو أعتقد انه كان ديك
رومي:109:، عموما حياج الله وأشكرج على المرور، ويارب تزورين هيرشي في المستقبل وانتي بالصحة
والعافية:106:.
il Bambini، عفية عليك:24: وإنت صح. بالنسبة للتمثال لا ما صعدنا فوق، مجرد مرينا مرور الكرام.
الهلالي88 و تاكي يا هلا فيكم:106:.
@عاشق الخيال@، تسلم وكلك ذوق.
سواح كويتي، المطيرجية فيهم ولع مب طبيعي للحمام فأول ما شفت الحمام تذكرتهم:109:
Queen، العفو حبيبتي، وحياج الله:101:
ام يوسف انتي رحتي في السوق الصيني ناحيه الاكل فقط الله يقرفهم ويا اكلهم الله يزيد النعمه
المفروض تروحين ق شارع وليه نسيت اسمه اللي فيه البضايع والاكسسوارات الرائعه والماركات التقليد والاجهزة وكل شي تقليد اتمنى انج رحتي له
البط اللي ذكرتيه هذا ماني عارف شنو قصته اشوفه في كل المحلات الاسيويين وخصوصا في شرق اسيا او اي حي صيني في العالم لازم يعقلون البط ليش ما ادري يمكن عندهم اعتقاد او شي الله اعلم
كل البط والدجاج اللي يعرض في المطاعم الصينية والتايلندية في كل أنحاء العالم ( ماعدا دول الخليج ) و ( وماليزيا إذا كانت علامة وكلمة حلال على لوحة المحل ) مساء الخير أول شي وأحس إني عفست الدنيا.
المهم كل البط والدجاج ( قغغغغغ ) مخنـــّــق يعني يالهوي يالهوي حرام.
أم يوسف تقرير خطير ورائع وجزاك الله خير.
لكن توبه أشوف تقرير مصور ونا صايم مره ثانية، خصوصاً إذا بيكون مثل هالتقرير.
ودمتم،،،
خلوني أخبركم بسالفة، إحنا لما طلعنا من ال China Town كانت الساعة تقريبا 6 ونص مساء،
وفي اليوم الثاني، الصبح واحنا بالفندق كنا حاطين على نشرة الأخبار المحلية. تصدقون تدرون شنو
أهم خبر؟؟؟ جريمة قتل في الChina Town :110: راح ضحيتها إمرأة صينية في الأربعينيات من عمرها،
وكانت الجريمة كما يقول المذيع قد حصلت في الساعة السابعة مساء :11_horror . وهنا رفعت يدي
في السماء وحمدت الله إننا خرجنا قبل ذلك الوقت بنصف ساعة:icon_chee.
وإحنا في الحي الصيني، كان في شارع قريب منه، إسمه الحي الإيطالي، لكنه صغير مقارنة
بالحي الصيني. الشارع كل اللي فيه مقاهي ومطاعم ومحلات الآيس كريم
راح نكمل جولتنا في الباص السياحي...
مرينا من مبنى الأمم المتحدة لكن للأسف بسسب الصغار قررنا بعدم دخول المبنى، لكني ألتقطت
صور من خارج المبنى:101:...
هذا المسدس موجود في مدخل المبنى وهو إهداء للأمم المتحدة من لوكسمبورج
أما الآن سنزور التايمز سكوير ، لكن حبيت أخبركم إن الزيارة كانت على يومين، يعني اليوم الأول كان
تمشية واليوم الثاني زرنا بعض الأماكن...
ولما بدا يحل الظلام، كنا ميتيين من الجوع والتعب:36_1_47: فقررنا نجرب من هالمطعم الهندي
..:24: كان عندهم بوفيه مفتوح، ويقولون أن أكلهم حلال
بعد الأكل:36_1_51: ، كان العودة للفندق...
إلى اللقاء:36_1_39:
المشاركة الأصلية كتبت بواسطة Um Yousef
http://www.arabtravelersforum.com/tr...5/#post1594905
عاشق نيو يورك، Impact، @عاشق الخيال@ وil Bambini ، وكل اللي يشاركون الموضوع، صدقوني لولا
مشاركاتكم وتفاعلكم معاي كان ما تحمست للتقرير. أشكركم جميعا على هذا التواصل. هذه المشاركات
أعتبرها تشجيع وتحفيز لي لكي أبدع وأعطي أفضل ما لدي.
وفقكم الله.
الله يعطيج العافية ووياج وياج للنهااااااااية
:24:
:113:
:x1:
@عاشق الخيال@، Impact ، coli تسلمون على هذه المشاركة والمتابعة. يعطيكم العافية:101:.
honeyMooner ،
Hotel at hershey عندهم باص يوصلك لهيرشي بارك وحديقة هيرشي والمتحف.يعني ممكن
تستغني عن السيارة. لكن نصيحة مني الأحسن إنكم تأجرون سيارة.
أنصحك ما تسكن في دايز ان اذا كنت رايح شهر عسل، أرشح لك الفندق الثاني( Hotel at hershey ) .
الله يبارك لكم ويوفقكم:106:.
ومازلنا في التايمز سكوير، نبحث عن مكان آخر نكتشفه ونستمتع فيه كما إستمتعنا في محل ال أم ان امز ...
واحنا نمشي قررنا ندخل:
Toys R Us
طبعا كلكم تعرفون هالمحل اللي يحبه الكبار قبل الصغار:109:، بس الي يتميز به هالمحل عن المحلات
الثانية أو الأفرع الثانية هو وجود هذه اللعبة الي نشوفها في مدن الملاهي...
صور من تويز آر آس من زوايا أخرى...
الحمدلله ان الله ستر عليكم بالحي الصيني لكن لو تتابعين الاخبار اختي ام يوسف ماراح تطلعين وانتي عشتي في نيويورك كم يوم اسالج سؤال كم مره سمعتي صوت سياره الاسعاف او المطافي اعتقد كل خمس دقايق
ونيويورك كل دقيقه في جريمه يعني شي عادي خصوصا في الحي الصيني لانها منافسه بين التجار
محل ام اند ام جميل جدا لكن اللي في لاس فيغاس اكبر واروع لكن هذا ما يمنع ان هذا المحل جميل ويستاهل الزياره
كل الشكر لاختنا ام يوسف على المجهود الكبير الي تسوينه
ميسون محمد، يا مرحبا فيج.
جامعي1 ، ان شاء الله راح أقرأ موضوعك اللي مبين عليه شيق.
الأخت العزيزة أم يــوسف .... ما أدري اذا باركت لـج بالشهر أو لا
مبارك عليج الشهر ولو إنهـا حيـــــــــــــــل جــت متأخرة .
الصراحـــة ما عنـدي أي كلمـة كافيـة توصف إعجابي بالموضوع ..... رحلة موفقة ماشاءالله و مرتبة و منظمـة و هـذا أساس نجاح الرحلـة تنظيمها من البدايـة ... ماشاءالله عليج ... شكلج مشتغلـة على تنظيم الرحلة و جمع المعلومات من فترة طويلة قبل الرحلـة ....
بس أنا بعرف إنـتي ركبتـي التلفريك الي في النياجرا فولز مع اليهال ؟؟ شكلـه يخرع !!
الرحلـة كانت طويلـة و فيها تنقلات نوعاً ما وايـدة .... شلون قدرتـي تمشين أمورج ؟ و خاصـة و إنتي عنـدج يهال صغار الله يحفظهم ..... عاد أنا بودي أعمل نفس الرووت مالكم تقريباً مع بعض التغيرات بس مو حابـة التنقل و أنا عنـدي 4 .... و أعمار مختلفـة و طبــــــــــــــــــــــــــــــــاع مختلفـة !! و أحط 50 خط تحت أطبـاع !! إنتي عارفـة اذا جـت العـرة لحـد من اليهال
الرحلـة مالت Maid of the Mist شكلها خطـر ؟ تصلح لليهال ..... و أنا أطالع الصـورة يتروالي كأنه القارب بينبلع بوسط الماي ....
سؤال ثانـي .... ليش اخترتي تروحين ميشيجن ؟ يعنـي تسوى الواحـد يزورهـا ؟
الأخت Luxury Traveller علينا وعليج يا عزيزتي:106:.
بالنسبة لتخطيط الرحلة، فعلا ما كان في يوم وليلة، كنت أبحث كثير وأسالكم في هالبوابة وبصراحة
ما قصرتوا معاي. التلفريك شكله يخرع بس لين تركبينه تحسين انه عادي، ما في أي مشكلة ان شاء
الله. يمكن احنا من بعد قطار الموت الي في اليونيفرسل صار عندنا مناعة من أي شي ثاني:109:.
بالنسبة للتنقلات مع الأطفال، أعترف لج ، هلكت:110:، فعلا الأطفال ما تنفع لهم سفرة من هالنوع
وانا مثلج، عندي وعندج خير، كل واحد من هالعيال له مزاج معين، يعني واحد تخصصه شطانة، والثانية
تخصصها صراخ وحنة:110:. لكن الحمد لله مشت الأمور، بس ما انصح اللي عنده أطفال يتنقل وايد
من ولاية مثلا لولاية. المفروض يكتفي بزيارة ولاية وزيارة مدينتين بالكثير.
رحلة Maid of the mist كانت حلوة ومب خطرة، يعني عليج تمسكين الصغار فقط لأنهم ممكن يطيحون
مع حركة القارب، أنا شفت الكثير من الناس اللي ما خذين عيالهم الصغار، وما في أي مشكلة.
ميشيجن هذي كانت مش للسياحة، ولكن كان عندي شوية إجراءات مع الجامعة MSU و لإستعادة
بعض ذكريات الطفولة، لأني عشت هناك سنتين لما كنت صغيرة.
أتمنى اني افتدج، واتمنى تزورين نياجرا الصيف القادم وانتي بالصحة والعافية، ويا هلا فيج:106:.
سواح كويتي، فعلا ،بدون مبالغة يمكن كل 5 دقايق نسمع سياره الاسعاف او المطافي.
أشكرك على المرور وعلى المتابعة:101:.
وش هذا يا ام يوسف
وش اللي سويتيه
؟؟
حرقتي امريكا حرق
تدرين عاد ياام قلب قوي
ياليتك أختي
:101:
ابداع في الصميم
لاحري أن يكتب هذا الموضوع بماءٍ من ذهب
ثم يعلق على بوابة العرب المسافرون
" لوحة فنية "
تنافس نقشاً
" لأحد جداريات "
" مايكل أنجلو "
ولكن في الابداع والتصوير
سلمت أناملك على هذا الموضوع
دمتي
بــــ
سلامة/وصحه/ وعافيه
تسلم ايدج على الصور والتقرير ما شاء الله لحين عندج صور :24:
ما خليتي شي وما صورتيه وانتي بس كنتي قاعدة تصورين طول الوقت حق المنتدى :109:
و يسوفي وطوفي وفوفو ما مصورتيهم الا شوي :105:
بس اقولج والله يستاهل المنتدى التعب والمجهود
الناس اللي هنا روووعة ويستاهلون التعب :24:
هالكثر تحبين المنتدى لازم يعطونك وسام على هذا المجهود وتستاهلين يا ام يسوفي
http://www.3zfm.com/up-pic
أم يوسف خسارة خلص تقريرج
والله وفيتي وكفيتي وما قصرتي
يلا ان شاء الله السنة الجاية تكون في رحلة حلووووة بس اخذيني معاج :101:
تسلم ايدج على هالتقرير الراااائع
http://www.3zfm.com/up-pic
http://www.3zfm.com/up-pic
Impact ، أشكرك على المتابعة المستمرة لتقريري، وان شاء الله ما يصير خاطرك إلا طيب.
************************************************** *******************
قبل أن أكتب لكم الجزأ الأخير من التقرير، حبيت أحط لكم المزيد من صور شوارع مدينة نيويورك...:24:
هالصورة هي لحبي وغرامي، شوكولاتة هيرشيز
و هذه لMacys الي ما كانت تعجبني بضائعه:109:
سيارة الأسكريم:tongue:
المفضلات