الموضوع: آه يا سويسرا والله انك غير تقرير مصور لرحلتي السويسرية

السلام عليكم جميعا ورحمة الله .....

بصراحة صار لي اسبوعين راجعة من سويسرا وابغي اكتب تقريري عن هذي السفرة بس والله مب هاين علي اني رجعت اه يا سويسرا والله اني غير جميلة سبحان الله بكل معنى الكلمة جميلة وبسبب الاجازة القصيرة لم اقض فيها سوى 9 ليالي تقريبا وانشاء الله المرة الجاية ابقى فيها شهر على الاقل ... يمكن اشبع منها مع اني ما اعتقد انه الواحد يشبع من هذا المكان ...


اخواني واخوات الاعضاء اشكركم جميعا لانني لولا الله ثم انتم لما فكرت في سويسرا بالذات ...
المهم انا مب شاطرة في الكتابة وسرد التفاصيل


ما عليه اتحملوني بحاول على كثر ما اقدر اني اجمع كل شي ...


احم احم ... رحلتنا كانت على الخطوط الاماراتية من دبي بتاريخ 8/8/2007 وكنا ما شاء الله قروب من 8 اشخاص وما بينا أطفال المهم وصلنا زيورخ الساعة 9:30 مساء بتوقيت سويسرا وكانت الشمس توها بادية تغرب ....


وهذي بعض الصور من زيوريخ ....










في زيورخ كنا حاجزين في فندق سويس أوتيل والفندق حلو وجنب محطة القطار وسعره فنان ...


خذنا جولة سريعة في زيورخ وثاني يوم تحركنا على مونترو ............... اه على مونترو ....

شو اقول عن مونترو وعلى فكرة هذي ثاني زيارة لي لسويسرا بس المرة اللي طافت رحنا لوزان هذي المرة ما لقينا حجز في فنادق لوزان فقلنا خلنا نشوف مونتريه لان لقينا حجز على فندق الجراند هوتيل سويس ماجستيك ....طبعا الفندق هذا تعيس بمعنى الكلمة ... تعبان على الاخر طبعا اطلالة الفندق روعة وقريب جدد من محطة القطار بس بصراحة من داخل تعبااااان جدا جدا جدا بالرغم من غلاء سعره والله ما اعرف على شووووو .... المهم على طول عنسلنا حجزنا فيه ودورنالنا بروحنا على فندق ثاني ولقينا في فندق ثاني من مجموعة البيست ويسترن وكان وايد اوكي واطلالته روعة وسعره احلى ... المهم نقلنا اغراضنا الفندق الثاني وهذا الفندق باين في الصور هو الفندق الابيض والازرق اعلى فندق على بحيرة ليمان ومطل مباشرة على البحيرة ... نزلنا وتمشينا في مونتريه والجو كان راااااائع والمطر طول اليوم والغيم نازل سبحان الله ولكم هذي الصور من مونترو ...











خذنا في نفس اليوم رحلة بحريه في بحيرة ليمان انطلقت الساعة 8 مساء وخذنا تقريبا ساعتين في البحيرة وثلجنا من البرد والمطر وكان يوم لا ينسى ..... بس سامحوني صور الرحلة البحرية ما وافتني فيهم اختي لين الحين ...


ثاني يوم في مونترو قررنا انه نزور مصنع النستله ...

[glint]ترقبوا باقي التقرير وفيه صور حصرية لاحلى كاكاو في العالم كاييه[/glint]


اشوفكم باجر انشاء الله مع الحلقة الثانية

مواضيع عشوائيه ممكن تكون تعجبك اخترناها لك:

• محتاااااجة مساعدتكم ضرورررري بخصوص انترلاكن
• شمال انترلكن
• لخبراء انترلاكن
• رحلتي الاولى الي اوروبا أحتاج مساعدتكم
• انترلاكن و جنيف و
• بخصوص التنقل بالسياره
• كم المسافة بين مدن اوروبا بالسيارة
• رحلتي المصورة إلى جنيف السويسرية
• استفسار عن مدينه زيورخ
• لماذا احترت كثيراً في ايجاد فندق مناسب بانترلاكن؟
• بعد باريس ياليت مساعدة
• ابغى جدول يوم
• ودي اسال عن بطاقات السويس كارد هاف
• ما أفضل وسيلة للتنقل لعائلة كبيرة جنيف إنترلاكن جنيف وداخل انترلاكن ؟
• استفسارات بسيطة لأهل الخبرة
• ممكن تساعدوني بالفنادق
• استفسار عن احداثيات الفنادق
• ابي الطريق من لوقانو الى انتر لاكن
• ساعدوني في الحجز ارجوكم
• تاكس فري من وين وغدا أغادر سويسرا متوجهه لفرانكفورت

الحمدلله على السلامة ياأم مريم ويعطيك العافيه على الصور الحلوه وبأنتظار لمزيد :1.1:

اي والله اسأليني انا مكتئبه لي اسبوع ماطلعت بعد السفره ابي سويسرا
والحمدالله على سلامتك وان شاء الله تسافرين لها قريب

اقول الي بيروح ياخذني وياه

ليش العذاب :110: من يوم رجعت وأنا أتصفح المنتدي :110: وعايشه علي الذكريات
وحالتي مآساه ... و لا لي بارد وكل يوم أطلب من الأهل نرجع سويسرا حتي لو يومين :110:
عزيزتي .... صورك رائعة وتقريرك سلس يعطيج العافية في أنتظار المزيد ......

ماشاء الله عليج ياام مريم

سجليني من المتابعين:101:

ان شاء الله بتابع اليوم الموضوع اليوم .... وعلى فكرة بو ريان في شي لك انت انتظرني وتابع التقرير
ومعقولة بو ريان ماراح لمصنع النستلة وهو راعي سويسرا !!!!!!!!

ما احلى الصور وننتظر الباقى ولا تنسين تكتبين اسم الفندق اللى سكنتوا فبه فى منترو

تقرير حلو تابعي واحنا معاك

من جد سويسرا غير الديره الوحيده اللي وانتي فيها ودك اجازتك تطول لسه افتكر اخر يوم لي وانا في جنيف وكيف قلبي كان معورني قبل مانروح منها لباريس لدرجة انه اختنا بالمنتدى صرئوعه اوي نفسيتها تعبانه من يوم رجعت من سويسرا ماودها ترجع وانا دايم ازيد لها الطين بله واقولها ((ياليتني مارحت جنيف ولاشفتكم ولا القلبي تولع بحبكم ياهلا بصرئوعه يااغلى البشر والله ماانساك لوطال الدهر واللي قال جنيف الموعد هناك بالسلامه ترجعون دياركم))

لووووووووووووووووول جواهر اتذكر شكلك وانتي تحكين لي

ااااااااااااااااااه ياجواهر لكم يحزنني جو الكآبة الي انا فيه الان لي اسبوع ماطلعت كله من جنيف كله منهم
كله من ابو عزيز وبوريان ( بينحذف ردي هههههههه) بس اهم شي تقرونه
واصلي ياام مريم احسك قريبه من افكارنا ( خنقتني العبره)

وش هالتعذيب ابقغد شهر اتخيل الشوكولاته..ماشاء الله تبارك الله.

الحمد لله على السلامه اختي..

الله يعطيك العافيه
ايش التواضع هذا انا ما اعرف اعد تقرير انا ما ادري وبعدها كل الابداع هذا يطلع منك

ماشالله تقرير ورحله موفقه...


الا بسألك اختي .. الحين انا لاحضت ان تنقلاتكم كانت كلها قطارات .. مدري قاصين السويس باس ولا كيف..؟؟

اختي ام مريم

:113::113::113:

ابداع ما شاء الله .. سجليني من المتابعين ..
و سؤالين على الماشي :
فندقكم في مونترو شنو اسمه بالانجليزي و فيه مكيف و لا لا ؟
من مونترو إلى زيرمات كم ساعة ؟

مشكورين كلكم على مشاركتكم لي في هذا التقرير
اخوي البكور والله اني احاول قد ما اقدر اني اطلع بشي زين ومنسق والحمدلله انه اعجبكم ...
اخي fsoly هي نعم كنا ماخذين السويس باس ل8أيام متتالية وبسعر 1250درهم لكل شخص فوق ال25سنة ...
عزيزتي أم بدور الفندق اسمه
eurotel riviera
montreux-switzerland - +41219662222
ترى الفندق روعة واطلالته ولا احلى وعندهم غرف مكيفة وغرف بدون تكييف انت تختارين شو تفضلين
نحن خذنا غرفة بدون تكييف دبل روم اطلالتها عجيبة على بحيرة ليمان ب280 فرنك سويسري
والمسافة من مونترو الى زيرمات ساعتين وخمسين دقيقة رايحين وساعتين وخمسين دقيقة راجعين...

لا لا لا انا زعلانة ونفسيتي تعبانة وخلاص ما بكمل التقرير وين تشجيعكم ......

تقريير مصور قمه في الروووعه ....كملي واحنا متابعينك ...

المشاركة الأصلية كتبت بواسطة أم مريم
http://www.arabtravelersforum.com/tr...5/#post1573915

لا لا لا انا زعلانة ونفسيتي تعبانة وخلاص ما بكمل التقرير وين تشجيعكم ......




مايهمج ياأم مريم تابعي ترانا معاج على طول:24:

تقرير بسيط وجميل:113:

أبو بدر

تقرير جميل وصور راااااااااائعه وبالاخص زرمات

وابنتاظر القاااااااااااااااااادم

صور رائعة والصراحة عذبتينا خاصة صور مونترو.
:x1::x1::x1::x1::x1::x1:

يالله وين الباقي

مرحبا .... وتحياتي لكم جميعا .... باذن الله باجر بوافيكم بالباقي .... وسامحوني على التأخير

الحمد لله على سلامتكم

يعطيج العاااااااااافية احنا عندنا مثل هالثلج بس لون ثاني!!!
ههههههههههههههه
مشكوووورة

في إنتظارج يالغلا

آه ياسويسرا
وانا اقول مثلك ياليتني اعيش فيها للأبد

مرحبا ....
اقول بوريان اكيد في غيرك بو ريان وايدين لكن في العرب المسافرون وفي انترلاكن ما اعتقد في غيرك على مستوى العرب .....
مشكورين كلكم على تشريفكم لي بزيارة موضوعي ...

بارك الله فيك اختي : ام مريم


تقرير رووعة و صور ولا أروع

كل التقرير روعه اختي أم مريم بس اكثر شيئين عجبوني مصنع الكاكاو والثلج :3: الله يقويج

مشكورين كلكم على المرور والتشجيع